زوجي ما صار معاه حادث ولا فيه اي مرض .. النزيف جاله فجأة بسبب ارتفاع ضغط الدم و الاطباء قالوا انه متعرض لزعل ..وانا معاه كان قبل الظهر معي جابلي العيال من مدارسهم و راح للمسجد و هناك طاح و خذوه بالاسعاف..

عزيزتي انا ذنبي ان زوجي يحبني و يمدحني و ياخذني و يسافر معي ومع عيالنا و هم من القهر متحيرين يبغونه يطلقني .. ذنبي ان اهله سبوني على الفيسبوك بصفات بشعة و انا ما رديت و ارسلوا لي رسايل يطردوني من حياتهم و ما رديت و سبوا اهلي و سبوني و لا رديت ... لكن قررت اطلع من حياتهم و زوجي من كثر ضعفه قدامهم و خوفه منهم و بره لهم قال لي لا عاد تزورينهم احسن حل لان هم يكرهونك و لافي امل يفهمونك و يتحملونك.. وبعد اربع سنوات من عدم زيارتي لهم و خلالها طبعا هم دااايم يحنون على راسه يبغوني ارجع ازورهم و يمثلون انهم تغيروا ولا انا راضية ارجع ولا زوجي لانه يشوف كذا اريح.. طبعا هم يبغون رجعتي حتى يعرفون تفاصيل حياتي و انا سكرت بابا الشر بينا..

اختي امه يوم قعدت معه في المستشفى ماكانت تسوي شي غير تأكله فقط لا غير
الممرضات قايمين بكل شي .. هي جلست هناك نقاهة لها و طلبات اكل و شاهي وقهوة .. و صارت تراقب كل من جاه من الرجاجيل اصدقاءه و تاخذ ارقام جوالاتهم و تعرف صلته فيهم.. لدرجة انها كلمت على راعي عمارتنا و على عمله تسأل عن راتبه..
اختي فيه تفاصيل عيب انشرها لكن ربي يشهد انها ظالمة و انهم اقبح ناس شفتهم في عمري
وانكشفوا زود بعد مرض زوجي لانه غير عنهم و كان يخبي عني قد ما يقدر من بشاعتهم..

اختي تصدقين ان امه تركت كل حريم العايلة و خلت رجال غريب يوقف معي خارج غرفة زوجي في المستشفى يقنعني اصالحها ؟!!!
وزوجي يكره هذا الشخص و يكره اني اكلم اي رجال.. وهي تدري
لكنها بتورطني
فقطعت الطريق و الكلام عليه و ورجعت لها و قلت لها عيب عليك زوجي مرمي في الغرفة و ترسلين لي رجال غريب يكلمني !!

اختي امه خلت حماي ولدها يتطاول علي في الكلام في المستشفى و شكيته للادارة ..

اذا كنتي تعيشين بين ناس طيبين و محترمين فربي لا يغير عليك ..
لكن الدنيا فيها ناس مشوهين و فيها ظلم و الظلم من كل الناس عادي الام والاب و الاخوان والابناء كلهم ممكن يظلمون و قصص القرآن خير شاهد !!

بالعكس يا اختي انا اللي لي عليهم حق الاعتذار و ما يبغون يعتذرون يبغون يكسرون راسي و يقهروني .. الغيرة مني هي السبب الاساسي
يمكن لاني متعلمة و جامعية و كنت معلمة وكملت الماجستير و سويت دورة لغة انجليزية .. و خواته ثانوية وماكملوا لانهم ما يحبون الدراسة ..

المهم اذا حولك طيبين فالناس في الدنيا فيهم كل الانواع.

الله يفرج همك وييسر امورك ويشفي زوجك يارب..

الله يشفي زوجك ويرفع عنه ..

• الله يفرج همك وييسر امورك ويشفي زوجك يارب..

اتوقع المحكمة بتوقف معك لانك الوحيدة اللي تقدرين تساعدينه بقضاء حاجته بدون احراج له ويكون بين عياله وربي يشفيه ويجمعكم على خير