يابنت الحلال انتِ ماشاااااء الله عليكِ .. تحاولين تتعدين كل الخطوط الحمراء اللي كتبها علينا المجتمع ..

احنا البنت لولد عمها .. لو ( تقطن ) ماتروح لغيره .. واذا اهلها متطورين شوي طلعوها لواحد من قبيلتها ..
واذا متطورين اكثر لقبيلة قريبة .. واذا اكثر واكثر قبيلة بعيدة ..

وانتِ تبين من جنسية ثانية ؟!
هذا يمكن بعد مئة سنة يتقبله مجتمعنا :(

والمصيبة اننا من صغرنا متشربين سنة الرسول ( اذا جاءكم من ترضون دينه وخلقه فزوجوه الا تفعلوا تكن فتنة في الأرض وفساد كبير )

لقد أسمعت لو ناديت حيا .. ولكن لاحياة لمن تنادي !!

عليكِ بالدعاء .. وماراح تاخذين الا اللي رب العالمين كاتبه لكِ :26:

عن نفسي لا اقبل ولا اهلي ولا مجتمعي يقبل وليس الرفض انتقاصا من الرجل لانه من غير جنسيه والعياذ بالله فاهم شئ ان يكون صاحب دين واخلاق ولكن العادات والتقاليد والغربه في مكان اخر
احنا ما صدقنا يخلصونه من ابن العم نقوم ناخذ غريب ,,,,,, صعبه جدا
عدنا مثل بالعراق يقول
اللي ما ياخذ من ملته يموت بعلته

الصراحة رغم ان المجتمع و العادات و التقاليد ترفض هالشيء ..انا اشوف انه مافيها شي ..
سبحان الله القرآن و السنة يحللون هالشي بس العادات تحرمة و تعيب بعد!!!!
اهم شي الدين و الاخلاق و التربية و التعليم والاصل (ولد ناس يعني اتعرفون عن اصله و فصله) .. و لازم يكون واحد عارفينه عدل عدل ..

و بعدين الدول العربية عل العموم عاداتهم تتشابه من عدة نواحي ..الاخلاق و المبادئ و التعليم هي نفسها بس اللي يختلف الاسلوب المعيشي و العادات.. بس لو تلاحظون مافي دولة عربية ماعندها هالتقسيم (البدو,الحضر,هل البحر,القرويين...) اللي عندة اخلاق و تربية وتعليم تحصلينه يعامل الناس سواسية سواء في بلاده و لا غير بلاده .. بالتربية و الاخلاق والتعليم يفرض احترامه على الكل ..
حرام الصراحة ينرفض ريال ما عليه كلام عشان جنسيته .. مرات تاخذين وواحد منج وفيج بس لا في تفاهم و لا ود .. بس الانفصال صعب و مستحيل ,, على الاقل الغريب اذا مافي ود و لا انسجام الانفصال يكون سهل ..

وعل العموم الانسان بطبيعته يقدر يتطبع .. اما عن البعد عن الاهل .. الواحد او الوحدة يوم تتزوج خلاص حياتها مسخره لزوجها وعيالها انتقلت لاسرة ثانية وعالمها الخاص فيها سواء كنت لاصقة في اهلج و لا بعيدة عنهم ..
والله يخلي و سائل الاتصالات المتطورة ماله داعي اتكلم عنها كيف صارت سهله جدااااااا
..و اللي عنده اصل ماينسى هله لو وين ماكان..
انا مااعارض زواج الاقارب .. بس لو تقدم واحد من جنسية ثانية و ماينعاب ..ماينرفض هذا نصيب..
واذا الله رزقني بعيال ..ماامانع يتزوجون من جنسية مختلفة .. (عربية مسلمة) :)
هذا رأي الشخصي ..

يعتمد على تقبل العائلة واعرافها وتقاليدها
بالنسبة لي شخصيا وللنجديات عموما اللي تفكر توافق على هالشيء تحل عليها لعنة العائلة
عموما بغض النظر عن نظرة العائلة لا اؤيد الموافقه لان ختلاف الجنسية يعني عادات مختلفة تقاليد مختلفة ربما طريقة حياة مختلفه يعني يعني قد لايوجد توافق

يبدو لي ان اهل جدة اكثر مرونة في هذه المسألة
ومن كلامك اهلك كانوا موافقين يعني مارفضوا الموضوع بشكل قاطع
حاولي اقناعهم اذا كنتي ترين انه صاحب دين وخلق عالي وان كفؤ الى درجة تستحق انك تحاولين اقناع اهلك وتصممين عليه

وفقك الله:26:

السلام عليكم ورحمة الله وبركاته
أشكر جميع من شارك وتفاعل معي
نعنوعة الكويت
محبوبة الشاعر
الشباصة الذهبية
شذى السوسن
أنهار الدموع
نسائم الإيمان
عيوشة
ضيء الصباح
مشاعل الرياض

رأيي في هذا الموضوع أهم من كل شيء الدين والخلق وكثير من الأستخارة خاصة للبنات لأنهم قاعدين ينتظرون نصيبهم.

لكن لنفرض أن كل الذين تقدموا للفتاة من غير جنسيتها او يكونوا غير مناسبين لها من حيث الدين والخلق فترفضهم هل إذا تقدم بها العمر ستقبل بأي شخص لمجرد أنه من جنسيتها ؟

وأنا على فكرة لست قبلية وأهلي طبعاً( أبي وأخي ) شرطهم الأساسي أنه يحمل الجنسية التي احملها بعد ذلك ينظروا للدين والخلق وغيرها.

ورغم أني أعلم علم اليقين أنني لن آخذ سوى نصيبي لكن أريد أن يأخذوا برايي ويناقشوني ياأقنعهم يا يقنعوني فهذه حياتي أولاً وآخراً وأكثر شيء أكرهه أن يفرض علي راي غير مقتنعه به .


أختي ضيء الصباح معك في كل ماقولته.

أختي مشاعل الرياض أهلي فعلاً كانوا موافقين بعد اصرار مني لكن وقت الجد قامت القيامة .