انا لفيت على كدا بيت وحسيت بدات الفلل الصغيره فيها عيب واحد قهرني

انو الدور الارضي مسوينه استقبال حريم ورجال وموجود حمام واحد مشترك وعند باب مجلس الرجال يعني لو الحرمه احتاجت حمام كيف تروح وفيه رجال هدي اللي ما عجبتني في الفلل والدور الثاني غرف نوم وصالون كبير وفيه حمامين كيف ؟؟؟

بعد احس كثرة الغرف في الدور الثاني ماله داعي افضل تكبير الغرف يعني تلاقين 6 او7غرف مساحه صغير 4×3 حرام على الاقل 3 غرف كبيره اشوي وخاصه غرفة النوم..

كثرة الاقسام والاسياب تاخذ مساعه من دون فايده..
وافضل بعض الغرف وضع حمام داخلي صغير ..

الله يجزاك خير ياصاحبة الموضوع فعلا احنا بحاجة الموضوع
\السعيد من اتعظ بغيره \
المطبخ المفتوح تعب وشقاء ابتعدي عنه
الحوش الكبير خسارة وتعب
التصميم الذي يناسب عاداتنا وتقاليدنا

بنقل لكم تجربتى صممنا البيت على اساس دورين والسطح شقه مسروق بس بعدين قلت يابنت احنا 4اشخاص وعيالي الله يصلحهم صغار والدور الثانى 5غرف مع صاله جانبيه صراحه التصميم حلو وترتيب الغرف مع الحمامات يهبل يعنى يبى عليله اقل شي 8 اشخاص واحنا شوين ولااحب الخدم يعنى البيت كبير علينا وما اقدر عليه لوحدى ولاعندنا ضيوف الافي السنه مره او مرتين صراحه قعدت اتخيل كبره ولاابو الشباب مافكرحتى حتى الخدامه لما قعدت اجس نبضه قال على حسب الظروف يعنى انا الى بتعب وبشقى وهو مادرى عنى بعدها قررت اتفاهم معه نغير المخطط وشرحت له الاسباب وقلت الدور الثاى شبه فاضى يكفى غرف لنا بدوره مياه وغرفتين متقابله للعيال بدوره مياه بينهم ولو احتجنا غرفه ماراح نحتاجها باذن الله الابعد 10 سنوات يعنى مامنها فايده الغرف الباقيه خليها شقه تستفيد منها المهم صار الدور الارضي استقبال مع غرفه نجلس فيها والعلوى 3غرف نوم وبس والسطح سرقنا منه غرفه لشغاله ماندرى الايام وش مخبيه لنا يمكن نجيبها علىانى مااحبهم