أبي رايكم وبكل صراحه.....وش الحل؟؟؟؟؟؟؟

عزيزاتي بنات حواء
السلام عليكم ورحمة الله وبركاته
أبي أطرح عليكم هالمشكله الي لها شهر تقريبا مضايقتني وشاغله بالي وعجزت القى لها حل
فقلت مالي بعد الله غير بنات حواء يساعدوني
لي صديقه عزيزه على مره ومالي غيرها هي مستودع اسراري وياما وقفت جنبي وبصراحه ما اقدر أوصف علاقتنا الطيبه ولها معزه في قلبي لا توصف
المشكله انها تشره على كثير يعني تعاتبني على كل كبيره وصغيره أحس منها بضغط مو طبيعي عجزت وأنا أبرر لها وأشرح لها وضعي بكل صدق لكنها مارضت تقتنع وترضى تحسب اني أصرفها أو اتحجج بحجج واهيه والي قاهرني ان الطبع هذا ماطلع الا في الفتره الأخيره وماأدري كيف اتعامل معه بصراحه مليت ولاعندي استعداد اخسرها
يعني وش الحل مع الناس الي زي كذا..المشكله معلقه للحين والبنت تزيد شرهتها ويزيد عتابها يوم بعد يوم وعلى أتفه الأسباب وانا مدري وش أسوي أخاف افقد اعصابي في يوم من الأيام واقول كلام مايرضيها وأخسرها لأني أكره هالطبع وحاسه بضغط كبير بسببه.
أنا مع العتاب اللطيف الخفيف لكن الي زي كذا لايحتمل..

تكفون قولوا لي وش الحل أنا مالي غيرها ومعزتها لازالت في قلبي وبتظل ان شاء الله..