يبرد علي القلب يادرة
واحلي حاجة تكعمز وتخيط علم الاستقلال
ههههههههههههههه اللهم لا شماته
واحلي حاجة تكعمز وتخيط علم الاستقلال
ههههههههههههههه اللهم لا شماته
عبد الباسط بوقندة يلمع صورته على قناة ليبيا الأحرار ..عبد الباسط بوقندة يلمع صورته على قناة ليبيا الأحرار ..
الملمع تم من الاسواق ع اساس كل من يطلع يبي يلمع صورته نقلوله معليشي
يا بنات فكونا من هالحثالة والله أنها ماتسوى ألحروف اللي تكتبو فيهم عليها
والمفروض معاش حد يصورها عيب احنا أخلاقنا مش زيهم حنى نبو الثوار يحافظو عليها و يقدموها للمحاكمة مش لازم كل هالبلبة عليها
والمفروض معاش حد يصورها عيب احنا أخلاقنا مش زيهم حنى نبو الثوار يحافظو عليها و يقدموها للمحاكمة مش لازم كل هالبلبة عليها
الصفحة الأخيرة
لا تعتقدي أننا متشمتون فيك يا هاله.. ولا تعتقدي أننا فرحانين لرؤية الندم والحسرة وهذا الانكسار النفسي في عيونك او في عيون اي ليبي او ليبية لأننا رجال ونساء ليبيا الجديدة اوفياء لانتمائنا لهذا الشعب العظيم ولأرض ليبيا الطيبة ومبادئنا واخلاقنا تمنعنا من التشمت في الخاسرين وتمنعنا من الرقص فوق اشلاء من عادانا ولأننا عارفين كيف القذافي غسل لكم دماغاتكم وقداش كنتو اتدورو في الشهره وقداش كانت شخصياتكم مهزوزه وضعيفه قدام الطاغيه.
الضرب في الميت حرام وهذا مستمد من اخلاقنا الليبية ومبادئنا الانسانية الاصيلة اللي حاولتي انتِ وجماعتكم وكتائبكم وقايدكم محيها من حياتنا.. نعم فالضرب في الميت حرام وانتم بالنسبة لنا اجساد حية لكنها باعت ضميرها للطاغية وماتوا داخلياً وصارو قبيحين ولو وضعوا نص كيلو مكياج على وجوههم زي ما كنتي اتديري.. فالشعب الليبي يا هالة ادخر هلبه من اخلاقه الطيبه والصافيه ودسها في خزانات (صندوق مهنا) محصنه ما قدرش حد من شلتكم تكسيرها او غسل ادمغة اللي حملوا مفاتيحها في قلوبهم ووجدانهم الليبي الأصيل.. وسنة الحياه وكل القوانين الدوليه وتعاليم ديننا الاسلامي اتقول ان اللي غلط في حق الشعب وارتكب جرايم او حرض عليها لازم تتوفرله محاكمه عادله ولازم الشعب يحميه وان القانون هو اللي ياخذ منه الحق.. وثوارنا الرجال المتحضرين حيكونو عند حسن الظن والمسؤوليه وحيوفرو ان شاء الله الحمايه حتى لمن غلط فيهم ووصفهم بالجرذان لأنهم مش كيف جماعة حزمة كرناف العسكر سوسه القذافي اللي ماكانش عندهم لا دين ولا مله.. واللي كنتِ انتِ ذايبه في حب شفاشيفهم ورغاوي هتافاتهم المعفنه.
قداش بكينا يا هاله لمّا شفنا أجساد صغارنا وخوتنا من الطرفين الشهداء والآخرين المغرر بيهم يصلي فيهم رصاص القذافي وصواريخه في جبهات القتال.. وقداش هتفتو ورقصتو انتم واللي معاكم من الفرحة!
احنا كنا ومازلنا ندافع عن شعب كامل وانتم كنتم تدافعو عن عيلة واحده.. آهو الشعب اللي دافع عن نفسه وانتزع حريته بالدبوس من الطاغية بعدما الطيبه الليبية مانفعتش موجود قدامك يا هاله.. آهو الشعب الليبي موجود وراسه مرفوع في ساحة الحرية ببنغازي مدينة استرداد الكرامة الليبية وفي طبرق والبيضاء واجدابيا والبريقه وراس لانوف وفي مصراته الصمود وفي ميدان الشهداء وفي ميدان ابو ظبي كما سمّاه ثوار طرابلس الابطال (الجزائر سابقاً) وفي باب العزيزية والزاوية الشامخة والزنتان ارض التريس وغريان وككله وصرمان والخمس وترهونه وفي زليتن وجادو وفي اكثر من 95% من ربوع بلادنا الطاهرة.. لكن وين العيله اللي كنتي تدافعي عنها؟ وين معمر؟ وين صغاره؟ وين الكيلاني وشاكير والنويري وعبد الله منصور ومحمد حسن وموسى ابراهيم وزملائك في اذاعتكم السخيفة اللي رفعتي في استوديوها مسدسك في وجه ناسك وقلتي (اليوم يا قاتل او مقتول) وقلتي ان كل شباب الاذاعة مستعدين للدفاع عنها؟
من هم الجرذان توّا يا هاله؟ الاستاذ الفاضل مصطفي عبد الجليل اللي يتكلم تحت ضو شمس الحريه في النهار وكل زعماء وعواصم العالم تجرى وراه ويرحبو بيه وين ما وصل، والا "قايدك" معمر الجرذ اللي مطلوب القبض عليه دوليا وزاد فيه وسيّبكم (تكتيكياً قال!!) وقاعد خامد ولابد تحت الوطا ومخلوع يجري من تركينه لتركينه؟
من هم الجرذان الآن يا هاله؟ الاستاذ محمود عبدالعزيز الورفلي اللي انبح صوته وهو ينصح فيكم بيش ترجعو لحضن ليبيا وبيش تتخلو عن طاغية خنب من عمر بوك وبوي ومنك ومني ومن اقاربنا وناسنا 42 عام بكل ما فيها من احلام وطموحات وقاعد يتكلم بالليبي وبكل شفافية ومنحاز لليبيا جديدة لكل الليبيين بدون احقاد وانتقامات، والا القذافي اللي صارت عنده هواية تسجيل الخطابات من تحت الارض، والا زميلك الجرذ الهارب حمزه التهامي اللي ثوارنا ما شاء الله عليهم قاعدين يستنو فيه بالحنه لأنه قال في بث مباشر انه مستعد يحنّي ايديه بالحنه لو خش الثوار لطرابلس؟ هو كان ايقول انه انسان حر بفضل معمر، فلو كان بالفعل انسان حر المفروض انه ما ينساش ان وعد الحر دينٌ عليه.
من هو الجرذ الآن يا هاله؟ الزنتاني والبنغازي والمصراتي والغرياني والزاوي اللي خش طرابلس وواقف مع خوه الطرابلسي يدافع عن متحف السراي الحمراء وممتلكات الشعب وكرامة الشعب والا شاكير اللي حايس وبطنه تجري وقاعد ايدوّر في الشمالات والحجابات وتعاويذ السحر والشعوذه؟
كنا يا هاله نشوفو في صواريخ جراد قايدك القذافي وهي تنزل على روص اهلنا وناسنا في كل ليبيا وكنا نشوفو في قنابل الناتو وهي تدمر أسلحة الطاغية ربك الجديد اللي كنت تعبدي فيه، وكنا نفرحو لمّا نشوفو دبابة او راجمة صواريخ من اسلحة زعيمك (كانت – لو لم يدمرها ثوارنا او صواريخ الناتو- ستقصف بيوت اقاربك في مصراته ومدن ليبية اخرى) وهي مقلوبه او محروقه. كانت قلوبنا تنزف دم وعيوننا مش قادره تسيطر على دموعها لمّا كنا نشوفو في شباب زي الورد يستشهدو ويموتو قدامنا من الثوار ومن الكتائب لأننا نعرفو ان كلهم صغار بلادنا وأن ثمن هذا الدمار والصواريخ والقذائف ستدفعين انت وانا واهلك واهلي وكل الليبيين ثمنه.
آآآه يا هاله، لو بس تعرفي قداش ليبيا محتاجه لكل اولادها وبناتها اللي استشهدو وماتو وانجرحو بسبب السفاح القذافي.
وآآآه يا هالة، لو بس تعرفي قداش اهلنا في كل قرى ومدن ليبيا محتاجين للفلوس اللي خسرناها في الحرب واللي حندفعها في شكل فاتورة حرب للدول اللي ساعدتنا في منع كتائب سيدك من محو مدينة بنغازي بمن فيها من على خارطة ليبيا وقتل المزيد من الليبيين في كل ربوع بلادنا.
قداش بكينا وتألمنا يا هاله لمّا شفنا اهلنا وناسنا مواطنين ليبيين بسطاء من دوله نفطيه غنيه صارو بين يوم وليله في 2011 مش في 1911 وبأمر القذافي صارو لاجئين ونازحين ومشتتين بين معسكرات الحزن والأسى والبؤس وخيام اللاجئين في تونس بعدما فرضت عليهم صواريخ القذافي أن يرحلوعن حيشانهم وغنمهم وزيتونهم ونخلهم وترابهم في ليبيا.. بكينا يا هاله لمّا شفنا صغارنا صغار الليبيين الشرفاء يمشو حفايا بين الخيم في معسكرات اللاجئين لكنهم كانو يغنو لليبيا الحره وصوابعهم ترسم اشارات النصر وفي ايديهم البريئة ترفرف راية ترمز لكل ليبيا والليبيين.. راية بونجمه وهلال يا هاله رفعها اطفال ليبيين هاربين من بطش الطاغيه وجعانين وصقعانين ومحرومين من طفولتهم مش خرقه خضرا ترمز لمعمر وصغاره وبس.. ولمّا سمعنا زغاريد خواتنا وامهاتنا وعزايزنا من الشرق للغرب يوم دفن الشهداء الابطال عرفنا ان المعركة مستمره وان النصر لابد وان يكون في صفنا.. وان ليبيا جيابه وام التريس!
ولكن، هل تعرفي يا هاله حجم المعركه الجايه؟ انتصرنا في معركة تحرير ليبيا من الطاغية واحنا مصرين على الانتصار في المعركة الجايّه وهي معركة مليانه شوارعها وزناقيها وميادينها بالتحديات.. لكننا نحن لها يا هاله.. نحن لها باِذن الله على خاطر سواد عيون ليبيا وعلى خاطر قلنا دم الشهداء ما يمشيش هباء.. ولأن الليبي اليوم اول مره في حياته يحس بأنه انسان ويفتخر بأنه ليبي.. هذه معركة بناء ليبيا الجديدة من الصفر يا هاله.. معركة بناء الانسان المتحضر والمتطور والمتعلم والمتسامح والمتطلع لغد افضل لليبيا بدون الركوع لزعيط ولا معيط.. معركة بناء ليبيا حرة موحدة وخالية من الفتن.. معركة اعادة بناء في كل المجالات اللي انتِ تعرفي كويس ان لعنة وكابوس "سلطة الشعب" اللي جابها القذافي دمرتها بطريقة مقصودة بيش يستمر النهب والفساد القذافي الى آخر قطرة من بترولنا ومن دم اهلنا.
انها معركة التأسيس لدولة ولمجتمع ليبي مدني يا هاله ما يخافش فيه الأخ من اخوه ولا الأب من ولده ولا الجار من جاره وما يطلش فيه مذيع او مقدم برامج تليفزيونيه على مشاهديه بالكلاشن وما تطلعش فيه على شاشات تلفزيون مقدمة برامج ترفع مسدس في وجه أهلها.. معركة تفعيل مبادئ واخلاق حاول القذافي محيها.. معركة ضم اطفالنا اليتامي المساكين الى صدورنا لنقول لهم سامحونا على ما فعل السفهاء منا بكم.. معركة وقفات العز والغيريه والمسانده الى جانب أخوات لنا اغتصب شرفهن يا هاله جنود ومرتزقة كتائب خميس والمعتصم والساعدي ومعمر القذافي.. معركة تقبيل جباه شيوخنا وعجائزنا وتوفير كل احتياجاتهم ولنطلب منهم ان يسامحونا على تأخرنا في انقاذهم.. معركة التعجيل بيوم النصر الحقيقي لما نشوفو كل الليبيين وهم يمشو فوق تراب بلادهم ليبيا بيت بيت وشارع شارع وزنقه زنقه ورؤوسهم مرفوعه لفوق وهم مطمنين على عرضهم ورزقهم وعلى بلادهم.. معركة توفير اطراف صناعية لليبيين يا هاله خسرو رجليهم وايديهم وسمعهم وبصرهم بسبب غطرسة القذافي وبسبب كلام كنتو توجهو فيه من اذاعاتكم الفاسدة.. معركة معالجة جرحانا من الثوار ومن الكتائب في احسن المستشفيات باِذن الله.. معركة التعجيل بيوم المصالحة الوطنية الشاملة مع كل من ينحاز لليبيا ولليبيين ومش لزعيم او عيله واحده.. معركة تضميد الجروح نثبت فيها للعالم ان الشعب الليبي قدها وقدود وانه شعب مسالم ويستاهل كل خير ومش حيخيب ظن كل من وقف معاه في المحنة التاريخية اللي فرضها علينا الطاغية القذافي.. معركة تحديات قادمة يثبت فيها الشعب الليبي انه وقت الحرب فتح صدره للميم طا وانتصر لأن الحق معاه وانه وقت السلام هو شعب عنده اخلاق ومبادئ انسانية عظيمة وعادات وتقاليد يحترمها وحينتصر هذا الشعب باِذن الله لأن الحق مازال معاه.
مش حنظلموك يا هاله.. لأنك ظلمتي روحك بروحك بما فيه الكفايه واكثر من اللزوم لما تماديتي وجردتينا من وطنيتنا وصرتى موزع فردي لشتم الثوار وتوزيع التهم بخيانة الوطن على كل من قال لا لربك الجديد.. درتي كل هذا علشان يرضى عليك القذافي واستمتعتي باصدار الفتاوى المخرومة بتحريم التبني وابدعتي في تزييف الحقائق للبسطاء من الليبيين.. مش حنظلمك لأننا ننتمى لثورة 17 فبراير اللي نبوها أن تنتصر على التحديات الجايه.. ومش حنظلموك يا هاله لأن القذافي ما قدرش يضحك علينا وما حفظناش دروسه الغبيه ولأننا ما شريناش حتى 5 جرامات من بضاعته الفاسدة.
مش حنظلموك يا هاله ومش حيعتدي عليك ثائر ليبي شريف لأننا ما نبوش نكونو زي اللي كنتِ تتبعيلهم.. ونتمنى ان ما يغلط حد فيك زي ما درتي انتِ لأن ثورتنا يا هالة هي ثورة توحيد الليبيين وثورة الاصرار على أن لا نترك لكابوس وأمراض فترة الحكم المباد لسيدك التائه في مجاري الوطن أن تأثر فينا او تحولنا الى دمويون ومتجردون من وطنيتنا واخلاقنا كما كان الحال مع رفاق دربك في الاعلام الثوري.
مش حنظلموك يا هاله لأنك ليبية شئنا ام أبينا ولأن أفكارك ومبادئك ما تستحقش.. ولأننا مازلنا نحتفظ باخلاقنا الليبية وما قدرش مسدسك انتِ ولا كلاشن حمزه ولا الشحومي ولا مرتزقة القذافي (الذي خرج ولم يعد) أن يجبرنا على التخلي عن ما يحثنا ديننا عليه وما يطالبه به انتمائنا لليبيا.
هل تتذكرين حفلاتكم ومجونكم وجنونكم على خشبة مسرح باب العزيزية؟ هل تدركين كم من ليبي قتل في جبهات القتال خلال وصلات رقصاتكم واحتفالاتكم المستفزة يوم زفافك؟ هل تدركين كم من طفل ليبي تيتم وكم من ام فقدت فلذات كبدها وكم من أشلاء ليبية تناثرت وكم من الدماء الليبية الزكية سالت خلال وصلات غنائكم وهز اوساطكم على خشبة مسرح "البيت الصامد" الذي تداعى تحت طرقات معاول الليبيين الشرفاء؟ نحن نتذكر كل هذا بحزن وبأسى.. لكننا لن نترك ذكريات مآسي الأمس تفسد علينا فرحتنا بانتصارات اليوم والغد.. وستظل باِذن الله قلوب كل الليبيين بيضاء وصافيه وسنظل نتطلع لفجر ليبي جديد تشرق فيه شمس الحريه لتنير قلوب كل الليبيين والليبيات ونترفع عن الاحقاد والرغبة في الانتقام من ليبيين وليبيات فرض عليهم كل هذا العناء.
اعتذري للشعب الليبي يا هاله واطلبي المغفرة من ربك والسماح من اهلك والزمي بيتك واشكري ثوار 17 فبراير لأنهم حرروك من قيود كنتِ مصرة على تجاهل وجودها.. ونصيحة مني ليك لله في لله: نقصي شويه من كيلوات المكياج وخاصة كحل العيون ماركة "الغوله" وضمي لسانك الطويل وانسي حاجه سماها اعلام وصحافة لأن فاقد الشئ لا يعطيه يا هاله وبالمناسبة عندي اقتراح ليك : خدمة بيتوتيه على كيف كيفك.. تعلمي مهنة الخياطة ويا حبذا لو تتخصصي في خياطة علم الاستقلال بو نجمه وهلال.. عرفتيه توّا؟
وما تخافيش خلّيك راجل زي ما كنتِ!
ايامكم انتصارات ان شاء الله وتمسو على خير..
ولد بلاد
عجبني فنقلت لكم