فرحة القلب :

أمون الحنووون حياك الله اختي و معذرة انا اليوم الصباح ما قدرت ادخل غير ثواني و خرجت كنت مشغوله بمجمع الأمهات في مدرسة بنتي <<<<<<< عقبال عيالك ما يكبرون ودخلينهم المدارس يا رب لا تحكمين على تصرفك بأنه خطأ بهذه السرعه انتظري راح يسأل عنها بعد كم يوم وقتها كلميه وقولي له انت ما تبغاها و من هالكلام اللي يحسسه انه غلطان وقولي له بعد ثلاثه ايام اعطيك اياها لكن لو رجعت ترميها ما راح اسامحك هالمره وجربي ترمين فعلا وحده او ثنتين فعلا قدامه ((( اختاري المكسره او ام نص عمر خخخخخخخخ ))) الله يقويك هـ ـبـ ـه حياك الله معنا اختي والله يعينك ويساعدك على تربية اطفالك التربية السليمه انا صار لي قريب من موقفك عيالي دايم اللي يدخل الغرفه بدون ما يستأذن اخليه يطلع برى الغرفه ويدق الباب بعدين يدخل صرت كل ما دخلت غرفتهم يطلب مني ولدي ست سنوات اني ادق الباب و استأذن عاد يا كثر ما ادخل غرفتهم بحكم ترتيبها او تنظيفها و بالنسبه لتدخل الأهل في التربيه صدقيني هذا من محبتهم لهم انا امي تزعل علي لو اهاوش عيالي و تقول سبحان الله تبغون الطفل اعقل من الكبير ابد ما يغلط و اكثر من مره تحلف علي ما اكلمهم و لا اضربهم الجرح الغائر حياك الرحمن اختي شوفي الضرب ممكن ينفع لكن بحدود انا اضرب عيالي بس نادرا لأن كثرة الضرب خلاص تموت قلبه يصير عادي عنده ضربتيه او ما ضربتيه او عاقبتيه كله عادي لأن اشد شيء وهو الضرب تعود عليه وخلاص صارت ما تفرق معه اذا أصر على شيء في لبسه مثلا أو أكله وكان هالشيء ما يضره عادي سوي اللي يبغاه مو مشكله خمس سنوات كبير ويفهم وش يحب و وش يكره مثلا لو قال ما ابغى البس بدله ابغى ثوب عادي خليه يلبس ثوب أو طلب شيء معين على الأكل وكان ما يضره عادي اتركيه على راحته مثلا اذا حب ياكل بس من صنف واحد و ترك بقية الأصناف على السفره حاولي معاه ينوع في الأكل بطريقه حلوه رفض خلاص في الوجبه الثانيه عوضيه عن الشيء اللي ما أكله مشكلتنا مع عيالنا اننا نبغاهم ينفذون رغباتنا و بس ليه لأننا نفهم مصلحتهم أكثر منهم لكن هالشيء يخلينا نقسو عليهم بدون ما نشعر عندي ابني ما يحب الفراوله ابدا ولا ياكلها و لا يشرب عصيرها قبل فتره تكلم اخوي عن فوائدها عاد انا طار برج من راسي مصعب عمره ما حطها في فمه جيت و اعطيته كاسة عصير فراوله و طلبت منه يشربها رفض و قال ما احبها قلت له مو شرط تحبها اشرب العصير لأنه يفيدك انت وش يدريك عن مصلحتك وجلست اعطيه محاضره وش طولها وهو ساكت ويوم خلصت قال لي بس يا ماما انا ما احبها و الرسول صلى الله عليه وسلم ما عاب طعام قط ان اشتهاه أكله و ان عافه تركه وانا كمان يا ماما ما احبها لا تغصبين علي الله يخليك بصراحه من جد حسيت بالإحراج يعني و الله حرام ممكن هالفوائد يحصلها في فاكهه ثانيه وانا يوم ما احب شيء لو يقطعوني ما احطه في فمي طيب ليه هو احرمه هالحق انه يختار وش يحب و ما يحب في أكله بس بشرط اني اعوض هالنقص في شيء ثاني ريتـــاج مرحبا بك اختي أأأأأححححححححححح و الله حسيت بجلدي يآكلني يوم قريت هالجمله طيب حبيبتي انت جربتي معها الشده جربي معها اللين و اكسبيها شوفي ردي السابق يمكن يفيدك و بعدين باين عليها انها تغار من اختها زودي اهتمامك فيها حتى ولو بشكل مبالغ فيه بس اهم شيء هي تحس انك تحبينها و تهتمين فيها زي ما تهتمين في اختها وحاولي تكون باستمرار قريبه منك حتى ما تضرب اختها و اظافيرها قصصيها لها باستمرار احلام كبيره حياك الله اختي اختي الطفل الصغير اكسبيه بالحب و اللعب و تجنبي تعاقبينه يا بنات ترى و الله صرت احس بالذنب أخاف اكسب ذنب عيالكم تقرون موضوعي و تحمسون

أمون الحنووون حياك الله اختي و معذرة انا اليوم الصباح ما قدرت ادخل غير ثواني و خرجت كنت...

ريتـــاج :

مرحبااااااا موضوع اكثر من رائع مشكورة اختي فرحة القلب على هذا الموضوع بس بغيتكم تساعدوني بنتي عمرها سنتين و6 شهور ماتفهم والله صلخت جلدها بالضرب مشكلتها مع اختها عمرها 4شهور تعذبها وتبهذل فيها ومخلية وجة اختها خرايطة باظافيرها حتى حوستها بالعابهوعلبة المناديل اليتخلصها بلعب مرة متعبة جربت مرة احبسها بغرفة ونسيت المفتاح جوا الفرفة وقفلت على نفسها وقاعده اراضيها ابغاها تفتح تقول ماما استني شوي باقي واذا حرمتها من اغراضها اذااخذتمنها لعبة ورميتها اوحرمتها منها تاخذ جوالي اواغراضي الخاصةوترميها يعني اي عقاب اعمله معاها تعاقبني بالمثل تعبت معاها وعندها حركة جديدة تقفل الجوال وترجع تفتحة وداخل ارقام خطاء ياما عدمت علي الشريحة واي شي يطال يدها على طول تعدمه مثل اغراض ابوها الجولات الفيري تخلصة على الارض وعلب الشاي والقهوة والسكر البلمطبخ هويتها تخلطهم على بعض بعدين على البلاط ترميهم احس ماعاديفيد معاها الضرب جلدها اتعود علية

مرحبااااااا موضوع اكثر من رائع مشكورة اختي فرحة القلب على هذا الموضوع بس بغيتكم تساعدوني بنتي...

رنين الشوق :

رتوجه هلا وغلا .. شكل بنتك كانت دلوعه مره وبعد ماجت اختها شافت الاهتمام فيها نقص وصار اهتمامك باختها من ناحية الرضاعه والنوم وتغيير الملااابس .. يعني بنتك الكبيره تغاااااااااار زي بنتي بالضبط لما كانت تشوفني ارضع اخوها تقول ياماما رضعيني وتبكي ياماما حطيني في حضنك .. ودائما تزعجني اذا شافتني اخذت اخوها ابي ارضعه .. صرت اقول لها طيب ياعيني لما ينام اخوك بنيمك في حضني وارضعك خخخخخخ تنبسط وتصدق .. وبعد ما احط اخوها في سريره اخذها وانيمها في حضني تجلس خمس دقايق وتقوم ( طفشت تبي تلعب ) لكن تروح مبسوطه وتحس انه ما أخذ مكانها وشوي شوي ماصارت تهتم لما اخذه وارضعه تروح تلعب والا تطالع بالتلفزيون او اي شيء تشغل نفسها فيه وارتحت بعدها من ازعاجها .. وانتي لاتضربينها لانها رح تتشدد ومو بعيده يصير عندها عقده نفسيه لاسمح الله هي لسى صغيره ومحتاجه اهتمامك فيها زيها زي اختها بالضبط يعني اذا ضربت اختها قولي لها لا ياحبيبتي مسكينه صغيره شوفي ما تقدر تضربك بس تبكي .. واذا كان عندها عروسه متعلقه فيها قولي لها اذا ضربتي النونو رح اضرب عروستك :30: وحده بوحده خخخخخ .. اما بالنسبه للمناديل ياما بنتي كانت تلعب بيها وتقطعها لا وتغسلها بالمويه علشان ما أستخدمها ههههههههه قمة النذاله .. الحل بسيط شيلي المنديل فوق التلفزيون او على المكتب المهم شيليه عنها .. العابها خليها في غرفه خاصه واتركيها تلعب وتحوس الين تنام :42: او اشغليها بمجد الاطفال حتى لو حرمتك من القنوات الثانيه اهم حاجه شيء يشغلها عن اختها .. اذا دخلت معاك المطبخ خصصي لها زاويه خاصه فيها ادوات مطبخ لها (خاصه بالاطفال ) قولي لها ياللا اطبخي زي ماما .. واغسلي .. واذا مسكتهم اثني عليها وامدحيها ترى الاطفال يحبون المدح وبصراحه كله مجرب مع بنتي .. انتي جربي وشوفي اشوي اشوي رح ترتاحين وبتفتقدين ازعاجها . بالنسبه للفيري اذا سكبته على الارض قولي لها ياماما ليش تسكبينه على الارض يسوي لك فقاعات شوفي واعصري شوي في الهوى وطلعي لها رح تنبسط .. وقولي لها اذا سكبتيه مره ثانيه مارح يطلع لك شي .. ( والاهم حبيبتي شيليه عنها خلي الاغراض الخطيره دائما فووووووووووووق ). والله يصلح عيالنا ان شاء الله..

رتوجه هلا وغلا .. شكل بنتك كانت دلوعه مره وبعد ماجت اختها شافت الاهتمام فيها نقص وصار اهتمامك...

lawsi :

والله كأنك تتكلمين عن بنتي بالضبط حتىحاولت اتأكد ...هل انا اللي كتبت ام لا.. لكن يوم وصلت للمغامره ضحكت ... لأني الى الان لم أعرف ماذا تحب أبنتي يمكن تحب القصص والقراءه بشكل عجيب لكن الاجزاء اللي عندها منتهيه..مافي فرق .. لأنها تكرر ..مو مشكله ...عندها .؟.. اليوم عصبت عليها شوي... كل ما كلمتها عن شئ تقول..اوووه نسيت ...وتنزل عينها (مافيها تشوف وجهي ) طلعت من طوري واعطيتها محاضرة .. وياما اعطيها ....يوم ما أحلاها...ويوم ترجع لعادتها القديمه ... همتها ضعيفه للأسف ...عكس اختها الصغرى ... لكن من الان سأبحث عن شئ تحبه وتهتم به ..وتحرص عليه ؟؟ استمري معنا فرحة القلب ....موضوعك جميل وممتع للغايه

والله كأنك تتكلمين عن بنتي بالضبط حتىحاولت اتأكد ...هل انا اللي كتبت ام لا.. لكن يوم وصلت...