أحتاج فزعة تكفون زوجي يخوني

السلام عليكم
تكفون احتاج احد يشور علي تعبت من التفكير
انا متزوجة من تسع سنوات تقريباً وانا زوجة ثانية وزوجي رجل كريم وطيب وعادل وسمعته زينه مرة وشخصيته قوية وماديته كويسه وعنده مباديء والحمدلله حياتنا زينه
المهم اني اكتشفت من قبل العيد انه بتواصل مع احد شكيت في البداية يوم شفته يخبي جواله مو من عادته ومايخليني اقربه او اجيبه له وماعاد يبي يجلس معانا مثل اول وعقله وباله مشغول ماارتحت بس والله ماشكيت انها وحدة لاني اعرفه واصلاً ينتقد ربعه اللي لهم بهالحركات يعني بالعزبي تفكيره نفس تفكير الشيبان يازينهم ويازين تفكيرهم وبادئهم
عمره الان بداية الخمسين لكن مهتم بعمره كثير ورياضه وكل شي
بس قبل فترة صار احياناً يسهر الى ٧ الصباح برا البيت قلت يمكن اجازة والشباب يسهرون
الى ان جا اليوم اللي رجع البيت سبع الصباح ونام ولما صحى الظهر راح يتروش الا اشوف في ظهره اقر مشوخ واثر لونه احمر قلت وش هالمشوخ وصرفني وعلى طول غطاها طبعاً انا متأكدة انها مو زوجته الاولى لانها ذيك الفترة مو موجودة
وكم مرة شفت روج على ملابسه بس اتغاضى اقول يمكن كان في بيته بس بعدين استوعبت اني ماصرت اشوف هالشغلات الا الان وانا لي تسع سنوات ماشفت شي
المهم شكله وصل مرحلة انه يطلع معها حسبي الله ونعم الوكيل وكثرت الاتصالات على جواله والرسايل ٢٤ ساعة ولمحت الا حاط اسمها نفس اسم بنتي عشان لو راح لاهله او احد اتوقع عشان مااحد يشك ومرضت زود طول الوقت ترسل بس مايمديني اقرا
مو عادته يقفل الغرفة وصار يقفلها عشان يكلمها بالساعات من اول يحب اجلس معله اكثر الوقت ويراسلني اذا طلع الحين يتململ اذا دخلت ومايصدق يطلع
انا مرضت لانه دريت انه يطلع معاها
وواضح اللي ماتعود على هالشغلات لانه برتبك مرة ومايبيني احس بشي وطاااير لانه اول مرة يجرب
القهر واللي ذابحني اني مااقدر اواجهه زوجي شخصيته قوية جداً رغم انه طيب لو بواجهه بيقول بسلامتك روحي بيت اهلك
هو مو مخلي علينا قاصر انا وعيالي ابد بس ذبحني الغبن وفقدت ثقتي بنفسي ومااعرف اتصرف وادري المواجهه بتخرب بيتي وبتشتت عيالي والوضع امرضني
وش الحل تكفون بدون تجريح اللي فيني مكفيني
اما نصيحة صادقة
او دعوة من القلب
والله بجزاكم خير