جزاكم الله خير على الافكار الرائعه التي توفر الجهد والوقت والمال
فكرتي اني الف على علبة الزيت سواء زيت زيتون او الزيت العادي
قريب من الغطا مناديل واربطه بمطاط عشان المنديل يمتص الزيت عند الاستخدام
ولا يسيل على العلبه
قبل رمضان اجمع اكياس الدقيق وكراتين الشبس والشاي واحفضها
واستخدمها للمقالي لي تمتص الزيت
هذي استخدمها في المطبخ اخذ علبة التي كانت للقشطه واغسلها
وبعد ما اخلص من الطبخ احطها فيها قليل من البخور على الفرن واولع عليه
اقل من دقيقه ومخصصه علبة بخور احطها في المطبخ ويكون البخور من النوع
الرخيص اهم شي تكون رائحته جيده وفيه نوع اسمه شناصري اخلط معه انواع اخرى

هذا الي يحضرني الان
[

ماشاء الله عليكم يابنات أفكاركم مرة حلوة لدرجة أني مخلية الموضوع في المفضلة
وأرجع له بين فترة وأخرى علشان أشوف الجديد
جزاكم الله كل خير وخاصة صاحبة الموضوع
وودي أفيدكم بشي مثل ماأستفدت منكم ..
بس وش عندييييييي .....مممممممم ....
إيه تذكرت ...........
1- إذا جيتي تفرزنين اللحم حاولي تضغطين على الكيس الين يصير رقييييق علشان يذوب بسرعة .
2- عندي في الحمام الله يكرمكم حاطة ( شبكين ) مدري وش تسمونه اللي يحمل الأغراض واحد قريب من الدش فيه الشامبو والليفة.... إلخ والثاني فوق غسالة الملابس للصابون والكلوركس واللي أحتاجه في غسل الملابس .
3- بالنسبة للقهوة لأننا نشربها يوميا وكل يوم أخليها تطبخ نصف ساعة أو أكثر علشان الطعم بيكون أحسن كل مازادت مدة الطبخ فصرت أسوي حق يومين أو ثلاثة بس أهم شي لاتحطين الهيل إلا في حقة اليوم بس لأنه يخرب القهوة في اليوم الثاني وكمان لاتحطين حليب فيها لأنه كمان يخربها إذا باتت لكن استعملي مبيض القهوة أحسن أو حطي الحليب في حقت اليوم بس والباقي ثلجيه وطلعيه قبل الاستخدام بوقت كافي .
4- علبة الزيت خصصي لها صحن ولو بلاستيك تحطيها فيه علشان ماتوسخ أرضية الدولاب وفكرة المناديل اللي قالت عليها أحد الأخوات حلوة .
هذا اللي يحضرني أتمنى يفيدكم وإذا تذكرت شي بقوله إن شاء الله

بارك الله في جهود الاخوااات ماقصرو
وحده من الاخوات والله مااذكر اسمها استفدت من طريقتها جزاها الله خير وهي ان اخذ علبة الكمفورت بعد مايخلص احط فيها العملاق وكلوركس والباقي مااء واخليها بالحمام اعزكم الله وبدل ما اشيل العده كلها هذي تنغنيني عنهم لما اجي اغسله

ماشاء الله تبارك الله
يعطيك الف عافيه

السلام عليكم
فكرت تجليد السجاد اعجبتني جداً خصوصا وانا استخدم النايلون الشفاف اللي يباع بالمثتر واقوم بتغطيت السجاد وتلصيقه وانا تحديداً استخدمها للموكيت

شكرا لك