أم حاتم,,, :

وعليكم السلااااااااااام ورحمة الله وبركاته ,, شوفي يالغالية ,, أنت الحين لسى متأثرة ومأثر عليك الشيطان تعوذي منه ,, واستخيري وادعي ربك يسخرلك زوجك ... والأسباب اللي ذكرتيها تصير في أغلب البيوت كثير من اللي قلتي يصير معي بس عمري ما فكرت مثلك يعني هذي هي الحياة الزوجية فيها الراحة وفيها التعب واحنا لابد نتحمل بعض الأمور ,,, يعني الحمد لله مدامه يصلي وفيه خير الحمد لله إنن شاء الله مع الوقت يتغير والأكيد انه مع الدعاء يتغييييييييييييييييييييييييييييييييييييييييييييييييير سبحان الله ,, وترى زوجك مو بخيل ابداااااااا بدليل انه يصرف على الغير وصرف كثير بعد ولاهو اناني لانه بعد يفكر فغيره فكر في اخوانه مثلا يعني هالصفتين مو فيه بس انه مقصر معك شوي بدون لا ينتبه وترى كثيييييييييييييييييييييييييييييير من الرجال كذا ... وعايشين حريمهم معهم عادي ومافيه بيت يخلو من المشاكل لازم نصبر يالغلا ,, والكلام اللي ينقال عن تأخر الحمل ياما سمعناه وياما غيرك يسمعه برضو هذا مو سبب مقنع واسلوب اهله بعد كثير عايشين كذا نادرا تلقين وحده اهل زوجها طيبين معها ,,, شوفي حولك فكري في فلانه وفلانه كلهم ممشين حياتهم ويتعايشون مع مشاكلهم ,, وغير كذا يمكن والله اعلم انه ما يجوز تطلبين الطلاق لان الاسباب مو مقنعه كفاية ,, شوفي يالغلا أبدا ما أأيدك على الطلاق انت الحين تقولين مرتاحة وتبين الطلاق لكن صدقيني إذا لا قدر الله طلقك راح تندمين كثر شعر راسك وتحسين أنك استعجلتي وبتراجعين نفسك وتقولين ليتني صبرت شوي ,, أهلك وأخوانك وأخواتك الله يحفظهم لك ولا يحرمكم من بعض ماهم دايمين لك اخوانك وخواتك كل واحد بيتزوج ويشوف حياته ومن متى لمتى حتى تشوفينهم وبتصير بينكم نوع من الرسمية ما تدرين عن ازواج خواتك وحريم اخوانك كيف بيكونون نادر تلاقين اللي قلبه عليك ,, وغير كذا أمك وأبوك والهم والحسرة اللي بتجيهم عليك ,, وغير كلمة مطلقة وانت تعرفين وش تعني هالكلمة بمجتمعنا وروحي اقري فقصص المطلقات الله لا يجعلك منهم ,, يالغالا حافظي على زوجك وتعطي نفسك فرصة عند اهلك وراجعي حساباتك وفكري صح فكل شي ,,, وحاولي تكسبي زوجك خذي هالفترة فترة راحة وإجازة زوجية مثل ما يقولون وحاولي تصرفي نظر زوجك عن طلبك للطلاق وحاولي بأسلوبك مع الدعاء انك تغيرينه انت استسلمتي وانفعلتي واخذتي الامور بحساسية زايدة وعاطفة انا معك اشياء تقهر اللي يسويها زوجك بس ما توصل للطلاق ترى الطلاق مو شي هين والشيطان دخل بينكم وانت اعطيتيه فرصة واذكرك يالغلا ان احب الاعمال للشيطان لما يتفرق زوج وزوجته اهم عنده حتى من الكفر والعياذ بالله ,, ماودي اطول عليك بالكلام أكثر بس أتمنى تراجعين نفسك كثير قبل تاخذين اي قرار وتستشيرين وتستخيرين رب العالمين قبل كل شي وفكري فكل كلمة قلتها لك ربي يكتبلك السعادة فالدنيا والآخرة فائدة جانبية بقولها لك : فيه أشخاص أو أزواج يسعون لخدمة غيرهم أكثر من انفسهم وأحيانا توصل نعهم يعتبرون زوجاتهم مثل انفسهم عشان كذا يهملون زوجاتهم مثل ما يهملون انفسهم ويقدمون الناس اولا ,,, هذي المعلومة سمعتها فبرنامج أن الشخصية هذي يسمونها الشخصية الدائرية :) ومن كلامك زوجك بعد دائري ,, فحاولي تقرين عن هالشخصية فالنت وراح تقتنعين ,,,

وعليكم السلااااااااااام ورحمة الله وبركاته ,, شوفي يالغالية ,, أنت الحين لسى متأثرة ومأثر عليك...