أبغى مشورة من قلب مغتربات امركيا

سؤالك صعب والله ...يبي له تفكير...
الدراسة هنا ما فيه مثلها بصراحة والشهادة من الجامعات الامريكية لها وزنها ...لكن يبي لها مصاريف ما يقدر عليها غير الحكومة ( بعثة) او يكون الواحد ربي منعم عليه.
هو ممكن تطلع له بعثه اذا جاب معدل كويس...بس متى ؟ لي زميلة جننوها لحد ما طلعوا لها بعثه...ما حصلتها الا بعد سنتين وبالواسطة بعد أقصد درست سنتين على حسابها ..وفي هارفارد..في السنة 33 الف دولار !! يعني تأكدي من حكاية البعثة قبل ما تجون.
الشي الثاني ..نصيحتي لك ..( مجربة) شوفولكم ولاية تكون رخيصة ..ترا احسن لكم من الولايات الغالية.
الحياة هنا غالية كثير...يعني في الشهر مو اقل من 2000 دولار تعيشك ...من اجارات واكل وتليفون ونت ومواصلات....الخ ..وهذا وتكونين مره مره شاده على نفسك.
لا تنسين بعد التأمين الصحي اللي مره غالي ..يعني لو ما ان الملحق يدفع لنا ولا والله مستحيل نقدر عليه ...تجيك الفاتوره تروعك :)
ودي اقترح شي ..انا دايم اقول للبنات لاتخلون ازواجكم...بس انتم حالتكم غير.ليش ما يجي زوجك لحاله وهذا اوفر لكم بكثير ...يقدر يسكن بسكن الجامعة ولا يشارك شقة مع احد لحد ما يطلع البعثة وبعدين تجين انتي ؟ صعب؟ ادري ...الله يعين

ان شاء الله اكون افدتك ولا ضيقت صدرك :) بس لازم الواحد يحسب حساب كل شي ...
اقول لك هالحكي لاني شايفة طالب معنا توه جاي من ايران ...ماخذ قرض وهالك نفسه..يوم جا لقي الموضوع كبير ومصاريف وهلاك ..واشوفه قلبه مع توفير تكاليف الحياة لبيته ومو مع الدراسه ...زوجك ممكن يشتغل في الكلية شغلات بسيطه لانه ما معاه بكالوريوس ..لان طلاب الدراسات العليا مثلا ممكن يدرسون ويدفعون لهم مبالغ حلوه تساعد. بس طلاب الباكلوريوس ما ادري عنهم وش ممكن يتوفر لهم شغل.

انا مع الاخت منولة في كل ما قالته
الحياة هنا تتطلب مصاريف كثييييييييرة جدا.
حتى الموظف هنا براتب جيد لا يكمل الشهر الا بطلوع الروح فما بالك بطالب عليه ان يدفع تكاليف الدراسة+ الايجار+التامين الصحي+ فاتورة الماء و الكهرباء+لوازم الحياة اليومية من اكل و شرب و لبس......
خدي اقصر طريق و اتجهي الى السفارة الامريكية ببلدك و اسالي و ستعرفين الجواب بالتفصيل.

السلام عليكم
أختي قلب المرسى ـ والله إللي أشوفه إنج تحققين حلم زوجك ،، أنا عايشه في ولايه مب غاليه يعني نفس البلاد <<<< اللي تسمعها كانها هنديه
والجامعه بعد رخيصة...
دمتم

والله انا خايفة من القرار
وخايفة يروح الحالة ويخوني ررغم انه ملتزم بس انا موسوسة جدااااااااااااااااااااااااااااااا
فاعتقد اني بشك فيه والشك بيخليه يطلقني
ودي اروح معه وهو مصر على الذهاب وماأقول غلا الله يعين

اختي منال هل النساء هنالك بالجامعة يقطون نفسهم على الرجال ولا انا اتخيل ....
وكلها مبلغات ومخاوف
وجزاكم الله خير
وقاعدين نحاول نروح على حساب الحكومة

اختي فوا أي ولاية انتو عايشن وكيف الجامعة هناك

شوفي اختي
انا اعرف ان السفاره ما تقبل الطلب حق تقديم البعثه قبل لازم يخلص الطالب 30 كريدت او ساعه يعني تقريبا 10 مواد والطالب ما يقدر ياخذ اكثر من 6 مواد كل ترم هذا يعني ان يبيلكم على الأقل ترمين خصوصا انه زوجك متخرج من زمان وكان موضف وهمم يعطو بعثات من البدايه للمتخرجين حديثا فقط وايضا لازم تعرفين ان الجامعه لاصار الطالب متخرج من 5 سنوات يزيدون عليه مواد اضافيه
والسفاره ما تحسبها له ضمن ال 10 مواد المطلوبه
الماده الواحد متوسط تكلفتها مبلغ الفين دولار يعني 7 الفا وخمس مية
حسبه بسيطه
5 مواد تكلف 10 الاف دولار يعني 37 الف ريال
6 مواد تكلف 12 الف دولار يعني 43 الف وخمسية
السكن لشقه صغيره ورخيصه بمتوسطها لو كنتو بولايه عاديه بتطلع مابين 350 الى 500 دولار
سنه مابين 16 الف ريال إلى 22 الف ريال
مصاريفكم الشخصيه هذي تعتمد عليكم ب يعني حدود 150 الى 200 دولار كل شهر هذي فواتير مثلا تليفون + كهرب لو كنتو مقتصدين + وماء

7 إلى 10 الاف ريال فواتير

يعني مشاريكم الشخصيه واكلكم ماهو محسوب فيها
احسبي مصاريفكم بالسعوديه الشهريه وحاولي تحطين ببالك انها ممكن تكون اكثر منها

يعني ممكن تبتدي من 18 الف وانتي طالعه يعني لغاية 40 هذا االي ماسك حاله إلى متوسط
تامين صحي الزامي وطبعا انتم اثنين يعني المبلغ بيكون عالي لأن هذا يعني انهم يضمنونك حتى للولاده بالتامين وهذا طبعا يكلف كثير وهذا يعتمد على الشركه والولايه اللي بتاخذون منها والأشياء اللي يغطيها التأمين وطبعا حطي ببالك حدود ال 7 الاف ريال سنوي اكثر او اقل

النقل ايضا يحتاج مصاريف 2500
الكتب والمراجع 2000 الى 3500
تذاكر السفر حوالي 10 الاف ريال
الاشياء الطارئه سبحان الله الواحد ما يدري

حطي ببالك السنه تاخذ من 95 الف ريال كحد ادنى وتطلع إلى 138 الف ريال لمعدل العادي

واهم شي تعرفينه ان السفاره الأمريكيه والجامعات يطلبون من الواحد قبل لا يقدم على فيزه انه يجيب كشف حساب بنكي لمدت 6 شهور علشان يتاكدون انه يستطيع ماديا تحمل نفقات الدراسه برا وهذي راح تعيقك كثير لأني ما اعتدق 30 الف حتى واون كانت دولار بتقنعهم خصوصا ان زوجك متزوج وماهو ولد يمكن يكون طالع على حساب واهله

طبعا سفره لحاله راح يفرق لكن مااعتقد لحد عالي جدا

طبعا انا علشان تعرفين ما جبت الكلام هذا من عندي رحت وسألت لك زوجي وهو يعني يسألونه ناس كثير من السعوديه عن هالأشياء وويقولهم اذا ينفع على ميزانيتهم وخططهم ولا لأ
وكذا واحد يعلمهم كيف وكم يلزم

وطبعا قالي شي مهم
حصوله على الشهاده من برا ماراح يعني انه بيرجع بيخطفونه على الوظيفه السعوديه صار فيها ناس كثير دارسه برا ونسبت اللي يدرسون اعلى من بكالوريوس اصبحت كبيره يعني بعد فتره لما ترجع الاف الطلاب اللي راحت تدرس بيصير البكالوريوس زي الدبلوم الحين وكلنا ندري زمان شلون كان الدبلوم يسوى وله صنه ورنه.

وبعدين لاصارت الوظيفه مضمونه ومحترمه الحمد لله وبشركه مضمون انها ما تخسر وتسكر او تفلس او حتى تتغير بتغير ادارتها مثل ارامكو,
تخلي لو لاسمح الله ما مشى حالكم هناك عقب سنه او سنتين ماعتقد ارامكو بتضل ماسكه له وضيفته وحرام تروح عليه سنوات الخدمه.

اما فيه خيار ثاني وهو اللي عجبني لما قالي عنه زوجي

يقدر زوجك يحاول يكمل بكالوريوس او يبداها من جديد ك طالب مستمع بالسعوديه باي من الجامعات وهو ماسك وضيفته وحتى ايام االأختبارات يعطونه اجازه للأختبارات.
وطبعا ارامكو تعترف بهالشهاده وبيكون سوا الشي الكثير
وارامكو لا قدم الشهاده وهو يشتغل بتعطيهم حافز وبيكون مؤهل انه يطلب ابتعاث منهم حتى للماجستير واكيد يعطونه زي ما عطو غيره

انشالله تكون هالمعلومات افادتك وان كان احد عنده معلومات ادق ياليت يعقب على الكلام.


حلو انه زوجك يكون له حلم وطموح
واللي قاله لي زوجي ان ارامكو عمرها ما قصرت مع اللي يشتغلون فيها
كل ماشافو الواحد طموح وحريص على الشغل ومنضبط يرقونه ولو كانت شهادته ما تكفي انه يترقى يبعثونه ويعطونه دورات وغيره وغيره واحياننا يرسلونهم برا لمقراتهم بأمريكا وغيرهاّّ!!

حرام الواحد يرمي حياة مستقره ويغامر بكل شي اذا كان متزوج وعنده عائله على امل خفيف

لو كانت الحاله الماديه عندك كويس والفلوس ماهي مشكله بقولك الله يساعدك اما لو ماكانت على هالحال المظمون احسن.

اسال الله ان يوفقكم ويسهل عليكم اموركم و يعطيكم من خيره ما يرضيكم ويقنعكم.