هلا. والله.

لقيت من يشابهني هلا والف هلا

شوفي الله عز وجل. قال. ( ان الله لا يغير ما بقوم حتى يغيروا ما بانفسهم).
من هنا النقطة الاولى.

التغيير لازم يكون داخلي. بعدين خارجي

تعقيب على كلامك. الناس يحبون. الي تلبس على الكتف والقصير. صراحة. غباء. منك. هالكلام ان كنتي مومنه. به
تدرين منهو الامعه. الي اذا احسن الناس احسن واذا أساء الناس أساء


والله جعل الناس كلهم ما حبوني. اذا بترك طاعة وأفكر برضاهم.

اذا تبين الناس تحبك. حبي رب الكون. وقدمي رضاه على الناس كلهم. حتى رضا الوالدين. الرسول صلى الله عليه وسلم قال لا طاعة لمخلوق بمعصية الخالق
اهم شي. ارضي. ربك. طبعون. العلي ما يرضيه وابعدي عن ما يكره. وخلي هذا همك الاول والأخير.

مهما طال الزمن أخرتنا حفرة. بتقابل ربنا بعدها.
رضا الله هو غايتي. خليه شعارك بالدنيا. وبتلقيين السعادة الأبدية

الي بيركض وراء رضا الناس. يتعب ويلقى بالأخير الإهانة والذل. الله لايذلنا. لاحد من عباده. امين


دايم عزي نفسك. وثقتك بنفسك خليها. مليون. بس بنفس الوقت ما يكون غرور. محاسبي نفسك من وقت لآخر وما تعملي الغلط

وخلك قوية برايك اذا كان صح وقياديا بامور بيتك الخاصة. والحياة الزوجية. مشاركة اما انك تقودي الرجال ما تقدرين. لا ن الرجال ما يحب المرة المتسلطة. الي تلغيه. والقيادة بامر الزوج. اصلا

لكن تشاركين. باموركم الخاصة وتتناقشين فيها

وما يحب الزوجة الضعيفة السلبية يحب الزوجة الذكية القوية المحاورة. ولازم الزوجة تتصف بالصفات هذي علشان. تنظم امور بيتها وزوجها وعيالها. بس التسلط مو حلو ابد. وأي انسان ما يحبه.


وشوي. شوي. زيدي جرعات القوة عندك. يعني عندي. مثل. هههههه. بس هذى الي درى علي. لو سيارتكم نقصت بنزين. ما تقدرين تتحركون. لكن كلما زدني البنزين. وصار فل. قدرتي تروحين وتجين وانتي مطمنه


يعني زي كذا يوم ورى يوم زيدي جرعات القوة عندك.
خلي عندك ثقافة واسعة بكل شي وطوري من نفسك وغيري من نبرة صوتك. ونظرتك لنفسك. ونوعي واهتمي بذاتك. بس بنفس الوقت ابعدي عن الغرور والتكبر. وصفات المذمومة
والبسي وتكشخي بحدود امكانياتك ومو كل يوم فوفرت بالسوق والمشاغل على الفاضي. حسب احتياجك.


وخلك إيجابية دوم. متفاءلة. ايمانك بالله قوي ولا تذكرين نفسك بسوء. للعكس. كرري. الشي الايجابي وطوري ذاتك
ولا تتنازلين عن قيم. ومبادئ دينية علشان احد مهما صار لبس قصير بالمرة. وغيره الحلال بين. والحرام بين


يعني. تشوفين كثير تحف حواجبها. وهي راضعة الدين من الصغر. وأتوقع ما فيه احد عندنا بالسعودية ما يعرف حكم النمص. الا تساهل بامر منهي عنه. وهو لعن. وطرد من رحمة الله بس هوى النفس والتقليد.

قال تعالى. بمعنى الآية.( أفمن اتخذ الهه. هواه)

حطي همك رضا الله دايم.

جددي وغيري تفكيرك. وطوريه ووسعي افاقك. جددي مع زوجك من وقت لآخر


واقري بكتب. التطوير. بنصحك بكتاب القوة المطلقة لجيمس بمكتبة جرير. كتاب ممتع جداً جداً

وان شاء الله يكون لك بصمة بهالدنيا. اتركي اثرها. لمن بعدك وتكون بصمة خير. ترضى رب العباد وتنفع. مجتمعك. والله الموفق


الناس تتأثر ببعض وتسوي بعض الاحيان اشياء تقليد فقط خلك. دوم المؤثرة على من حولك وخلي غيرك يتاثر بالواقع والخير منك



على التعب هذا. طمعانة. بدعوة


الله يرزقني الوظيفة الحكومية هالسنة واتوفق ويجعلها ربي خير على ويفرج همي ويسعدني بالدنيا والآخرة


بس ابيهالدعوه من اعماق. اعماق. اعماق قلبك :39: 

خبيبتي سمعتي بالمثل اللي يقول أبو نية يغلب أبو نيتين و أنت لا تقصري ع نفسك باللبس الساتر الجميل و حجابك و سترك لا تفكري إنها تنقص من قدرك بالعكس خليك مع الله ييسر لك جميع أمورك و عليك بالدورات و أنت ف بيتك من النت و الله يوفقك

استغفري وصلي قيام الليل سبحان الله اللي يقوم الليل يصير له مهابه ورزه كيف لا وهو قائم لله ملك السموات والارض

خليك على طبيعتك والله بيرزقك على نيتك

والله حسيتك تتكلمي عني تمام
انا مثلك علي نياتي وبصراحه احس حقي مهضوم لا من زوجي واهله ولا من المدرسات
احس الكل يستغبيني علشاني طيبه
بس تدرين بعض الاحيان احس ان الله يعطيني علي قد نيتي مع انه في بعض الاحيان اتمني اكون انسانه قويه او حتي خبيثه
بس ارجع واقول الله رازقني علي قد نيتي
فنصيحه خليكي علي نياتك صدقيني اخرتها تفرج لكي وانتي ماتدرين