أرجوكم ساعدوني والله إني في مشكلة كبيرة

هلا اختي الله يعينك بس وش رايك تدخلين معي في موضوع تعلم الطبخ وعلى شوي شوي وان شاء الله تضبطين كل شي هو موضوعي كل اسبوع او اكثر انزل منيو ويكون متنوع في الاكلات ونبداء التطبيق كل وحده تطبق وتحط لنا صورة الاكله اللي طبقتها وهي ضبطت معاهاوالا واذا ماتقدر تصور مو مشكله اهم شي التطبيق واي سؤال اجاوب عليه ابحط لك الرابط وشوفي ان شاء الله بيفيدك كثير

http://forum.hawaaworld.com/showthread.php?t=1052024

الله يوفقك ويجعل والديكي في الجنة وياليت تعلميني كيف اسوي رز هو مشكلتي الكبيرة وهو الوجبة الأساسية
وشكرا لك أختي والله يفرج لك زي ما أنتي تفرجين كربتي

ماقصرت معكــ الاخت حجابي عفافي يعطيهاا العافيه والرابط اللي حطته ان شالله تستفيدين منه

وان شالله بتلاقين بقسم اطباق عالم حواء طبخااات حلوووه تستفيدين منها والله يشهد اني

استفدت منهم ومن تجاربهم يعطيهم الف عااافيه .. حاولي ودوري وسوي بحث وبأذن الله

تستفيدين مثلي لاتبكين ولاتاخذين بخاطركــ حاولي مره ومرتين وان شالله تصيرين

احسن طباخه بالعاااالم موعيب تفشلين مره واثنين وبتجاربكــ ان شالله بتتعلمين وتستفيدين

ادعيلي الله يوفقكــ مابي منكــ غير دعواتكــ :)

اختي مثل ماقالت اختي حجابي عفافي شاركي معهم وما راح تندمين
والرز اذا كانوا حمولتك يبونه احمر حطي صلصه
او اصفر كركم
ابيض بدون صلصه ولا كركم (احمسي بصل وحطي ملح وماجي ابيض وهيل نا عم (شوي للنكهه)ولومي اسود واذا طبخ حطي الرز وخلي الماء ارفع من الرز (يعني حطي الملعقه وارفع منها بشوي وطولي للنار واذا بدء ينشف ذوقي حبته ان كانت لينه خوذي من الماء وان كانت قاسيه قصري للنار (وما حددتي تبينه لين او حب شوي )
واذا كان هو مثل ماتبين سوي له كشنه وهي
بصل يحمس وبعد الحمس صبي الزيت فوق الرز وارجعي لتكملة الكشنه واغسلي زبيب وحطيه فوق البصل واخلطي وبهريه بقرفه ناعمه وهيل ناعم واخلطيه وفوق الرز حطيه ومعه( فلفل اخضر يعطي ريحه جنان)ورشيه بماء الكادي وذوقي الطعم اللي يخلي حمولتك (يفرشون الارض لك ورد )

الله يخفف عنكي لما قريت ردك أرتحت شوي ولك مني بإذن الله دعوات صادقة جدا في آخر الليل وعساني ماأنحرم منكم أنا كل مشكلتي في الرز وإلا الإيدامات أضبطها ولله الحمد وتعجبهم بس الرز هو المشكلة وهو الوجبة الأساسية وماأعرف وشلون أسوي بحث
واللي متعبني زيادة إن أخواته لما يجونا يطبخون ويأكل هو بشراهة ويثني على أكلهم ووحدة من أخواته تقول لي ماألوم أخوي نحف مالقى رز زين يأكله تعلمي مني وحاولت أتعلم منها بس ماعرفت كل ماجيت أطبخ أحس بالخوف وربي خايفة مرة