إختي بنت الشريف... مأجوره إن شاء الله ع النصيحه...والصراحه عطيتيني أمل بعد ما خبرتيني عن أهلج :) ...عسى الله يوفقنا وياهم لما فيه الخير



بس خاطري أعرف وجهة نظر الريييل في هالنوع من العلاقات

أختي الكريمة إذا كان الشاب على دين وخلق فبعد الاستخارة توكلي على الله

ولا تبالي بالناس

زميلي زوجته أكبر منه ب12 سنة
والحمد لله سمن على العسل

وصاحبي الآخر
زوجته أكبر منه ب8 سنوات

والحمد لله كل شيء تمام

= وجهة نظر والله أعلم =

اختي توكلي علي الله لان في هذا الوقت مافي رجاجيل الا قليل خصوصا الشاب ذو خلق ودين حتي الاسلام لم يذكر الفرق بين الحريم والرجال في السن وانما بين لنا اذا كان الشاب ذو خلق ودين وان يلتزم جميع امور الدين فما المانع من الزواج من هذا الشخص اختي لا ترددي وانما توكلي علي الله وان شاء الله يسعدك.

اول شي صلي صلاة الاستخاره اذا كان فيها خيره هاذي الزواجه بتم انشاالله
وانا في ثلاثه من قرايبي متزوجين بنات اكبر منهم ولله الحمد عايشين احسن عيشه
والله يكتبلك اللي فيه الخير يارب

اختي بنت زايد ..
السلام عليكم ورحمة الله ....
اختي الكريمه ...
راح اكون صريحه معك للاخر .. لا تتضايقي ولاتزعلي.... باأقول اللي عندي ....
انتي حطيتي الموضوع للامانه والاجابة راح تكون منوعه وانتي وراحتك واختاري اللي ينولك ويرتاح له قلبك ...
اولا اقول لك الله يوفقك ..
ثانيا ..استخيري الله ولازم تكوني انتي مقتنعه بهذا الشيء .... واهم شيء هو يكون راضي عادي ماعلييييييييه...
ثالثا..كرأي الشخصي يعني لو انا بمكانك والله ماارضى ...لسببين..
السبب الاول .. مهما يكون راح ينظر لي نظرة اني انا الكبيرة ويشوف حاله انه الصغير
( والرجال ماهم سوا)
السبب الثاني ..اذا كنت موظفه اكيد انه راح يستغلني ماديا وبعدين يرميني ويتزوج بنت اصغر مني بكثيييييير...


ولي تجارب اهليه ...
اختي قد سبق انها انخطبت لواحد اصغر منها بفارق بسيط مثلك.. ويوم قرب موعد الزواج .. كلمها قال والله اصحابي يضحكون عليا بالعمل ويقولون تتزوج لك عجوز...؟؟؟!!!! رغم ان عمرها 24 سنه...ولكن انقهرت بداخلها وقالت اذا من اولها كذا اجل كيف بعدين ...


ومره بنت خالتي انخطبت على واحد اصغر منها .. ويوم وافقت ويبغى يشوفها وهى حلوووة مافيها شيء وعمرها 27 سنه ... رفضها قال لا شكلها ماهو مناسب جسمها كبير وسنها كبييير ؟؟؟؟!!!!!

والله يااختي انا مااقول هذه النماذج عشان تتعقدي ولكن ابغاك تعرفي ان الرجال انواع ...
منهم يقتنع وعاااادي مررررررررررررره
ومنهم لا والله ...

اخو زوجي متزوج وحده اصغر منه .. ومبسوطين ماعليهم ....... والبيوت اسرار الله العالم ... لكن عايشين وماعليهم ...


فقبل ان تنصدمي بالواقع .. لازم يكون هو مقتنع بك انتي وبسنك كاملا ..
ثانيا ان تكوني مرتاحه نفسيا ...وماانتي مجبورة

اذا انتي مازلتي صغيره بالسن ... فالافضل ان تنتظري ابن الحلال اللي يناسبك سنا وعقلا ورشدا ويكون متفهم لوضعك تماما ...والله يوفقك ...

هذا زواج ماهو شختك بختك ...والا لعب صغار .. هذا عمر وعشره ...
وياريت تفكري بالامر قبل الموافقه ...تفكريييييين مرررررره من كل ناحيه وفي المتقبل البعيد ......وانا والله مااقصد اني اعقدك ... ولكن قلت لك صراحتي وراي ...
وهذا عقلك يعرف خلاصك ...
والله معك ..:)