اكثري من الاستغفار تبني ولد من الدار يكون لك ولة ارضعية من اختك اواخوك وحاولو بالعلاج انا سمعت عن وصفة للعقم اليهي لقاح النخيل

اصبري اختي ....
الله كريم .....
ادعي ان الله يرزقك الذرية الصالحة .......
ولا تقولي لأمك على كلام عمتك عشان ما تصير مشكلة كبيرة .....
مع التحية ....

الله يرزقك الذريه الصالحه
ويخليك لزوجك ويخليه لك
لاجل عين تكرم مدينه
هو وقف في وجه امه عشانك ماتقدرين انتي تضغطين على نفسك وتصبرين
وش الفايده اذا جبتي عيال و فرقوا بينكم لا سمح الله ولامثل قصة اختنا اللي كتبة في المنتدى اليوم اللي عرفت فيه انها حامل ب 3 توائم توفى زوجها
الله يسعدك انتي وياه ويرزقكم الذريه الصالحه
في ناس واجد عندهم عيال ولا هم مبسوطين حياتهم كلها تعاسه
اسأل الله العظيم رب العرش العظيم ان يقر عينيك انت وزوجك بالذرية الصالحة ويعوض صبركما على خير

الطب اللحين تطور حبيبتي وان شاء الله بتحملين قريب.. بعدين انتو توكم عرايس جداد الله يهنيكم ويسعدكم .. ولازمي الاستغفار .. انا لو كنت بمكانك بعيش معاه لاخر العمر دون تردد دام انه يحبني واحبه .. لانه يمكن اخذ غيره واجيب عيال بس مااكون سعيده معاه.. وحطي في بالك الدعاء يغير القدر .. وان شاء الله تحملين قريب ياااااارب

والله اني اقرا قصتك وكان فيني النوووم وطار
كأني اشوف مشاهد من حياتي وحياة عماتي الثنتين تمر قدامي
قصتي قصة طويلة
باختصار ,,, انا تربيت عند عمتي اللي الله مارزقها عيال , وربي شاهد علي اني احبها حب لايوصف ومكانتها من مكانة أمي الله يخليهم لي
هذي عمتي الاولى اللي كان لها بصمة في حياتي ما انساها , كانت بالنسبة لي شي كبير ومازالت , ربتني وعاملتني كأني بنتها وتخاف علي لين يومك هذا , امي كانت تدرس وصغيرة بعمرها وامي بنفسها تقول لولا الله ثم عمتك مادري كيف كنت سويت

يعني حبيبتي لاتخافين لا انتي ولا زوجك من قضية تربية بنت اخوك

توكلي على الله و خلي اخت زوجك ترضعها عشان كل شي يصير بشكل شرعي ومافيه مشاكل
والأهم من هذا كله ,,,,,,,,, عليك بالاستغفار والدعاء وصلاة الليل , سهام الليل لاتخطئ ولكن لها أمد وللأمد انقضاء وان شاء الله ربي بيرزقك الذرية الصالحة الله قادر على كل شي

نجي لقصة عمتي الثانية اللي هي ام زوجي و أخت ابوي ما اقول الا الله يسامحها شفت منها ومن بناتها اللي خلاني اعيش ايام تعيسة شوي وعقلي يطير حتى جدتي الله يرحمها ام ابوي اللي هي امها كمان دعت عليها وعلى بناتها من اللي سووه فيني حتى من قبل الزواج وكملوا بعده هههههههههه
كنت أكلم نفسي آخر الليل واتخيل مواجهات وكلام بقوله من كثر ماتعبوني نفسيا لدرجة اني استغفر الله يوم ولدت ولدي البكر شفته يشبه عمتي وكرهته الله يسامحني بس :(
جاني اكتئاب وحالة نفسية ماطلعت منها الا يوم قطعتهم وافتكيت صرت ما اشوفهم الا في المناسبات
والحمدلله بديت استعيد توازني وعلاقتي بالناس كلها تحسنت بعد ماكنت منطوية وكارهة كل شي ..

ماعليك من عمتك ولا من اي احد ثاني , عيشي حياتك وانبسطي وكوني صاحبة قرار وشخصية قوية ولايأثر فيك شي
انتي ضامنة زوجك بإذن الله وتحبينه ويحبك وبعد كل هذي السنين انتظار تزوجتوا دليل انه شاريك ومايرضى عنك بديل
وحتى قبل مايعرف من مين المشكلة في تأخير الخلفة قال لك وكتبها بايده انه معاك لآخر العمر الله لايغير عليكم
ليش تتضايقين وتحرقين في دمك و تنكدين حياتك ؟

خليها تقول اللي تقوله اصلا كلامها ماله أي قيمة , احشميها عشان ولدها وبس
واذا زودتها لاتسكتين خذي حقك بأدب وبدون غلط ردي عليها وبدووون ماتقولين اي سر من اسراركم , قصدي موضوع العيب من مين فهمتيني ؟
احفظي سر زوجك وحطيه على راسك وتوكلي على ربك في كل امورك

و ربي بنت اخوك احسن , صحيح اليتيم فيه أجر بس جربي اول بنت اخوك
اذا قدرتي وحسيتي انك قادرة على الأكثر روحي دار الايتام وخذي بنت صغيرة معاها وربيهم مع بعض اخوات
واذا ماقدرتي , بنت اخوك عندها أهلها ومنتي خسرانة شي بالعكس


سامحيني طولت الكلام بس قصتك أثرت فيني كثير و تحمست اكتب لك

اللهم ارزق أم وتين و لتين وتينا وبنات المسلمين الذرية الصالحة واسعدهم و وفقهم يااااااااارب يارحمن يارحيم