أنا حبيت اضيف شي يمكن مو جديد عليكم لكن كان جديد عليي بس فعلا مهم

أنا قريت في المنتدى من بعض العضوات الله يخليهم في موضوع زفرة البيض اليي في الكيك انهم يضيفون شوية خل مو كثير واستغربت بصراحه لان اول مرة اسمع هالمعلومه وما كنت مستسيغه الفكرة اطلاقا مع اني اضرب البيض عدل واحط المطيبات علشان الزفرة لكن احيانا كانت تطلع له ريحه ولو خفيفه فقلت اجرب مرة ما راح اخسر شي وفعلا حطيت شوية بس شنو بلا ريحه فعلا ومن يومها على طول ما اخلي فجربي وان شااءالله يضبط وياش

بس حبيت اقول لش لاني كنت متعقده من هالنقطة والحمدلله انحلت وياي

السلام عليكم ورحمة الله وبركاته

اختي مزاج الله يجعل مزاجك رايق على طول


شكرا لك واعذريني على التاخير الدنيا مشاغل وماقصرتوا

السلام عليكم ورحمة الله وبركاته .....

كيكة اسفنجية ...... تصلح لأغراض متعددة ....
المقادير :

6 بيضات بحرارة الغرفة
1 كوب سكر
1 كوب طحين
1 ملعقة شاي بكنج باودر
1 ملعقة شاي فانيلا
5 ملاعق طعام زيت

الطريقة :

- سخني الفرن 350 درجة فهرنهايت
-ادهني القالب او الصينية بالزيت ثم رشيها بالطحين
- اخفقي في الخلاط البيض والسكر لمدة 5 دقائق حتى يصبح مثل الكريمة البيضاء
- اضيفي الطحين المخلوط بالبكنج باودر بالتدريج واخفقيه على البطيئ لمدة 3 دقائق
- اضيفي الفانيلا
- ثم اضيفي الزيت وحركيه بالملعقة الخشبية فقط ....حركيه حركات دائرية مع قطع الخليط من الوسط وهكذا حتى يمتزج الزيت
- صبيه في الصينية وادخليها الفرن على السلك الأوسط ( حتى تنضج الكيكة من غير ان تحمر بسرعة ) لمدة 40 الى 45 دقيقة ...
- اتركي الكيكة تبرد .....استخدميها لأي طبق حلو او حشيها بالكريمة وزينيها يالفاكهة مثل ما تحبي ...

يا بنات جربوا طريقة الأخت الغاليه رشة عطر لأن أانا جاني إحباط من الكيكه الأسفنجيه أبدا ما تضبط معاي وعطتني أختي وغاليتي رشة عطر ها الطريقه ومن أول مره ضبطت معاي... فنصيحه لا تفوتونها.. تطلع خفيفه وهشه..