المشكله عوير اخو زوير
مانشقت بس تخر

ماحوم تسبدي الا هالمتزوج يبي يجدع بتسبدك 4 بزران اذا امهم هجت
وشدخلك فيهم والله العظيم اني يالله قايمه ب3 من لحمي ومن بطني قسم بالله تجيني اوقات كثيره يطلعون الواحدمن طوره وهم عيالي وشلون لو صاروا عيال حرمه غيري وعووووه

البزارين صعبين حيل وهم عيالك
والارمل الاخ نفسيه وراح ينفس عليك لا منتي بايره عشان ترمين نفسك تحت مطحنه اذا زوجته الله ريحها منه وماتت انتي لو اخذتيه ونفس كل شوي عليك وشلون ترتاحين
ولا لاجاب لك عياله وجبرك عليهم هذا القبح

ايه تتزوجين متزوج جعلك مو الثانيه الا الثالثه او الرابعه له بس ماتاخذين عيال غيرك تربينهم ويقعدون عندك اذا امهم عايشه يقعدون عندها
انتي لك الحريه انك تعيشين لعيالك اللي من لحمك مو تعيشين لعيال حرمه ثانيه
المتزوج قوليله على بلاطه مالي دخل بعيااااالك اذا زعلت امهم يروحون عندها مو يجون عندي عشان هو يدبر نفسه الاخ ماتعدد سابقاً ماندري عن العدل عنده كيف
لاتسمعين مدح الناس عنه هم ماتزوجوه هالناس اللي يمدحونه مايبين خبايا الرجال الا حاريمهم مو رجال يمدحون رجال
شوفي اللي هنا بالقسم المتزوجات اللي سكير واللي راعي مخدرات واللي راحي مغازل تراهم سالين قبل يتزوجون والكل مدحهم من تعمق في الرجال الزوجه وتنصدم بعد الزواج بالبلاوي اللي يسويها
وكم زوجه ثانيه هنا مظلومه اغلبها من الرجااااال مو من زوجته الاولى السبب الزوج فير عادل وظالم مايعدل
وهذاه هالمتزوج قالها لك ببلاطه انتي ترعين عيالي اذا هجت حرمته
خييييييير شغاله عند اللي خلفوووووك تزعل حرمته تدور حاضنه عشان انت تستانس بس وانا ابلش بذرك عساك ماتذر

قهررررر هالرجال اهم ماعليه راحته ووناسته ويفل امها

اختي تزوجي متزوج بس حطيها بوجهه قبل الموافقه (عيالك) مالي دخل فيهم ولا يجون عندي
عشان يرتب اموره ويفكر زين يكلم زوجته ويقولها ابتزوج انتي من هالحين واذا يبي ياخذ عياله من زوجته الاولى يدور له وحده تضف له عياله وتتحمل غثاهم ويشاركونها بيتها

مانصحك بعيال غيرك امهم حيه يعيشون مع امهم

الارمل الحسنة الوحيدة ما عنده زوجة

والمتزوج عيبه الوحيد عنده زوجة

اذا عندك رغبة بالزواج أستخيري أفضل لك

الارمل اسالوا الرجال عنه . ما تدري عن طبيعة علاقته ببنت اخته اذا كويسه بتمدد فيه واذا مو حلوه او بينهم مشاكل تحاول تبعده عنك ويمكن كمان تبغى تكون حيادية . والمتزوج ممكن الله منعم عليه ويبغى يتزوج مو شرط فيه سبب متعلق بزوجته . وكمان اسالوا عنه من أقارب زوجته . لا تخلي الطلاق يجبرك على اي شخص مو مقتنعة فيه .

الله يوفقك وييسر امرك

استخيري
والارمل شيليه من القائمة

كلهم يخوفون الاول يضرب ويمكن اخذ درس والثاني بايع ام اعياله واضح من البدايه يعني سحب على ام اعياله وهولسى خاطب هذا ينخاف منه الله يكون بعونك اختيار صعب

أنا لفت نظري في اغلب الردود يكتبون المتزوج رح يكون ليله عندك وليله عند زوجته الأولى اذا غيرتك قويه وبتقدري تتحكمي فيها وافقي
يعني كيف اذا غيرتك بتتحكمي فيها ما البنت اللي بتتزوج متزوج عارفه وما الها حق تغار من هالشي ولا تفكر فيه من الأصل
بالعكس المفروض ماتفكر الا بنفسها وبس وتنسى التانيه وتطلب من رب العالمين انو يكون هالشخص عادل ورحيم بالتنتين
عجبي من بعض الردود ومن التفكير الشيطاني
أما بالنسبه لك يا أختي أنا بشوف إنو المتزوج مناسب لك من حيث العمر ومقتدر ماديا