ايش جنسيته الخاطب؟

السلام عليكم ورحمة الله
أختي كلامي هذا عن تجربة لأنني سعودية متزوجة من دولة عربية

متزوجة لي ست سنوات, وحياتي من أجمل ما تكون ولله الحمد المهم الأتفاق بينكما والتفاهم وتقدير كل منكما للآخر
لا أكذبك القول أننا في بداية مشوارنا كانت هناك خلافات بيننا نظرا لاختلافات العادات والتقاليد ولكن كنا دائما نتوصل إلى حل يرضي الطرفين بالتفاهم والتراضي

علاقة زوجي بأهلي علاقة جيدة بل ممتازة والله إن أبي يطلب من زوجي القيام بأعمال له كما يطلبها من أخي وكأن زوجي الإبن الثالث له وأدعو الله أن تستمر العلاقة بهذا الشكل

المهم يا أختي أن تختاري الرجل الصالح الذي يخاف الله في معاملتك ويحافظ على بيته ولا يهم حينها إن كان من جنسيتك أم لا ، المهم أن تطمئني بأنك ستكونين مكرمة عنده والله يوفقك لما فيه الخير

الأهم هو الإستخارة والتوكل على الله

انا ارفض و بشده .. لان عسى المرأه تحصل على حقوقها كامله و هي في بلدها لو لا سمح الله حصل طلاق .. موب عاد تروح و تتمرمط بين عدة انظمه و قوانين بعضها ما انزل الله بها من سلطان ..
المرأه تتزوج في بلدها و اهلها عندها .. و تجدين من تضام اشد الضيم و القانون في صف زوجها .. كيف اجل اذا كانت بغير بلدها !!!!
هذا غير انك راح تكونين من جنسيه و اطفالك من جنسيه ثانيه .. و غالبا الاطفال يتبعون الاب .. فهل تتحملين لو لا سمح الله صار فيه طلاق انك تكونين في بلد و هم في بلد .. اكيد .. بس انت لين الحين ما جربتي عاطفه الامومه .. و لو لا سمح الله توفي الزوج .. وش راح يصير فيك .. تكلمين عيشتك في بلده ؟؟؟ انت ووالادك و تصيرين غريبه و تدخلين و تطلعين بفيزا هذا اذا ما احتجتي احد يكفلك .. و لا تنقلين عيالك معك لبدك و يصيرون عيالك ضايعين بين هويتهم و جنسيتهم ... و يعاملون معاملة الاجانب في بلدك ..
اختي الحياة الزوجيه حياة كامله بحلوها و مرها .. و لا تقولين انا غير اعرف احل مشاكلي .. انا عاقله و ما راح اتطلق لانه مو دائما المرأه هي المسؤوله عن الطلاق .. حال الدنيا كله يغير في يوم و الليله .. كيف نفسيه الانسان اجل و طباعه ..

هذا رأئي و الله اعلم

و الله الموضوع نسبي ..
(اهم شيء الاصل و الفصل او بالاحرى القبيــلـــــــه )
وبعدين الدين و بعدين الجنسيه (حسب التقسيمه الموجوده عند الأغلب)..
و في ناس عندهم معارف و أهل كثير (بالسعوديه بالاخص) و (بالخليج بالاعم ) و متزوجين من بعض ..
و هم بعد في قبائل .. بعض ابناءها ماخذ الجنسيه و بعضهم لا
(اما ما عنده جنسيه او ماخذ جنسيه أخرى و لكنه بالاصل قبلي و عارفينه الناس) ..
فهذي العينه مافي بأس انهم يعطونهم (بنظرتهم طبعا )
....
و لكني أرى أن (اذا جاءكم من ترضون خلقه و دينه فزوجوه )
و لكنها عادات و تقاليد مقيدين بها :13:
موضوع جيــّــد للنقاش أشكرك عليه :)
:26: :26: :26:

muznah
ألم الدموع
مهى
محبوبة الشاعر
حبيبة أبوها
غالية
huda-abc
الهندية
الحب في الله
الغالية بالحيل
أشكركم جميعاً أخواتي أستفدت كثيراً من كل كلمة وأن شاء الله ربنا يوفقكم ويسعدكم دنيا وآخرة .