أسلــــــم ولا ما أسلــــــم...تكفووون اقروها وشورو علي

السلام عليكم ورحمة الله وبركاته

كيفكم ياحريم حوا وش اخباركم والله مالي الا انتم بعد الله تواسوني وآخذرايكم اناياحريم قبل 4شهور تناقرت أناوزوجي على شي تافه وكلمة مني وكلمة منة لين تطورت السالفة وقام مد يده علي قدام عيالي ودفني وضربني بالعقال والعيال يصرخون ويصيحون وهوتقولون سكران مع ان زوجي ملتزم ولاهوب من النوع اللي يضرب وانا مع العصبية قعدت اصيح واحاول أدافع عن نفسي بس مافي فايدة الرجال طلع عن طورة قمت دقيت على ابوي وهويحاول يهديني وانا أصريت أنه يجي ياخذني لان كلش ولايمد يده وقدام عيالي حسيت بالإهانة وجا أبوي وأخذني وتركت كل عيالي علشان يتأدب أصغرهم بنت عمرها سنة وتسعة شهورواللي قبلهاولد عمره 3ونص والله تركتهم وقلبي بيتقطع عليهم لاني ماقد تركت عيالي بس أبيه يعرف قدري وقعدت عند أهلي شهروهومقهوركيف خليت عيالي وكان يجيب عيالي كل أسبوع ويجي يآخذهم ويوصلي انه بيتزوج ومن هالكلام اللي يقهربس اناأختصرت اللي صاروبعد شهردقت أمه وكلمت أمي وقالت أنااتصلت أبري ذمتي هويبي يتزوج وانابزوجه راحمه ولدها علشان العيال عنده وبدل ماتهدي السالفة من أول مكالمة قالت كذا قامت أمي ردت عليها زوجيه بس لاتنسين أن عندك بنات لايوريك الله فيهم وخلي ولدك يتزوج بس يطلق بنتي هي بعد ماتبيه وامي قعدت تسب في زوجي وعمايله وأن محد يسوي اللي سواه
وانتهت المكالمة ويوم درى زوجي أن المسألة فيها طلاق وبيتحمل مسؤولية العيال شكله خاف وجا يتفاهم مع أبوي وأبوي نفخ عليه واتكلم عليه كم كلمة جرحته وقاله لاتمد يدك عليها مرة ثانية المهم اتفقو ورجعت البيت وانحلت المشكلة بس لي 4شهور راجعة ولاوحدة من خوات زوجي دقت تسأل ولاتطمن على العيال وأمهم معهم وأنا مااتصلت لاني زعلانه من أم زوجي اللي كانت بتزوجه بدون ماتحاول تصلح مع أن بنتي تقول أنها كانت تسمعها تكلمه أنه يرجعني بس هورافض يقول هي اللي طلعت وهي اللي ترجع وكأنه ماسوى شي بس أنامقهورة منها حتى لوقال كذا ماتزوجه على طول تحاول فيه هي وابوه وخواته لاني طيبة معهم لأبعد الحدود يوم قلت لزوجي شف أهلك مادقو ولاسألو وهم اللي غلطو علي قام رد علي وقال أهلي كلهم زعلانين من كلام أمك وأمي زعلانه لأن أمك قالت لها لايوريك الله في بناتك يعني شوفو كيف زعلت على بناتها لكن علي لا عادي تبي تزوج زوجي وقبل كم يوم ولدي ختم القرآن ابشركم ولاوحدة دقت تبارك وقلت لزوجي أنهم ماباركولي قال كلهم دقو علي وباركولي قلت وأناليه مايدقون علي ويباركون أناماغلطت على وحدة منهم يزعلون من أمي أناوش دخلني وأمك هي اللي غلطت علي مهوب أنا قام عصب علي وقال أنامالي شغل فيكم يالحريم طلعيني منكم والله أني مقهورة من ردت فعله ومن أهله المشكلة أن أخت زوجي ولدت وماودي أكلمها لأنها مادقت علي وباركت لي في ولدي يوم ختم وفي نفس الوقت ماودي أكبر السالفة علشان زوجي وعيالي ولابي أنهان وادق وهم مادقو وش رايكم وش أسوي أم زوجي لها حق تزعل مع أني أنا الزعلانه من اللي يحق له يزعل وشورو علي أسلم ولا ما أسلم تكفون لاترضون لي بالذل أبي الرأي السديد أبارك لهم ولا لا؟؟