رجعنا...وياهلا
مرت الأيام وافتتح عبدالمجيد أول معرض شخصي له..في وسط توتر شديد وكانت مشاعل تدعمه بقوة..وحب عبدالرحمن يفرح قلب أخوه فعزم أصحابه بالجريدة اللي كان يكتب فيها عشان يغطون هالخبر صحفياً..
وأجروا مقابلة شخصية مع عبدالمجيداللي كان يتخاطب بالاشارة وعبدالرحمن يترجم لهم...
وأما عبدالرحيم من باب رفع معنويات عبدالمجيد عرض عليه إنه يشتري لوحة من لوحاته...
ونال المعرض استحسان كثير من الزوار وكان يحتوي على 25 لوحة انباع منها 6 لوحات بأسعار مُرضية...
وقابل عبدالمجيد عُروض مختلفة من عدة جهات حابين يتبنون موهبته..
ومنهم مكتب للديكور طرحوا عليه فكرة تصميم نماذج للرسم على جدران الفلل والقصور...
===========
أما رانية مرت عليها فترة تتلقى فيها اتصالات مُريبة من أرقام غريبة!!وبس تسمع إن المتصل رجال تدعي عليه عشرين دعوة تجيب أجله!!
وكذا مرة كانت لما تطلع الحوش في العصرية تمشي... من باب تخفيف وزنها اللي زاد بعد الزواج...تلاقي جارهم زوج روابي واقف يدخن بالبلكونة!!ويناظر فيها!!!!!!!!!!!
وبيوم نزلت روابي عند رانية وبعد الأخذ والعطا...
رانية:الحين يابنت..مو السطح مقابل شقتك على طول؟؟
روابي:صحيح..
رانية:أجل وشهو له زوجك مسنتر في البلكونة؟ليش مايروح للسطح ويقعد براحته؟؟؟
روابي:ليش؟عسى ماضايقك بشي؟
رانية:إلا مضايقني ونص!كل مابغيت أستمتع بالحوش ألاقيه واقف بالبلكونة!
روابي:أنا آسفة..ماكنت أدري..ان شاء الله أكلمه...
=========
وكانت روابي بما إنها معلمة حاسب بمدرسة أهلية وبنفس الوقت طالبة منتسبة بالجامعة تنشغل كثير من الأحيان وتطلب من رانية تطبخ لها أو تفزع لها بأصناف!!
وبيوم كانت روابي راجعة من دوامها وهي بقمة التعب وطبخت غداها وتغدوا وناموا ولما صحت قبل المغرب بساعة..لقيت رسالة من خالات زوجها يقولون فيها:بنجي نزورك عقب المغرب!
تسربعت روابي وقامت تكنس البيت وتنظف وماصار قدامها وقت تسوي فيه أكلات بالمطبخ وتغسل المواعين فاستنجدت برانية..
روابي:رانية طلبتك..بيجوني ضيوف بعد المغرب ومايمديني أسوي شي..يادوب أحمِم ولدي وأتحمم وأجهز قهوتي..
رانية:تبين أصناف مالحة وحالية؟؟
روابي:ياليت!لو مافيها كلفة!
رانية:والله مابأكذب عليك..من ناحية كلفة ففيها كلفة مادية ووقتية وجُهدية!
روابي:ماعليك..كل شي بحسابه..شوفي انتي كم تبين على الصينية؟؟
رانية:هههههههه يالعبيطة أمزح معاك..إحنا جيران!
روابي:إذا انتي تمزحين؟فأنا أتكلم جد!أحس إني متفشلة منك..دايماً طلباتي ماتخلص!
رانية:مادمتي جادة فالصينية الوحدة أسويها ب30 ريال!!!!!!
روابي:مو مشكلة..بس عجلي علي الله يخليك..
وشمرت رانية الأكمام وقالت لنفسها:مادام السالفة فيها فلوس؟أجل بأجتهد وأسوي أربع صواني!ثنتين حالية وثنتين مالحة!!
وقامت تضبط وتسوي وتجهز..بأسرع ماعندها...وخلال مدة قصيرة شوي انتهت من اعداد الأصناف وطلعتها لجارتها وحطتها عند الباب وأخذتها روابي.....
فرشت روابي سفرة للحالي والمالح..وأعجبوا ضيوفها بالأصناف وسألوها عن الطريقة لكنها صارحتهم بإنها مو من إعدادها..بل من اعداد جارتها رانية...
وكانت وحدة من خالات زوج روابي إدارية بمدرسة حكومي....وقالت:بعد كم يوم عندنا اجتماع خاص بالموجهات وكنا مخططين نسوي لهم بوفيه إفطار وتغالينا أسعار المحلات..لو تكلمين جارتك تسوي لنا تهقين ترضى؟؟؟
روابي:ماأدري!!بس بأكلمها لك..
الضيفة:ايه كلميها الحين تكفين..باين عليها شُغلها نظيف وطعمه لذيذ...
اتصلت روابي والضيوف عندها وقالت لرانية السالفة...
رانية:أقول عطيني ضيفتك أتفاهم معاها!
أعطت روابي السماعة لضيفتها...
رانية:ألو..هلا محسوبتك رانية متخصصة في اعداد الحلويات والموالح بأسعار منافسة للسوق!!
الضيفة:والنعم..باين من أكلك ماشاء الله إنه عندك نَفَسْ..بالأكل..
رانية:مشكورة...زين..اش طلباتك؟ وتبينها بأي يوم؟
الضيفة:أبيها هذا الثلاثاء...وتكون عبارة عن بوفيه مشكل..حلويات وموالح وساندويتشات وسلطات...
رانية:ابشري..وكم ميزانيتكم؟
الضيفة:بصراحة ماأبي المبلغ المطلوب يكون أكثر من 800 ريال!!!!!
رانية:ابشري..بس ترى هالمرة بأخفض لكم لأنها أول مرة تطلبون فيها!!! بس الله الله بالدعاية لاتنسيني!!!
الضيفة:ابشري..
=========
ويوم الاثنين كانت رانية بالمطبخ بعد ماقضى لها ناصر كل الطلبات...تعجن وتفرِد وتخبز..لين ماطفشت!!ودخلت على ناصر بغرفة الجلوس وهو مسدوح على الكنبة يتابع مسرحية ومتشقق من الضحك!!
رانية:ناصر..ناصر..ناااااااااااصـــــــــــــــر!!
ناصر:بسم الله!وش تبين؟؟
رانية:هالحين تاركني أكرُف بالمطبخ وإنت معلِق عيونك بالشاشة؟تضحك وتكركِر؟؟
ناصر:وش تبيني أسوي لك يعني؟
رانية:قوم..ساعدني!
ناصر:ماأبي..وتستاهلين..ماحد قال لك اشتغلي طبَّاخة والله مغنيك!!!
رانية:بدل ماتشجعني إني سويت لنفسي بزنس خاص؟؟؟
ناصر:تكفين ياأم بزنس!!انتي تطبخين في ساعات والنسوان يلهفونه ببطونهم في دقايق!!عالم فاضية!!لو مخليتني أفتح مطبخ حاشي وقُعود أبرك!!!
رانية:خلنا من الفلسفة وتعال اغسل لي الصحون على الأقل!
ناصر:آسف!!
رانية:إذن لاتحلم تذوق عشا اليوم!!!
ناصر:تعالي تعالي أمزح معك!!قطع الأعناق ولا قطع الأرزاق!!!
==========
واجتهدت رانية في تغليف الصحون والسبتات ومواعين التقديم اللي شرتهم مخصوص...وجات الحرمة تستلم طلباتها صباح الثلاثاء قبل ماتروح رانية الكلية..
وبعد السلام والكلام..
رانية:لو سمحتي..هاتي 200 ريال بعد!
الحرمة:ليش؟اتفاقنا على 800 بس!
رانية:قيمة تأمين الصحون!!
الحرمة:غالية والطلب رخيص..ومالي وجه أقول لا وهذي أول مرة أشوفك فيها..الصراحة الأصناف شكلها متعوب عليها...
وبالفعل أخذت الحرمة أصناف البوفيه واجتهدوا المعلمات بتزيين الطلبات على المفارش والطاولات...
ونال البوفيه استحسان الموجهات والمعلمات والاداريات وتوزع رقم رانية على الناس وبدأت في رحلتها مع المطبخ وتجميع الدراهم!!!!
=======
وفي الكلية...
رانية:ماودك يااسمهان تشاركيني بالبزنس؟؟
اسمهان:ياليت..بس أي بزنس؟
رانية:الطبخ والبيع!
اسمهان:لا لا ماأفكر أبد!
رانية:ليش؟مِستَعِرَة؟؟
اسمهان:لا بالعكس..بس مالي في المطبخ مثلك...لاتنسين إن موهبتي بسيطة على القد يادوب كم أكلة تعلمتها من هنا وهنا...
رانية:أما أنا ماتوقعت إنه بيدخل لي ذهب من ورا هالشغلة..بالذات لما تكون الطلبية سبتات لسابع أو مناسبات...بس إنتي وش الموهبة اللي تحسينها عندك؟؟؟
اسمهان:أنا مالي بالطبخ بس أحس إني أحب أكتب محاولات شعرية بسيطة أو قصص شاعرية!!!
رانية:لاياشيخة!و ذي في أي شي بتنفعك؟لايكون بتألفين قصص وأشعار وتبيعينها على البسطات بالشارع؟؟؟
اسمهان:هههههه لاطبعاً بس تصدقين إن نجلاء قالت لي ليش ماتألفين أبيات بسيطة بأسماء العريس والعروس وتبيعينها على الاستيديوهات؟
وجات نجلاء وانضمت لهم...
نجلاء:وش تسولفون فيه؟؟؟
اسمهان:عن بزنس رانية..قاعدة تشجعني أسوي لنفسي شغل خاص
نجلاء:تصدقون؟نفس اللي أنا قاعدة أفكر فيه!قبل كم يوم رحت المشغل لمرام ومعاي توزيعات ولادة سويتها لبنت خالتي..ومريت أقص شعري ووريتهم لها وعجبتها حيل..قامت أختها ماجدة عرضت علي لو أتوظف عندها بالمشغل بتغليف الهدايا وعمل توزيعات للمناسبات...الصراحة انبسطت بس أمي رفضت وقالت:دراستك أهم بس إذا معزمة؟ لاتداومين بالمشغل اتركي رقمك وإذا جاهم زباين يعطونهم رقمك ويتفقون معاك!!
رانية:والله فكرة حلوة وأنا أدعمك..خلينا بس من اسمهان الكسلانة...
اسمهان:لاتسبقين الأحداث يارانية يمكن لو طولت وماحملت أفكر أشغل نفسي بفكرة تدِر علي رِبح!
نجلاء:بيني وبينكم أنا لي فترة فعلاً أزين دفاتر التحضير حقت بنات التطبيق العملي وآخذ فلوس..بس نفسي أطور الفكرة وأتخصص بالتوزيعات وتغليف الهدايا..على حلاوة هالشغلة لكنها متعبة وتاخذ وقت...
وبعد كم يوم اجتمعوا البنات كلهم ببيت مرام...وفتحوا نفس الموضوع...
نجلاء:أما أنا ورانية لقينا لنفسنا شغل وماشيين فيه..لكن اسمهان جبت لها فكرة حلوة ومارضت..
مرام:وشهي؟
نجلاء:تألف أشعار بأسماء العروسين..أو زفات بما إنه خيالها واسع شوي!!
مرام:والله فكرة يااسمهان..لو ناوية تطبقينها بأقول لماجدة تتبنى الموضوع..لأنها ناوية تسوي تطوير بخدمات المشغل...
أما مشاعل وأفنان...قالوا:كافي علينا وظايفنا...
مرت الأيام وأقبلت اختبارات مابين الترمين...وكانت رانية فاردة ملازمها بالأرض وتذاكر وصدعت من المذاكرة وفكرت تسوي لنفسها برَّاد شاي يضبط المزاج.. وناصر كان مشغول برة البيت...وبعد ماسوت الشاي افتقدت النعناع..وأخذت سكينة وخرجت الحوش تقطع نعناع..
وفجأة حست بصوت وراها والتفتت بسرعة وكان فيه رجال غريب واقف يراقبها!!!!
عرفته رانية على طول جارهم فيصل زوج روااااااااااااااابي!!!
==========
أستكمل بعد سويعات..تعبت!!!
مرحبا بالجميع......
وكانت رانية واقفة تطالع بدهشة في فيصل زوج روابي اللي كان واقف قدامها بمنتهى الوقاحة!!
حاولت تستر نفسها بأي شيء لكن مافي حولها شي بالحوش...
رانية(بخوف):إنقلع من قدامي ياخسيس..لأصيح بصوتي وألِم عليك الناس!!
فيصل:بالهداوة بالهداوة يابنت الناس..واسمعيني للأخير!
رانية:ماأبي أسمع منك شي..انقلــــــــــــــــــــــع!!
فيصل:ترى أنا أراقبك من زمان وعاجبني كل شي فيك وكان نفسي تردين على مكالماتي وماكنتي تعطيني فرصة!
رانية:إنت ماتستحي تخون زوجتك وإنت متزوج؟
فيصل:وروابي هذي تسمينها زوجة؟!!!!أنا مظلوم معاها!نفسي ألقى اللي تفهمني وأرتاح لها!!!
قامت رانية حست بخباثة نيته وصاحت بأعلى صوتها..فاقترب منها خوفاً من الفضيحة ومسكها وحط يده على فمها لكنها أخذت السكينة وشقت يده!!!
وهرب بسرعة ورانية تقول:هالحين بأعلم ناصر بكل شي ياحقير يادنيء...
ودخلت رانية بيتها وقفلت الباب على نفسها وهي بقمة الانهيار...اتصلت على ناصر لكنه كان معزوم في منطقة بعيدة مافيها إرسال ...وفكرت تتصل بروابي...
رانية:روابي؟إنتي بالبيت؟؟
روابي:لا عند أهلي..رحت أزورهم... وزوجي مدري شلون وافاه الكرم الحاتمي وقال لي خليك عندهم يومين!!!
قالت رانية(بينها وبين نفسها):بلاَك..ماتدرين وش اللي مخطط له بغيابك!!!!!!
روابي:بغيتي مني شي؟؟
رانية:أبد عندي اختبار بكرة ومليت من المذاكرة وحبيت أتصل فيك تونسيني..عموماً مابأطول عليك وسلمي على أهلك...
أما زوج روابي كان الشيطان يلعب بعقله..وخايف لو درى ناصر يسوي فيه شي...فصار يخطط بنفسه:مادام ماضبطت معاك الأمور يافيصل؟؟إذن تغدى بها قبل ماتتعشابك!!!
وقعد يتصل بناصر لين مافتح معاه الخط...وكان ناصر راجع في الطريق وخرج من المنطقة اللي مافيها إرسال وبدأ يقترب من طريق البيت..
ناصر:هلا..
فيصل:هلا أخ ناصر..إنت قريب؟؟؟
ناصر:إيه...ليش؟فيه شي؟؟
فيصل:ايه..فيه موضوع ضروري تعرف عنه!
ناصر:خير؟؟
فيصل:بأنتظرك عند باب الشارع وأول ماأشوفك بأحكي لك!!
حس ناصر بالقلق وخاصة إنه ماله علاقة بفيصل من قبل!
ويوم وصل لقي فيصل بانتظاره وبعد السلام...
فيصل:شوف ياأخ ناصر إنت إنسان محترم وماأرضى لك تعيش مخدوع والماي يجري من ورا ظهرك!!!
ناصر:زين علمني اش السالفة؟أنا بديت أقلق!
فيصل:الصراحة كنت خارج قبل شوي أجيب زوجتي من عند أهلها ولقيت زوجتك واقفة عند باب المطبخ تستقبل رجَّال!!!!
ناصر:ووين المشكلة؟أكيد إنه أخوها!
فيصل:لا مو أخوها!!لو كان أخوها ماكان قعدت تتلفت بخوف وهي تدخله للبيت!!فقمت أنا تصرفت وخذيت جزمته من عند عتبة الباب وخشيتهم!!وبعد نص ساعة خرج من عندها وفتش عن جزمته ومالقاها..وصارت زوجتك تصيح فيه وتقول له اطلع بسرعة لايجي زوجي ويشوفك!!!!وهرب..
ناصر(بعصبية):إنت اش قاعد تخربِط؟؟هذي زوجتي وبنت ناس ومن عائلة محافظة..لايمكن تفرط بشرفها بهالسهولة!!!
فيصل:إذا منت مصدقني؟شوف إيدي زوجتك يوم واجهتها جابت سكين وبغت تذبحني فيها لولا إني شردت..وهذي هي جزمة الرجال خير إثبات!!!
وأعطى فيصل النذل جزمة لناصر..وأخذها ناصر وراح يركض على بيته!!!
ودخل على رانية مثل الثور الهايج!!
وقفت رانية بكل ضعف وهي ماتدري عن كلامه مع فيصل وقالت:ناصر؟إنت رجعت؟
ناصر(بنظرات مريبة):إيه رجعت..ليش؟متفاجئة؟
رانية:لا بس أنا دقيت عليك وكان جوالك مغلق..ليش قفلته؟
ناصر:أنا ماقفلت شي..كلميني هنا!!مين اللي كان عندك؟
رانية:ماحد..أنا كنت أذاكر!
ناصر:كذابة!!
رانية:لا مو كذابة.إنت اش تقصد؟؟
ناصر:إش كنتي تبين يوم اتصلتي فيني؟؟هاه؟تكلمي؟
رانية:مادامك معصب وتنافخ فيني ماراح أقول لك..إلا لاهديت!!
سحبها ناصر من إيدها بقوة وقال(بعنف):هذي جزمة مين؟ اعترفي؟
رانية:وش دراني؟وين لقيتها؟؟
ناصر:قدام الباب الخارجي للمطبخ!!
رانية:لاتكون جزمة جارنا!!
وتأملت رانية في الجزمة...
ناصر:لااااا؟وش يجيب جزمته عندنا؟؟
رانية:مدري عنه...لكن ماحد يلبس مقاسين إلا هو!عنده عيب خُلقي بأقدامه قدم صغيرة وقدم مرة كبيرة!!!!
ناصر:ماشاء الله..مقاسات أقدام جارنا حافظتها؟؟؟؟
رانية:انت اشفيك تكلمني كذا؟ اش عندك بالضبط؟؟
ناصر:إنتي انسانة حقيرة ومنحطة!!!ياخسارة ثقتي فيك!!
رانية(وهي متفاجئة):ليش؟؟أنا اش سويت؟؟
ناصر:منهو هاللي قابلتيه؟؟
رانية:جارنا فيصل!!
ناصر:اش تبين فيه ياحقيرة؟؟إنتي كذابة وأدنى مماتوقعت!
رانية:اسمعني.. أنا بأعلمك بالسالفة كلها..
ناصر:ماأبي أسمع أي مبررات كلها كذب بكذب!!روحي البسي عباتك ويلا على بيت أهلك!!ماأتحمل جلستك ببيتي!
رانية:حرام عليك..أنا اش سويت لك؟؟
ناصر:لما تروحين لبيت أبوك اشرحي لهم كل الحقارة اللي سويتيها!!
وضربها كف على وجهها!!!!!!!
راحت رانية ولبست عباتها...ومن البكا خلت كل شي ببيت ناصر اللي ماسمح لها تاخذ حتى جوالها!
ووصلت لبيت أهلها...
نزل معاها ناصر ودق الباب وفتح مشعل الباب..
ناصر(بزعل):وين أبوك؟؟
مشعل:قاعد على السفرة يتعشى!
ناصر:عندكم أحد غريب؟
مشعل:لا..
قام ناصر سحب رانية من يدها ودخل بها على عائلتها أبوها وأمها ومشاري وأختها روان وهم قاعدين على السفرة يتعشون...
ناصر:خذوا بنتكم...ماأبيها ولالي علاقة فيها بعد اليوم!!والله يستر على بنات الناس..
وخرج يركض على سيارته ومشاري يلحقه لكن من دون فايدة!!ناصر مايرد!
وكانت رانية واقفة تطالع بدهشة في فيصل زوج روابي اللي كان واقف قدامها بمنتهى الوقاحة!!
حاولت تستر نفسها بأي شيء لكن مافي حولها شي بالحوش...
رانية(بخوف):إنقلع من قدامي ياخسيس..لأصيح بصوتي وألِم عليك الناس!!
فيصل:بالهداوة بالهداوة يابنت الناس..واسمعيني للأخير!
رانية:ماأبي أسمع منك شي..انقلــــــــــــــــــــــع!!
فيصل:ترى أنا أراقبك من زمان وعاجبني كل شي فيك وكان نفسي تردين على مكالماتي وماكنتي تعطيني فرصة!
رانية:إنت ماتستحي تخون زوجتك وإنت متزوج؟
فيصل:وروابي هذي تسمينها زوجة؟!!!!أنا مظلوم معاها!نفسي ألقى اللي تفهمني وأرتاح لها!!!
قامت رانية حست بخباثة نيته وصاحت بأعلى صوتها..فاقترب منها خوفاً من الفضيحة ومسكها وحط يده على فمها لكنها أخذت السكينة وشقت يده!!!
وهرب بسرعة ورانية تقول:هالحين بأعلم ناصر بكل شي ياحقير يادنيء...
ودخلت رانية بيتها وقفلت الباب على نفسها وهي بقمة الانهيار...اتصلت على ناصر لكنه كان معزوم في منطقة بعيدة مافيها إرسال ...وفكرت تتصل بروابي...
رانية:روابي؟إنتي بالبيت؟؟
روابي:لا عند أهلي..رحت أزورهم... وزوجي مدري شلون وافاه الكرم الحاتمي وقال لي خليك عندهم يومين!!!
قالت رانية(بينها وبين نفسها):بلاَك..ماتدرين وش اللي مخطط له بغيابك!!!!!!
روابي:بغيتي مني شي؟؟
رانية:أبد عندي اختبار بكرة ومليت من المذاكرة وحبيت أتصل فيك تونسيني..عموماً مابأطول عليك وسلمي على أهلك...
أما زوج روابي كان الشيطان يلعب بعقله..وخايف لو درى ناصر يسوي فيه شي...فصار يخطط بنفسه:مادام ماضبطت معاك الأمور يافيصل؟؟إذن تغدى بها قبل ماتتعشابك!!!
وقعد يتصل بناصر لين مافتح معاه الخط...وكان ناصر راجع في الطريق وخرج من المنطقة اللي مافيها إرسال وبدأ يقترب من طريق البيت..
ناصر:هلا..
فيصل:هلا أخ ناصر..إنت قريب؟؟؟
ناصر:إيه...ليش؟فيه شي؟؟
فيصل:ايه..فيه موضوع ضروري تعرف عنه!
ناصر:خير؟؟
فيصل:بأنتظرك عند باب الشارع وأول ماأشوفك بأحكي لك!!
حس ناصر بالقلق وخاصة إنه ماله علاقة بفيصل من قبل!
ويوم وصل لقي فيصل بانتظاره وبعد السلام...
فيصل:شوف ياأخ ناصر إنت إنسان محترم وماأرضى لك تعيش مخدوع والماي يجري من ورا ظهرك!!!
ناصر:زين علمني اش السالفة؟أنا بديت أقلق!
فيصل:الصراحة كنت خارج قبل شوي أجيب زوجتي من عند أهلها ولقيت زوجتك واقفة عند باب المطبخ تستقبل رجَّال!!!!
ناصر:ووين المشكلة؟أكيد إنه أخوها!
فيصل:لا مو أخوها!!لو كان أخوها ماكان قعدت تتلفت بخوف وهي تدخله للبيت!!فقمت أنا تصرفت وخذيت جزمته من عند عتبة الباب وخشيتهم!!وبعد نص ساعة خرج من عندها وفتش عن جزمته ومالقاها..وصارت زوجتك تصيح فيه وتقول له اطلع بسرعة لايجي زوجي ويشوفك!!!!وهرب..
ناصر(بعصبية):إنت اش قاعد تخربِط؟؟هذي زوجتي وبنت ناس ومن عائلة محافظة..لايمكن تفرط بشرفها بهالسهولة!!!
فيصل:إذا منت مصدقني؟شوف إيدي زوجتك يوم واجهتها جابت سكين وبغت تذبحني فيها لولا إني شردت..وهذي هي جزمة الرجال خير إثبات!!!
وأعطى فيصل النذل جزمة لناصر..وأخذها ناصر وراح يركض على بيته!!!
ودخل على رانية مثل الثور الهايج!!
وقفت رانية بكل ضعف وهي ماتدري عن كلامه مع فيصل وقالت:ناصر؟إنت رجعت؟
ناصر(بنظرات مريبة):إيه رجعت..ليش؟متفاجئة؟
رانية:لا بس أنا دقيت عليك وكان جوالك مغلق..ليش قفلته؟
ناصر:أنا ماقفلت شي..كلميني هنا!!مين اللي كان عندك؟
رانية:ماحد..أنا كنت أذاكر!
ناصر:كذابة!!
رانية:لا مو كذابة.إنت اش تقصد؟؟
ناصر:إش كنتي تبين يوم اتصلتي فيني؟؟هاه؟تكلمي؟
رانية:مادامك معصب وتنافخ فيني ماراح أقول لك..إلا لاهديت!!
سحبها ناصر من إيدها بقوة وقال(بعنف):هذي جزمة مين؟ اعترفي؟
رانية:وش دراني؟وين لقيتها؟؟
ناصر:قدام الباب الخارجي للمطبخ!!
رانية:لاتكون جزمة جارنا!!
وتأملت رانية في الجزمة...
ناصر:لااااا؟وش يجيب جزمته عندنا؟؟
رانية:مدري عنه...لكن ماحد يلبس مقاسين إلا هو!عنده عيب خُلقي بأقدامه قدم صغيرة وقدم مرة كبيرة!!!!
ناصر:ماشاء الله..مقاسات أقدام جارنا حافظتها؟؟؟؟
رانية:انت اشفيك تكلمني كذا؟ اش عندك بالضبط؟؟
ناصر:إنتي انسانة حقيرة ومنحطة!!!ياخسارة ثقتي فيك!!
رانية(وهي متفاجئة):ليش؟؟أنا اش سويت؟؟
ناصر:منهو هاللي قابلتيه؟؟
رانية:جارنا فيصل!!
ناصر:اش تبين فيه ياحقيرة؟؟إنتي كذابة وأدنى مماتوقعت!
رانية:اسمعني.. أنا بأعلمك بالسالفة كلها..
ناصر:ماأبي أسمع أي مبررات كلها كذب بكذب!!روحي البسي عباتك ويلا على بيت أهلك!!ماأتحمل جلستك ببيتي!
رانية:حرام عليك..أنا اش سويت لك؟؟
ناصر:لما تروحين لبيت أبوك اشرحي لهم كل الحقارة اللي سويتيها!!
وضربها كف على وجهها!!!!!!!
راحت رانية ولبست عباتها...ومن البكا خلت كل شي ببيت ناصر اللي ماسمح لها تاخذ حتى جوالها!
ووصلت لبيت أهلها...
نزل معاها ناصر ودق الباب وفتح مشعل الباب..
ناصر(بزعل):وين أبوك؟؟
مشعل:قاعد على السفرة يتعشى!
ناصر:عندكم أحد غريب؟
مشعل:لا..
قام ناصر سحب رانية من يدها ودخل بها على عائلتها أبوها وأمها ومشاري وأختها روان وهم قاعدين على السفرة يتعشون...
ناصر:خذوا بنتكم...ماأبيها ولالي علاقة فيها بعد اليوم!!والله يستر على بنات الناس..
وخرج يركض على سيارته ومشاري يلحقه لكن من دون فايدة!!ناصر مايرد!
مساءكم ورد وياسمين
نام الجميع في بيت أهل رانية..إلا رانية اللي كان التفكير شاغلها وببالها ألف سؤال وسؤال ينتظرون جواب!!
أما ناصر لما تركها ببيت أهلها ورجع بيته راح للصالة يتأمل المكان اللي كانت رانية جالسة فيه..وناثرة ملازمها وأوراقها..وحاطة صحن فيه براد شاي صغير وفنجال واحد...وجوالها جنب الأغراض!
أخذ ناصر جوالها وصار يفتش فيه..كان كل همه يلقى شي يثبت له شكوكه بدل ماهو متعذب ومتشتت البال..
فتش الرسايل ومالقي شي مهم كل الرسايل عبارة عن نكت ودردشة بينها وبين زميلاتها أو استفسارات من زباينها عن أسعار الأطباق....
وفتش قائمة الاتصالات وبدأ بالاتصالات الصادرة ومالقي غير اتصالين من رانية.. واحد على روابي وواحد عليه..
وفتش بقائمة الاتصالات الواردة ولقي فيه رقم غريب من غير اسم متكررة منه الاتصالات..وبحث في سجل المكالمات المخزنة بالجوال من شهر ولقي إن هالرقم متكررة منه الاتصالات أكثر من 22 مرة!! ومافي ولامرة رانية متصلة عليه!!
بغى يتصل على هالرقم..بس خاف إنه يكون رقم وحدة من زبونات رانية!!ولكن بنفس الوقت صار ناصر في صراع داخلي وده يصيد أي شيء ينافي شكوكه ويكذِّب ظنونه!!
وتذكر إنه واحد من زملاؤه اسمه هاشم يشتغل في الاتصالات..واتصل ناصر عليه...
بعد السلام...
ناصر:معليش ياهاشم..المعذرة على اتصالي عليك بهالساعة..
هاشم:لا ماعليك يالحبيب خِذ راحتك.
ناصر:بغيت أطلب منك خدمة..
هاشم:تفضل..
ناصر:فيه رقم دايماً يتصل علي وماأرد..وودي أعرف مين صاحبه أخاف إنه واحد من زملائي القدامى وأنا ناسيه..وإذا ماعليك أمر..تبحث لي عندك بإسم مين مسجل هالرقم
؟؟؟؟؟050437
هاشم:غالي والطلب رخيص..بكرة ان شاء الله لارحت عملي بأبحث لك عنه وأتصل فيك...
ناصر:على خير..أنتظر اتصالك..
وراح ناصر ينام..ولكن هيهات يجيه النوم في بعاد رانية! اللي كانت مالية البيت بصوتها ومشاكساتها..
ابتسم ناصر وقال بنفسه:مميزة يارانية حتى في هواشاتك!!بس الله يقطع إبليس اللي فرَّق بيننا!!
============
أقبل اليوم الثاني..وجات أم رانية تصحي بنتها عشان دوام الكلية...
أم رانية:رانية..رانية..قومي يابنتي..مشاري ينتظرك بالصالة..
رانية(بتثاقل):وش يبي مني؟؟
أم رانية:يبي يوديك على طريقه للكلية..نسيتي إن وراك اختبار؟؟؟؟
رانية:ماني رايحة!
أم رانية:يووه!ليش؟؟
رانية:شلون أروح وأنا ماذاكرت أصلاً؟وولد شمه ماخلاني آخذ معاي أي شي من البيت...حتى ملازمي خليتها..
أم رانية:ليش يابنتي ماذاكرتي أمس؟وش كنتي تسوين طول اليوم؟؟
رانية:وحدة من الجيران اتصلت فيني على تليفون البيت عشر مرات تبي أسوي لها أكلات وشغلات..وضاع يومي في الطبخ والعجن وتنظيف المطبخ..ماقعدت أذاكر إلا بالليل ومامداني ذاكرت كم صفحة إلا صدعت وجيت أسوي الشاي وصار اللي صار مع جارنا النجس وبعدها ماقدرت أفتح كتاب !!
أم رانية:زين مايخالف..روحي اختبري يمكن ربي يفتحها عليك وتجاوبين..
رانية:قلتلك ماني رايحة..هالمادة صعبة وماقد فتحتها من أول الترم..يعني إن رحت أو مارحت؟ راسبة في جميع الأحوال..ماغير بلغي مشاري يتوكل على الله و يروح جامعته...
أم رانية:حسبي الله ونعم الوكيل..براحتك خربي مستقبلك بإيدك!
وخرجت الأم من الغرفة..
وحاولت رانية تكمل نومها لكنه طار!أما الأم رجعت تنام وأبو رانية راح لعمله..
===========
وبالكلية..استغربوا نجلاء واسمهان من عدم حضور رانية...
اسمهان:مو معقولة أبداً!!رانية تغيب بيوم مهم مثل هذا؟؟؟نسيت إن وراها امتحان نصفي؟؟؟
نجلاء:حتى أنا مستغربة..أخاف صاير عليها شي؟؟
اسمهان:لاتكون البنت حامل وتعبانة؟؟
نجلاء:لا..رانية لو تحمل بتبشرنا على طول..وأمس ماكان فيها إلا العافية..
اسمهان:بأتصل فيها وأعرف السالفة..
صاروا نجلاء واسمهان يتصلون برانية ولكن مامن مجيب...وقلقوا!!
===========
أما ناصر جاله اتصال من زميله هاشم اللي يشتغل بالاتصالات...
ناصر:هلا هاشم..
هاشم:ايه لقيت لك الرقم اللي تبيه مسجل بإسم..فيصل بن فلان الفلاني!!
ناصر:ايش؟معقول؟
هاشم:هذا الاسم اللي طلع عندي..
ناصر:طيب جزاك الله خير ياهاشم..
وقفل ناصر الخط وهو يفكر ويفكر ومو عارف يلقى تفسير للي قاعد يصير..
===========
أما رانية حاولت تنام وماقدرت وفتحت كتبها القديمة اللي تركتها ببيت أهلها لكنها ملت ومالها نفس تقرأ ونزلت من غرفتها وراحت للمطبخ وكانت شغالة أهلها صاحية تنظف...
الشغالة:مدام رانية؟تبقي فُتُور؟تبغي فطور؟؟؟
رانية:لا شكراً..مالي نفس!
وراحت رانية للصالة..ولقيت أختها روان الصغيرة قاعدة قدام التليفزيون تتفرج وتآكل كورن فليكس بالحليب!مو دعاية للمنتج ترى!!ههههه
رانية:روان؟ليه مارحتي المدرسة؟؟
روان:اشفيك؟إحنا خلصنا المدرسة من أول!
رانية:ايه صح تذكرت إنتوا عندكم تقويم!
روان:رانية؟إنتي نمتي ببيتنا؟؟
رانية:إيه..
روان:ليش؟إنتي ماعندك بيت؟؟
رانية:كااااان عندي..بس حسبي الله على من خلاني لاجئة عندكم!!!
روان:عندك قصة حلوة تحكينها لي؟؟
رانية:ايه عندي قصة بس ماهي حلوة!
روان:قوليها...قوليها..
رانية:كان فيه عصفورين حلوين عايشين بقفص..
روان وهي تقاطع:ليش..ليش يعيشون بقفص؟؟ليش مايطيرون بعيد؟؟
رانية:بس..يبون يكونون مع بعض!بعدين بيوم من الأيام جاء ُغراب..
روان..تقاطِع:أعرفه..أعرفه..لونه أسود!
رانية:بالضبط..وحاول يخرِب حياة العصفورين وسحب العصفورة..و
روان تقاطِع من جديد:ليش يخرب عليهم أكيد هم آذوه صح؟؟
رانية:لا ماحد آذاه الله يبلاه بمصيبة مِن عنده!!وبعدين العصفورة حاولت تدافع عن نفسها وجرحت الغراب بالسكينة!
روان:أف!اش هذي العصفورة المتوحشة؟ ماأحبها!
رانية:أقول؟؟انتي بتخليني أكمِل القصة؟وإلا أصكك بـ طراق؟؟
روان:وبعدين؟مات الغراب؟
رانية:ياليته يموت عسى عيونه البط!
روان:يعني كيف البط يجلس على عيونه؟؟
رانية:البط يابنت يعني الفقع!أوهوووو الله يعينك ياأفنان مدري شلون تشتغلين في الروضة مع البزران؟!!!
روان:أنا في المدرسة ماني صغيرة بالروضة!!هيا كملي كملي..
رانية:أبد ياطويلة العمر..يوم رجعت العصفورة قفصها قام العصفور طردها ووداها بيت أهلها!!حتى ملازمها ماخلاها تاخذها مالت عليه!!!
روان:طيب..يمكن العصفورة مسويت له زحمة في القفص وهو يبي مكان واسع يعيش فيه؟؟
رانية:بالله قومي قومي..غثيتيني بكلامك وأسئلتك!!قال ايش؟العصفورة مسويت له زحمة!
روان:قصتك مرة مو حلوة!!
رانية:قلتلك من البداية بس ماصدقتي!
وحاولت رانية تبحث عن شي تشغّل نفسها فيه..فراحت المطبخ وحطت حرَّتها بإعداد الأكلات وطبخ الغداء.
صحيت أمها قبل الظهر..ودخلت المطبخ وشمت الروايح..
أم رانية:الله الله وش هالحركات الحلوة؟
رانية:أبد..لقيت نفسي فاضية..قلت أدور شي أشغل نفسي فيه..
أم رانية:مااتصل ناصر؟؟
رانية:ماهو ناوي يتصل من يوم إنه رماني هالرمية!!
أم رانية:وجلستك ببيت أبوك..تسمينها رمية؟؟
رانية:طبعاً..أحس نفسي مقطوعة عن العالم..لاجوال ولاشي..
أم رانية:ومين منعِك.. عندك التيليفون خذيه واتصلي باللي تبين!
رانية:وشلون بأتصل بالناس..وأنا موحافظة رقم أحد؟كل الأرقام مخزنتهم بجوالي بس!!!
أم رانية:وانتي ليش تبين تتصلين بأحد؟كلميني أنا!
رانية:يمه ودي أكلم روابي..أبيها تعرف عن اللي كان بيسويه زوجها فيني خليها تعرفه على حقيقته عدِل!!بس المشكلة إنها عند أهلها وأنا ماعندي رقم بيت أهلها ولاحافظة رقم جوالها..ومابترجع بيتها إلا بكرة..
أم رانية:واش تستفيدين لاكلمتيها؟تبين تخربين بيت المخلوقة؟
رانية:لا... أحسن ينخرب بيتي أنا!!واحد حقير مثل فيصل حرام الوحدة تضيع عمرها معاه المفروض تتركه من أول مرة خانها فيها!!
أم رانية:وهي ليش ماتركته من أول خيانة؟؟
رانية:لأن أهلها مافتحوا صدورهم لها!أبوها متوفي وأمها عايشة مع أخوانها وأخوان روابي شديدين وكل مرة تتهاوش مع زوجها يرجعونها له غصب!ويقولون البنت مالها إلا بيت زوجها..يمه هالروابي تقطع القلب..تخيلي تزوجت وهي بنفس عمري وهالحين صار لها 3 سنوات مع زوج مايسوى هللة!!!
أم رانية:ولاتنسين يابنتي إنه عندها طفل منه وين توديه؟تقعد مع ولدها تربيه أحسن..
رانية:لا ياحبيبتي!مافي وحدة بالدنيا مجبورة تقعد مع واحد نجس ربي رازقه زوجة بالحلال ويُصِّر على اللعب بالحرام!ان شاء الله لو أهلها مجرمين!
ولا هم على بالهم يوم زوجوها باعوها خلاص؟؟؟
أم رانية:الله يعدِّي الأمور على خير..
بعدساعات رجع أبو رانية من العمل..
أبورانية:مااتصل عليكم ناصر؟؟
رانية:لا..
تغدوا الجميع...وانبسط مشاري وقال:وش هالسفرة الحلوة؟تدرين رانية؟ اقعدي عندنا على طول!!
رانية:ايه..لاشبعت العَدُوَة..قَلَت المُرُوَة!
بدل ماتتمنالي أرد بيتي؟!
اتصل أبو رانية على ناصر وكلمه بلهجة حادة وقال:تعال بسرعة..أبيك ضروري!
وجاء ناصر..واستقبله أبو رانية..
أبو رانية:إنت جبت بنتنا أمس..ورميتها من غير ماتوضح لنا السبب أو تعطينا تفسير..وأظن هذا الشي مو من حقك رانية خرجت من بيتنا بكرامتها فالمفروض ماترجع لنا إلا بكرامتها..اش اللي صار بالضبط؟؟
حكى ناصر لأبو رانية بالضبط الحوار اللي دار بينه وبين جارهم!!
أبو رانية:وإنت صدقته على طول؟
ناصر:الصراحة جاب لي أدلة مقنعة بالإضافة إلى إنه مابيني وبينه علاقة من قبل فإش اللي بيجبره يتبلى على زوجتي؟؟
أبو رانية:بس إنت تعرف إن بنتي عاقلة
ناصر:بس الشيطان شاطر ياعمي!!!
قام أبو رانية وناداها..
دخلت رانية من غير سلام ولاكلام ونظراتها لناصر تفلق الصخر!!!
أبو رانية:قولي يابنتي لزوجك السالفة اللي حكيتيها لنا أمس..
حكت رانية السالفة بالتفصيل وناصر متفاجيء من اللي سمعه!!
ناصر:يعني...اشرحي لي أكثر!
رانية:كل هذا ومااستوعبت؟يبي يداري فضيحته قام قلب القصة كلها علي!وإنت ماصدقت على الله تخرجني من بيتك!!!
ناصروهو يهز راسه:لاحول ولاقوة إلا بالله..الله يخزي الشيطان..أنا لقيت له أكثر من 22 اتصال بجوالك بعد ماطلعت اسمه بطريقتي الخاصة..ليش ماعلمتيني من أول بالاتصالات؟؟
رانية:وأنا اش دراني انه هو اللي يتصل؟ثم إن الاتصالات زادت الفترة الأخيرة فخمنت انه ممكن تكون من بعض الزباين اللي وزعوا رقمي على الناس!
ناصر:حصل خير..وأنا آسف..قومي البسي عباتك وخل نرجع بيتنا!!
رانية:لاااااا؟؟؟ تنكِت حضرتك؟؟؟
ناصر:لا.. أكلمك جد..ايش؟مو مصدقة إنك بترجعين بيتك من جديد؟؟ماعليك أنا قلبي أبيض وأسامح بسرعة!!
رانية:ايه..بس أنا قلبي أسود بلون شعر راسي!ورجعة معاك مو راجعة!!
أبورانية:وش هالكلام يابنت؟ماني رايحة الكلية..ماني راجعة معاك؟؟كل شي عندك عناد؟؟؟
ناصر:صحيح مارحتي الكلية؟؟
رانية:ايه..
ناصر:ليـــــــــــش؟؟
رانية:مرة يهمك مستقبلي يعني؟إذا كنت مااهتميت بشرفي وقذفتني
..بتهتم بدراستي؟؟؟
ناصر:يابنت الحلال..أكرر أسفي لك ويلا نرجع لبيتنا وغضب الله على الشيطان
رانية:وأسفك هذا وين أصرفه بالله؟؟تتهمني في سمعتي وتصدق قولة الغريب فيني وتمد إيدك علي وتخرجني من بيتي بهدومي اللي علي في الليل وتاليتها تختصر هالسالفة بكلمتين؟؟مانصفتني والله!
ناصر:زين تدللي علي باللي تبينه وأنا أسويه لك!
رانية:كرامتي ترجع!
ناصر:ابشري..بس شلون؟؟
رانية:أعطيك كف مثل اللي ذوقتني إياه!عاد بروحنا أو قدام أهلي بكيفك!!
ناصر(بعصبية):لاااا؟ذا اللي ناقص والله!
أبو رانية:وش هالكلام يابنت؟ماتحشمين الرَجَّال وهو ببيتنا؟
رانية:وليش هو ماحشمني يوم كنت ببيته؟؟
أبو رانية:روحي روحي البسي عباتك وخلك من هالكلام...
رانية:مافي..ياخذ الكف بالأول!!
ناصر:عيب عليك يارانية كبري مخك..شلون رجال وتطقيني؟؟؟
رانية:لا ياشيخ؟؟واش يعني رجال؟على راسك ريشة؟ولا لك كرامة وانسانية وأنا حيوانة يجوز فيني الطق؟؟؟
أبو رانية(بـ غيظ):أفففف..يابنت الحلال طيعي زوجك وفكينا من كلامك..
رانية:ايه..وش عليكم؟رِجال وتوقفون مع بعضكم!أما أنا حرمة ضعيفة..تستحلون فيني الإهانة وواجب علي أتحمل!!
ناصر:اطلبي طلب غير هذا.. فلوس؟ومستعد أرضيك باللي تبين!
رانية:كم بتدفع يعني؟؟
ناصر:لك مني 5آلاف ريال!!
رانية:نعم ياولد شمه؟؟ليش ياعيوني؟؟الشغالة وهي شغالة لابغيت تستقدمها تدفع لها ضِعف هالمبلغ!!وأنا مستخسر تدفع لي مبلغ زين وأنا زوجتك؟؟
ناصر:اللهم لاحول ولاقوة إلا بك...زين بأخليها عشرة!
وكان مشاري واقف عند الباب يسمع هاللحظة وقال:وشهو اللي خمسة وعشرة؟؟فاتحين حراج سيارات ومزاد علني؟؟
أبو رانية:بالله اطلع اطلع برة و ضِف وجهك!!
ناصر:قولي وش تبين وريحيني!
رانية:خمسين ألف ريال!ريال ينطح ريال!
ناصر(بـ خرعة):ايـــــــــــش؟؟50 ألف ريال أروح أتزوج بها حرمة ثانية أحسن لي!!!
رانية:من طيب عودك ياولد شمه!!!
أبو رانية:خلاص عاد!فكوني من هالمهزلة..اطلعي يابنت مع زوجك!!
رانية:ماني طالعة إلا إن كنت بتسوي مثله وتطلعني غصب؟؟!!!
أبو رانية:شوف ياولدي..الامتحانات بتنتهي عقب أسبوعين..تعال بعد الامتحانات وخِذ زوجتك..
رانية:ولا بعد أسبوعين موب رايحة معاك!
ناصر(بـ عتب):كذا يارانية؟؟على هواك!بس خليك متذكرة إني جيت أعتذر لك ورفضتي تقبلين اعتذاري!!
رانية:ماجيت من كيفك ياقلبي ولاكنت بتجي ولو بعد مية سنة!!أبوي هو اللي اتصل عليك!!
ناصر(بزعل):مع السلامة ياعمي!
وطلع من الباب وراح...
التفت أبو رانية لبنته وقال:هالحين اش بتستفيدين من ورى هالراس اليابس؟هاه؟علميني؟؟
رانية:إن كرامتي ترجع لي,,وكرامتك إنت بعد!!إنت نسيت انه اتهمني في شرفي؟؟؟وشرفي هو شرفك وشرفك شرفي!!!
أبو رانية:خلاص ياأم شرف..لاوصلتك ورقة طلاقك على البيت بروزيها ذيك الساع وغني موال لـ شرفك!!!
دخلت أم رانية:خير؟وشفيه الرجال راح؟
أبورانية:اسألي بنتك الضايعة!!!
أم رانية:يابنتي قال لي مشاري انه اعتذر لك خلاص..وش تبين بعد؟كان رجعتي معاه!!!
رانية:وإنتوا ماتحتسون بالفكة مني؟ماكأني بنتكم!!!
أم رانية:هيا تحمل عناد بنتك..اللي كانت مشفوحة على الزواج ورحت تزوجها وشوفها اليوم شلون تبي الفكة..على بالها الزواج لعبة بتتسلى بها!!
رانية:لا يمه...مو لعبة..استراحة محارِب!
=============
نام الجميع في بيت أهل رانية..إلا رانية اللي كان التفكير شاغلها وببالها ألف سؤال وسؤال ينتظرون جواب!!
أما ناصر لما تركها ببيت أهلها ورجع بيته راح للصالة يتأمل المكان اللي كانت رانية جالسة فيه..وناثرة ملازمها وأوراقها..وحاطة صحن فيه براد شاي صغير وفنجال واحد...وجوالها جنب الأغراض!
أخذ ناصر جوالها وصار يفتش فيه..كان كل همه يلقى شي يثبت له شكوكه بدل ماهو متعذب ومتشتت البال..
فتش الرسايل ومالقي شي مهم كل الرسايل عبارة عن نكت ودردشة بينها وبين زميلاتها أو استفسارات من زباينها عن أسعار الأطباق....
وفتش قائمة الاتصالات وبدأ بالاتصالات الصادرة ومالقي غير اتصالين من رانية.. واحد على روابي وواحد عليه..
وفتش بقائمة الاتصالات الواردة ولقي فيه رقم غريب من غير اسم متكررة منه الاتصالات..وبحث في سجل المكالمات المخزنة بالجوال من شهر ولقي إن هالرقم متكررة منه الاتصالات أكثر من 22 مرة!! ومافي ولامرة رانية متصلة عليه!!
بغى يتصل على هالرقم..بس خاف إنه يكون رقم وحدة من زبونات رانية!!ولكن بنفس الوقت صار ناصر في صراع داخلي وده يصيد أي شيء ينافي شكوكه ويكذِّب ظنونه!!
وتذكر إنه واحد من زملاؤه اسمه هاشم يشتغل في الاتصالات..واتصل ناصر عليه...
بعد السلام...
ناصر:معليش ياهاشم..المعذرة على اتصالي عليك بهالساعة..
هاشم:لا ماعليك يالحبيب خِذ راحتك.
ناصر:بغيت أطلب منك خدمة..
هاشم:تفضل..
ناصر:فيه رقم دايماً يتصل علي وماأرد..وودي أعرف مين صاحبه أخاف إنه واحد من زملائي القدامى وأنا ناسيه..وإذا ماعليك أمر..تبحث لي عندك بإسم مين مسجل هالرقم
؟؟؟؟؟050437
هاشم:غالي والطلب رخيص..بكرة ان شاء الله لارحت عملي بأبحث لك عنه وأتصل فيك...
ناصر:على خير..أنتظر اتصالك..
وراح ناصر ينام..ولكن هيهات يجيه النوم في بعاد رانية! اللي كانت مالية البيت بصوتها ومشاكساتها..
ابتسم ناصر وقال بنفسه:مميزة يارانية حتى في هواشاتك!!بس الله يقطع إبليس اللي فرَّق بيننا!!
============
أقبل اليوم الثاني..وجات أم رانية تصحي بنتها عشان دوام الكلية...
أم رانية:رانية..رانية..قومي يابنتي..مشاري ينتظرك بالصالة..
رانية(بتثاقل):وش يبي مني؟؟
أم رانية:يبي يوديك على طريقه للكلية..نسيتي إن وراك اختبار؟؟؟؟
رانية:ماني رايحة!
أم رانية:يووه!ليش؟؟
رانية:شلون أروح وأنا ماذاكرت أصلاً؟وولد شمه ماخلاني آخذ معاي أي شي من البيت...حتى ملازمي خليتها..
أم رانية:ليش يابنتي ماذاكرتي أمس؟وش كنتي تسوين طول اليوم؟؟
رانية:وحدة من الجيران اتصلت فيني على تليفون البيت عشر مرات تبي أسوي لها أكلات وشغلات..وضاع يومي في الطبخ والعجن وتنظيف المطبخ..ماقعدت أذاكر إلا بالليل ومامداني ذاكرت كم صفحة إلا صدعت وجيت أسوي الشاي وصار اللي صار مع جارنا النجس وبعدها ماقدرت أفتح كتاب !!
أم رانية:زين مايخالف..روحي اختبري يمكن ربي يفتحها عليك وتجاوبين..
رانية:قلتلك ماني رايحة..هالمادة صعبة وماقد فتحتها من أول الترم..يعني إن رحت أو مارحت؟ راسبة في جميع الأحوال..ماغير بلغي مشاري يتوكل على الله و يروح جامعته...
أم رانية:حسبي الله ونعم الوكيل..براحتك خربي مستقبلك بإيدك!
وخرجت الأم من الغرفة..
وحاولت رانية تكمل نومها لكنه طار!أما الأم رجعت تنام وأبو رانية راح لعمله..
===========
وبالكلية..استغربوا نجلاء واسمهان من عدم حضور رانية...
اسمهان:مو معقولة أبداً!!رانية تغيب بيوم مهم مثل هذا؟؟؟نسيت إن وراها امتحان نصفي؟؟؟
نجلاء:حتى أنا مستغربة..أخاف صاير عليها شي؟؟
اسمهان:لاتكون البنت حامل وتعبانة؟؟
نجلاء:لا..رانية لو تحمل بتبشرنا على طول..وأمس ماكان فيها إلا العافية..
اسمهان:بأتصل فيها وأعرف السالفة..
صاروا نجلاء واسمهان يتصلون برانية ولكن مامن مجيب...وقلقوا!!
===========
أما ناصر جاله اتصال من زميله هاشم اللي يشتغل بالاتصالات...
ناصر:هلا هاشم..
هاشم:ايه لقيت لك الرقم اللي تبيه مسجل بإسم..فيصل بن فلان الفلاني!!
ناصر:ايش؟معقول؟
هاشم:هذا الاسم اللي طلع عندي..
ناصر:طيب جزاك الله خير ياهاشم..
وقفل ناصر الخط وهو يفكر ويفكر ومو عارف يلقى تفسير للي قاعد يصير..
===========
أما رانية حاولت تنام وماقدرت وفتحت كتبها القديمة اللي تركتها ببيت أهلها لكنها ملت ومالها نفس تقرأ ونزلت من غرفتها وراحت للمطبخ وكانت شغالة أهلها صاحية تنظف...
الشغالة:مدام رانية؟تبقي فُتُور؟تبغي فطور؟؟؟
رانية:لا شكراً..مالي نفس!
وراحت رانية للصالة..ولقيت أختها روان الصغيرة قاعدة قدام التليفزيون تتفرج وتآكل كورن فليكس بالحليب!مو دعاية للمنتج ترى!!ههههه
رانية:روان؟ليه مارحتي المدرسة؟؟
روان:اشفيك؟إحنا خلصنا المدرسة من أول!
رانية:ايه صح تذكرت إنتوا عندكم تقويم!
روان:رانية؟إنتي نمتي ببيتنا؟؟
رانية:إيه..
روان:ليش؟إنتي ماعندك بيت؟؟
رانية:كااااان عندي..بس حسبي الله على من خلاني لاجئة عندكم!!!
روان:عندك قصة حلوة تحكينها لي؟؟
رانية:ايه عندي قصة بس ماهي حلوة!
روان:قوليها...قوليها..
رانية:كان فيه عصفورين حلوين عايشين بقفص..
روان وهي تقاطع:ليش..ليش يعيشون بقفص؟؟ليش مايطيرون بعيد؟؟
رانية:بس..يبون يكونون مع بعض!بعدين بيوم من الأيام جاء ُغراب..
روان..تقاطِع:أعرفه..أعرفه..لونه أسود!
رانية:بالضبط..وحاول يخرِب حياة العصفورين وسحب العصفورة..و
روان تقاطِع من جديد:ليش يخرب عليهم أكيد هم آذوه صح؟؟
رانية:لا ماحد آذاه الله يبلاه بمصيبة مِن عنده!!وبعدين العصفورة حاولت تدافع عن نفسها وجرحت الغراب بالسكينة!
روان:أف!اش هذي العصفورة المتوحشة؟ ماأحبها!
رانية:أقول؟؟انتي بتخليني أكمِل القصة؟وإلا أصكك بـ طراق؟؟
روان:وبعدين؟مات الغراب؟
رانية:ياليته يموت عسى عيونه البط!
روان:يعني كيف البط يجلس على عيونه؟؟
رانية:البط يابنت يعني الفقع!أوهوووو الله يعينك ياأفنان مدري شلون تشتغلين في الروضة مع البزران؟!!!
روان:أنا في المدرسة ماني صغيرة بالروضة!!هيا كملي كملي..
رانية:أبد ياطويلة العمر..يوم رجعت العصفورة قفصها قام العصفور طردها ووداها بيت أهلها!!حتى ملازمها ماخلاها تاخذها مالت عليه!!!
روان:طيب..يمكن العصفورة مسويت له زحمة في القفص وهو يبي مكان واسع يعيش فيه؟؟
رانية:بالله قومي قومي..غثيتيني بكلامك وأسئلتك!!قال ايش؟العصفورة مسويت له زحمة!
روان:قصتك مرة مو حلوة!!
رانية:قلتلك من البداية بس ماصدقتي!
وحاولت رانية تبحث عن شي تشغّل نفسها فيه..فراحت المطبخ وحطت حرَّتها بإعداد الأكلات وطبخ الغداء.
صحيت أمها قبل الظهر..ودخلت المطبخ وشمت الروايح..
أم رانية:الله الله وش هالحركات الحلوة؟
رانية:أبد..لقيت نفسي فاضية..قلت أدور شي أشغل نفسي فيه..
أم رانية:مااتصل ناصر؟؟
رانية:ماهو ناوي يتصل من يوم إنه رماني هالرمية!!
أم رانية:وجلستك ببيت أبوك..تسمينها رمية؟؟
رانية:طبعاً..أحس نفسي مقطوعة عن العالم..لاجوال ولاشي..
أم رانية:ومين منعِك.. عندك التيليفون خذيه واتصلي باللي تبين!
رانية:وشلون بأتصل بالناس..وأنا موحافظة رقم أحد؟كل الأرقام مخزنتهم بجوالي بس!!!
أم رانية:وانتي ليش تبين تتصلين بأحد؟كلميني أنا!
رانية:يمه ودي أكلم روابي..أبيها تعرف عن اللي كان بيسويه زوجها فيني خليها تعرفه على حقيقته عدِل!!بس المشكلة إنها عند أهلها وأنا ماعندي رقم بيت أهلها ولاحافظة رقم جوالها..ومابترجع بيتها إلا بكرة..
أم رانية:واش تستفيدين لاكلمتيها؟تبين تخربين بيت المخلوقة؟
رانية:لا... أحسن ينخرب بيتي أنا!!واحد حقير مثل فيصل حرام الوحدة تضيع عمرها معاه المفروض تتركه من أول مرة خانها فيها!!
أم رانية:وهي ليش ماتركته من أول خيانة؟؟
رانية:لأن أهلها مافتحوا صدورهم لها!أبوها متوفي وأمها عايشة مع أخوانها وأخوان روابي شديدين وكل مرة تتهاوش مع زوجها يرجعونها له غصب!ويقولون البنت مالها إلا بيت زوجها..يمه هالروابي تقطع القلب..تخيلي تزوجت وهي بنفس عمري وهالحين صار لها 3 سنوات مع زوج مايسوى هللة!!!
أم رانية:ولاتنسين يابنتي إنه عندها طفل منه وين توديه؟تقعد مع ولدها تربيه أحسن..
رانية:لا ياحبيبتي!مافي وحدة بالدنيا مجبورة تقعد مع واحد نجس ربي رازقه زوجة بالحلال ويُصِّر على اللعب بالحرام!ان شاء الله لو أهلها مجرمين!
ولا هم على بالهم يوم زوجوها باعوها خلاص؟؟؟
أم رانية:الله يعدِّي الأمور على خير..
بعدساعات رجع أبو رانية من العمل..
أبورانية:مااتصل عليكم ناصر؟؟
رانية:لا..
تغدوا الجميع...وانبسط مشاري وقال:وش هالسفرة الحلوة؟تدرين رانية؟ اقعدي عندنا على طول!!
رانية:ايه..لاشبعت العَدُوَة..قَلَت المُرُوَة!
بدل ماتتمنالي أرد بيتي؟!
اتصل أبو رانية على ناصر وكلمه بلهجة حادة وقال:تعال بسرعة..أبيك ضروري!
وجاء ناصر..واستقبله أبو رانية..
أبو رانية:إنت جبت بنتنا أمس..ورميتها من غير ماتوضح لنا السبب أو تعطينا تفسير..وأظن هذا الشي مو من حقك رانية خرجت من بيتنا بكرامتها فالمفروض ماترجع لنا إلا بكرامتها..اش اللي صار بالضبط؟؟
حكى ناصر لأبو رانية بالضبط الحوار اللي دار بينه وبين جارهم!!
أبو رانية:وإنت صدقته على طول؟
ناصر:الصراحة جاب لي أدلة مقنعة بالإضافة إلى إنه مابيني وبينه علاقة من قبل فإش اللي بيجبره يتبلى على زوجتي؟؟
أبو رانية:بس إنت تعرف إن بنتي عاقلة
ناصر:بس الشيطان شاطر ياعمي!!!
قام أبو رانية وناداها..
دخلت رانية من غير سلام ولاكلام ونظراتها لناصر تفلق الصخر!!!
أبو رانية:قولي يابنتي لزوجك السالفة اللي حكيتيها لنا أمس..
حكت رانية السالفة بالتفصيل وناصر متفاجيء من اللي سمعه!!
ناصر:يعني...اشرحي لي أكثر!
رانية:كل هذا ومااستوعبت؟يبي يداري فضيحته قام قلب القصة كلها علي!وإنت ماصدقت على الله تخرجني من بيتك!!!
ناصروهو يهز راسه:لاحول ولاقوة إلا بالله..الله يخزي الشيطان..أنا لقيت له أكثر من 22 اتصال بجوالك بعد ماطلعت اسمه بطريقتي الخاصة..ليش ماعلمتيني من أول بالاتصالات؟؟
رانية:وأنا اش دراني انه هو اللي يتصل؟ثم إن الاتصالات زادت الفترة الأخيرة فخمنت انه ممكن تكون من بعض الزباين اللي وزعوا رقمي على الناس!
ناصر:حصل خير..وأنا آسف..قومي البسي عباتك وخل نرجع بيتنا!!
رانية:لاااااا؟؟؟ تنكِت حضرتك؟؟؟
ناصر:لا.. أكلمك جد..ايش؟مو مصدقة إنك بترجعين بيتك من جديد؟؟ماعليك أنا قلبي أبيض وأسامح بسرعة!!
رانية:ايه..بس أنا قلبي أسود بلون شعر راسي!ورجعة معاك مو راجعة!!
أبورانية:وش هالكلام يابنت؟ماني رايحة الكلية..ماني راجعة معاك؟؟كل شي عندك عناد؟؟؟
ناصر:صحيح مارحتي الكلية؟؟
رانية:ايه..
ناصر:ليـــــــــــش؟؟
رانية:مرة يهمك مستقبلي يعني؟إذا كنت مااهتميت بشرفي وقذفتني
..بتهتم بدراستي؟؟؟
ناصر:يابنت الحلال..أكرر أسفي لك ويلا نرجع لبيتنا وغضب الله على الشيطان
رانية:وأسفك هذا وين أصرفه بالله؟؟تتهمني في سمعتي وتصدق قولة الغريب فيني وتمد إيدك علي وتخرجني من بيتي بهدومي اللي علي في الليل وتاليتها تختصر هالسالفة بكلمتين؟؟مانصفتني والله!
ناصر:زين تدللي علي باللي تبينه وأنا أسويه لك!
رانية:كرامتي ترجع!
ناصر:ابشري..بس شلون؟؟
رانية:أعطيك كف مثل اللي ذوقتني إياه!عاد بروحنا أو قدام أهلي بكيفك!!
ناصر(بعصبية):لاااا؟ذا اللي ناقص والله!
أبو رانية:وش هالكلام يابنت؟ماتحشمين الرَجَّال وهو ببيتنا؟
رانية:وليش هو ماحشمني يوم كنت ببيته؟؟
أبو رانية:روحي روحي البسي عباتك وخلك من هالكلام...
رانية:مافي..ياخذ الكف بالأول!!
ناصر:عيب عليك يارانية كبري مخك..شلون رجال وتطقيني؟؟؟
رانية:لا ياشيخ؟؟واش يعني رجال؟على راسك ريشة؟ولا لك كرامة وانسانية وأنا حيوانة يجوز فيني الطق؟؟؟
أبو رانية(بـ غيظ):أفففف..يابنت الحلال طيعي زوجك وفكينا من كلامك..
رانية:ايه..وش عليكم؟رِجال وتوقفون مع بعضكم!أما أنا حرمة ضعيفة..تستحلون فيني الإهانة وواجب علي أتحمل!!
ناصر:اطلبي طلب غير هذا.. فلوس؟ومستعد أرضيك باللي تبين!
رانية:كم بتدفع يعني؟؟
ناصر:لك مني 5آلاف ريال!!
رانية:نعم ياولد شمه؟؟ليش ياعيوني؟؟الشغالة وهي شغالة لابغيت تستقدمها تدفع لها ضِعف هالمبلغ!!وأنا مستخسر تدفع لي مبلغ زين وأنا زوجتك؟؟
ناصر:اللهم لاحول ولاقوة إلا بك...زين بأخليها عشرة!
وكان مشاري واقف عند الباب يسمع هاللحظة وقال:وشهو اللي خمسة وعشرة؟؟فاتحين حراج سيارات ومزاد علني؟؟
أبو رانية:بالله اطلع اطلع برة و ضِف وجهك!!
ناصر:قولي وش تبين وريحيني!
رانية:خمسين ألف ريال!ريال ينطح ريال!
ناصر(بـ خرعة):ايـــــــــــش؟؟50 ألف ريال أروح أتزوج بها حرمة ثانية أحسن لي!!!
رانية:من طيب عودك ياولد شمه!!!
أبو رانية:خلاص عاد!فكوني من هالمهزلة..اطلعي يابنت مع زوجك!!
رانية:ماني طالعة إلا إن كنت بتسوي مثله وتطلعني غصب؟؟!!!
أبو رانية:شوف ياولدي..الامتحانات بتنتهي عقب أسبوعين..تعال بعد الامتحانات وخِذ زوجتك..
رانية:ولا بعد أسبوعين موب رايحة معاك!
ناصر(بـ عتب):كذا يارانية؟؟على هواك!بس خليك متذكرة إني جيت أعتذر لك ورفضتي تقبلين اعتذاري!!
رانية:ماجيت من كيفك ياقلبي ولاكنت بتجي ولو بعد مية سنة!!أبوي هو اللي اتصل عليك!!
ناصر(بزعل):مع السلامة ياعمي!
وطلع من الباب وراح...
التفت أبو رانية لبنته وقال:هالحين اش بتستفيدين من ورى هالراس اليابس؟هاه؟علميني؟؟
رانية:إن كرامتي ترجع لي,,وكرامتك إنت بعد!!إنت نسيت انه اتهمني في شرفي؟؟؟وشرفي هو شرفك وشرفك شرفي!!!
أبو رانية:خلاص ياأم شرف..لاوصلتك ورقة طلاقك على البيت بروزيها ذيك الساع وغني موال لـ شرفك!!!
دخلت أم رانية:خير؟وشفيه الرجال راح؟
أبورانية:اسألي بنتك الضايعة!!!
أم رانية:يابنتي قال لي مشاري انه اعتذر لك خلاص..وش تبين بعد؟كان رجعتي معاه!!!
رانية:وإنتوا ماتحتسون بالفكة مني؟ماكأني بنتكم!!!
أم رانية:هيا تحمل عناد بنتك..اللي كانت مشفوحة على الزواج ورحت تزوجها وشوفها اليوم شلون تبي الفكة..على بالها الزواج لعبة بتتسلى بها!!
رانية:لا يمه...مو لعبة..استراحة محارِب!
=============
رجعت ياقماري
أرسلت رانية أخوها مشاري لبيتها وأخذ جوالها وملازمها من ناصر..وشوية ملابس..للكلية والبيت..
ناصر(يكلم مشاري وهو خارج من عنده):تكفى..مشاري كلِم أختك ترد لبيتها..وتنسى الماضي!
مشاري:تحلم ياحبيبي!!تو بطني رجع لحالته الطبيعية وعصافير بطني ماعاد تصوصو لأني شبعان طول الوقت!!!
ناصر(بـ مكر):شوف..لو أقنعتها ترجع لي؟لك مبلغ يرضيك ياوسيط!
مشاري:ايه قول كذا من الأول!من عيوني..ابشر!!
وقعدت رانية تذاكر..وراحت اليوم الثاني للكلية...
قابلوها اسمهان ونجلاء وطرحوا عليها 20 سؤال عن سر غيابها وتطنيشها لاتصالاتهم!
رانية:خلااااااااااص صدعتوا بي ياغجر!!السالفة ومافيها..متهاوشة مع زوجي وقاعدة ببيت هلي!ارتحتوا؟؟
اسمهان:أعوذ بالله!!ليش؟؟
نجلاء:المفروض اللي يعرف رانية زين مايسألها هالسؤال يااسمهان!
رانية:وش قصدك يانجول؟ترى رحت لأهلي وأنا مظلومة!!!
نجلاء:ياشيخة!إلعبي غيرها!تظلمين قبيلة إنتي!هِب ماأعرفك؟؟
اسمهان:ماعليك منها احكي لي يارانية ..وش اللي صار؟؟
نجلاء:شوفي يارانية..إن طلعت السالفة من سوالفكم السخيفة؟فتحملي مايجيك مني!!
رانية:أجل اسمعوا واحكموا!
وحكت لهم سالفتها بالتفصيل الممل...
اسمهان:ياعمري!!كل هذا صار لك وإحنا ماندري؟؟
نجلاء:بلا في وجهه جاركم الخسيس هذا! ليتك طاعنته بالسكين في بطنه!!
رانية:هو لو بقى واقف قدامي كان سويتها فيه!!لكن شرد الله لايسامحه!!!!!!
اسمهان:بس مالك حق يارانية..يجيك زوجك يراضيك وترفضين؟؟؟
رانية:أحسن يستاهل!
نجلاء:إلا كفو هالرانية!خليه يحس على دمه شوي!
اسمهان:بس أنا أحس لازم يكون بين الزوجين تنازلات..وهو مااعتذر لك إلا وحاس بأنه غلطان..فليش تعقدين الأمور؟؟
رانية:حبيبتي؟أنا متعمدة أعقد الأمور بوجهه..عشان لابغى يعيدها في المستقبل ويزعلني؟يتراجع!!ويتذكر زعل رانية شلون صعب!!!
اسمهان:بس يالذكية..افرضي طلع أعند منك...وما ردك بعد الاختبارات..وش بتسوين؟؟
رانية:لا لا ياحبيبتي..ناصر زوجي وأعرفه..وماهو من النوع اللي يتحمل البُعد..بالذات إني من يوم دخلت بيته..غيرت له أشياء كثيرة بحياته..وصار لي فضل عليه..لدرجة إنه مايقدر يتصرف تصرف من غير مايرجع لي!!
نجلاء:ياهووووه عالثقة!!
رانية:يابنتي أنا راتبه وهو راتبه يسلمني إياه بإيدي وأقسمه له وأرتب له ميزانيته...
==============
لما رجعت رانية البيت اتصل عليها ناصر وحاول فيها بالكلام الحلو ترجع له..لكن لافائدة...
رانية:وش سويت في جيراننا؟
ناصر:ولاشي!
رانية:نعم؟ولاشي؟وش قاعد تنتظر ياروح أمك؟؟
ناصر:الرجال من يوم هالمشكلة مابان!!ويظهر إن بيتهم فاضي!واتصلت عليه مايرد..وش تبيني أسوي فيه؟؟؟
رانية:تبلغ عنه..يجيبونه من تحت الأرض!!ثم نرفع عليه قضية قذف! وجريمة محاولة الشروع في اغتصاب!!!!!
ناصر:الله..كل هذا؟ياحبك للفضايح ياذي البنت!
رانية:خله..يستاهل..أنا اللي يدوس على طرف ثوبي أسففه التراب!!فمابالك باللي سواه هالنذل؟؟ولا إنت كرامة زوجتك وسمعتك مالها قيمة عندك؟؟
ناصر:أجل ماتعرفيني!أنا مخطط بس أشوفه..أجمع عيال الحارة عليه يكفخونه لين يقول بس!!
رانية:لا مرة شاطر إنت!!بياخذ العلقة اليوم وينساها بكرة!أنا أبيه مثل مايعرف يكيد للناس ويسوي لهم فضايح..ينفضح هو وينخرب بيته!!
ناصر:يابنت الحلال تحسبين هالاجراءات سهلة؟؟هذي المسائل يبي لها شهود وجلسات بالمحكمة..ودلائل واثباتات!!ولين تاخذين حقك..مات ناس وانولد ناس!!!
رانية:مالي شغل..أنا مصممة!
ناصر:أقول اتركيك من هالعناد..خلاص المشكلة صارت وانتهت وماحد عَرَف بها إلا أنا وانتي..لازم يعني ربك يستر علينا؟؟ونفضح أنفسنا؟؟
رانية:بس الحقير ذا ينطرد من بيتنا طردة الكلاب!!
ناصر:ومين قال لك إني بأخليه دقيقة في بيتي؟؟أنا بأعلمه شلون يمشي على الصراط!!!
رانية:ومع هذا ياناصر ماني راجعة لك ولو ياطى راسك الثرى!!!
وقفلت السماعة...
ناصر(بينه وبين نفسه):ماتوقعت عنادك بيكون لهالدرجة يارانية..لكن مابأيأس!!
++++وأما مشاري قاعد ينكد على رانية يبيها ترجع لبيتها عشان ياخذ الفلوس اللي ناصر مطمعه فيها!!!
ومرت الأيام....
رانية:شوف يامشاري..لو تسوي فيني اللي تسويه..طلعة من بيتكم موب طالعة..وقاعدة على قلوبكم لين تموتون فلا تتعب نفسك بتطفيشي!!!
مشاري:وأنا يئست منك وسلَّمت القلعة!!والفلوس اللي بآخذهم من زوجك ماعَدت أبيها!!
رانية:آهاااا..يعني هو مطمعك بفلوس.عشان يردني؟؟؟
مشاري:ايه نعم!
رانية:كذا ياناصر!!أجل بتطول قعدتي هنا أكثر!!!
=========
توسط ناصر بتركي يرسل زوجته أو أحد من أخواته يراضون رانية لكن من غير فائدة!!خابت محاولاتهم
وكانت رانية تقول:جيتكم عزيزة وغالية..لكن مشاكلي مع زوجي نحلها بيننا وبين بعض!!
اضطر ناصر إنه يستعين بعبدالرحمن بعد مافشلت كل المحاولات.. لعلمه بمحبة رانية لاسمهان...
وتكلم عبدالرحمن مع اسمهان وقال لها:شكل صديقتك هذي عنيدة..وحاولوا الكثير يتوسطون وماعطتهم وجه..لذلك أطمح وأتوسم فيك الخير إنك تردينها لصوابها ولامانع إنها تقول شروطها بس تكون عقلانية..مو معقول تاركة زوجها يبهذل نفسه ويتوسط بالناس عشانها... ولااستنتجت لين الحين إن كل هذا من زود غلاتها عنده!!!
اسمهان:يارب يهديها..ياما كلمتها بس إذن من طين وإذن من عجين!
عبدالرحمن:تذكري يااسمهان..إن الكذب حرام..بس جائز في الصلح بين طرفين!!واستخدمي ذكائك!
اسمهان:إبشر!
ووداها لرانية.....
وبعد السواليف بين الثنتين...
اسمهان:اسمعي يارانية..أنا بأقول لك كلام عرفته عن طريق زوجي..وإنتي حرة في اختيارك!!
رانية:خير؟؟بيطلقني ناصر؟؟
العبي غيرها!!
اسمهان:لا..بس يقول زوجي إن كثير من الناس حوله لما دروا إنكم متهاوشين قاموا يعرضون عليه الزواج ببناتهم وبأقل المهور!!
رانية:ليش؟خلصوا الرِجال من الديرة؟؟
اسمهان:بيني وبينك..زوجك مافيه شي يتعيب..بس انتي ظالمته!
رانية:وعساه وافق؟؟
اسمهان:لا يقول عبدالرحمن إنه كان يصد عن الناس اللي يفتحون له هالموضوع..بس مع الوقت لما فشلت محاولاته في رجعتك كأن راسه بدأ يلين وصار يقول ماأقدر أتحمل الحياة من غير زوجة!
رانية:أحسن..خل يعرف قيمتي!
اسمهان:ايه بس يارانية هو محتار..يقول إنه حاط مبلغ يبي يراضيك فيه ومتورط..يقول بأحاول في زوجتي محاولة أخيرة..إن مارضت تاخذه وترجع فأنا ماعندي مانع أحطه كمهر لبنت أول واحد عرض علي بنته!!!
رانية:لا لا تقولين!!
اسمهان(بثقة):هذا اللي صار!وإنتي براحتك ماحد يقدر يجبرك ترجعين..بس مثل ماتعرفين ناصر مايقدر يفتح بيتين يقول لو خطبت وحدة ثانية فالله يعين بأضحي برانية وأخليها ببيت أهلها..لأني ماأقدر أجبرها تحبني وهي ماتبيني!!
رانية:لا والله أحبه وأعشقه بعد!قصير النظر هذا!!شلون يقول ماأحبه شلون؟؟
اسمهان:وبالله فيه وحدة بالدنيا تحب زوجها وتفشله قدام الناس؟تبي ترجع له وماتبي.شلون تجتمع هذي؟؟
رانية:ياالله يااسمهان!!كلامك غربلني!وخبص كل حساباتي!
اسمهان:بكيفك..بس تخيلي زوجك يعيش مع وحدة غيرك؟
تخيلي تصيرين مطلقة وماحد يتزوجك بعده ولايسأل فيك؟؟
البنات الأبكار تارسات البيوت وماحد طالع فيهم..بيجون يطالعون فيك إنتي؟؟
تخيلي الكلام اللي بيطلع عليك بعدين؟أكيد لو طلقك ناصر الناس بيقولون عشان سُمعتها موب زينة وبيصدقون اللي صار!!
رانية:الله يقطع ابليسك يااسمهان..لاتطرين قدامي طاري الطلاق...وهو حضرته ماصدق؟كلها 16 يوم اللي قعدتها عند أهلي وبدأ راسه يلين لزوجة ثانية؟؟أجل لو قعدت عندهم وأنا نفاس شهر؟؟وش بيسوي؟؟
اسمهان:ماشاء الله إنتي حامل؟
رانية:أقول انطمي..أنا أقول مثلاً يعني..
اسمهان:ايييييه حسبت!!المهم ماينلام مسكين صبر عليك واجد وعطاك بدل الفرصة ألف وانتي راسك متحجر!متى بيلين أبي أفهم؟
رانية:زين..إش أسوي؟شوري علي؟؟
اسمهان:إنتي مو قلتي لي قبل كذا إنه أرسل لك شنطة إيدك حقت الخرجة مع مشاري؟؟
رانية:ايه..وش دخل هذا بالموضوع؟؟
اسمهان:اسمعي بس..والشنطة هذي كان بداخلها نسخة من مفاتيح البيت؟؟
رانية:ايه..صح!
اسمهان:أنا أقول تلمين الموضوع من غير وجع راس وتخلينها بينكم وبين بعض..وترجعين من غير مايدري للبيت وتستقبلينه أحسن استقبال!!وهقوتي إنه مابيقصر معاك!!
رانية:خِبلة إنتي يابنت؟؟ولا شكلك كذا؟؟هالحين بعد كل الجهاد والعناد اللي سويته؟أرخِص نفسي بلحظة؟؟لاماجبتيها صح يابنت سعيد!!!
اسمهان:أجل انطمي وسِفي تراب ببيت أهلك!!الرجال شاريك لآخر لحظة وبيعطيك فرصة وحدة وبعدها بيبيعك ويروح لغيرك!!وساعتها اقعدي غني(خسارة خسارة)!!!!
رانية:ياربييييي..طيب مافي حل ثاني؟؟؟
اسمهان:ارسلي له مسج حلو..لو من نكتك الماصخة!أكيد بيفرح لاعبرتيه..واتركي الباقي عليه!بس بشرط مو يجيك لين البيت وتحجرين راسك وتتشرطين!ترى الرجال معزِم إنها آخر فرصة وبيقطك ورا ظهره لو مارضيتي!!!وانتي الخسرانة!هو بيشوف حياته مع وحدة ثانية تبسطه وانتي بتقعدين بين أربع جدران تكتبين همومك ومشاكلك بالمنتديات ويغثونك بردودهم!!!غير إن أهلك بيحسونك عالة عليهم ويعلُّون قلبك على كل صغيرة وكبيرة!!
رانية:مدري اش أقول لك..بأحاول أمسك لساني!
اسمهان:و خيطي فمك لو تقدرين يكون أحسن!!
المهم بعد طول نقاش خرجت اسمهان من عند رانية وهي توعدها خير..
==========
طبعاً بالأيام الماضية حقت الامتحانات اتصلت رانية بروابي بعد مارجع لها جوالها وحكت لها عن السالفة..
روابي:زين إنك قلت لي وأنا ببيت أهلي..عشان ماأرجع له هالكلب!
وبالفعل قعدت روابي عند أهلها..وفيصل خاف يرجع للبيت ويشوفه ناصر..فانتظر يوم ..داوم فيه ناصر الصباح وراح فيصل للبيت..بس ناصر كان ذكي وموصي حراس العماير اللي جنبهم إنهم لو شافوه يمسكونه!
وبالفعل أول مالمحوه مسكوه..لين جاء ناصر من العمل...وكفخوه تكفيخ على مستوى..لين اعترف بغلطته..
وقال له ناصر:قدامك حل من اثنين..ياأخذك لأقرب قسم شرطة يجلدونك جلد يصلخ جلدك ويحبسونك..وأجيب عليك شهود؟؟؟أو تعوضني هالحين بمبلغ يبرد القلب وتطلع برة بيتي؟؟
فيصل(وهو مخترع):لا لا كل شي ولاالفضايح الله يستر عليك..بأعطيك 150 ألف تاخذهم؟
ناصر:لا..زيده شوي!
فيصل:خذ 170 ألف والله هي كل اللي حيلتي..
ناصر:موافق..
وفعلاً سدد فيصل المبلغ لناصر وخذاه ناصر ولاقال لرانية شي!!
بعدين تعرفون ليش!!!
أرسلت رانية أخوها مشاري لبيتها وأخذ جوالها وملازمها من ناصر..وشوية ملابس..للكلية والبيت..
ناصر(يكلم مشاري وهو خارج من عنده):تكفى..مشاري كلِم أختك ترد لبيتها..وتنسى الماضي!
مشاري:تحلم ياحبيبي!!تو بطني رجع لحالته الطبيعية وعصافير بطني ماعاد تصوصو لأني شبعان طول الوقت!!!
ناصر(بـ مكر):شوف..لو أقنعتها ترجع لي؟لك مبلغ يرضيك ياوسيط!
مشاري:ايه قول كذا من الأول!من عيوني..ابشر!!
وقعدت رانية تذاكر..وراحت اليوم الثاني للكلية...
قابلوها اسمهان ونجلاء وطرحوا عليها 20 سؤال عن سر غيابها وتطنيشها لاتصالاتهم!
رانية:خلااااااااااص صدعتوا بي ياغجر!!السالفة ومافيها..متهاوشة مع زوجي وقاعدة ببيت هلي!ارتحتوا؟؟
اسمهان:أعوذ بالله!!ليش؟؟
نجلاء:المفروض اللي يعرف رانية زين مايسألها هالسؤال يااسمهان!
رانية:وش قصدك يانجول؟ترى رحت لأهلي وأنا مظلومة!!!
نجلاء:ياشيخة!إلعبي غيرها!تظلمين قبيلة إنتي!هِب ماأعرفك؟؟
اسمهان:ماعليك منها احكي لي يارانية ..وش اللي صار؟؟
نجلاء:شوفي يارانية..إن طلعت السالفة من سوالفكم السخيفة؟فتحملي مايجيك مني!!
رانية:أجل اسمعوا واحكموا!
وحكت لهم سالفتها بالتفصيل الممل...
اسمهان:ياعمري!!كل هذا صار لك وإحنا ماندري؟؟
نجلاء:بلا في وجهه جاركم الخسيس هذا! ليتك طاعنته بالسكين في بطنه!!
رانية:هو لو بقى واقف قدامي كان سويتها فيه!!لكن شرد الله لايسامحه!!!!!!
اسمهان:بس مالك حق يارانية..يجيك زوجك يراضيك وترفضين؟؟؟
رانية:أحسن يستاهل!
نجلاء:إلا كفو هالرانية!خليه يحس على دمه شوي!
اسمهان:بس أنا أحس لازم يكون بين الزوجين تنازلات..وهو مااعتذر لك إلا وحاس بأنه غلطان..فليش تعقدين الأمور؟؟
رانية:حبيبتي؟أنا متعمدة أعقد الأمور بوجهه..عشان لابغى يعيدها في المستقبل ويزعلني؟يتراجع!!ويتذكر زعل رانية شلون صعب!!!
اسمهان:بس يالذكية..افرضي طلع أعند منك...وما ردك بعد الاختبارات..وش بتسوين؟؟
رانية:لا لا ياحبيبتي..ناصر زوجي وأعرفه..وماهو من النوع اللي يتحمل البُعد..بالذات إني من يوم دخلت بيته..غيرت له أشياء كثيرة بحياته..وصار لي فضل عليه..لدرجة إنه مايقدر يتصرف تصرف من غير مايرجع لي!!
نجلاء:ياهووووه عالثقة!!
رانية:يابنتي أنا راتبه وهو راتبه يسلمني إياه بإيدي وأقسمه له وأرتب له ميزانيته...
==============
لما رجعت رانية البيت اتصل عليها ناصر وحاول فيها بالكلام الحلو ترجع له..لكن لافائدة...
رانية:وش سويت في جيراننا؟
ناصر:ولاشي!
رانية:نعم؟ولاشي؟وش قاعد تنتظر ياروح أمك؟؟
ناصر:الرجال من يوم هالمشكلة مابان!!ويظهر إن بيتهم فاضي!واتصلت عليه مايرد..وش تبيني أسوي فيه؟؟؟
رانية:تبلغ عنه..يجيبونه من تحت الأرض!!ثم نرفع عليه قضية قذف! وجريمة محاولة الشروع في اغتصاب!!!!!
ناصر:الله..كل هذا؟ياحبك للفضايح ياذي البنت!
رانية:خله..يستاهل..أنا اللي يدوس على طرف ثوبي أسففه التراب!!فمابالك باللي سواه هالنذل؟؟ولا إنت كرامة زوجتك وسمعتك مالها قيمة عندك؟؟
ناصر:أجل ماتعرفيني!أنا مخطط بس أشوفه..أجمع عيال الحارة عليه يكفخونه لين يقول بس!!
رانية:لا مرة شاطر إنت!!بياخذ العلقة اليوم وينساها بكرة!أنا أبيه مثل مايعرف يكيد للناس ويسوي لهم فضايح..ينفضح هو وينخرب بيته!!
ناصر:يابنت الحلال تحسبين هالاجراءات سهلة؟؟هذي المسائل يبي لها شهود وجلسات بالمحكمة..ودلائل واثباتات!!ولين تاخذين حقك..مات ناس وانولد ناس!!!
رانية:مالي شغل..أنا مصممة!
ناصر:أقول اتركيك من هالعناد..خلاص المشكلة صارت وانتهت وماحد عَرَف بها إلا أنا وانتي..لازم يعني ربك يستر علينا؟؟ونفضح أنفسنا؟؟
رانية:بس الحقير ذا ينطرد من بيتنا طردة الكلاب!!
ناصر:ومين قال لك إني بأخليه دقيقة في بيتي؟؟أنا بأعلمه شلون يمشي على الصراط!!!
رانية:ومع هذا ياناصر ماني راجعة لك ولو ياطى راسك الثرى!!!
وقفلت السماعة...
ناصر(بينه وبين نفسه):ماتوقعت عنادك بيكون لهالدرجة يارانية..لكن مابأيأس!!
++++وأما مشاري قاعد ينكد على رانية يبيها ترجع لبيتها عشان ياخذ الفلوس اللي ناصر مطمعه فيها!!!
ومرت الأيام....
رانية:شوف يامشاري..لو تسوي فيني اللي تسويه..طلعة من بيتكم موب طالعة..وقاعدة على قلوبكم لين تموتون فلا تتعب نفسك بتطفيشي!!!
مشاري:وأنا يئست منك وسلَّمت القلعة!!والفلوس اللي بآخذهم من زوجك ماعَدت أبيها!!
رانية:آهاااا..يعني هو مطمعك بفلوس.عشان يردني؟؟؟
مشاري:ايه نعم!
رانية:كذا ياناصر!!أجل بتطول قعدتي هنا أكثر!!!
=========
توسط ناصر بتركي يرسل زوجته أو أحد من أخواته يراضون رانية لكن من غير فائدة!!خابت محاولاتهم
وكانت رانية تقول:جيتكم عزيزة وغالية..لكن مشاكلي مع زوجي نحلها بيننا وبين بعض!!
اضطر ناصر إنه يستعين بعبدالرحمن بعد مافشلت كل المحاولات.. لعلمه بمحبة رانية لاسمهان...
وتكلم عبدالرحمن مع اسمهان وقال لها:شكل صديقتك هذي عنيدة..وحاولوا الكثير يتوسطون وماعطتهم وجه..لذلك أطمح وأتوسم فيك الخير إنك تردينها لصوابها ولامانع إنها تقول شروطها بس تكون عقلانية..مو معقول تاركة زوجها يبهذل نفسه ويتوسط بالناس عشانها... ولااستنتجت لين الحين إن كل هذا من زود غلاتها عنده!!!
اسمهان:يارب يهديها..ياما كلمتها بس إذن من طين وإذن من عجين!
عبدالرحمن:تذكري يااسمهان..إن الكذب حرام..بس جائز في الصلح بين طرفين!!واستخدمي ذكائك!
اسمهان:إبشر!
ووداها لرانية.....
وبعد السواليف بين الثنتين...
اسمهان:اسمعي يارانية..أنا بأقول لك كلام عرفته عن طريق زوجي..وإنتي حرة في اختيارك!!
رانية:خير؟؟بيطلقني ناصر؟؟
العبي غيرها!!
اسمهان:لا..بس يقول زوجي إن كثير من الناس حوله لما دروا إنكم متهاوشين قاموا يعرضون عليه الزواج ببناتهم وبأقل المهور!!
رانية:ليش؟خلصوا الرِجال من الديرة؟؟
اسمهان:بيني وبينك..زوجك مافيه شي يتعيب..بس انتي ظالمته!
رانية:وعساه وافق؟؟
اسمهان:لا يقول عبدالرحمن إنه كان يصد عن الناس اللي يفتحون له هالموضوع..بس مع الوقت لما فشلت محاولاته في رجعتك كأن راسه بدأ يلين وصار يقول ماأقدر أتحمل الحياة من غير زوجة!
رانية:أحسن..خل يعرف قيمتي!
اسمهان:ايه بس يارانية هو محتار..يقول إنه حاط مبلغ يبي يراضيك فيه ومتورط..يقول بأحاول في زوجتي محاولة أخيرة..إن مارضت تاخذه وترجع فأنا ماعندي مانع أحطه كمهر لبنت أول واحد عرض علي بنته!!!
رانية:لا لا تقولين!!
اسمهان(بثقة):هذا اللي صار!وإنتي براحتك ماحد يقدر يجبرك ترجعين..بس مثل ماتعرفين ناصر مايقدر يفتح بيتين يقول لو خطبت وحدة ثانية فالله يعين بأضحي برانية وأخليها ببيت أهلها..لأني ماأقدر أجبرها تحبني وهي ماتبيني!!
رانية:لا والله أحبه وأعشقه بعد!قصير النظر هذا!!شلون يقول ماأحبه شلون؟؟
اسمهان:وبالله فيه وحدة بالدنيا تحب زوجها وتفشله قدام الناس؟تبي ترجع له وماتبي.شلون تجتمع هذي؟؟
رانية:ياالله يااسمهان!!كلامك غربلني!وخبص كل حساباتي!
اسمهان:بكيفك..بس تخيلي زوجك يعيش مع وحدة غيرك؟
تخيلي تصيرين مطلقة وماحد يتزوجك بعده ولايسأل فيك؟؟
البنات الأبكار تارسات البيوت وماحد طالع فيهم..بيجون يطالعون فيك إنتي؟؟
تخيلي الكلام اللي بيطلع عليك بعدين؟أكيد لو طلقك ناصر الناس بيقولون عشان سُمعتها موب زينة وبيصدقون اللي صار!!
رانية:الله يقطع ابليسك يااسمهان..لاتطرين قدامي طاري الطلاق...وهو حضرته ماصدق؟كلها 16 يوم اللي قعدتها عند أهلي وبدأ راسه يلين لزوجة ثانية؟؟أجل لو قعدت عندهم وأنا نفاس شهر؟؟وش بيسوي؟؟
اسمهان:ماشاء الله إنتي حامل؟
رانية:أقول انطمي..أنا أقول مثلاً يعني..
اسمهان:ايييييه حسبت!!المهم ماينلام مسكين صبر عليك واجد وعطاك بدل الفرصة ألف وانتي راسك متحجر!متى بيلين أبي أفهم؟
رانية:زين..إش أسوي؟شوري علي؟؟
اسمهان:إنتي مو قلتي لي قبل كذا إنه أرسل لك شنطة إيدك حقت الخرجة مع مشاري؟؟
رانية:ايه..وش دخل هذا بالموضوع؟؟
اسمهان:اسمعي بس..والشنطة هذي كان بداخلها نسخة من مفاتيح البيت؟؟
رانية:ايه..صح!
اسمهان:أنا أقول تلمين الموضوع من غير وجع راس وتخلينها بينكم وبين بعض..وترجعين من غير مايدري للبيت وتستقبلينه أحسن استقبال!!وهقوتي إنه مابيقصر معاك!!
رانية:خِبلة إنتي يابنت؟؟ولا شكلك كذا؟؟هالحين بعد كل الجهاد والعناد اللي سويته؟أرخِص نفسي بلحظة؟؟لاماجبتيها صح يابنت سعيد!!!
اسمهان:أجل انطمي وسِفي تراب ببيت أهلك!!الرجال شاريك لآخر لحظة وبيعطيك فرصة وحدة وبعدها بيبيعك ويروح لغيرك!!وساعتها اقعدي غني(خسارة خسارة)!!!!
رانية:ياربييييي..طيب مافي حل ثاني؟؟؟
اسمهان:ارسلي له مسج حلو..لو من نكتك الماصخة!أكيد بيفرح لاعبرتيه..واتركي الباقي عليه!بس بشرط مو يجيك لين البيت وتحجرين راسك وتتشرطين!ترى الرجال معزِم إنها آخر فرصة وبيقطك ورا ظهره لو مارضيتي!!!وانتي الخسرانة!هو بيشوف حياته مع وحدة ثانية تبسطه وانتي بتقعدين بين أربع جدران تكتبين همومك ومشاكلك بالمنتديات ويغثونك بردودهم!!!غير إن أهلك بيحسونك عالة عليهم ويعلُّون قلبك على كل صغيرة وكبيرة!!
رانية:مدري اش أقول لك..بأحاول أمسك لساني!
اسمهان:و خيطي فمك لو تقدرين يكون أحسن!!
المهم بعد طول نقاش خرجت اسمهان من عند رانية وهي توعدها خير..
==========
طبعاً بالأيام الماضية حقت الامتحانات اتصلت رانية بروابي بعد مارجع لها جوالها وحكت لها عن السالفة..
روابي:زين إنك قلت لي وأنا ببيت أهلي..عشان ماأرجع له هالكلب!
وبالفعل قعدت روابي عند أهلها..وفيصل خاف يرجع للبيت ويشوفه ناصر..فانتظر يوم ..داوم فيه ناصر الصباح وراح فيصل للبيت..بس ناصر كان ذكي وموصي حراس العماير اللي جنبهم إنهم لو شافوه يمسكونه!
وبالفعل أول مالمحوه مسكوه..لين جاء ناصر من العمل...وكفخوه تكفيخ على مستوى..لين اعترف بغلطته..
وقال له ناصر:قدامك حل من اثنين..ياأخذك لأقرب قسم شرطة يجلدونك جلد يصلخ جلدك ويحبسونك..وأجيب عليك شهود؟؟؟أو تعوضني هالحين بمبلغ يبرد القلب وتطلع برة بيتي؟؟
فيصل(وهو مخترع):لا لا كل شي ولاالفضايح الله يستر عليك..بأعطيك 150 ألف تاخذهم؟
ناصر:لا..زيده شوي!
فيصل:خذ 170 ألف والله هي كل اللي حيلتي..
ناصر:موافق..
وفعلاً سدد فيصل المبلغ لناصر وخذاه ناصر ولاقال لرانية شي!!
بعدين تعرفون ليش!!!
الصفحة الأخيرة
جاء اليوم المنشود وركبوا مرام ومشاعل مع اسمهان بسيارتها ووصلوا بيت رانية..
دخلوا الثلاثة... وكشفوا اسمهان ومشاعل وجوههم أما مرام ظلت متغطية وساكتة عشان تكتشفها رانية!
سلمت رانية على اسمهان ومشاعل ووصلت لمرام...
رانية:اسمهان؟مين هذي شغالتكم؟
كشفت مرام وجهها وقالت:شغالتهم؟ليش ياقلبي؟شايلة مكنسة؟ولاقاعدة أكب الزبالة؟؟
رانية:مراموه؟ويه قطيعة؟وش جابك بعد ماارتحنا في غيابك؟؟جاية تباركين لي؟صح النوم ياماما!!!
التفتت مرام لاسمهان وقالت:اسمهان؟ماقلت لك إن رانية لايمكن تتقبلني؟؟
اسمهان:إلا متقبلتك ونص!بس هذا شعار الجودة حق رانية!لسانها لازم يجمرك على كل شي!!!
الجميع:ههههه
رانية:لا أنا من جد مستغربة حضورك؟شوفي يمين الله إن كانت نيتك شينة لأرمي بك في غرفة أم ناصر وأخلي العفاريت يتعشون عليك!!!
مشاعل:هههه الصراحة يارانية خوش استقبال!
مرام:لاتستغربين يارانية..المثل يقول(الدنيا سلف و دين)..تتذكرين لما اعتذرتي لي بملكتي عن فعايلك وحضنتيني؟؟هذا أنا بأردها لك واعتذرلك وأحضنك!
حضنوا الثنتين بعضهم بحرارة..
رانية:كل شي فيك اختلف يامرام حتى حضنك !الكرشة صارت حاجز!أهم شي قلبك مايكون فيه حواجز وإلا عقابك عندي عسير!!!!
اسمهان:أحد جاك غيرنا؟
رانية:ايه أفنان ونجلاء وصلوا قبلكم..وروابي بتنزل بعد شوي..
وبعد ماتهندموا راحوا يسلمون على الباقيين...
أفنان ونجلاء(بصوت واحد):مرااااااااام؟؟
مرام:ايه مرام...ايش؟ماوحشتكم؟؟
قاموا أفنان ونجلاء يسلمون عليها..
اسمهان:ياجماعة الخير..إحنا جينا نفتح صفحة جديدة..ولا حد يسأل عن شي فات!!
وجات روابي ووزعت رانية العصير على ضيوفها وشربوا البنات كاساتهم وخذتهم السوالف وماقام أحد يساعد رانية!!
رانية:حيا الله هالرفلات الخايبات..قاعدة أخدم عليكم وماواحدة فزَّت تساعدني؟ليش؟خدامة أبوكم أنا؟؟
نجلاء:هيا استلموا..بتتمنن علينا هالرانية باللقمة اللي بناكلها عندها!!
وقاموا يساعدونها وكانت رانية متفننة في ضيافتها بسفرة موالح ومعجنات وحلى وصواني مشكَلة...
أفنان:ماشاء الله..ماشاء الله..وش هالعِز كله؟مأدبة السلطان؟؟
رانية:أي سلطان؟السلطان حقي ظل راقد على الكنبة وحوله كل شي منثور تقولون الغرفة ضاربها إعصار؟!وصِحت فيه ذيك الصيحة اللي خلته يمشي وهويكلم نفسه!ودخل المطبخ وساعدني!
مرام:وععععع..زوجك حط إيده بهالأكل؟
رانية:تكفين ياربيبة العِز!ماكأنك مسنترة في المطاعم تاكلين من يد هالأجانب..والواحد فيهم الله عالم إيده وين كانت قبل مايحطها بالأكل!!
الجميع:ههههههههه
اسمهان:والله يطْلع منه هالناصر!
رانية:وش يطلع؟أقول لك عل قلبي لين ماساعدني وهزأته وقلت له لو إنك بنت؟كان عنست في بيت أهلك وماحد خذاك!!مايعرف شي بالمطبخ!
مشاعل:ماينلام.. رجال وماهي شغلته
نجلاء:أنا من يوم كنت صغيرة وأنا أشوف أبوي أحياناً بالاجازات يدخل يساعد أمي ويطبخ..وطبخه يهبل ولايعلى عليه!
رانية:حتى أنا أبوي كان يدخل مع أمي..بس عشان يهاوش ويطلع عيوب بالأكل!!
=========
وبعد الأخذ والعطا...ثم العشاء
راحت اسمهان دورة المياه...
وجلسوا أفنان ومشاعل وروابي مع بعضهم وقاعدين يسولفون..ونجلاء ومرام ورانية مع بعضهم..
التفتت رانية لمشاعل وروابي وأفنان وقالت:خير؟ليش مسويين حِزب؟ليش إنكم موظفات؟؟
روابي:خلك ساكتة!من زين الرواتب اللي ناخذها عاد!
رانية:اسمه يجيكم راتب!!!بكرة أسوي لنفسي بزنس وأشوف نفسي عليكم!
نجلاء:ويوم بيصير بإيدك قريشات بتشوفين نفسك علينا؟؟هذا بدل ماتعطينا ياوجه الفقر؟؟
رانية:يعني أنا اللي بأتعب وبأعرق وتجون إنتوا تاكلونها باردة مبردة؟؟
مرام:وش هو البزنس اللي بتسوينه ياحظي؟بتأسسين فرقة الطقاقات المتحدة؟؟؟
رانية:وش المانع؟؟تنضمين لي؟؟
مرام:يوه الشر برة وبعيد!تبين الناس يحذفونا بالحذيان؟
رانية:لايالثولات..عندي بزنس سبيشل!قاعدة أعصر دماغي وان شاء الله يجيني فكرة حلوة...
أفنان:بعيد عن البزنس وهالكلام...تذكرت..يوم السبت ان شاء الله عندنا بالروضة وحدة الأصحاب وودي لو وحدة منكم تتبرع تزورني بالروضة عشان أشرح للأطفال آداب الزيارات بين الأصدقاء..ومفهوم الأصحاب..فمين منكم تتبرع وتجي الروضة كزائرة؟؟
رانية:والله ذا اللي ناقصني!!أغيب عن الكليةو أقعد أناقز مع البزران!!!
مشاعل:وأنا عندي عملي بالمعهد..
روابي:وأنا عندي دوام بالمدرسة..
نجلاء:وأنا أهلي لايمكن يوافقون إني أضحي بروحتي للكلية وأروح للروضة!!
مرام:وأنا مثل منتي شايفة كرشتي كبرت ويالله أجِر نفسي جر!!
أفنان:لا انتي يامرام نستضيفك ان شاء الله في وحدة العائلة..زيارة أم حامل!!
إلا اسمهان خرجت من دورة المياه ودخلت عليهم..
رانية:أتوقع اسمهان مابتقول لك لا!!ياحبها في صياح البزران!!
اسمهان:اش السالفة؟؟
شرحت لها أفنان الموضوع..
اسمهان:ياالله!!!فكرة روعة!!
أفنان:يعني نقول تم؟؟
اسمهان:أكيد..أكيد
رانية:طالعوا الهبلة!!بتضيع يوم كامل من الكلية عشان تروح تتهبل مع البزران!!
اسمهان:عادي..الكلية موب طايرة..أهم شي استمتع مع الأطفال...
رانية:أجل قوموا يابنات نسترجع ذكريات الطفولة ونلعب فتحي ياوردة..غمضي ياوردة!!
نجلاء:لا لا نلعب بريلا بريلا بريليله..ليلة العيد تعشينا..ولا شَرْعَت بيتك كبير ومليان مخابيء!!!
مشاعل:لا عاد أنا إعفوني من هالمهرجان!!بأجلس مكاني!
رانية:يحق لك يالعجوز!!خلك مكانك!!
وقاموا بقية البنات يلعبون ألعاب الطفولة وهم يضحكون على أنفسهم ضحك هستيري..
وتوقع ناصر إن الضيوف راحوا ففتح الباب بالمفتاح ووقف بالمدخل..وسمع أصوات الضيوف وهم يلعبون فتحي ياوردة في الصالة!!!
وقام إتصل برانية وقال:تعالي أنا واقف بالمدخل!
أقبلت رانية..
ناصر:وش هالأصوات؟ وفتحي ياوردة وغمضي!افتتحتي حضانة ليلية؟؟
رانية:لا ياعزيزي..قاعدة ألعب مع الشلة!!!!
ناصر:يامثبت العقل والدين!!هذا كبركم وتلعبون؟؟!!
رانية:حبيبي!مع رانية كل شي جايز!
=============
رجعوا الضيوف كل وحدة على بيتها بعد سهرة ممتعة
وبسيارة اسمهان ركبوا مشاعل ومرام...
ووصلوا وراحت كل وحدة على بيتها...
وببيت اسمهان..كانت اسمهان تسولف مع عبدالرحمن وهي تضحك..
عبدالرحمن:ماشاء الله شكلك استانستي بالطلعة؟أشوف معنوياتك مرتفعة؟
اسمهان:ايه..الصراحة الجلسة مع رانية لها طعم ثاني!
عبدالرحمن:هذا نفس رأيي بناصر..سبحان من يجمع ويوفق...
وحكت له اسمهان عن رغبتها في زيارة الروضة ومساعدة أفنان في توضيح معاني درسها للأطفال..
عبدالرحمن:طيب والكلية؟؟
اسمهان:شوف؟..عشان الأطفال كل شي يهون!!
عبدالرحمن:على راحتك..بس ماتشوفين إنها مو حلوة تدخلين على الأطفال بإيد فاضية؟؟
اسمهان:شلون يعني؟؟
عبدالرحمن:يعني الأطفال يحبون الهدايا والحلويات..لو مثلاً نروح بكرة السوبرماركت ونشتري لهم حلويات وشيبسات يحبونها وتوزعينها عليهم بعد ماتدخلين!
اسمهان:يارب يسعدك ياعبدالرحمن..تصدق كان غايب عن بالي هالموضوع؟؟زين بآخذ لكل طفل مجموعة أشياء وأغلفها بكيس وأحطهم بالسلة وأوزعها!!
===============و
واليوم التالي وكان الجمعة راحت اسمهان واشترت حلويات وألعاب صغيرة خاصة بالحفلات..وكانت معزومة للغداء عند أهلها راحت لهم بعد مااشترت الأغراض..وشاركوها سماح وأسماء بالتغليف...
وأم اسمهان تقول:يالله سألتك في هاليوم الفضيل ماتردني..إنك ترزق حبيبتي اسمهان بالذرية الصالحة..
اسمهان:يارب يايمه يارب..الله يستجيب دُعاك..
سماح:ويرزق أفنان ورانية ان شاء الله...
أسماء:آمين..ويرزق كل متأخرة..جارتي هذي سابع سنة لها من تزوجت ولكن ماانكتب لها حمل..ودايماً توصيني أدعي لها بيوم الجمعة بالذات..لعل دعوة توافق ساعة إجابة...
أم اسمهان:يكفي إن الرسول خبرنا يابنتي إن دعوة المسلم للمسلم بظهر الغيب مستجابة..لاتبخلون على كل محتاج بدعاويكم..
=================
وأقبل السبت وأفنان مجتهدة تشرح للأطفال الآداب اللي يتعاملون بها مع ضيوفهم وأصدقائهم..
وبعد دقايق اتصلت اسمهان بأفنان وقالت لها:أنا وصلت ياعسل..
راحت أفنان وسلمت عليها...وقالت لها:شوفي يااسمهان انتي راح توقفين قدام الباب وأنا بأكلم الأطفال شوي وأول ماأأشر لك من وراء الباب الزجاج دقي الباب وأنا أفتح لك...
وبالفعل..قالت أفنان للأطفال بالصف:هالحين ياأطفالي راح نستقبل ضيفة وصديقة جديدة لنا..ومانبي نزعلها أبيكم كلكم تكونون مؤدبين جداً وتورون ضيفتنا حسن الاستقبال..موافقين؟؟
الأطفال(بصوت واحد):موافقين ياأبلة..
وأشرت أفنان لاسمهان اللي واقفة برة الصف..وطقت اسمهان الباب..وقامت أفنان تستقبلها..
أفنان:أهلاً أهلاً بصديقتنا أبلة اسمهان...اش اسم صديقتنا ياأطفالي؟؟
الأطفال:أبلة اسمهان...
وراحت أفنان تعرِّف اسمهان على طلاب وطالبات الفصل
وأجرت مع اسمهان مقابلة شخصية...ومثلوا الثنتين مشاهد خاطئة في استقبال الضيف والأطفال يصححون الأخطاء بمشاهد صحيحة في كيفية استقبال الأصدقاء والضيوف..
وكان يوم ممتع وزعت فيه اسمهان الهدايا..وسوت أفنان حفلة مُصغرة استمتعوا فيها الأطفال بالأكل والألعاب والأناشيد...
ولما انتهت زيارة اسمهان شكرت الأطفال على حسن الضيافة,,
وقالت أفنان:أطفالي؟يالله نرفع يدنا للسماء وندعي مع بعض..
رفعوا الأطفال أياديهم للدعاء..
أفنان:يلا ندعي بصوت واحد:
..يارب ياكريم زي مافَرَحَتنا أبلة اسمهان بالزيارة..فَرِّحهَا بالذرية الصالحة..
الأطفال(بصوت واحد):يارب ياكريم زي مافرحتنا أبلة اسمهان بالزيارة..فرحها بالذرية الصالحة..
حضنت اسمهان أفنان بشوق وقالت:جزاك الله خير يالغالية...
وودعت الأطفال ودموع الفرح غامرتها..
========
وبالسيارة...
عبدالرحمن:هاه؟بشريني؟كيف زيارتك للأطفال؟
اسمهان:روعة روعة مرة ياعبدالرحمن ياليتك شفت منظرهم وهم رافعين أياديهم ويدعون لي بالذرية الصالحة..
تبللت عيون عبدالرحمن بالدموع وقال:الله يرزقنا يااسمهان قولي آمين..
اسمهان:آمين..آمين...