من فترة شهر تقريباً تركت كل انواع مزيلات العرق اللي كنت استخدمها
وقمت استخدم كريم اشتريته من وحدة فلبينية..هالكريم مصنوع في الفلبين ومن مواد طبيعية
وميزته انه يزيل العرق ويبيض المنطقة بنفس الوقت عن طريق المواد الموجودة فيه
انا ارتحت له وايد بس للحين في مرحلة التجربة
وقلت اذا جاب معاي نتيجة زينة باخذ منها بعد
ودي احط لكم اسم الكريم وصورته يا بنات بس للأسف هو مب موجود عندي الحين
ان شاءالله اييب لكم اسمه باجر :)

مزاجيه
ديري بالج بايوت ايضا مضاد للتعرق
انتبهي

اهلا
انا لما كنت في بريطانيا كنت استعمل (فازلين) ديودرانت اللي بالصبار0 بس لما اتجوزت سعودي وجيت هنا مني لاقيته- لو احد لقاه هنا في السعودية يقول لي من فين وشكرا00 ممتاز جدا ما شاء الله

نيفيا حلوووو ونعووووووم

يا خواتي لفت انتباهي موضوعكم وحبيت اشارك فيه، لأني وايد متضايقة من هذا الموضوع صار لي اسبوعين،،، وبصراحه في حياتي ما استخدمت هالاشياء بالمرة، ولا أداوم عليها ولكن من قبل أسبوعين وخاصة يعني على جونا "اللهم لا حسد"، بديت اتنرفز لما أعرق وأمي تسألني شو فيج وزوجي يقول لي أنت كم مرة تسبيحين في اليوم، يعني الله وكيلكم ولا فوق 3 مرات آخذ شور وكل ما اطلع، ولكن بارحة أمس شكيت لأمي وقالت لي "حطي ليمون طبيعي" وفعلا ولا أروع، وأنا للحين مو مصدقه، وعلشان الواحد يبعد عن الشبهات والكيماويات،،،
أعرف قاعدة اكتب قصة حياتي بس حبيت افيد اعضاء المنتدى، لأنه الكل يبغي يستفسر ويعرف خاصة في الصيف،،،
وقررت أني أدور قزازه أو مثلا أعصره وأحطه في علبه يعني " بحاول أرتبه واحط الليمون بمظهر حلو لائق"
وسلامتكم