أخيراً راح أودع النحافه مع برنامجي البسيط 🖐🏾

السلام عليكم ورحمة الله وبركاتة
أرحبو يالنحيفات حياكم الله بموضوعي المتواضع 🌹
اول شي حابه اعرفكم على نفسي انا وحده نحييييفه وتقدرون تقولون جربت كل شي عشان اسمن من حبوب وفواتح شهيه وخرابيط ولا فاد وزني كان 39
.
.
انا الحمدلله شهيتي زينه لكن أغلب أهلي يسوون دايت لذلك زييين إذا لقيتلي وجبتين باليوم 😔
الثالثه لازم اطبخها بنفسي وانا وحده كسوووووله وماحب ادخل المطبخ
.
لكن حبيت هالمره اطير الكسل
وابدا بالجد ودي أوصل لـ 60 وبس كفايه
.
.
وطريقتي هذي هي اني أعوض هذي الوجبه بأشياء بسيطه + خلطه تسمن من تأليفي
جمعت فيها كل المسمنات بحيث لو مافادني الماش تفيدني الحلبه وهكذا
واهم شي المداومه مو تاخذينها اربع ايام وتقولين ماسمنت وتتركينها
أجسامنا يبيلها اسبوعين عالاقل حتى يبين فيها لان هالعظيمات ماتكتسي بكم يوم
.
.
.
.
اول شي نبدا بالوجبه اللي حسيتها سريعة الامتصاص واللي سبق وجابت معاي مفعول وسمنتني من 39 الى 42 وثابت الوزن عليها الى اليوم
وهي ::
.
تاخذين حبتين بطاطا وسط
وتسلقينهم مع ملعقة زيت
واذا خلصت تقشرينها
وتصبين عليها زبده وتضربينها بالخلاط مع كوبين حليب وتشربينها كوب بعد الغدا وكوب بعد العشى
اما الخلطه اللي اكيد بتسمنا بالاضافه للوجبات وهي ::
.
تاخذين ثلاث علب بهارات فارغه
الاولى : تحطين فيها حلبه قصيميه محموسه ومطحونه
والثانيه : فيها حب العزيز مطحون
والثالثه : فيها ماش مطحون
وعلى جنب كيس زبيب اسود
والطريقة انك تاخذين باليوم :
2 ملعقة شاي حلبه وحده الصبح ووحده المساء تلهمينها وتشربين وراها ماء
2 ملعقة شاي حب العزيز تذوبينها بحليب وحده الصبح ووحده المساء
1 ملعقة كبيره ماش اي وقت تاخذينها
اما الزبيب وهو مفيد جدا لو كان فيك فقر دم تاخذين لك كم حبه وتضربينها بالخلاط وتشربينها مره وحده يومياً
إذا مشيتي على هذي الطريقه ( البطاطس والخلطه ) صدقيني بتسمنين أكثر من 7 كيلو بالشهر
انا باديه فيها الان وراح أبشركم نهاية الشهر كم وصلت
بس أبي منكم ترفعون الموضوع عشان نتحمس مو ارجع القاه طاير ❤
واللي حاسه سعراتها قليله بالوجبات تحاول تعوضها بفطاير اللوزين لأن الوحده فيها 270 سعره
وكمان في مشروب الـ 1000 سعره
تقدرين تسوينه إذا حابه وهو عباره عن سنيكرز ونوتيلا وزبدة فول سوداني وحليب
وعندكم الاندومي في تقريبا 350 سعره
لكن انا اشوف الخلطه مع البطاطس والزبيب تكفي للكسالا اللي مثلنا حاولي مايخلا بيتك منهم وصدقوني بتسمنووون عليها كثير واهم شي المداااااومه
.
.
تحياتي للجميع وبإنتظار ردودكم 💚