أدبتي نفسك ؟

نعم لما إنتقلت للعيش ببلد أوروبي بأول سنين الغربه كان يجيني هذا الإحساس وبعدين تأقلمت وصرت أحس بنوع من الإنتماء وليس الإحتواء

عنوان الموضوع ماله دخل بالمحتوى

يوم تطلقت كل لحظه كل مكان كل تصرف كل شي باختصار ماكان يشبهني ابدا مايشبهني لدرجه اني معاد عرفت نفسي حتى شكليا ماكنت انا يمين بالله ماقدرت اتخطى انه مو موجود بحياتي ماقدرت رغم كل المحاولات بس الله اكرمني ورحمني ورده لي والا الان ذاك الفتره معلمه عليه ولا اقدرت انساها💔🥺

لما كنا اطفال نعتقد ان الكون كله لنا واحنا شخصيات رئيسية حتى القمر يلاحقنا لما نكون في سيارة بس ياريت براءة طفولة تظل معنا . كبرنا وصرنا حتى بين اقرب الناس لنا مانشعر بي الانتماء . الشعور هاذا مايختفي عند معظم الناس هم بس مجبورين يتظاهرون عشان لايبان ضعفهم وحيلة نفسهم أمام باقي البشر الي غالبا يعنون من نفس الموضوع وخذ لك دوامة دائرية ماينتهي

نعم شعور مابين انا استحق أفضل من جميع الأشياء من معيشه من منصب من مبالغ من تفكير دائما ما اشوف نفسي افضل بكثير من مشاهير لهم فانزات وتصاميم في كل المواقع تفكيري افضل منهم ودائم يجيك شعور المكان مو مكاني ،لكن دائما ننظر الي الشى الايجابي انا مرتاحه حتى لو ما وصلت للي ابيه بس اهم شي المحاوله وأهم شي القناعه هذي حياتك تذكري دائما هناك رزق لك وتوفيق محد راح ياخذه منك رزقك ونجاحك مكتوب لك ولكن قد يكون بطريقه أخرى قد يكون رزقك عائله محبه او صحه في الجسد او جمال او زوج او ابناء او اخوان او خوات او اي شي قد يكون الهدوء في حياتك رزق يبحث عنه الكثير فالحمد لله على كل حال

مريت فيها يوم كنت على رأس العمل
أحيانًا احس فجأة إن المكان أو الناس ما يشبهوني
وهذا الإحساس مو ضعف ابد لا والله لكن انا اعتبره رسالة تقول إن روحي أكبر من الجو اللي حولي
الحل؟
اكون على حقيقتي وادور مكان يناسبني مو كل مكان ننتمي له
وهذا طبيعي جدًا زمردة

بقولك موقف
كنت واقفة في غرفة المعلمات مالي شهرين وكم يوم
وقت الفسحة الكل يتكلمون ويضحكون

يتكلمون وقتها عن أشياء ما لها علاقة بعقلي ولا طموحي
سوالف عن عشرة ريال ناقصة وهذي مادفعت القطة ومَن دخلت على مَن وفلانة قالت وفلانة ردّت ومشاكل ودوشة راس

انا ساكتة وماسكة كوب الشاي بيدي
تلفت حولي والله وقتها
وقلت بينك وبين نفسي
أنا وش جابني هنا؟ وش طيحني بهالمدرسة هذا المكان ما يشبه طموحي أبد >> طبعًا كنت بقطاع خاص 😥😥😥😥
حاولت ادخل معهم بكلمة بس حسيت نفسي مو من نفس عالمهم
ضحكاتهم عالية وبينهم الفاظ قبيحة من باب الميانه بينهم مرادد وقلة احترام نوعًا ما

وقلبي وقتها مقبوض و متضايق وكنت مكتومة
كأني محشورة في مكان أصغر مني بكثير

رجعت لمكتبي وجلست لحالي
ووقتها مرت علي فكرة اني مستحيل اكمل بهالمدرسة وانا على يقين ان الله كاتب لي مكان اكبر واجمل وحكومية