:::::::::::::::::::::::::::::::::
اذكر اني اسست عمري زين وانا بمراهقتي
يعني كنت اقرأ كتب علميه روايات - عالميه- خيال علمي وكله كوم واجاثا كريستي كوم ثاني والله لو انها للحين فيه كان اعطتني شهادة تقدير رواياتها واصلة للسقف.
وكنت ما أسمع الا فيروز وام كلثوم.
بس ياكنت انفجع لما يسألوني البنات عن مجلة طبيبك ولا روايات عبير
او اذا سألوني عن بشير شنان ولا خالد عبدالرحمن ولا وش اسمه هذاك الي زعلان ماأذكره
ياهي تطير بوهتي مدري وش يتكلمون عنه.
المهم انحرفت وطحت اتفرج على افلام انواع الأكشن والأفلام الرومانسيه وموتي بالخيال العلمي
ولما كنت اتفرج كان يعجبني مشهد وحيد الا وهو اذا اغمى على بطلة الفيلم
8
8
8
تكفين لاعد تعجبين بشي
لاوالله كنت احس شكلها حلو كذا اذا طاحت وبالحركه البطيئة ولا عاد اذا مسكها البطل قبل لاتطيح
كم من عبره راحت وجت
لازمتني هالفكرة وتمنيت يغمى علي
8
8
8
8
اقووووول مو منك والله
هالحين اذا اغمى عليك وانتي لحالك تحنطي لييين يجيك احد
الأمنية ماأخذت وقت طويل
كلها كم يوم كنت بالمدرسة وانا امشي مع البنات الا
درررررررررررربج
يعني الحين يوم تحققت امنيتي يغمى علي بالمدرسة حظ يفلق الصخر
رجعت للبيت ابي اسلم على امي
درررررررررررربج
ويطير سكر امي ارتاعت علي ياحياتي
المهم زادت دربجاتي كل شوي وانا مدربجه على وجهي
اوكي تمنيت يغمى علي بس بشروط
1- يغمى علي بالحركه البطيئه.
2- يكون فيه فارس احلامي علشان يمسكني<< رددي يالليل
والله العظيم ابي يغمى علي مره وحده بس لكن السالفة طولت.
اخذتني امي للدكتور
وطلع نسبة الهيموقلوبين 7 والطبيعي 12
كتب لي الدكتور مجموعة فايتمينات تعبي ونيت ابو غماره
الحمدالله معد ادربج بس دوخه خفيفه
وعادت حياتي لمجراها الطبيعي
وقفة تأملية ثانية بس مو بعيده
:::::::::::::::::::::::::::::::::::
كنت جالسة اتفرج على مسلسل مصري مجبرة لأني مع امي
واغمى على البطلة وجاهم الدكتور وقال حامل وماامداه طالع الا مسكت ظهرها
وصارت تمشي وهي ماسكه ظهرها
.:: لحظة تكشين ::.
ليه الحامل تمسك ظهرها؟
امممممم
ابغى
:23:
>> سلامات وش تبين بعد؟
<< هاه لا ولاشي بس ابي امسك ظهري
ويقوله ربي
8
8
8
الحين يوم ان امنياتك ماتعوق ليه ماتتمنين شي زي الناس
سياره - بيت - مليار دولار
صار ظهري جهة اليمين يوجعني بشكل فضيع طول الوقت ماسكه ظهري وجنبي اليمين
تحقق الأمنيات
:::::::::::::::::::
هونت ماابي والله اتوب معد ابي شي
ماحولكم احد
الآم تهد جبل جعلكم ماتونسونه
رحت للدكتور وقال مااقدر احدد لازم اشعة ملونه
يوه
وش ملونته اخبر الأشعه ابيض واسود
صدق العلم بحر
حتى الأشعات لونوها
ورحت اسوي الأشعه الملونه
امحــــــــــــــــــــــــــــــق
:11:
ثلاثة دكاتره طول بعرض وماقدروا يحقنون وريدي بالصبغه
اي نعم كنت خايفة وكان الدم ينحاش
بس يتصرفون
سبع سنين يفحطون دراسه واخرتها كذا
هُزلت
آخر شي جابوا لي خبير التخدير ومرت العملية بسلام
مواجهة الحقيقة
:::::::::::::::::::::
جيت اخذ النتيجة
لقيت الدكتور بمكتبه وشد انتباهي انه معلق صورته فوق راسه بالضبط
8
8
نطابق يعني
اخذت اشعتي وخلاص ابطلع
تتوقعون مصري بيخليني اطلع بدون مابقول كلمة
طبــــــــعا لأ
لسانه يحكّه
الدكتور: لو سمحتي ؟
انا: نعم.
الدكتور: هو انتي حضرتشك صاحبة الأشعه؟
انا: ايوه ليه؟
الدكتور: كونت عاوز اسألك هو انتشي عملتشي عمليه ئبل كده؟
انا: لأ.
الدكتور: متأكده؟
انا: يوه وش بتعلمني بنفسي لا.
عنبووووووه شككني بنفسي قعدت افكر وافكر وافكر ماأذكر اني سويت عملية
دقيت على اختي قلت اتأكد منها قالت : لا ماسويتي عمليات.
انا: لا يادكتور ماسويت عملية ليه تسأل؟
الدكتور: لأ بس اتوئعت ان كليتك مسروئه لأن ماعندكيش غير كليه وحده!!
دررررررررربج
بعدماصحيت انواع المشاهق والصياح :06:
حسبي الله عليه مصري قريح ذا دكتورر ولا ميكانيكي عنبوه كأنه يحكي على صاحب سياره يبي يغير قطعها والله من جد جتني روعه بس اصيح قعدت حول اسبوعين دموعي واصله لآخر الشارع
انزلوا تحت
7
7
__________________
يا خاطري المكسور ألم يا دربي المهجور وهم
نظرتي حزيـــنة أرســـمتها الأقدار.... دمعتي سجيـــنه في عيون الأسرار
نظرتي للدرب الطويل خطوتي بترفض الرحيل
بس لازم أواصل رحلتي لوالهم على قلبي ثقيل
.O يارب انهُ َمسني الُضر وأنتَ ارحمُ الراحمين O.
