اهلين ياحوات الحلوات
شخباركم طيبين وشلون عيالكم وجيرانكم >> اخلصي
طيب طيب لا تزعلزن
بنات فجأة وانا جالسه مع ابو الشباب ...
طقت براي فكره التخيس مع اني نحيفه بس احس ثقيله
وقلت له يالله نروح لمحلات الاجهزه الرياضيه عشان هو يتشجع ويخفف الكرشه الي قدامه شبرين ونص ..
دخلنا المحل واااوو اجهزه اشكال والوان تلمي راسك منها احترنا ماندري ايش نختار ..
انا عاجبني الجهاز الي يجي بالتلفزيون الي اسمه اوربت تركـ احسه سهل وعملي
اما زوجي يقول اعتقد ان السير افضل بكثير ويمكن اضمن .. للتخفيف والياقه
المطلوب ابي افضل جهاز رياضي اهم شي يساعد في تخفيف الكرش والياقه .. بليز عطوني رايكم ..؟؟
اهلين ياحوات الحلوات
شخباركم طيبين وشلون عيالكم وجيرانكم >> اخلصي
طيب طيب لا...
كيفكم صبايا جميعا
و ردا ع سؤالك خيتو ما انصحك تشتري جهاز ف البيت اذا ما واضبتي عليه او اذا منتي صاحبة رياضة و نطنطة وقومة و قعدة.
انا و زوجي متعودين نمشي برا او نروح الجيم الي هوا النادي يعني. المهم جات ف راسي فكرة اشتري جهاز رياضة بدل مكل يوم ونا لابسة و رايحة و اسيب اولادي لوحدهم وقت المذاكرة طول العصرية مارجع الا المغرب زهقانة ابغا اخد دوش واجلس معاهم عالعشا ونام:09: !! فرحنا نفرفر ونا كنت مترددة بنوع الجهاز ...تقولي هاملت اكون او لا اكون... فراح زوجي شرا جهاز سير! و يريتو ما اشتراه ... خخخخخخخ ليه ؟؟ لان الجهاز لليوم اذا انا حللتو شهر كامل مشيت عليه فابقي قابليني؟ ابدا مشيت عليه اسبوعين يدوبك بعدين زهقت و رجعت اروح النادي من جديد ! اما زوجي الي كان هوا الي اختارو فما مشي عليه الا يومين تلاتة و رجع برضو للجيم و نمشي برا. بس بصراحة انا رحت لاختي لقيتها شارية جاهز روعة وخاصة ما يوجع ونتي تمشي عليه زي السير بيئلمك في مفاصل الساق والرجل. اسمو "ست داون ست اب جيم- برو اكتيف" و يستخدم ونتي جالسة و فيه حركات للبطن والساقين و الفخذين والذراعين يعني مشالله عجبني مررا مررا وكان سعرو حوالي ال 950 ريال سعودي و اشترتو عن طريق قناة اعلانات معروفة في الدش بيجي في قناة ثين دايركت و رقم الموزع الرئيسي ف السعودية = 014646557 . وانا سالت اختي عنو لاني بصراحة رجعت راودتني فكرة الرياضة ف البيت بدل الطلعة والبهدلة خاصة انو جا الصيف والرطوووبة يالطيف.
انتي شيكي خيتو وانشالله يكون عجبك لو اني احس الرياضة ف النادي احسن لانك تحسي مع المدربة والناس و الهيصة بنشاط اكتر وحماس واستمرارية ومنافسة. ونا عن نفسي عن جد زهقت من السير في البيت بس استخدموا وقت الزنقات والضيوف والمناسبات الي ميناسبني اخرج فيها الجيم و رجعت من جديد اروح النادي بس مو كل يوم زي اول لا اروح بس 4 ايام ف الاسبوع.
وانشالله موفقة يا رب والجميع:26: