يا هلا و مرحبا بالجميع
أختي ديار أول ما فتحت الموضوع لف راسي مدري وش السالفه
بعدين شفت الموضوعين مدمجه مع بعض
حبيبتي عادي ردي انت أو أرد أنا كله واحد أهم شيء نستفيد كلنا من بعض
و يا هلا فيك ومسهلا راعية بيت مو ضيفه و خذي راحتك في الرد على البنات وانا كمان ارد
كل وحده تساعد باللي تقدر عليه


بما ان الموضوع صار شامل شوي لأمور التربيه مو بس العقاب راح اقول لكم هالتجربه يمكن تساعدكم شوي

طبعا الكل يحتاس في البيت من الشغل و العيال و الغالب الصغار ما يساعدون الا بتعب و طلوع الروح

أنا جبت ورقه وكتبت عليها اسماء اطفالي الأربعه
عشر سنوات / ثمان سنوات ونصف تقريبا / ست سنوات / ثلاث سنوات ونصف
و حطيت اسمائهم في اربعة خانات عاموديه
و علقتها على الثلاجه في المطبخ
وقلت لهم كل واحد يسوي شي حلو و مفيد في البيت نحط له نقطه أو درجه
مثلا رتب غرفه ، ساعد في تجهيز او رفع السفره ، ساعد اخوه ، رتب الأحذيه وانتم بكرامه اللي عند الباب ................. وهكذا المهم ما يكون شيء من واجباته اليوميه
يعني مو يحل واجبه أو يرتب فراشه ياخذ نقطه لا هاذي واجباته اليوميه و لازم يسويها
هو ياخذ نقطه اذا سوى شيء مو مطلوب منه
وآخر الأسبوع نجمع النقاط
واكثر واحد ياخذ هديه او مبلغ مالي
طبعا هالطريقه فادتني كثير صاروا عيالي يتسابقون على الشغل في البيت خخخخخخخخخ
استمريت عليها فتره بس بعدين تركتها لأني تعبت
كل مره يجي واحد يشدني من يدي ماما تعالي شوفي انا رتبت المكتب حطي لي نقطه
واللي ترتب دولاب اختها تبغى نقطه
وصارت شغلتي في البيت اجري وراهم واحط نقط ههههههههه تركتها بعد كم اسبوع لكنها كانت فعاله لأبعد الحدود
يعني الي عندها حيل تجربها وما راح تخسر

ما شاء الله تبارك الله

والله الموضوع صار حلو ودسم بمشاركة الكل

تسلم الأيادي اللي كتبت

ويعطيكم العافيه فرحة القلب وديـــــــار.

ماشاء الله عليك يا فرحة القلب .. خلاص اعتمدي الوظيفة من عندي

مستشارة بعالم حواء ..

ديـــــــــــار << حلو اسمك ماشاء الله ..

خلاص الوسام بنشيله منك ونوظفك مساعدة المستشارة


بالنسبة لمشكلة عدم انضباط الأطفال في السوق..

من خلال تجربتي . (عيالي صغار) . لازم يكونوا شبعانين أكل ونووووووووووم

عشان يقدرون يتحملون اللف على المحلات ..

وإن شاء الله إذا جا ببالي شي رجعتلكم

ذكرتوني في بنتي اذا رحت السوق ........

اذا اخذت اخوها معها .... ماشاء الله حدث ولاحرج ..... تعلمه انه يركض ..
كلمتها على انها كبيره وقلت لها انها تدير بالها عليه لأنه يسمع كلامها .. وانها تعقله ( هي اللي مقطعه العقل خخخخ )

ونوعا ما نفعت معها الفكره لكني فعلا أحاول اني اخذهم واحد واحد يعني ما آخذ الاثنين مع بعض ...

والله المستعان


بارك الله فيكم

**أم الثلاثه**
حياك الله اختي و لا تحرمينا مشاركتك معنا


أمون الحنووون


خلاص موافقه ما عندي مانع بس كم الراتب خخخخخخخخ


بالنسبه للسوق و الله انا ما احب آخذ عيالي ابدا للسوق
ما آخذهم غير مره وحده وقت بنشتري الأحذيه وانتم بكرامه حتى نقيس عليهم
غير كذا ما آخذهم اقيسهم في البيت انا و ابوهم و في السوق اختار على كيفي
لو راحوا معي يدوشوني و الشيء اللي ممكن اسويه في نص ساعه حتى ساعه ما تكفيني وهم معي
يعني لو توفر لك احد تتركين اطفالك عندهم اتركيهم افضل لك و لهم