أختي وزوجها الشاعر

السلام عليكم أخواتي ، من وقت طويل ما كتبت لكم واليوم أختي عرضت علي مشكلتها وحبيتكم تعطوني آرائكم، أختي وزوجها وأهل زوجها مسوين جروب في الواتس اب ، وزوجها أكبر اخوانه ومعظم أخواته بس عنده اخت أكبر منه . بس تقول زوجها ما مسوي له اي شخصيه مع خواته الصغار ويتكلموا معه ويمزحوا بشكل ما يدل ابدا انه اخوهم الكبير اللي المفروض له احترامه.
وزوجها له محاولات شعريه حلوه ويكتب شعر وكل يوم والثاني يكتب شعر في وحده من اخواته ويمدحها ويتغزل فيها وأختي بصراحه حاسه بقهر لانه هي اللي اسمها زوجته ما يكتب فيها شعر واليوم كاتب لأخته ف الجروب لو بقول الشعر بقوله بس علشانك
وهي مقهوره حيل من اسلوبه هذا 
هي تحب اخواته وهم يحبوها بس تقول زوجها بتصرفاته كرهها فيهم وبدأت ما تحب تشارك في الجروب بسببه
وما تريد تكلمه لا يحس بغيرتها ويزيد بتصرفاته لانه من هالنوع اللي يعاند 
بإيش تنصحوها ؟ ولا تقولون ما لها حق تغار لان اي وحده منكم متزوجه اكيد راح تحس بالغيره وزوجها يكتب شعر ويتغزل بأخواته