حبيبتي اهل زوجك هم اهلك اللي راح تقضين بقيه عمرك مرتبطه فيهم وخواته هم عمات عيالك اللي بكره لما يكبرون راح يسألون عنهم اللي صار صار وانتهى علاقتك بزوجك تمام هذا اهم شي لكن امه؟؟لازم ترضينها لان الرجال اهم شي عنده امه...الاقتراح اللي لاززززم تسوينه وبيرضي الجميع بإذن الله:
تتعوذين من الشيطان وتسوين حفله كبييييره بمناسبه ختم ولد للقرآآن(ماشاء الله تبارك الله)وتعزمين فيها اهلك واهل زوجك حتى لو تكون العزيمه حريم وبسس واذا قدرتي مع الرجال يكون افضل وتسوين بوفيه وكيك وهدايا للصغار وتتكلفين فيها قد ماتقدرين وتخلين زوجك يأكد لامه انها تجي وخواته ومايمنع لو تعزمينهم انتي بنفسك بالتلفون وتفرحون وتتصافى النفوس واللي ماتجي منهم وصلي لها هديا عيالها خليك احسن منهم وماراح ينسونها لك ابد اما كل وحده فيكم تستنى الثانيه تكلمها هذا مستحيل..ام زوجك كبر امك وانتي الصغيره لازم انتي تبدين بالصلح حتى لو غلطت معليه لو مو علشانهم علشان زوجك..

وش عليك منهم اتصلوا ولا ما اتصلوا بكيفهم المهم انهم ما يتدخلون حياتك والله انه الواحد لو يسلم بس ما نبي لا سلام ولا تبريكات خل يفكوننا من شرهم وانتي لا تكبرين الموضوع وتدخلين زوجك فيه
ولو تتصلين وتباركين يكون احسن دران للمشاكل بس مو حب فيهم عشان ما يقولون لزوجك شفها ما اتصلت ما سوت ما فعلت اخخخ بس

شوفي حبيبتي استغلي الموقف وبادري بالصلح صدقين كل ماطالت المده كل مااستصعبتي زيارتهم روحي وخليك اطيب ولاتفتحي سيرة امك ولاسيرةاولدك خليك رسميه معهم وزوجك لاتطري اهله قدامه احترميهم علشان يحترمك ويزيد غلاك ولاتنسين ان الدنيا ساعه فقضيها بطاعه وخلي عنك المشاكل باين عليك انك حساسه ليش ماكلمو ليش ماباركو ليش مايسئلو....وش ذنب زوجك تعاتبينه خلي زوجك بعيد اذا كان مومقصر في بيته وعياله ليش تدخليه بمشاكلك مع اهله ..واهله خليك رسميه مره معهم وقللي الاحتكاك فيهم .

الله يعطيك العافية والله انك فلة شمعة منوووورة لأنك رديتي علي أول وحدة ..
أنا كنت أقول نفس الشيء بس خايفة المسألة تكبر وتطول ومدري هم وش يقولون لزوجي لانه مايقولي شي والله يعطيك العافية على مباركتك لي وعقبال عيالك وكل غالي عندك معليش لقبي مايناسب مشكلتي بس كنت كاتبه اللقب من زمان كنت مبسوطة واستهبل مع البنات والحين طفشانة ومالي خلق أغيره..

خليك احسن منهم ويبيني لهم انك طيبة وماتستاهلين

وخيركم اللذي يبدا بالسلااااام