أبيكم تبيضون وجهي بعد ما طاح من الدونات

السلام عليكم يا طباخات

اسمعوا قصتي يوم طاح وجهي من الدونات الله لا يوفقها ها الدونات
جاية من العمل مبسوطة بسوي دونات بالفرن لأن الدونات المقلية تجيبلي الغثه
دورت في النت طريقة الدونات بالفرن اللي نحطها في الصينية تبع الدونات مثل صينية الكب كيك
لأني متأكده أني شفتها قبل كده المهم ما حصلتها
و أدور في ها الأوراق لين حصلت طريقة دونات بالفرن و أقوم اصلحها
المهم بعد ما خمرتها فردتها وخليتها في الصينية على شان تخمر شوي المهم ما تحرك ساكن مثل ماهي حطيتها في الفرن نفس الشئ كأنها جماد ما تتحرك
خرجتها من الفرن وكانت أكبر مصيبة لا دونات ولا شئ
تعرفون الخبز اللي في الصحراء يدفنونة في الرمل طلعت مثلة من الخارج قاسية شوي يعني مو مره ومن الداخل فيها مثل القشرة طرية
أنا وجهي سار :30:

رحت من الشطارة رشيت عليها سكر :27:

الحمد لله إني ما قلت لأحد في البيت أنها دونات ولا كان طيحوا وجهي على طيحته

المهم طعم الخبز اللي صلحته كان مقبول نوعاً ما ( أو نسيت أقصد الدونات )

المهم بعد ها القصة الطويلة أبيكم يا طويلات العمر تبيضون وجهي و تعطوني طريقة دونات بالفرن سواء كان تنفرد أو تنحط في الصينية الخاصة لأني أشتريت ها الصواني على شان أعمل فيها الدونات


أدري إني قلبت روسكم

سؤال المسابقة كم مره قلت كلمة ( المهم ) في قصتي

دمتم لي