أختي فاشلة في الطبخ ومخطوبة والكتب ماتعلم تعالوا شوفوه عالغلطات

مرحبا مشكلة أختي متملكة ويزورها خطيبها كل أسبوع أو مرتين في الأسبوع وقالها ان موضوع المطبخ مهم لان ما يحب ياكل من إيد الخدم، وأختي عمرها ما طبخت ولا أنا اعرف وأمي حرمة كبيرة في السن ماتدخل المطببخ واللي يطبخلنا هو الطباخ الأسيوي من 30 سنة يشتغل عدنا بس هي مستحيل تروح له عشان يعلمها لانها تستحي ومابتختلط فيه وتستحي جدا ما تبغي تسأل حريم اخواني تقول كرمتي ما تسمح لان من زمان جربت تطبخ وضحكوا عليهافهي ماتبغي ترجع تحرج نفسها وانا معاها قلتلها نعتمد على نفسنا ولا نروح نسال يذلونا ويتطنزون ،في النهاية لم يخرب الأكل نطلب من برع بدون مايعرف أو نخلي الطباخ يطبخ ومانقول لخطيبها طبعا، فراحت واشتركت كذا كتاب طبخ وتحاول تطبق اللي فيه بس المشكلة ان تقنية الطبخ أصلا غلط يعني في أشياء ماتنكتب في الكتب، ولا تفيد هاي الكتب في أي شيء بس خسنرنا فلوسنا خذنا كتب ششكثر ولا عارفين شو نسوي فيها انا احاول اوقف وياهابس انا اصلا جاهلة ما عرف اسلق بيضة فما بقدر افيدها محتاجة تعليم من اول ويديد وفي نفس الوقت قلت اتعلم انا عشان ل و تزوجت ماوجه مشكلتها المهم فهاي هي بعض المشاكل وياريبت لو تقولولنا شو الحل او شو اسباب هالمشاكل:

1. مثلا شافت أكله فرنسية عبارة عن صدور دجاج محشية بالجبن واللحم السلامي وبعدين لازم تقليها فلما قلتها إحمرت واستوت من فوق ولما فتحتها كانت صدور الدجاج نية وكذا مرة تصير لها هاي المشكلة ينضج الدجاج من برع ويكون لونه وردي مش ناضج من داخل

2. الدجاج لما تطبخه يكون له ريحة وزفرة هي تفركه بطحين وليمون بس يمكن طريقتها غلط أو يمكن في شيئ أحسن من هالطريقة ياريبت تقولولنا.

3. الرز لما تسويه يلصق ويعجن ويكون مثل القطع مش نثري .

4. المعكرونة والباستا تلصق وتعجين وساعات تطلع قاسية.

5. جربت تشوي دجاج قطع على الفحم وطلع نصه محروق ويابس

6. صلصة البشاميل الفاشلة تكون مكلكعة مع انها تقلبها من البداية بالملعقة بس تصير كلها كرات وفلافيص ماتنفع وفي مرة من المرات البشاميل ما صار لونه ابيض تحول لبني شو السبب وليش يكلكع ما يصير سايل صافي.

7. أكلة المسقعة او الموساكا اليونانية اللي هي الباذنجان المقلي وطبقات لحم مفرروم وصلصة طماط وصلصة بيضا ء من فوق لما تخلص في الفرن ونقطعها يطلع لنا ماء وسوائل اشكثر في اسفل الصينية كأن مرق تحت .

8. لما نقلي البصل مع الزيت في بداية الطبخة نلقى بعص قطع البصل احترقت والبعض الثاني ماستوي .

9. السمبوسة والسبرينج رول لما نلفهم ونقليهم ينفتحون وتطلع الحشوة او تطلع لينه جدا.

10. الكيك لما تسويه مانعرف شو حجم الصينية المناسب نحطه في صينية الكيك ونلقاه بعد ما نطلعه من الفرن غير منتفخ .

11 الكيك بعض الأحيان يكون جزء منه مرتفع والجزء الثاني نازل مثل التلة ويكون محروق من تحت.

12 البسكوت يكون يابس وقاسي وساعات مفتت .

13. فطيرة التفاح لما سويناها وقطعناها لقينا سوايل التفاح كلها نازلة ومنظره غير شهي.

13. التشيز كيك لما نحطا الجيلي بعد ما طلعنا طبقة البسكوت والكريمة وصبينا الجيلي وحطينا في الثلاجة بعد كم ساعة ما نلقى الجيلي صار طبقة وحدة يكون شكله غلط وغير متوزع زين. وشكله يفشل.

هذا ال أذكره من المواقف السخيفة في الطبخ الفاشل ما نعرف شو الحل ولو تزوجت بتواجه إحراج فظيع لما يبكتشف انها ماتعرف تطبخ ياريبت خبيرات الطبخ لو تساعدونا في حل هالمشاكل