ام حاتم
يابعد عمري انتي
والله كلمتك (تحملين) حركت شي في داخلي
وصدقيني
انا احبه علشان كذا صبرت عليه
بس فيه صفات اكتشفتها متاخره فيه وبحاول اذا قدرت
والله يقدرني
وابوي اذا تدخل بيطلب الطلاق صدقيني انا عارفه قبل هالمرة قالي انا اتفاهم معاه
وعلمتني امي
قالت ترا ابوك بيطلب الطلاق وانا كنت مابي الطلاق
فحليت مشكلتي معاه

ادعي لي
الله يفتحها عليك دنيا وآخرة ياااااااااااارب

الله يفتحها عليك ويكتب لك الخير حيث كان ويسهل امورك ويريح بالك

الحل تطلبين نفقه شهريا يعطيك من غير كلام واصلا واجب علية النفقة وبس

الله يعينك

طيب انتي اشرحي لأمك وش تبين ابوك يقول له ولا تجيبون سيرة الطلاق ,,, أو إذا واحد من اخوانك كبير فهميه وهو يتفاهم معه

وبعدين صدقيني الدعاااااااااااااااااااااااااااااااااااااااااااء يسوي المعجزات ياما حريم تغيروا ازواجهم بسبب الدعاء ,,,

وترى انا يالغلا كنت متأخرة فالحمل وظليت ادعي واستغفر بقلب صادق وابكي لدرجة حتى اذا قمت فجأة من نومي بنص الليل ادعي واستغفر وارجع انام واوصي أمي وأهلي يدعون لي ومن كثر ما تمنى شريت لبس للنونو وعلمت اهلي من باب السوالف وما توقعت اني بحزنهم وببكيهم وربك كريم ما اكرم منه احد حملت يارب لك الحمد وترى انا مو صغيرة ,,, والحمد لله ربك سمعيع مجيب ,, ترى الدعاء عجيب عجيب ,,, كل ليلة خصصيلك وقت في آخر الليل وصلي وادعي من قلبك وانت سااااااااااااااااااجدة ومتأكدة في داخلك ان دعوتك بيستجيبها رب العالمين ادعي لزوجك وادعي انك تحملين ... وربك سميع مجيب وبإذن الله راح يجي اليوم اللي تكونين فيه اسعد زوجة وأم يارب وكله بفضل رب العالمين ثم الدعاء اقري فقصص الدعاء المستجاب راح يرتاح بالك ..

اما على طاري الحمل من الاشياء اللي سمعتها وحده تعرض على وحده ثانية وقدامي انها تتبرعلي بواحد من عيالها والثانية تقول تبرعي انت طبعا مو جادين بس شوفي الوقاحة واعذريني على هالكلمة ,, هذا موقف واحد بس من مواقف لاحصر لها لكن ربك كريم يالغلا ,,,

بإذن الله قريب تبشرينا ببشاير الخير ياعسل ,, وبإذن الله راح اتابع موضوعك ,,, واتمنى تكون نهايته سعيييييييييييييييييييييييييدة يارب واوعدك ادعيلك كل ماتذكرت ,,,