سما اسبانيا :

بنت اغلى اثنين :

عيدكم سعيد ومبارك جميعا وينعاد عليكم بالخير يا رب . اول يوم العيد الحمد لله كنا فرحانين والاطفال باعلام الاستقلال والهتافات الجميلة والتكبير يصدح في الجوامع وحتي الناس لما تعيد علي بعضها تعيد بعبارة الله اكبر والحمد لله التكبير علي لسان الصغير قبل الكبير وترحمنا عالشهداء وقرينالهم الفاتحة وكنا نتمنوهم معانا لكن ربي اكرمهم بالشهادة وميدان الشهداااااء كان حاجة ثانية شيءلا يوصف . اول يوم كان الحمد لله سعيد ونفسيتنا مرتاحة بالرغم من بعض المنغصات من الطحالب اللي يزرعوا في السيارات المفخخة وحاولوا يعكروا علينا فرحتنا وغدوة ان شاء الله 1\9 وربنا يستر ويمر علي خير ويفكنا من القدافي وازلامه ويجعل كيدهم في نحرهم وتدميرهم في تدبيرهم .آآآمين يا رب العالمين . ان شاء الله كلكم استمتعتم بعيدكم وخاصة المغتربين شن جو عيدكم ؟؟وتوة تصبحوا علي خير يا حبوبات بنخش نرقد تعبانة تعرفوا العيد في ليبيا ما شاء الله لمة وفرحة و العيادة واحد خاش وواحد طالع ربي ما يقطعلنا عادة وديمة عالخير ملتمين ..

عيدكم سعيد ومبارك جميعا وينعاد عليكم بالخير يا رب . اول يوم العيد الحمد لله كنا فرحانين والاطفال...