لا ياحبيبتي مافيك اللي العافيه بس هذا طريق الشيطان يبغي يبعدك عن الدين لاتعطينه فرصه واحمدي ربك انك صحيتي من الغفله قبل الموت وهذي اكبر نعمه ولاتقولين ييصير لي مصياب اصلان كل شي مكتوب لك وانتي في بطن امك وش راح يصير لك والمصيبه ممكن تكون خيره لك علشان تكفري فيها ذنوبك اللي راحت ممكن تكون ابتلا هل تصبرين وتتمسكين في الدين او لا ولاتقولين بتحجب لا اللبسي النقاب على طول من دون تفكير واحتسبي الاجر وعلى طول شغلى القران في البيت وممكن ولدك الصغير تشغلي عنده سورة البقره طول ماهو نايم ممكن تحمليها في الجوال وتخليها تكرار لحد مايصحي وسجلي في دار تحفيظ وراح تلقي الصحبه الصالحه واسمعي محاضرات كثير ممكن تلقيها في النت او مسجد اوالتلفزيون المهم تتوبي توبه صادقه وتبدي في مجاهدت نفسك ومجاهدت الشيطان والطريق مارح يكون مفروش ورد لازم راح يكون فيه شوك بس با الايمان تتخطي هذا الشوك والجنه ثمنها غالي فا الحمدلله انك بديتي تمشي في طريق الوصول اليها وحافضي على اذكار الصباح والمساء وكوني متفاله وتوكلي على الله وحطي في راسك الحديث انه لو اجتمعت الجن والانس على ان يضروك بشي لان يضروك الا بشئ كتابه الله عليك ولو اجتمعت الجن والانس على ان ينفعوك بشي لن ينفعوك بشئ الاقد كتابه الله لك رافعت الاقلام وجفت الصحف يعني لازم تعيشي يومك وبس وتنسي المستقبل لانه مكتوب لك وماراح يتغير مهم سويتي ولاتروحي للسوق الا للضروره لانه مكان الشيطين ودئما رددي يا مقلوب القلوب والابصار ثبت قلبي على دينك

والله با اختي انا الحين الحمد لله ما اروح لسوق الا للضروره لأني اصلا كرهت الروحه كل ما اروح ارجع متهاوشه مع زوجي انتا طالعت هدي وانتا طالعت هدي وانا كنت اول اقول لالالا ما اتحجب علشان مايطالع غيري والله انه كلام غلط في غلط الرجال متحجبه والا مو متحجبه يطالع غيري يطالع غيري فليش ما اتحجب ابرك وانا قلت اتحجب الحين يمكن احسن لأني في عز شبابي احسن من باجر اصير عجوز واتحجب احس اني جديه ربي يآجرني اكثر

والنقاب ما ادري صعبه اني البسه على طول صدقيني ما راح اقدر انا خليته حق الأماكن اللي فيها وايد ناس وزحمه حيل مثل السوق الشعبي عندنا والجميات وغيره
بس ادعيلي بالأول انه ربي يحببني حيل بالحجاب وابعد هالوساوس عني
تدرين والله يا اختي اني اليوم قعدت اضحك مع زوجي بس من كثر ما خفت قمت من المكان وقلت لالالا بيني وبين نفسي خلاص الضحك الزايد هدا وراه شر
هدا طبعي وحتى عيالي انطبعت فيهم هالفكرة وانا السبب لما يضحكون ويد يقولون الله يستر من باكر
وانا اقول لج الله يستر من باجر
يا حي يا قيوم رحمتك استغيث

الله يرفع عنك وعن عايلتك كل شر وأذى وصفي نيتك معالله واكثري الدعاء بالثبات وحاولي لختيانك تصلين قيام الليل لو ركعه واحده بعد صلاة العشاء ترى قيام الليل يثبت الانسان على دينه واذا كنتي صاحيه الضحى صلي ما تيسر حافظي على الاذكار واستعيني بالله ترى الشيطان بيوسوسلك بسخليكي اقوى منه وجاهدي نفسك عن المعاصي وخاصه الاغاني تراها تموت القلب والله يحفظ عيالك وبيتك وزوجك
ام من ناحية الصديقات للاسف انك ما تكشفين غدرهم الا بعدين وترانا هنا كلنا خواتك صديقاتك والله يرزقك بالصحبه الصالحه من جيران قوي ايمانك بالله واستعيذي من الشيطان وادعي الله بكل سجده

الله يثبتك يااااااااااااااارب ويهديك

الله يجزاكم خير بالنسبه للصديقات والله ولا وحه تطق بابي الحين كلهم بسبب الغيره والحسد
امجابله بيتي وعيالي
وبالنسبه للأغاني وييييييييييييييييييييييييييييه شاخباري كرهتهم من سنتين كره العمى حتى زوجي يقول منو يصدق انك انتي تكرهين الأغاني؟؟؟؟؟؟؟؟؟؟؟؟ظ
الحين الله بلاني بعيالي والاغاني الانجليزيه بس انا وراهم وراهم دايما اقول لهم حرام ودايما امسح الاغاني اللي عندهم وحتى اهما يقولون يمه اشفيج فجأة صرتي جديه انتي استانستي خلينا احنا بعد
والله ساعات يا بنات ما ادري شقول وساعات ابكي بكي وانهار لأنه انا وابوهم السبب ما كنا لهم قدوه وخاصة انا فأرد وقولهم انا كفاية شايله دنوبي ما ابي اتحمل ادنوبكم بعد انا ربي راح يسألني عنكم
وانتوا توكم صغار حرام تبدأون حياتكم ابسيئات مثل ما انا بديت
تدرون يا بنات اني ابتديت احس اني على غلط شوي وشوي وما احب نضرة الرجال الوصخه لي متى؟؟؟؟يمكن راح تتعجبون
من ولدت بنتي من ثمان سنوات
قبل ما اولدها كنت البس القصي والضيق والحفر والبناطيل وكل اللي يطري ببالي وببالكم وسبحان الله من بعد ما جبت بنتي حسيت اني لازم اكون قدوه لهالبنت وبيت البس على شوي اشوي الطويل لحد ما وصلت للي انا فيه اليوم
حتى بنتي اخاف البسها القصير والضيق وجدام اخوانها البسها واسع مع انه عمرها 8 سنوات بس الخوف والشك بقلبي من وانا صغيره لأني بهالسن تعرضت لمشاكل وكنت اخاف اسولف لأمي عنها من جديه قاعده ازرع فيها حب الحجاب من الحين وانها ما تسمع اغاني تسمع اناشيد واشياء حلوه
والله سوالفي وايده يا بنات ازعجتكم معاي