أريد منكم التشجيع... من تشجعني... يا الله

السـلام علـيكم ورحـمة الله...

بصراحة وان شاء الله واذا الله عطانا عمر... ناوية أسوي رجيم واعتمد فيه على الشوربة ( الحارقة للدهون )
انا عمري 24 ووزني 93 هذا الوزن اكتسبته بعد الولادة بفترة... والسبب الأهم هو كان أكلي لحبوب منع الحمل... بس توقفت عن أكله بعد اسبوع لكن هذي هي النتيجة وزن زيادة..
ان شاء الله اريد انزل على الأقل 25 كيلو او أكثر بشوي يعني 30 كيلو..
جربت انواع من الرجيم ما ظبط معاي... مع ان جسمي قابل للنقصان سريعا وقابل للزيادة ...
احترت ايش اسوي قلت اجرب رجيم الشوربة وان شاء المولى ينفع معاي.. لأني محتاجة انزل ... احسن ان الكل صاير يستسخفني حتى زوجي ما يكف من تعليقاته علي لما يعرف اني مسوية رجيم... هذا بدل ما يشجعني... اريد اكون مثل أول قبل ما أتزوج كان جسمي الكل حاسدني عليه والحين الكل يعلق علي.. اكيد حاسين فيني وفي المعاناه الي انا فيها والأخص من قبل زوجي لأنه يريدني مثل أول... وبصراحة انا ما ألومه..

المهم انا بسويه وان شاء الله بنزل ودعواتكم اني استمر فيه وما ألخبط... واريد منكم التشجيع المستمر وانا لما أبدء اسويه بخبركن وبكون معاكم اول بأول وأوافيكم بالنتائج.. والي تريد تبدأ معاي يا الله خير وبركة..

وعلى فكرة الفترة الأخيرة صرت أخذ حبوب الزينكال ... هي زينه معاي ... بس وقت الرجيم اخذه ولا لآ...



يا الله اريد أشوف تشجيعكم لي..