أريد حلاًًًً.......... انا حسود وأخاف ربي يعاقبني "لا يدخل الا ذوي القلوب الرحيمة"

بسم الله الرحمن الرحيم

بصراحة عندي مشكلة منغصة علي حياتي مخليتني ماانام الليل من الهم والتفكير وهي اني انسانة غيورة حسودة اتمنى مايكون احد من المحيطين احسن مني زوج او عيال او دراسة او جمال او سنع وذا شي مضايقني جداًاًاً.
يعني انا ماكنت كذا بصراحة الا من فترة ثلاث سنين تقريبا من اول كنت غيوره على اشياء تستاهل بس هالحين احس انه لو انا فيني مميزات كثيره ووحده من اهل زوجي او بنات عمي احسن مني بشي واحد بس ولو كان عادي جدا ماينذكر احوس واحوس لحد مااصير مثلها او احسن منها في ذا الشي .....
عموما الناس المحيطين فيني مب حاسين بذا الشي مايعرف بالشي الا زوجي ووحده من صديقاتي ......... بصراحه اريد حلا ً تعبت والله تعبت مالي شغله الا فلانة سوت وفلانه فعلت وفلانه سافرت وفلانه توظفت يابنات لا تحقدون علي وتقولون هذي مافيها خير والله اني متضايقة جدا من المرض اللي فيني وانا ماانكر فضل ربي بالعكس دائما اذكر نفسي بالنعم اللي ربي انعم علي بها من دون الخلق والله اني احسن من كثير غيري واحمد ربي على نعمة العافية والصحة والذرية الصالحة ودائما اذكر الله وانا انسانة معروفه ولله الحمد ان لساني دائما يذكر الله وفي كل الاوقات يعني جلستي مريحة واللي حولي يحبوني وماهم شايفين ذا العيب فيني بالعكس اجتهد عشان مايبان واحاول اكتم كل اللي بقلبي بس بصراحة انا من داخلي محطمة احس انة زي الفيروس او المرض اللي قاعد ياكل فيني وياخذ من جهدي ووقتي اللي زوجي وعيالي اولى فيه...... ودي افرح لفرح الناس وازعل لزعلهم .....
تدرون............... انا فيني مميزات كثيررررة تخليني راضية وماالتفت للي عند الناس الحمدلله زوجي صالح ويحبني ومو مخليني محتاجة شي وعيالي الحمدلله على النعمه انيقه,وسنعه,وصحتي تمام دراستي انهيتها بتفوق وبقسم حلو وكملت الماجستير بوقت قياسي مرتاحه مادياً,,,زوجي وصديقاتي يقولون اني جميله
يعني انا في نعم ولله الحمد بس بالعكس حاسة ان ربي بيبتليني وان بيجيني وقت كل الراحة اللي انا فيها بتزول وميته رعب من ذا اليوم مااقول الا الله لا يغير علينا

ملاحظات:
1- غيرتي مدري حسدي مب عمال على بطال لكل الناس لا ابداااااااااا كل اللي قلته سابقا على ناس معينين بس
2-هذولا الناس مهب طيبين معي بالعكس احنا اذا تقابلنا سمن على عسل بس تحسين حرب بالعيون"يعني اغلبهم مب قليلين شر"
3- ابيكم تحسون بناري اللي فيني غصب عني والله ومب صفة متأصلة وقديمة بالعكس طول الوقت وانا ادعي "ربي لا تجعل في قلبي غلاًولا حسداً للذين آمنوا"

نماذج من غيرتي :
1-مرت اخو زوجي انا احلى منها واسنع منها بقوة ومركزي الاجتماعي افضل منها ودراستي افضل بكثير منها هي ماعندها الا الثانوية ومع كل ذا عشانها بيضا بقوة واللي تبية يصير .... وزوجها احسن دراسة ووظيفه من زوجي بكثير تشوفوني اكل بروحي منهم كأني أقول انا احسن منها بكل شي بس حضها بالعرس احسن مني
2- اخت زوجي مرة تبي تغيظني قالت لي انا اسنع منك تصدقون ماانام الليل من هالكلمة لدرجة اني طول الاجازة مارحت ولا جيت كلها عزايم وسفرممدوده وطبخات غريبة بس عشان اثبت اني سنعه!!!!!!!!!!!!!!!!!!!!!!
3-خطيبت اخو زوجي بنت حموله بقوه من هالحين اقول الله يعيني على نفسي اذا تزوجو وش بسوي بروحي مع اني انا بعد بنت ناس تمام وماعلينا واهل مركزهم تمام.
4-وحده من معارفنا مب دارسة ولا شي بس ربي رزقها وظيفه وانا ماجستير وقاعدة بالبيت ....وشو ذا اللي فيني الا حسد.
واخيراً وش ابي منكم؟؟؟؟؟؟؟؟؟؟؟؟؟؟

ابي احد يحس فيني ويدورلي حل مهب يقعد يلومني ويقولي انتي مريضه عالجي روحك انتي ماتخافين الله انتي مابقلبك ايمان ابي حل عملي انا وحده استهلكت كل الحلول اللي اعرفها دخلت دورة انجليزي عشان اشغل نفسي بس مافاد ....... ناس احس اني اغار منهم احاول اني اتجنب ادور اخبارهم او اقابلهم
ادري بتقولون من راقب الناس مات هماُ ... ادري بس الشكوى لله ابي حل نعـــــــــــبت
يارب ساعدني ياارحم الراحمين ارحمني يارب صفي قلبي ونيتي يـــــــارب....