أبغي أجدد في شكلي مين تساعدني ؟

السلام عليكم اختي ام خالد
حلو ان الوحده يكون عندها اهتمام بنفسها من اجل شريك حياتها مو بالضروري تنتظر زوجها يتذمرلان اعتقد كل رجال يحب التجديد والتغييروبصراحه اهنيك على حرصك
انا حابه اساعدك بصراحه بس انا مااعرف وش لون بشرتك علشان اقولك وش الالوان اللي تناسبها لصبغة الشعر
يعني حتى الالوان اللي دارجه حاليا وممكن تكون موضه تطلع ماتناسبك عشان كذا عزيزتي انصحك تروحين لصالون
فيه كوافيره عندها خبره في هذا المجال وهي تختار لك قصة شعر وصبغه تناسبك واكيد بيكون لك القرارواسألي عن صالون ممتازواذا انتي من الشارقه ترى كثير بنات امدحولي صالونات عندكم
وحاولي تهتمي بذوق زوجك يعني شو ممكن يحب واكيد ان تعرفين هالشي حتى بالملابس
اما عن الملابس
ممكن بناطيل برمودا جينز ويكون فيها نقوشات باالوان الربيع جدا روعه مع تي شيرت حلو وناعم لوكنتي بنفس ديرتي كان دليتك على محلات بس للاسف بس اكيد بتلاقي اشياء حلوه عندكم
وحاولي تعتمدي على الاشياء اللي تناسبك
بصراحه حاليا مايحضرني الكثير بس ان شاءالله لي عوده معك
تحياتي لك

:26: :26:

السلام عليكم

هلا فيك أم خالد

ماعندي شيء أزيدة على كلام أم الفزعه

مهم أنك تروحين لصالون ثقة ومضمون ، بحيث يختارون لك اللون والقصة المناسبة لك

جددي ثيابك .........اقصد كنوعة ثياااااااب شيء جديد

يعني تكوني

جديد X جديد

الله يسخر لك أبو العيال ، ويسعدك ويهنيك دنيا وآخرة

:)

أم الفزعه وهمسه
ما تقصرون حبايبي
المشكله عندي اني الصالونات اللي سرتها لين ألحين ما تسر في الشارقه صراحه اللي في دبي روعه لكن مشكله المشوار البعيد

قصي شعرك شلال هو اللي ماشي وحلو..
بس خلي خصلة شعرك اللي قدام طويله لتحت أذنك لاتصير أقل ترى مو حلو..

سوي هايلايت ثلجي فاتح..
يطلع شكلك يجنن خصوصاً لو لفيتي شعرك وخليتيه مموج..

روحي للسوق..
أشتري ترنقات رياضه ستريتش تلبسينها في البيت وقت الصباح

وكم بنطلونات جنز ورسميه للبيت..
خصوصاً اللي فيها فتحات وحركات ومخرمه..

أشتري كم بدي للبيت فيه أشياء مطرزة بترتر ناعم لماع..
وتجي حركات وموديلات عاريه تجنن مع البناطيل أو التنانير القصيره..

وكم تي شرت برضو سترتش أبتعدي عن الفضفاضه والواسعه..
ألبشي أشياء تبين أنوثتك..

أشتري كم تنوره للبيت قصيره تلبسينها وقت العصر والمغرب..

جيبي كم قميص نوم جديد بأشكال والوان ناعمه ومختلفه..
بس لاتصير ألوان فاقعه أو مبهرجه بزياده..

أشتري كم عقد تلبسينه في الرقبه اللي يجي فيه ورده صغيره
ويكون لاصق في الرقبه..يعطي أنوثه ورزه مع البناطيل وغيره..

أهتمي في نظافتك وهذا أهم شي..
لايشم ريحة ماتعجبه..
خليك متعطره أربع وعشرين ساعه..
بس الصباح فيه عطور ناعمه وخفيفه مثل طقم المسك من بودي شوب..

امممممممممم...:23:
وش بعد..:o؟؟

ألبسي صندل كشخه في البيت خليك أنثى ناعمه..
مو شبشب عادي حق بيت!!

أعتقد اللي قلت كفايه..وأتمنى يعجبك..

الله يوفقك..
فمان الله << مابغت تطلع:11:

ونه خفوق انت روعه وأفكارك تهبل
بس حبيت أعرف شو الهايلايت الثلجي كيف لونه ويمشي مع أي لون شعر يعني حتى الأسود
في مشكله حبيبتي أن ما أقدر ألبس على راحتي مع زوجي لأني مع أهله في البيت والي هم أخوانه الأولاد والخدامين وعندي في نص هالبيت غرفه بس يعني اذا بغيت أروح المطبخ لازم وقايه واللبس طبع مستور يعني أقدر آخذ راحتي بس بالليل وقت النوم يعني ما أقدر ألبس غير قمصان النوم متى الله يفرجها ويكون لي بيت مثل باقي البشر ادعي لي يا أختي الله يسمع منك ان شاء الله