أسبوعان فقط وتتحولي في الشرنقه من دوده الى فراشه هل من متطوعات

السلام عليكم ورحمة الله وبركاته
أخواتي وحبيباتي لقد اكل الحزن ما أكل مني اهملت نفسي واصبحت عجوز ابلغ من العمر 23 سنه
كل الي يشوفني يقولون شو فيها عيونج شو فيه ويهج شو فيه جسمج اسمريتي وايد عن قبل كنتي لبنانيه قبل كم شهر :09:

وانا كنت كل ما اسمع ازيد اهمال اكثر واكثر بس اليوم اتصلت فيني اخت ريلي ( خطيبي ) وتقول ان اخوها الي اصغر من ريلي فاجئهم اليوم وقالهم اباكم تخطبولي فلانه :22: واريد العرس في اسرع مده اسبوع اسبوعين اقصى اقصى مده عندكم شهر فقط لا غير طبعا انا جنكم جابين على راسي ماء بارد لازم احضر بس كيف احضر وانا اشبه العيوز الي في طاش ما طاش الي في السياره وشعرها على فوق:hahaha: واخوها قالهم انا باجر بحجز القاعه الكوشه وكل هالترتيبات والعروس عطوها الفلوس باجر وخلوها تبدا وقولولها تخلص في اسبوعين مسكيييييييييييييينه والله الفستان شو بتسوي فيه انا سكرت من هنيه وقلت مالي غير حبيباتي الي بيشدون على ايدي وبيساعدوني انا ابغي بس حد معايه ونتشجع لمده 4 اسبايع بس والله يابنات مب وايد بس انا بروحي مااقدر خاصه اني تعبانه وعندي مشاكل ابغي ادخل الموضوع ونسال عن بعض ونشجع بعض لاني هالايام زوله بالفعل كسلانه :09:


المهم طرشة للعروسه اباركلها بمسج اهنيها لاني اعرف انهم متهببين يعني يحبون بعض والله ياربي يهنيهم

طبعا اول خطوه سويتها اشوف شو عندي لقيت اغراض وايده قلت تنفع لاول اسبوع

# عندنا في البيت غرفة بخار بدخل كل يوم بعد صلاه العشاء 5 دقايق عشان مايترهل جسمي وبعدين بفرك جسمي بمقشر للوجه ماناسبني وبستخدمه للجسم وهو لكل يوم

# بعد ما اطلع بحط على جسمي كريم مبيض << لا تقولولي كرتازون بس بستخدمه شهر لا حد ايب طاري الامراض لاني بايعتها

# بخليه لين صلاة الفجر وبدخل وبغسل جسمي بالصابونه وبدهن جسمي كامل بزبدة الوز مالت بدي شوب ويمكن اضيف عليها ليمون وشويه كركم للجسم :30:

هذا للجسم وفرك ريولي بالحجر يوم هيه ويوم لا عشان ينعمن من الاسفل وبحاول اسويلي مسكات وخرابيط وبسوي حمام مغربي في الاسبوع مره وبحط على جسمي ماسكات من المنتدى بشوف اخر صيحه:hahaha: شو الي دارج في القسم وبسوي رياضه كل يوم وباكل فيتامين وبشرب ماي وايد وفواكه وخضار الي بتشترك تكون جدييييييييييييييييييييييييييييييييييييييييييييييييييه ومثااااااااااااااااااابره ونشييييييييييييييييييييييييطه لان انا يبالي دقه واكنسل كل شي من الالم الي في قلبي :( مطلوب 10 متطوعات فقط ومن باجر نبدأ باذن الله بعد صلاة الفجر وكل وحده تحط جدولها عشان نستفيد من بعض خلوني اخذ لفه في القسم وبرجعلكم ممنوع منعا بات دخول الكسلانات مطلوب وحده تبا تحول :hahaha: