كلي اذان صاغيه يا حبيبتي :27:

وان شا الله احاول اني ما ابخل عليج اذا قدرت اساعدج حبوبه


:26: :26: :26:

نحن فى الانتظار وباذن الله تلقين اللى تبينه بينا :24:

بسم الله الرحمن الرحيم..
بصراحة ماأدري كيف أبدأ مشكلتي ولا من وين أبدأ مشكلتي متشعبة ومتشابكة...
راح أحاول أجمعها وأرتبها...
أنا طالبة جامعية متفوقة في دراستي ومحبوبة من زميلاتي ولله الحمد والمنه..
مشكلتي هي (الوسواس القهري) ومعاناتي بدأت قبل تقريباً خمس سنوات ونصف وقتها كنت في ثانية ثانوي وكان الوسواس في البداية وسواس في النظافة دقيقة في النظافة بشكل خيالي
وبعد كذا بسنة تقريباً تغير شكل الوسواس وتطور وصرت أوسوس في إني مريضة بمرض خطير وصرت دايماً أراقب جسمي أخاف فيه أثر لمرض واستمرت فكرة المرض معي إلى اليوم.
وطول هالمدة والوسواس مره يزيد ومره يخف لدرجة إني أحياناً أقول خلاص إن شاء الله راح أتشافى وأنا مافيني شي وبعدين يتغير الحال وأقول لا أنا أكيد فيني شي جسمي ذبل ووزني نقص
والكل يسأل ليش أنتي مسويه رجيم(من سمني حتى اسوي رجيم)؟؟وشعري صار يتساقط بشكل مع إنه أول مضرب مثل في الكثافة والكل يقول لي إنتي أول ماكنتي كذا وبعدين أخاف من كلامهم وأقول أكيد فيني شي!!!
لحد كذا الوضع مسيطرة عليه لكن الطامة الكبرى إنه من تقريباً سنة وكم شهر أقنعت نفسي بأن فيني مرض خطير وإني أشكل خطر على أهلي واللي حولي لدرجة إني لو طلعت مني نقطة دم لو جرح بسيط أخاف وماالمس شي أخاف يلمسه أحد بعدي وبعدين يمرض بسببي وصارت حالتي ماتنطاق وصرت مااشتغل في البيت ولا ألمس شي إلا أمسحه بعد ماألمسه وراح أذكر لكم أشياء معليش ممكن تقولون عني مجنونة لكن قسماً بالله إني ماأبالغ :مرة من المرات كنت جالسة في القاعة في الكلية دخلت وصافحت صديقاتي وجلست ولما بدت المحاضرة لاحظت في يدي خدش بسيط وطالع منه دم خفيف ويوم شفته بديت ارتجف وعلى طول قمت وشلت أقلامي وملزمتي وإستأذنت من المشرفة وقلت لها ماني راجعه اكتبي لي غياب تدرون ليش؟علشان أخاف إذا جلست ومر كشف الحضور ووقعت بعد كذا الكشف راح يمر على البنات اللي بعدي بعدين راح يصير لهم شي بسببي لان يدي فيها دم!! واول ماطلعت ذاك اليوم من الكلية وركبت السيارة إنفجرت وصرت أبكي..

ياعمري كملي وباذن الله راح نساعدك ,,,

يتبع..
ومرة كنت أتفرج على التلفزيون وماسكة الريموت كنترول وبعدين لاحظت جرح في إصبع يدي وفيه دم فقمت ومسحت الريموت بكلوركس!!!!!أخاف يلمسه أحد من اخواني وحتى يوم مسحته مااقتنعت حتى الآن أخاف أحد يلمسه!!!
وفي يوم من الأيام كنت في الكلية إنتهى الدوام وراح أطلع لبست عبايتي ولما جيت آخذ شنطتي كان جنبي كرسي خشبي فضرب يدي وانجرحت تدرون وش صار بعدها أول ماوصلت البيت رميت العباية والبلوزة في الغسالة وصبيت عليهم مطهر وحتى بعد ماغسلتهم حرمت البسهم مرة ثانية مع إن العباية توني مشتريتها ماصار لها أسبوع!!!!
والحين حالتي من سيء إلى اسوأ قبل أسبوعين تقريباً كنت مشترية مكياج جديد شدو وكحل وأرواج وماسكرا وكلهم جدد وكان عندي في ذاك اليوم تربية عملي لما دخلت الكلية وربطت شعري وثبت إكسسوارات شعري كانت حادة وجرحت طرف إصبعي وانا ماحسيت وطلعت الكحل والروج و حطيتهم وبعدين لاحظت الجرح ..ياالله وش أسوي والحين طالعة للتطبيق كنت أفكر وش راح أسوي مامعاي صابون ولا شي ولما دخلنا المدرسة اللي اطبق فيها طبعا لازم اصافح زميلاتي اللي معاي في التطبيق..ودخلنا الإدارة ووقعنا حضور وانا افكر كل البنات وقعوا في نفس القلم أكيد راح يمرضون بسببي لاني لمسته وبرضه معلمات المدرسة واول مارجعت البيت
كل أغراضي اللي في الشنطة رميتهم في الزبالة حتى مكياجي الجديد لأني لمسته ويدي فيها دم من الجرح وغسلت كل ملابسي والعباية حتى الشنطة قسماً بالله ماابالغ غسلتهم اكثر من مرة مرة بصابون ومرة مطهر يمكن اكثر من خمس مرات حتى تغير لونهم من كثرة الغسل..
حتى الموبايل مرة صبيت عليه (ديتول)...

يابنات الله يخليكم ويفرج همكم ساعدوني أنا محتاجة لكم لا تطنشوني يشهد الله إني صادقة من غير مبالغة...