صباح / مساء الخير لكم جميييييييييييييييعا يالغاليات ...
اليوم ان شاء الله رح نتكلم في موضوع جديد ( الأخت تحسب نفسها معلمه ) هذا الموضوع لطالما حلمت ان احد يفتحه وانا امسك الباب على مصراعيه عشان محد يقفله ...
كمشاركه في الحمله الرائعه قل خيرا او اصمت ... حبيت احكيكم عن سالفتين يعني مثنى سالفه عاد فطاحله العربي يفهموني والا الباقين ما راح يقدرون موهبتي اللغويه ..
حقيقه انا متأكده ان نص المشاركات كانت عباره عن كلام باللغه العربيه الفصحى لكن نظرا للظروف الفنيه لواحتنا الترفيهيه وللنظره الأستراتيجه لي كفور روز قررت اكتب بالعاميه عشان حتى الأميات يعرفون يقرونها والحمدلله ادت نتائجها هذه الفكره .. وانتم عشان تصدقوني خلوا أي شخص عمره على 3 سنين يشوف الموضوع بس بمجرد نظره راح يقول ايه عرفت هذا موضوع فور روز ههههه ..
هذه مجرد مداعبه بسيطه للعضوات الحلوات بما اننا في الواحه الترفيهيه وتنفيذا لوصيه سموكه الحلوه (تقول خلوها بقالب ترفيهي ) <<<< تبي تورط البنت في مواضيعها خخخخ ..
نبدأ بسم الله ..
في العاده انا ما احب اني اشوف موضوع يهين شخص او دوله او أي شيء من هذا النوع لذا وبما انني امقت هذا الشيء اذا لابد اني اغيره ,, طبعا السالفه صارت هنا في المنتدى انه وحده من العضوات نزلت موضوع وكانت تهزأ فيه من شخص طبعا انا كنت تقريبا الرد الثالث الأولى اكتفت بـ ؟؟؟؟؟؟ علامات استفهام والثانيه بـ ههههه ضحكه بدون تعليق والباقي مرور الكرام بدون تعليق .. اما انا فبصراحه ما احب اشوف الغلط وامر عليه مرور الكرام فكان ردي لها انه ما يجوز هذا الشيء لأنه الأمر محزن اكثر من ان يكون مضحك وحرام نرقص على جروح الآخرين والرد اطول من كذا حبتين لكن في حدود الإحترام <<<< احلفي ؟؟ طبعا اللي بعدي بعضهم بدأ بالشتم والسب وناس بدأوا يقتبسون كلامي ويزيدون عليه وبعضهم كان يحاول يهدي البنات وهكذا ..
الحقيقه اللي استغربته ان صاحبه الموضوع ما ردت على أي وحده لها فتره كثرت الردود وهي ما ردت ؟؟ قلت يمكن تكون انحرجت من البنات وما ودها تعلق الآن ؟؟ وتركت الموضوع ورحت فريت في المنتدى بدراجتي ورجعت لصاحبتنا ركنت الدراجه برى ودخلت وانا كذا
..الله لايوريكم تدرون وش شفت ؟؟؟ والله شيء اول مرة امر فيه ,, جت الأخت مغطيه راسها بقدر ( خوذه رأس )وماخذه في يدها شوكه و ملعقه كبيره ( اسلحه محرمه دوليا ) وعلى صدرها صاج مضاد للصدمات ( درع حربي ) وهجوووووووووووووووم هاجت علي اول وحده هجمت علي قدام الله وخلقه لغه بذيئه بمعنى الكلمه بدايتها تعالى هنا يا .... ونهايتها غير سعيده بالطبع وش تنتظرون ؟؟ خخخ
طبعا والله انا انصدمت ما كان تعليقي يستاهل الكلام هذا كله لكن اللي حسسني انها زعلانه مني البنات اللي اقتبسوا كلامي وأيدوني وهي والله اعلم انها كانت زعلانه من هذه النقطه فكل رد اقتبس من كلامي كانت صاحبه الرد تتشرشح وانا بعدها على طول خخخخ ..
والله ما تتصورون قد ايش اتضايقت يعني هي مسميه نفسها ام فلان وفلان انا على طول فكرت في اولادها أي فكر يحملونه في روؤسهم ؟ أي لغه يتكلمون بها قادم الناس ؟؟ أي احترام للكبير يعرفونه اذا كانت امهم بهذا الشكل ؟؟ طبعا والله انا ما سكت رديت عليها ب( جزاك الله خير واشكرك على ردك الراقي ) ولا زدت على ذلك لكن كل ماللردود تزيد ويقتبسون كلامي لما عصبت قامت قالت كلام سيء للغايه طبعا لي ولكل من عارضها وبدأ يكثر مؤيدوها <<< صرنا في معركه خخخ ... استغربت ان بعضهم يقول ما قالت شيء وين اللي قالته ؟؟ لما رجعت للصفحه الأولى لقيت الأخت مسحت كل اللي كتبته ؟؟؟؟؟؟؟ فهمت هنا ان نص البنات مافهموا الموضوع والله ياناس ان بعضهم تهزأها وما تدري وش كانت كاتبه اصلا ؟؟؟؟ عجيب امركم يا بنات حواء ؟؟ فرديت قلت يا أخوات اللي ما شافت اللي كان مكتوب في البدايه الرجاء ما تتكلم عليها ولا علينا المهم صاحبتنا هذه حست انها داخله معركه وما خلت ولا بقت على قلبها شيء .. لكني اسغربت وجود ناس يزيدون من نار الحرب ؟؟ والله انه فيه بعضهم يقولون متابعين وبقوه ؟؟ طيب مايدرون عن اجر اللي تطلع عليه الشمس وهو مصالح اثنين على بعض ؟؟ بدل الرد التافه هذا كان ممكن على الأقل تقول اذكروا الله ؟؟ ووحده ثانيه تقول كفو يا ام فلان والله ما يعرف للحريم الا انتي اتحدى وحده تفتح فمها بعد كذا ؟؟؟؟ والله على طول عرفت اني اتكلم مع ناس عندهم عقول لكن مايفكرون بها مدري حسيت اني قللت من قيمتي كثير لما رديت على موضوعها اللي كان بالنسبه لها ان لم تكن معي فأنت ضدي .. وعشان اهدي الموضوع فكرت وفكرت وفكرت >>>> اخلصي علينا ندري عندك مخ خخخخخ .. لقيتها كاتبه في توقيعها دعاء من ضمنه دعاء لزوجها وعيالها واهلها وانه عندها مريض وكذا .. المهم نسخته في رد جديد وقلت اللهم ياحي ياقيوم انك تستجيب لأختنا ام فلان دعائها وتهديها وترزقها وحطيت نص الدعاء اللي في التوقيع .. والله من بعدها قالت وحده لها يلا ياام فلان قومي عليهم لا تسكتين لهم قالت لا خلاص الدنيا مقبله على رمضان وخلاص ما ودي ارد ... ما قلت لكم هنا مخ ؟؟ بسم الله علي ليت الذكاء هذا دايم خخخ ..
سبحان الله حركه بسيطه تحولك من عدو الى صديق وهذا كله اذا اتبعنا كلام النبي صلى الله عليه وسلم وقوله تعالى
(فبما رحمه من الله لنت لهم ولو كنت فظا غليظ القلب لأنفضوا من حولك ) وش اللي بأجنيه اذا حرضت شخص على الآخر ؟ او هزأت شخص قدام الناس ؟ او حاولت اني ابين نفسي قويه ببذائه لساني ؟ ليش ما احفظ احترامي وتقدير الناس لي بردودي الطيبه ؟ عشان اللي ما يعرفني على الأقل اذا دخل ملفي الشخصي يلقاه يبيض الوجه ويدعي لي وهذه النقطه اتكلمت عنها مهورة من قبل هل خدمت الدين بهذا اللسان اللي سلطته على الناس ؟ والا جباره في البذائه خواره في الدعوه ؟ اتمنى الكل يتذكر حديث المفلس
قال رسول الله صلى الله عليه وسلم: أتدرون من المفلس ؟ قالوا:المفلس فينا من لا درهم له ولا متاع , قال صلى الله عليه وسلم : إن المفلس من أمتي من يأتي يوم القيامة بصلاة وصيام وزكاة , ويأتي وقد شتم هذا ,وقذف هذا , وأكل مال هذا , وسفك دم هذا , وضرب هذا , فيعطي هذا من حسناته وهذا من حسناته فإن فنيت حسناته من قبل أن يقضي ما عليه أخذ من خطاياهم فطرحت عليه ثم طرح في النار ) .. (رواه مسلم).
الموقف الثاني ايام الدراسه ...
طبعا هذا الموقف حصل قدامي يحتاج له ضبط نفس .. صبر .. والكلمه الحسنه لها اثرها الفعال ...
( ماتشوفني بديت اتفلفس )؟ ياحلاتي بالفلفسه
يوم من الأيام جت المدرسه وحددت لنا اجزاء من كتاب كبير وطبعا كان اغليه احكام وكانت متشابهه .. وكلنا استبشرنا خير بهالتحديد كأي طالبات يفرحون لما المعلمه تحدد لهم ( ونااااااااااااااااسه فيه شيء محذوف خخخ) المهم جاء يوم الإختبار وغش اللي غش وعف نفسه اللي عف وكانت النتيجه وجود سؤال ذكاء الحقيقة محد عرف يحله خصوصا انها احكام متشابهه نزلوا البنات زعلانين ومعصبين ليش كذا ؟ ليش ماتعطينا من اللي حددته لنا ؟ وووو .. لازم نروح نطالبها بحقنا وبدأ الهرج يكثر قالت وحده ما شاء الله عليها يابنات خلوا الوضع زي ماهو اكيد اذا المعلمه شافت الغلطه هذه عندنا كلنا نفس الشيء راح تتجاوز عنها قلت صادقه فلانه لأن معلمتنا هذه تحب الكلام الطيب وما تحب احد يغلطها ( زي أي معلمه الله يعيننا عليهم ) قالوا لا هذا حقنا ولازم ناخذه وانقسمنا نصين نص راح ونص جلس المهم سمعنا صراخ حرام عليك عسر الله على من عسر على مسلم ما يجوز انتي حددتي .. والثانيه لا الكلام هذا موجود في الكتاب والدرجات راح تنقصونها وووو احنا ما فهمنا السالفه الا وحده الله يهديها من اللي راحوا قالت لها عسر الله على من عسر على مسلم انتي ظلمتينا وووو + صراخ الآدميه هذه اذا ما صاحت ما تعيش خخخخ فردت عليها الأستاذه انها كانت بتمسح هذه الفقره لأننا كلنا غلطانين فيها لكن مع قله ادب هذه البنت لايمكن تتجاوزها ,, حقيقه حسينا بقيمه كلام البنت اللي قالته لنا وكان ودي ترجع اللحظات ورى عشان امسك صاحبتي هذه من شعرها اهم شيء ما تروح .. عاد جتنا المعلمه هذه واعطتنا من الوعيد والتهديد ما الله به عليم قالت لها وحده خلاص يا أستاذه جزاك الله خير احنا غلطانين ما ذاكرنا زين وراحت المعلمه ..
لما جينا نشوف النتايج كانت زميلتي هذه ماشاء الله الوحيده اللي ماخذه ممتاز في الماده واحنا مشفففففففففففففففففر ..
الخلاصه : الكلمه الطيبه صدقه ..
اذا ما كانت هذه الصدقه على اللي تكلمينها فهي صدقه على نفسك عند الله سبحانه وتعالى ترفعك في اعين الناس وتحببك وتقربك من قلوبهم وبعد الموقف هذه انا قررت ما اترك زميلتي هذه ( عشان ماتروح علي درجات خخخخ) لا والله لأنها ماشاء الله انسانه حكيمه والناس يحبونها لقولها الحسن مو لأنها قويه وتاخذ حقها بنفسها ,,
ملاحظه للطالبات : بنات اذا وحده من المعلمات نقصتكم لاتجيبون العيد ؟؟ تروحون تتكلمون عليها ؟؟ بالراحه تاخذين حقك وزياده بس كوني ذكيه واضبطي نفسك قدر الإمكان ...
أخيرا ,,
آسفه على الإطاله وانا عارفه انكم مليتوا لكن اتمنى انها ما تكون حمله في المنتدى وتنتهي لا ابغاها تكون حمله في قلب كل وحده تجلس معها طول عمرها ولا تتركها ابدا في أي شأن من شؤون حياتها ..
وجزاكم الله خير على حسن القراءة والمحفوظات >>>> عمرها ما بتكون جديه ..
ممسوو
<<>>>>ن الرسمه ارسليها بأسرع وقت <<<