أرفض وإلا اسكت واخلي الامور تمشي !!

السلام عليكم ورحمة الله

هذي أول مشاركه لي واتمنى ماتبخلون علي بآرائكم ودعواتكم


بقول لكم سالفتي بدون مقدمات ...

الله يسلمكم في نهاية شهر اربعه اللي راح دقت وحده ع امي تخطب , الولد كويس وماعليه

انصدمت بعد يومين من المكالمه قالت امي اني عطيت الحرمه موعد وبتجي تشوفك , سلمت وآمنت وجات وشافتني

و اعجبتها بعد يومين جاء الرجال لابوي وجلس معه بدون ما يشوفني طبعا , جلسنا اسبوعين وسألنا عنه المشكله امي ماتقول لي وش قالوا عنه الناس بالضبط بس تقول يمدحون اخلاقه وهيك , بعد هالاسبوعين جاء وقت الشوفه ودخلت جلست يمكن دقيقتين والمحروس مانطق ولا بكلمه ولا كأني موجوده وطلعت
-طبعا انا كل هالفتره وانا استخير واحساسي عادي -

بعدها دق يقول انه مرتاح واستخار وموافق , انا احساسي عادي

ودقت امه تقول خلوها تحلل امي طبعا قالت سمعاً وطاعه ورحت وحللت وجاء هو وابوه وخطب رسمي
بعدها طلعت نتايج تحليلي لكن تخيلوا لها 3 اسابيع تقريبا وهو ولا على باله وما جاء ياخذها يطابقها احس انه يماطل وبعض الاحيان اقول شكل امه مجبرته وإلا ايش السالفه :(

انا بدت الهواجيس تشتغل عندي .. احس مب شاريني
مره اقول شكله موب مقتنع فيني بس استحى يرفض بعد ما شافني لان امه تسأل اسئله غريبه ! مره تقول عندكم بعائلتكم امراض نفسيه ؟ ومره تسأل بنتك اجتماعيه وإلا لا ؟ ومره تقول شعرها كيف ؟ هي شايفتني وخالصه , واللي بعد مسبب لي توتر انها قايله هو طويل ونبي طويله وانا طولي عادي مايتعدي 158 بس شافتني وماقالت شي حتى هو !

الحين اخاف انهم حاسين ان اهلي مرخصين فيني لان امي كل ما قالوا شي قالت ابشروا وسموا وامروا !! وقاموا يتغلون!! وانا اذا قلت لامي شي قالت وش فيك مستعجله !! وانا وقسم بالله موب مستعجله بس ابغى اعرف وضعي يا ايه يا لا !! اهم شي نتايج الفحص وهم ما جابوا خبرها

وامي بس همها تسأل : متى نقول للناس !! واصلا نتايج الفحص مابعد طلعت !! حتى يوم تسأل عنه احس ما سألت من قلب بس تسكتني :( حتى اقول لها اذا جاء ياخذ ورقة الفحص قولوا له انت مقتنع وراضي والا لا تراها ببيت ابوها مايضرها شي .. بس تصرفني وتقول حنا ماغصبناه يجي ياخذك !! انا قصدي ابيه يحس اني موب متوقفه حياتي عليه يعني حتى لو راح موب صاير شي عاااادي مره

انا الحين مليت من وضعي احس اني معلقه بين السماء والارض ونفسيتي زفت

أفكر انهي الموضوع بكبره وارفض دام اني ع البر !!

ساعدوني الله يخليكم وشوروا علي :44: