أحترت و مو عارفة إيش أسوي .

السلام عليكم و رحمة الله و بركاته

مدري إذا تفتكروني أو لا أنا الي كنت كآتبه موضوع ( أتسرعت و منعت العزل الطبيعي عشان ابغى أحمل )
المهم ليا تقريباً شهر كل أسبوع أحلل و يطلع سالب تحليل دم و بول و برضو نفس الشي مع إنه كانت تجيني كل أعراض الحمل بس قلت يمكن انا بأوسوس أو شي عشان أبغى أحمل
و لمن روحت للدكتورة قالتلي لمن تتأخر دورتك تعالي راجعيني
المهم أستنيت إلين مااتأخرت دورتي و اليوم كملت ٦ أيام متأخرة
بس ماروحت راجعت المستشفى ولا شي

بصراحة ماأبغى أروح و تحطمني و تقلي مافي حمل
لأني لسا قبل تقريباً يومين سويت تحليل بول و طلع نفس الشي سلبي
و اليوم اتفاجأت بنزول افرازات بنيه و إنتو بكرامة و قلت خلاص شكلها الدورة نزلت بس تقريباً لها ساعة مانزل شي تاني
ماادري هيا دورة أو علامات حمل أو إلتهابات أو إيش بالضبط .

و لمن دخلت الحمام الله يكرمكم لقيت زي الخيط البني 🤦‍♀️.
ماادري من ايش
أحترت ماادري هل هو حمل بس مابين في التحليل المنزلي لأنو النسبة ضعيفة أو مافي حمل و تكون هذي لخبطة هرمونات و التهابات
ماقد صارلي هذا الشي في اطفالي الإثنين دايماً اول ماتتأخر الدورة أسوي تحليل منزلي و يبان الحمل على طول الا هذي المرة

الله يسعدكم إلي قد صارلها هذا الشي و طلعت حامل تطمنني
و إلي قد صارلها الشي دا برضو و طلع لخبطة هرمونات او التهابات برضو تقلي و تطمنني
و شكراً لكم مقدماً ....