راااجعه بعد شوي اكتبي اللي بقلبك

انتظرك ولك ان شاء الله اريحك باللي اقدر عليه

الله يبشرك بالجنه

احلى خبر سمعته والله اقشعر جلدي من الفرحه

الله يثبتك الله يثبتك الله يثبتك

ولن تصيبك مصيبه بحول الله وقوته

وادعي اللهم اني اعوذ بك من زوال نعمتك وتحول عافيتك وفجاة نقمتك وجميع سخطك

تدرين يا حبيبتهم اللي كان دايما يبعدني عن الحجاب اقول ها زوجي الحين يطالع هدي وهديك ويتحلى عليهم بس انا فكرت الحين وقلت جديه راح يطالع وجديه راح يطالع كل الرياييل اعيونهم زايقه وانا لمتى جديه وشنو اخرتها العريب انه هدي الفكره كانت ما تطري علي وانا في شقتي القديمه والحين لما انتقلت للبيت الجديد ما ادري شنو صار كرهت المعاصي وكل شي يغضب ربي بس تدرين يا حبيبتهم خسرت كل صديقاتي مع انهم كلهم محجبات ومنقبات خسرتهم من انتقلت للبيت الجديد الحين مالي أحد لا صديقات ولا خوات ولا أم ولا أب
انا وزوجي وعيالي بس من جديه يا حبيبتهم اخاف عليهم من نسمة الهوا
تكفين يا حبيبتهم انتو وخواتي ادعولي انه ربي يثبتني على اللي انا فيه ويخليلي زوجي وعيالي يمكن انتو الصالحات ربي يتقبل دعائكم ابسرعه
تدرين الحين شنو يجي على بالي اقول يمكن ساعة موتي قربت من جديه انا كرهت ل شي
بس لا يا ربي انا عندي بنت وحيده بين اولاد ومريضة بالكلى لو انا صار لي شي منو راح يجابلها
ما ابي بنتي تحس بالوحده اللي انا حاستها من يوم عمري خمس سنوات
طبعها نفسي كتومه وخوافه ويمكن لو تتعرض لأي مشكله تكتم وانا بس اللي اعرف لها من اعيونها
والله يا حبيبتهم انه اعيوني كلها ادموع وانا اكتب لج بس شسوي منو اكلم ومنو اسولف له ما عندي احد وهدا ربي سامع وشايف وحاس فيني
الحين ما ابي جمال ولا مال ولا شي ابي ربي يعغرلي كل دنوبي ويخليني لعيالي انا وزوجي

اهلا بك ياغاليه سأصلي الفجر وارجع لك

نحن اخواتك ونحن امك وابوك ومن تريدين مادمنا صحبه صالحه سيبارك لك فيها ويعوضك الخير بإذن الله

المنتدى فيه من البنات الطيبات بشكل لاتتخيلينه

بإذن الله لن انام الا وقد ارحتك

اسعدك ربي وثبتك

قصتي طويله يا حبيبتهم وما ابي اضايج أحد بس تدرين ليش قاعده اكتب يمكن دعوه صالحه من وحده فيكم تدعيلي وربي يستجيب لدعائها وهدا ادان الفجر قاعد يأدن وبروح اصلي
تكفون يا بنات مو ضروري تردون علي بس ابي كل وحده تقرا قصتي تعيلي بقلبها انه ربي يهديني ويحببني بالحجاب ويشافي بنتي ويخليلي زوجي وعيالي

ماشاءالله عليهم البنات كلامهم مثل البلسم الله يجزاهم كل خير يارب
حبيبتي ماراح أضيف شي على كلام الأخوات لأنهم كفو ووفو كل اللي راح أقوله لك الله يهديكي ويثبتك على الهدايه ويحميكي ويحفظك انتي وعيلتك من كل شر يارب العالمين