أهلين بنات
وشلونكم حبيباتي 00 وشلونكم مشرفاتي الغاليات
وشصار من بعدي 00
ياحبيلكم 00 والله ولهانه عليكم 00
وش أخبار رجالكم 00 وشغالاتكم 00 وخالاتكم 00 وحمواتكم000 والأهم عيالكم ؟؟
وسلسلة المشاكل اللي تحصل مع كل وحده بداية من كنا أطفال 00 وياحليلنا يوم صارت كل وحده فرحانه انها كبرت وأول ماشرت من السوق الستيانه 0
وبعدين
تتمنى تعرس وهات تقليب وتخمخم في ذيك المخده , يابعد الدنيا تحسب بيجيها ابو خصله على جنب واسمراني وعريض المنكبين ومنعم وسكسوكه ,, وشي مانيب معلمتكم 00 و هواجيس00 وشي ماينقال !!!
وبعدين
تعرس وتكسب ذاك العريس00000 هي وحظها يامملوح00ياسلتوح00 ياسنكوح 00و اللي تستسلم وتتقبل
الين تتعود على شكله << أهون من العوده للمخدهوبعدها يجي موضوع
زوجي مارضى يسوي لي ولا يسافر بي وجالس قدام النت ومخليني00 وجواله مليان اسماء بنات 00وأكلي مو عاجبه 00 ولا مشغول مخليني00
وان كانها عند حموله عاد هي واللي الله سخر لها
اما تكون خالتها الله عليها وشزينها وطيوبه أو خالة عسى ماجاك منها تكفير للذنوب وزود لك في الاجر وتثقل موازينك على صبرك عليها 0
خلصنا من هذا الموضوع
تجي مشاكل الحمل للي حملت ومشاكل العقم للي اراد الله له ترتاح من الخلفه0
وحبوب الحمل والولاده والبطل والعامل الاساسي في هالفتره الالتهابات 0000 والتحاميل 00
خلصنا من هالقصه
نجي نخش بسخاين هالبزران والمضادات00 وهذا غلط ,,وهذا صح 00
وترقيد في المستشفيات الله لايجيب الشر 00 ويابعد عمري اللي في حكوميه ولا خاص حسب حظك في هالزوج << ان كانه على فقره زين و حليو وفلته ومهوب بعيد عن توم كروز:o أهون شوي يبرد التسبد ويسر العين ويداوي القلب العليل0
يجي بعدها اتحاد عظيم بينك وبين زوجك تنسون فيها كل اللي فات
وتضحكون على الماضي وعلى كل تصرفات وشغلات كنت في وقتها تبكين منها لكن لما صارت ذكرى تحولت الى نكته 000 الله المستعان
ندخل في مشاكل عيالك اللي صاروا تماسيح
بالنسبه لي من يوم صار الواحد عمره 14فكر نفسه رجال ومسك السلم بالعرض 00 وهات يامرجله00 يابعد عمري ويفرك ذاك الشنب يبيه يطلع بسرعه 00 ياتسبدي
الى الحين هذا آخر مرحله وصلتها
اللي باقي اعتقد عرس العيال
والله يستر مايغار ابو العيال يبدا يتحكحك يدور العرس
وانا ابدا اتعامل مع الفكس وحبوب السكر 0
هذا ان ماطمرت للبنان اتمسمس وأنفخ الخدود واسوي غمازات وأطير الشعروأصير كبسوله عجرم
وأخلي أبو العيال يتسدح 00 ويدور الأزرق<< انتم اكتشفوا ايش الأزرق
وشلونكم عساكم طيبين
000انتم وين وصلتو؟؟ وينكم فيه الحين ؟؟
شرح ومعاني الكلمات
مملوح ............... وشحلوه وشزينه
سنكوح............... عكس مملوح
سلتوح............... ياويل تسبدي مهنا قريشات
منفهق.............. دقوا الجوجل الين يطلع لكم شايب ويعلمكم
الله يسعد قلبك قولي آمين..