مرحبا..ياحبي لكم
اجتمع الكل يهنيء مرام بولادتها في المستشفى..أهلها وأهل زوجها وشلتها وكانت ماخذة جناح كبير ومزين بشكل مكلَف...
اجتمعوا حولها الشلة وهم يسولفون ويضحكون...
أما أم مرام وأم عبدالرحمن قاعدين بطرف الغرفة يسولفون مع بعض..
وكانت رانية آخر الحاضرات..
ودخلت تسلم...وجلست
رانية:ماشاء الله تبارك الله..وش هالزينة وهالكشخة..كل هذا عشان الصغيرونة؟أجل وش خليتوا لعرسها؟؟
مرام:الله يعطي ماجدة العافية..تكفلت بكل شي..
رانية:اش سميتوها؟
مرام: لانا...
رانية:لانا ولاإنت!!
الجميع:ههههههه
رانية:بالله يانجلاء ناوليني الصغيرة أسلم عليها..
شالت نجلاء المولودة وعطتها رانية..
وقامت رانية تخضخض المولودة!!
اسمهان:شوي شوي على النونو تراها طفلة مو طار من طيرانك اللي تطقين عليها!!
مرام:لا لا رنو حرااااااااام..مسكينة ماتتحمل!!
رانية:أقول اسكتي إنتي!اشفهَمِّك؟خل قلب البنت يقوى..بدل ماتطلع خيخة لأمها وأبوها!!!
مرام:واااااي حرام عليك أنا خيخة؟؟
رانية:بالله طالعوا طالعوا يابنات في خشم الصغيرونة..مرفوع لفوق.. طالعة مغرورة ومتكبرة لأمها!!
مرام:لاااا ليش تقولين كذا هذي بيبي ماتفهم واش عرفها بالغرور؟؟
رانية:إبن الوز عوام ياعيني..بكرة تكبر وبتعطينها من خباثتك شوي!!
الجميع:هههههههه
رانية(تكلم النونو):جِعلك تكبرين وتعرسين..وتاخذين واحد حليو وعسول مثل عمك ناصر!!
أفنان:الحين ذا ناصر اللي تسبين فيه ليل بنهار؟صار حليو وعسول؟!!!
رانية:طبعاً مادام صار خاتم بصبعي..بأشيله فوق راسي!!!!
يالله يابنات قولوا آمين...
البنات:آمين..
رانية:عساه مايمر شهر إلا وانتي يامشاعل والدة ومنسدحة على هالسرير..وبجنبك بنوتة حلوة مثل لانا..
مشاعل:تسلمين يالغالية..بس أنا في بطني ولد..
نجلاء:ماشاء الله..وش بتسمينه؟؟
مشاعل:مايبي لها سؤال..أكيد عبدالرحمن...
وانبسطت اسمهان!!
ومرت الأيام بعدها أيام وولدت مشاعل وجابت ولد وسموه عبدالرحمن..
وكان عبدالرحمن بيطير من الفرحة كأن الولد ولده...
وملوا عبدالرحمن ولانا الصغار البيت بصياحهم...وأصواتهم..والكل فرحان فيهم...
وبيوم من الأيام كانت اسمهان ترتب بأوراق عبدالرحمن الخاصة وملفاته اللي بمكتبه..ولقيت ورقة تحاليل متوجة بإسم(عيادات الدكتور ياسر لعلاج أمراض العقم والذكورة)!!!!
وتاريخ التحاليل صادر من شهرين..
والورقة نسختين وحدة بالعربي والثانية بالإنجلش..وقدام كل تحليل من التحاليل علامة صح وكلمة سليم!!
حست اسمهان إن الفرحة غامرتها وكأن أحد بشرها بمولود!!
وقالت بنفسها:الحمدلله...الحين تطمنت...مادام أنا بخير وزوجي بخير فأكيد الحمل راح يجي بيوم من الأيام
مرت الأيام بسرعة والاختبارات النهائية أقبلت..وحست اسمهان وهي بالكلية إنها في قمة التعب والصداع..
رانية:شكلك مواصلة يااسمهان عشان كذا مرهقة...
اسمهان:صح..ومين يجي له نفس ينام وقت الامتحانات...؟
وبدأ الصداع والدوخة تزيد عند اسمهان
نجلاء:شكل حرارة الشمس مأثرة عليك ياسوسو قوموا ندخل داخل...
رانية:أنا اقتراحي تتصلين على زوجك يجي ياخذك شكلك مرة تعبانة..
اسمهان:شلون ياخذني وأنا باقي عندي اختبار فترة ثانية؟؟
رانية:بالطقاق!!!!صحتك أهم!
نجلاء:أقول لاتطاوعين رانية..طول عمرها بايعتها..!!
صبرت اسمهان لين ماأنهت اختبار الفترة الثانية واتصلت بعبدالرحمن يجي ياخذها..
وهي بالسيارة كانت تتكلم معاه بتعب..
عبدالرحمن:اسمهان؟انتي تعبانة؟
اسمهان:ايه...أحس بصداع ودوخة..
عبدالرحمن:الله يصلحك من الارهاق وقلة الأكل..أنا صرت ماأشوفك تاكلين إلا تفاح وخيار وتشربين كوفي...
اسمهان:مالي نفس بالأكل أحس إنه يسبب لي حموضة..
عبدالرحمن:زين هالحين لانزلنا البيت اطلعي فوق وخذي لك حبة حديد واشربي عصير برتقال..أظن الأنيميا رجعت لك..وأنا بأدخِل تحت عند أمي شوي...
وفعلاً دخل عبدالرحمن لأمه..وأما اسمهان راحت لمدخل البيت من جانب الحوش وطلعت الدرج وفجأة حست بدوخة وقعدت في الدرج واستسلمت لإغماءة...
وكان بعدها بثواني عبدالرحيم نازل من شقته ولما شاف اسمهان طايحة بعبايتها في الدرج..
عبدالرحيم(بقلق):ياأخت..ياأخت!
لكن مامن مجيب...!!!!!!
وراح عبدالرحيم يركض على بيت أمه ودخل عليها هي وعبدالرحمن..
عبدالرحيم:فيه وحدة طايحة بالدرج..مدري هل هي زوجتك ياعبدالرحمن؟ولا زوجة عبدالمجيد؟؟
عبدالرحمن(بفزع):لا..هذي أكيد زوجتي توي منزِّلها!!
وراح عبدالرحمن يركض وأمه وراه وحاولوا يصحونها ولكن لافائدة!!!
ونقلوها المستشفى بوسط قلق الجميع!!
======
تتوقعون اش بيصير؟؟؟
التكملة مو اليوم...بكرة بإذن الله+مفاجأة الجزء الأخير
لأن عندي ضيوف!!!
الحلقة الأخيرة
بيوم الأربعاء اللي كان آخر يوم بالامتحانات وحصل فيه اللي حصل..انتقلت اسمهان للمستشفى وهي دايخة...فتحت عينها بالسيارة بتثاقل..وأم عبدالرحمن معاها بالمقعدة الخلفية...
أم عبدالرحمن:سلامات يابنتي..وش تحسين فيه؟
اسمهان:داااااايخة مرة...
وبعد دقايق وصلوا للمستشفى..
وبعد الفحص والتحاليل اللي ظلوا ينتظرون نتيجتها...
الدكتورة:المدام عندها انخفاض في الضغط..والهبوط هو اللي عامل لها الدوخة دي!!
عبدالرحمن:ايه يادكتورة وهالفترة فترة امتحانات وهي مرهِقة نفسها حيل بالسهر والمذاكرة..وماتهتم بأكلها..أبيك تنصحينها وتكتبين لها فيتامينات أو أي شي يساهم بتحسين صحتها..
الدكتورة:لا أنا مش حأكتب لها حاجة إلا أما أتأكد من نتايق التحاليل..
أم عبدالرحمن:ان شاء الله مافيها إلا الخير..
وكانت الدكتورة تسأل اسمهان عن آخر موعد للعادة وأسئلة روتينية عن أي مشاكل صحية حدثت بالسابق..
وخرجوا من عند الدكتورة..
وظلت اسمهان مع أم زوجها قاعدين بالانتظار للاطمئنان على نتايج التحاليل..
وبعد مرور وقت ظهرت النتيجة!!
ودخلوا الثلاثة عند الدكتورة...
عبدالرحمن:خير يادكتورة؟
الدكتورة:الحمدلله..النتائق مطمنة..وعايزة هدية البشارة!!
عبدالرحمن:نعم؟؟
أم عبدالرحمن:مبروك ياولدي زوجتك حامل!
الدكتورة:آدي السِت الوالدة فهمِت كلامي قبليكوا!!!
ناظروا اسمهان وعبدالرحمن بعضهم باندهاش!وبمشاعر مختلطة بين الاندهاش والفرح..
الدكتورة:وضروري أوي يامدام تهتمي بالتغزية في الفترة دي..أصلي شايفة نسبة الهيموجلوبين عندك نازلة شوية
والراحة سُميعني ثم!الراحة سم الراحة..
ورجع الجميع والفرحة مو شايلتهم..
عبدالرحمن:بهذي المناسبة الحلوة أنا عازمكم للغداء برة..
أم عبدالرحمن:أنا أقول ياولدي لو نخليها عشا عندي في البيت أحسن..زوجتك تعبانة الحين ويبي لها راحة وإحنا طولنا بالمستشفى..وأنا طابخة غدا ببيتي اطلعوا بيتكم ارتاحوا وبأرسل لكم الأكل فوق...
وفعلاً راحوا للبيت..وقابلهم عبدالرحيم..
عبدالرحيم:لاباس لاباس..طمنونا..
عبدالرحمن:لاتشغل بالك..السالفة ومافيها إنك بتصير عم!!
عبدالرحيم:الله يبشرك بالخير..مبروك مبروك...
وراح يبشر مرام...
أما اسمهان وزوجها طلعوا بيتهم...
عبدالرحمن:هذا أحلى خبر سمعته بحياتي...
اسمهان:وأنا بعد..أخيراً ياعبدالرحمن؟
ماكنت أتخيل إن هاليوم بيجي..
عبدالرحمن:ليش؟الحمدلله إحنا ماطولنا كثير غيرنا مر عليهم سنين وسنين..
وتغدوا وناموا..
وصحيت اسمهان بعد وقت على صوت الجوال وتليفيون البيت...
وكانوا المتصلين أهلها اللي خبرتهم أم عبدالرحمن بدعوتها لهم على العشاء بمناسبة حمل اسمهان..
أم اسمهان:الله يسامحك يابنتي!يعني خبر حلو مثل هذا نسمع به من أم زوجك وماسمعنا به منك؟؟؟
اسمهان:صدقيني رجعت تعبانة وأكلت لي لقمتين ورحت بسابع نومة..وكنت ناوية بس أصحى أكلمكم..
وكلمها أبوها وأخوها وأخواتها ..حتى شلة الصاعقة خبرتهم مرام وهلت عليها الاتصالات..وأبلة جوهرة بعد...وأحلام..ومشاعل
وبالليل اجتمعت بكل الأهل في وسط فرحة غامرة..
مرت الأيام وظهرت النتايج وكان الكل ناجح...ورانية حاملة معاها مادة..
=========
أما رانية بيوم من الأيام زارتها زبونة تبي تستلم طلبها..ودخلت لبيت رانية وظلت تتأمل فيه..
الزبونة:ماشاء الله هالبيت ملككم؟؟
رانية:ايه..
الزبونة:عايشين فيه بروحكم؟
رانية:ايه..
الزبونة:مو ناويين تبيعونه؟؟
رانية:والله ودي نبيعه اليوم قبل بكرة..هو كبير علينا حيل..
الزبونة:هو دور واحد بس؟
رانية:لا..دور وشقة فوق وسطح..
الزبونة:كم غرفة؟؟
وظلت رانية تعدد لها المرافق..
الزبونة:اعذريني على أسئلتي..بس الحقيقة أهلي لهم مدة يدورون عن بيت بهالمنطقة يشترونه..لأن صاحب البيت اللي هم فيه يبي يطلعهم ومعطيهم مهلة قصيرة..وزوجي صاحب مكتب عقار تعب وهو يدور ومالقى..فلو كنتم تبون تعرضون بيتكم للبيع بتكسبون فيهم أجر..
رانية:ياليت والله..أنا الصراحة مو مرتاحة بهالحي..
الزبونة:لا أنا أهلي لهم سنين فيه ومبسوطين على الناس والجيران..وأخواتي مدارسهم قريبة من هنا.. يعني هلي متمسكين فيه..تفضلي هذا كرت زوجي..وانتي اتفقي مع زوجك..لو عنده نية للبيع ترى هلي شرَّايين..وخله يكلم زوجي..
رانية:بإذن الله..
عجبت رانية الفكرة وظلت تزن وتحن على راس ناصر يبيعون البيت ويشترون بداله شقة تمليك فاخرة بحي راقي..
وبعد جهدٍ جهيد وافق ناصر وعرض البيت للبيع وبعد أخذ ورد باع البيت وانتقلت رانية إلى شقة تمليك فاخرة...
مرت إجازة الصيف في اجتماعات وزيارات..ومامن جديد يُذكر...
وبيوم كانوا اسمهان ورانية مجتمعين ببيت مرام...
مرام:بنات؟بعد كم يوم بيكون عيد زواجي الأول..اش تقترحون علي أفكار؟؟
رانية:اقترح عليك..تحطين لسانك بحلقك وتسكتين!!
مرام:وجع!ليش؟
رانية:العالم وصلوا القمر وإحنا النسوان ماعندنا إلا هالاهتمامات:الحقوني بفكرة جديدة ..شلون أحتفل بزوجي؟واش أجيب له؟ وش ألبس له؟؟هبال فاضي!!
اسمهان:بغض النظر عن كلامك يارانية..انتي فكرتي في الحكم الشرعي يامرام؟
مرام:عارفة بتقولون لي حرام!
اسمهان:مادام عارفة..ليش مُصرَّة تحتفلين بعيد زواجك؟؟
مرام:لأني ماأشوف فيها شي!المسألة كلها حفلة بسيطة..وين المشكلة؟؟
اسمهان:أول شي..أعياد الميلاد وأعيادالزواج حكمها بدعة!بتقولين شلون؟أقولك كلها عادات دخيلة قادمة من عند اليهود والنصارى..وإحنا المسلمين مالنا إلا عيدين:عيد الفطر والأضحى..
وهذه الأمور من المحدثات اللي مالها أصل بعقيدتنا وشريعتنا الاسلامية.. والرسول عليه الصلاة والسلام قال(كل محدثة بدعة..وكل بدعة ضلالة..وكل ضلالة في النار)..فهمتي؟؟
رانية:يعني ترمين نفسك في النار عشان احتفال ساعة؟؟
مرام:والعمل؟؟
اسمهان:خلي كل حياتك أفراح ومفاجآت...تصير أحلى..الشي لما يكون متوقعه الشخص ومحدد بيوم معين... مايحس له طعم!بعكس لما يكون بيوم مفاجيء..ولاعلى البال ولاعلى الخاطر..
ومرت أيام وأيام..
وابتدأ عام دراسي جديد دخلت فيه اسمهان سنة زواجها الثالثة..
وكان كل شهر يمر اسمهان تثقل وصار الكل يسألها عن سبب انتفاخها الغريب..جسمها مختزن بالسوائل..وملامحها متغيرة ووجهها متنفخ..صارت تعد الأيام عد عشان تولد..ومن بداية حملها استقدم لها عبدالرحمن شغالة تقوم بأمور البيت وتفرغت اسمهان لدراستها إلى أن حان وقت ولادتها..
رُزقت بتوأم ولدين ذكور(إلياس و فِراس)...
تفاجأ الجميع ماعدا أهلها وأم عبدالرحمن اللي كانوا عارفين من أول إن اسمهان ببطنها توأم..
وبالمستشفى...
كان البعض من الزوارمستغربين من ولادة اسمهان بتوأم..واعتقدوا إنها خضعت لعلاج أو منشطات أو أجرت عملية أطفال أنابيب..
أم اسمهان:لا..إحنا الحمل بتوائم موجود بعائلتنا..بنتي ابتسام عندها بنتين توأم..وأمي ولدت زمان ولدين توأم واحد عاش والثاني مرض ومات..
مرام:الله يعينك ياسوسو..الاهتمام بالتوائم مُتعب..أنا ماعندي إلا لانا وطلعت عيوني منها..لاأنام بالليل ولابالنهار من غَلَبتها وصياحها..
اسمهان:بالنسبة لي مُتعب وممتع..
وراحت اسمهان لمدة أسبوعين نفاس ببيت أهلها والأسبوعين الثانية أصرَّت أم عبدالرحمن على اسمهان تقضيها عندها عشان تتمتع بأحفادها الصغار..
وكانت أم عبدالرحمن لما يجيهم زوار من الجماعة أو الجيران يباركون لاسمهان..ترفض إنها تحط المولودين جنب بعض!!!!تطلع واحد وتخلي الثاني داخل!
عبدالرحمن:وشفيك يمه تخرجين العيال قِدام الناس بالتقسيط؟
وليش تنصحين اسمهان ماترضع عيالها قدام أحد؟؟
أم عبدالرحمن:الاحتياط واجب ياولدي..والعين حق!!شوف كم مولود قد صابته عيون الناس!وشوف كم وحدة صابتها عين لاشافوا الناس صدرها وهي ترضع!بعض الناس حتى رضاعة المولود يراقبونها كثيرة ولاقليلة!!!
عبدالرحمن:أعوذ بالله..
أم عبدالرحمن:ايه ماأكذب عليك..وإحنا ماندري وش بنفوس الناس..أحياناً أقرب الناس لك يطقك بعين وهو مو قاصد!بس إحنا نحصنهم لكن لابد من الأخذ بالأسباب ياولدي..
وجات أفنان تزور اسمهان وتبارك..وبشرت أفنان الجميع بخبر حملها...
مرت الأيام بسرعة وبدأوا التوأمين فِراس و إلياس يكبرون وصار عمرهم 6شهور وكانوا عبدالرحمن واسمهان مفرغين حياتهم لهم..يستمتعون بكل حركة يسوونها هالطفلين..ومالهم سالفة مع بعض إلا:إلياس سوى وفراس فَعَل!!
وبيوم جاء عبدالرحمن من العمل ولقي اسمهان فارشة لحاف بالصالة ومنسدحة وأولادها جنبها..
عبدالرحمن:اشفيكم؟ماشبعتوا نوم؟؟
اسمهان:لا أنا حاسة بإرهاق فظيع ودايخة..
عبدالرحمن:لاتنسين إن عندك فقر دم ولابد من الدوخة ثم إنك ترضعين الاثنين رضاعة طبيعية يعني يستهلكون طاقتك بالكامل..عطيهم رضاعات صناعية لاترضعينهم من صدرك طول الوقت..وبعدين أنا قايل لك خلي الشغالة تسوي كل شي..إنتي بس اهتمي فيهم..
لكن لاحظ الجميع إنه اسمهان بدأت تنحف زيادة وتعبانة أغلب الوقت..
وبيوم..
أم عبدالرحمن:ترى حال زوجتك موب عاجبني ياعبدالرحمن!أغلب وقتها خاملة وتعبانة..لازم توديها المستشفى..أو توديها لشيخ يقرأ عليها..
عبدالرحمن:يمه..لاتقلقيني..حتى أنا أحس وضعها متغير مدري ليش؟
واليوم الثاني أخذها عبدالرحمن للدكتورة اللي بشرتهم للمرة الثانية..
الدكتورة:مبروك ..المدام حامل!!!
عبدالرحمن واسمهان(بصوت واحد):ايــــــــــــــــــــش؟؟؟
الدكتورة:ايه؟مالكو؟مش عايزين الحمل؟؟
عبدالرحمن:الحمدلله..نعمة..بس يادكتورة أولادنا عمرهم 6 شهور بس!!
الدكتورة:وأنا حأعمل ليكو ايه؟مش كنتي تاخدي مانع يامدام..بدل ماتحبلي على طول؟؟
اسمهان:أنا خفت آخذ حبوب منع حمل وتأثر علي وعلى أولادي وقرأت انه الرضاعة مانع طبيعي..
الدكتورة:آه..بس النظام دا مابينفعش مع كل وحدة..عالعموم لما تبئي تولِدي بالسلامة تعاليلي وأنا أركب لك لولب!!
خرجوا الاثنين من عند الدكتورة والصمت يسود الأجواء..
وبالسيارة..
عبدالرحمن:مبروك مبروك..
اسمهان:إنت من صدقك فرحان؟؟
عبدالرحمن:وليش ماأفرح؟مو بأصير أب للمرة الثالثة؟؟عساهم بعد يطلعون توأم وعاد ساعتها بتضربين ضربة تاريخية..ويألفون عنك كتاب ويقولون:المرأة التي سبقت الزمن واختصرت 4 أطفال في خلال سنتين!!!
اسمهان:لا حرام عليك..الحمل والولادة تعبها بصوب...ورعاية الأطفال بصوب ثاني!ترى المسألة مو سهلة!
عبدالرحمن:ياشيخة قولي الحمدلله...قبل سنتين كنتي تقطرين عيونك ليل ونهار تبين تشمين ريحة أطفال بس!وهالحين شوفي شلون انفرجت علينا؟والله إننا بنعمة..
ووصلوا وبشروا أم عبدالرحمن..
أم عبدالرحمن:مبروك..هو الخير لما يجي يجي وافر والحمدلله..بس رجيتكم لاتقولون لأحد انتظروا شوي!
اسمهان:لاياخالتي..مافيني هالطبع!أكره الدس..وأحب الصراحة
أم عبدالرحمن:أدري يابنتي..بس لاتنسين أطفالك صغار..والناس كلامهم كثير وأسئلتهم أكثر..انتظري شوي لين تمر الشهور الأولى..بس طبعاً أهلك لازم تبشرينهم..
ولما بشرَّت أمها..
أم اسمهان:الله يسامحك يابنتي ليش استعجلتوا؟ عيالك بعدهم صغار!
اسمهان:يعني منتي فرحانة؟
أم اسمهان:لا ماقصدت..بس هالصغار أخاف الحمل يخليك تهملينهم وهم بحاجتك..وصحتك مامداك تستردينها بعد ولادتك الأولى..لكن مانقول إلا الحمدلله على كل نعمة رزقنا اياها..
وبالفعل مرت الأيام ولما صارت اسمهان بشهرها الثالث أعلنت خبر حملها بوسط اندهاش الجميع!
ومرت الأيام وولدت أفنان بنت سمتها سندس..على أختها المتوفاة...
وبعدها بشهور كانت ولادة اسمهان ببنوتة سموها(رِيماس)!
وامتلأ بيت أم عبدالرحمن بالأحفاد اللي صار عددهم 5...
وبيوم اجتمعوا الشلة ببيت رانية (مشاعل ومرام وأفنان واسمهان)
وبزرانهم اللي يصيح واللي يركض وسوالف النسوان ماتنسمع من صوت البزران..
ونجلاء قاعدة و سادَّة إذنها..
ورانية(تصرخ):الله يغثكم..إنتم وبزارينكم!!
مشاعل:الفال لكم!
رانية:اسكتي عني..يازين الحرية!
نجلاء:الحين عرفت قيمة العزوبية وبأتمسك فيها!!
الجميع:ههههههه
والآن أترككم مع بطلة القصة اسمهان تكمل لكم سطور القصة..
***
مرحبا..
أنا اسمهان..عشتوا معي ومع قصتي أمتع اللحظات وعجبني تفاعلكم وردودكم..قصتي كانت قصة عادية ممكن تصير بأي بيت..بس اللي مو عادي شلتي اللي تعلمت منهم معنى الصداقة
والإخلاص..ومهما صار بيننا وعاندتنا الظروف كنَّا نرجع لبعض..
علمتني الحياة أشياء كثيرة..بعد ماكنت البنت المدللة اللي لها اهتمامات سطحية حالها حال البنات ..صرت زوجة مسئولة مطلوب مني أسوي كونترول دائم على تصرفاتي عشان أرتقي بنفسي وأكون قدوة لكل اللي حولي..ماأنكر إن حياتي كانت مليئة بالأخطاء..بس تعلمت من هالحياة...
أشياء كثيرة..
الشر موجود والخير موجود وإحنا كمسلمين وظيفتنا تنمية الخير والصلاح بداخلنا ونبذ كل شر وسوء..
الحياة دروس وعِبر والفطين اللي يتعلم من أخطاء الناس بدل مايكون عِبرة لغيره..ومامن عُسر إلا ويعقِبه يسر..
وثقوا إنه الظلام مهما اشتد بيجي بينبثق بعده النور اللي يبدده..ويبث بأنفسنا الأمل..
حلو إننا نزرع ثقتنا بالناس بس الأهم يكون عندنا اختيار صحيح للشخص اللي يستاهل هذي الثقة!
الحياة بتفاصيلها فيها صراع قوي بين الحق والباطل..خلتني أدرك معنى التوازن العجيب اللي فيها..مثل مايكون بيننا ناس ميسورين ففي ناس مستورين الحال..
ومثل مافيه ناس يرفلون في النعمة ولايحسون بقيمتها ففيه ناس عايشين بابتلاءات وبالرغم من ذلك مستشعرين للسعادة في عِز الابتلاء..
والإنسان المفروض مايغْتَر بنفسه..لأنه ماحد يدري عن الغيب وش مخبي له..ممكن ينزل من أعلى مستوى..إلى الحضيض اللي يخليه يتذكر قدرة الله عليه!!
بالنسبة إلى مرام هالحين صار عندها بنتين مثل القمر(لانا ودانا)..
وصارت حالياً تعطي دورات تجميل في بيتها...بتسألون عن حال علاقتي معاها؟وبأجاوب تمام الحمدلله..وإن كان الحال لايخلو من حركات السلايف اللي إنتم أخبر بها!!!!ههه لكن تظل صديقة عمري اللي أحمل لها كل مَعزَّة!!
مشاعل صار عندها الآن ولد وبنت..عبدالرحمن وبيان..كلهم أطفال سليمين..تركت شغلها بالمعهد وتفرغت لتربيتهم..طيبين وحبوبين مثل أمهم..لكن حكت لي مشاعل إنهم سألوها مرة:ماما؟ليش بابا مايتكلم معانا مثل ماالأباء يتكلمون مع عيالهم؟هو زعلان علينا ولا مايحبنا؟؟
جاوبتهم مشاعل:ناظروا بعيونه وانتم تعرفون وش كثر حبه لكم!
أما أفنان عندها بنوتتها سندس..وحالياً حامل..تخرجت من الجامعة وتوظفت بمدرسة ابتدائية...ومبسوطة مع تركي
أما نجلاء..كل يوم يجيها عريس وترفضه!لين جاها عريس.. أخته كانت معلمة في المدرسة اللي كانت نجلاء تطبق فيها زمان...ووافقت عليه..
رانية:قعدت 3سنوات ونص من غير أطفال بس ماكانت مثلي أبد!!عايشة ومبسوطة ولاتوجع راسها بالموضوع وياويل أحد يسألها من الناس عن سبب تأخرها في الحمل!!!تغسل شراعه!!
بعدها حملت وجابت ولد اسمه خالد على أبوها خفيف ظل من صغره والبسمة ماتفارق وجهه!!يحق له!أمه رانية!سوت رانية مشروع مع بنات عاطلات عن العمل دربتهم على اعداد الحلويات والمعجنات للمناسبات وصارت تعطي دورات في تعليم الطبخ للمقبلات على الزواج..وبيوم سألتنا:اش رايكم يابنات؟أطور مشروعي وأصير أعطيهم دروس في التعامل مع الزوج؟
ردينا عليها:تبين تخربين بيوت بنات الناس وهم باقي ماابتدأوا حياتهم الزوجية؟؟ههههههه عاد إنتم أخبر بطريقتها!!الله يعين بس!
أخواتي كانوا أحب الناس لي بعد أمي الله يحفظها..فعلاً اللي قال المثل(الخال والد) ماكذب..أحسهم متعلقين في عيالي حيل..ومحمد بعد الله يسعده حاجز بنتي من الحين لواحد من أولاده!
أما سماح اشتغلت تاجرة على النت..
وعبير سمعت عنها أخبار حلوة..تزوجها واحد من أولاد عمها..وعاشت معاه بجدة صَدَف إني قابلتها بعرس واستغربت مرة إنها جات وسلمت علي! وتكلمت معاي بأريحية !يظل الانسان مهما إسوَّد قلبه من الداخل.... فيه نزعة خير.بس يمكن يرجع السبب في تحسن نفسيتها ونسيانها للأيام الماضية هو بعدها عن أمها عقب الزواج!!!
أما ناصر أو مثل ماتسميه رانية (ولد شمه) صار عنده احساس بالمسئولية بالذات لما جاله ولد..وبدأ يطور من نفسه ويفكر كثير بالمستقبل ومايتردد إنه يفكر بأي خطوة ممكن تساهم في تحسين مستواه..
أخوان زوجي عايشين حياة مستقرة مع زوجاتهم..
وأم عبدالرحمن هي نور البيت بصراحة..خلتني أغير فكرتي عن كل أمهات الأزواج اللي أسمع بهم في هالدنيا!طيبة وحبوبة وتتمنى الخير للكل وتحسسنا كأننا بناتها..
لو سألتوني عن أعظم هدية تقدمت لي بهالحياة راح أقول لكم(عبدالرحمن)!
ايه أعظم شي في الحياة إنك تعيشين في كنف زوج صالح يرعاك ويخاف عليك..ويحترم مشاعرك وكل همه إنه يطور فيك ويسمو بك للأفضل..
وأطفالي هم شمعة حياتي..أحبهم مثل عيوني...لما أجلس مع عبدالرحمن وندخل في نقاش يقول لي نضجتي كثير يااسمهان..بس لما يشوفني وأنا ألعب مع عيالي الثلاثة يقول:أنا أشهد إن عندي 4 أطفال!!!!
ماأخفي عليكم يؤلمني فراقكم..بس هذا حال الدنيا تجمع وتفرق..
أختكم:
اسمهان..
لكم حبي وتحياتي وكل تقديري على صبركم علي كل هالمدة..
حبيبتكم
*رماح ردينية*
بيوم الأربعاء اللي كان آخر يوم بالامتحانات وحصل فيه اللي حصل..انتقلت اسمهان للمستشفى وهي دايخة...فتحت عينها بالسيارة بتثاقل..وأم عبدالرحمن معاها بالمقعدة الخلفية...
أم عبدالرحمن:سلامات يابنتي..وش تحسين فيه؟
اسمهان:داااااايخة مرة...
وبعد دقايق وصلوا للمستشفى..
وبعد الفحص والتحاليل اللي ظلوا ينتظرون نتيجتها...
الدكتورة:المدام عندها انخفاض في الضغط..والهبوط هو اللي عامل لها الدوخة دي!!
عبدالرحمن:ايه يادكتورة وهالفترة فترة امتحانات وهي مرهِقة نفسها حيل بالسهر والمذاكرة..وماتهتم بأكلها..أبيك تنصحينها وتكتبين لها فيتامينات أو أي شي يساهم بتحسين صحتها..
الدكتورة:لا أنا مش حأكتب لها حاجة إلا أما أتأكد من نتايق التحاليل..
أم عبدالرحمن:ان شاء الله مافيها إلا الخير..
وكانت الدكتورة تسأل اسمهان عن آخر موعد للعادة وأسئلة روتينية عن أي مشاكل صحية حدثت بالسابق..
وخرجوا من عند الدكتورة..
وظلت اسمهان مع أم زوجها قاعدين بالانتظار للاطمئنان على نتايج التحاليل..
وبعد مرور وقت ظهرت النتيجة!!
ودخلوا الثلاثة عند الدكتورة...
عبدالرحمن:خير يادكتورة؟
الدكتورة:الحمدلله..النتائق مطمنة..وعايزة هدية البشارة!!
عبدالرحمن:نعم؟؟
أم عبدالرحمن:مبروك ياولدي زوجتك حامل!
الدكتورة:آدي السِت الوالدة فهمِت كلامي قبليكوا!!!
ناظروا اسمهان وعبدالرحمن بعضهم باندهاش!وبمشاعر مختلطة بين الاندهاش والفرح..
الدكتورة:وضروري أوي يامدام تهتمي بالتغزية في الفترة دي..أصلي شايفة نسبة الهيموجلوبين عندك نازلة شوية
والراحة سُميعني ثم!الراحة سم الراحة..
ورجع الجميع والفرحة مو شايلتهم..
عبدالرحمن:بهذي المناسبة الحلوة أنا عازمكم للغداء برة..
أم عبدالرحمن:أنا أقول ياولدي لو نخليها عشا عندي في البيت أحسن..زوجتك تعبانة الحين ويبي لها راحة وإحنا طولنا بالمستشفى..وأنا طابخة غدا ببيتي اطلعوا بيتكم ارتاحوا وبأرسل لكم الأكل فوق...
وفعلاً راحوا للبيت..وقابلهم عبدالرحيم..
عبدالرحيم:لاباس لاباس..طمنونا..
عبدالرحمن:لاتشغل بالك..السالفة ومافيها إنك بتصير عم!!
عبدالرحيم:الله يبشرك بالخير..مبروك مبروك...
وراح يبشر مرام...
أما اسمهان وزوجها طلعوا بيتهم...
عبدالرحمن:هذا أحلى خبر سمعته بحياتي...
اسمهان:وأنا بعد..أخيراً ياعبدالرحمن؟
ماكنت أتخيل إن هاليوم بيجي..
عبدالرحمن:ليش؟الحمدلله إحنا ماطولنا كثير غيرنا مر عليهم سنين وسنين..
وتغدوا وناموا..
وصحيت اسمهان بعد وقت على صوت الجوال وتليفيون البيت...
وكانوا المتصلين أهلها اللي خبرتهم أم عبدالرحمن بدعوتها لهم على العشاء بمناسبة حمل اسمهان..
أم اسمهان:الله يسامحك يابنتي!يعني خبر حلو مثل هذا نسمع به من أم زوجك وماسمعنا به منك؟؟؟
اسمهان:صدقيني رجعت تعبانة وأكلت لي لقمتين ورحت بسابع نومة..وكنت ناوية بس أصحى أكلمكم..
وكلمها أبوها وأخوها وأخواتها ..حتى شلة الصاعقة خبرتهم مرام وهلت عليها الاتصالات..وأبلة جوهرة بعد...وأحلام..ومشاعل
وبالليل اجتمعت بكل الأهل في وسط فرحة غامرة..
مرت الأيام وظهرت النتايج وكان الكل ناجح...ورانية حاملة معاها مادة..
=========
أما رانية بيوم من الأيام زارتها زبونة تبي تستلم طلبها..ودخلت لبيت رانية وظلت تتأمل فيه..
الزبونة:ماشاء الله هالبيت ملككم؟؟
رانية:ايه..
الزبونة:عايشين فيه بروحكم؟
رانية:ايه..
الزبونة:مو ناويين تبيعونه؟؟
رانية:والله ودي نبيعه اليوم قبل بكرة..هو كبير علينا حيل..
الزبونة:هو دور واحد بس؟
رانية:لا..دور وشقة فوق وسطح..
الزبونة:كم غرفة؟؟
وظلت رانية تعدد لها المرافق..
الزبونة:اعذريني على أسئلتي..بس الحقيقة أهلي لهم مدة يدورون عن بيت بهالمنطقة يشترونه..لأن صاحب البيت اللي هم فيه يبي يطلعهم ومعطيهم مهلة قصيرة..وزوجي صاحب مكتب عقار تعب وهو يدور ومالقى..فلو كنتم تبون تعرضون بيتكم للبيع بتكسبون فيهم أجر..
رانية:ياليت والله..أنا الصراحة مو مرتاحة بهالحي..
الزبونة:لا أنا أهلي لهم سنين فيه ومبسوطين على الناس والجيران..وأخواتي مدارسهم قريبة من هنا.. يعني هلي متمسكين فيه..تفضلي هذا كرت زوجي..وانتي اتفقي مع زوجك..لو عنده نية للبيع ترى هلي شرَّايين..وخله يكلم زوجي..
رانية:بإذن الله..
عجبت رانية الفكرة وظلت تزن وتحن على راس ناصر يبيعون البيت ويشترون بداله شقة تمليك فاخرة بحي راقي..
وبعد جهدٍ جهيد وافق ناصر وعرض البيت للبيع وبعد أخذ ورد باع البيت وانتقلت رانية إلى شقة تمليك فاخرة...
مرت إجازة الصيف في اجتماعات وزيارات..ومامن جديد يُذكر...
وبيوم كانوا اسمهان ورانية مجتمعين ببيت مرام...
مرام:بنات؟بعد كم يوم بيكون عيد زواجي الأول..اش تقترحون علي أفكار؟؟
رانية:اقترح عليك..تحطين لسانك بحلقك وتسكتين!!
مرام:وجع!ليش؟
رانية:العالم وصلوا القمر وإحنا النسوان ماعندنا إلا هالاهتمامات:الحقوني بفكرة جديدة ..شلون أحتفل بزوجي؟واش أجيب له؟ وش ألبس له؟؟هبال فاضي!!
اسمهان:بغض النظر عن كلامك يارانية..انتي فكرتي في الحكم الشرعي يامرام؟
مرام:عارفة بتقولون لي حرام!
اسمهان:مادام عارفة..ليش مُصرَّة تحتفلين بعيد زواجك؟؟
مرام:لأني ماأشوف فيها شي!المسألة كلها حفلة بسيطة..وين المشكلة؟؟
اسمهان:أول شي..أعياد الميلاد وأعيادالزواج حكمها بدعة!بتقولين شلون؟أقولك كلها عادات دخيلة قادمة من عند اليهود والنصارى..وإحنا المسلمين مالنا إلا عيدين:عيد الفطر والأضحى..
وهذه الأمور من المحدثات اللي مالها أصل بعقيدتنا وشريعتنا الاسلامية.. والرسول عليه الصلاة والسلام قال(كل محدثة بدعة..وكل بدعة ضلالة..وكل ضلالة في النار)..فهمتي؟؟
رانية:يعني ترمين نفسك في النار عشان احتفال ساعة؟؟
مرام:والعمل؟؟
اسمهان:خلي كل حياتك أفراح ومفاجآت...تصير أحلى..الشي لما يكون متوقعه الشخص ومحدد بيوم معين... مايحس له طعم!بعكس لما يكون بيوم مفاجيء..ولاعلى البال ولاعلى الخاطر..
ومرت أيام وأيام..
وابتدأ عام دراسي جديد دخلت فيه اسمهان سنة زواجها الثالثة..
وكان كل شهر يمر اسمهان تثقل وصار الكل يسألها عن سبب انتفاخها الغريب..جسمها مختزن بالسوائل..وملامحها متغيرة ووجهها متنفخ..صارت تعد الأيام عد عشان تولد..ومن بداية حملها استقدم لها عبدالرحمن شغالة تقوم بأمور البيت وتفرغت اسمهان لدراستها إلى أن حان وقت ولادتها..
رُزقت بتوأم ولدين ذكور(إلياس و فِراس)...
تفاجأ الجميع ماعدا أهلها وأم عبدالرحمن اللي كانوا عارفين من أول إن اسمهان ببطنها توأم..
وبالمستشفى...
كان البعض من الزوارمستغربين من ولادة اسمهان بتوأم..واعتقدوا إنها خضعت لعلاج أو منشطات أو أجرت عملية أطفال أنابيب..
أم اسمهان:لا..إحنا الحمل بتوائم موجود بعائلتنا..بنتي ابتسام عندها بنتين توأم..وأمي ولدت زمان ولدين توأم واحد عاش والثاني مرض ومات..
مرام:الله يعينك ياسوسو..الاهتمام بالتوائم مُتعب..أنا ماعندي إلا لانا وطلعت عيوني منها..لاأنام بالليل ولابالنهار من غَلَبتها وصياحها..
اسمهان:بالنسبة لي مُتعب وممتع..
وراحت اسمهان لمدة أسبوعين نفاس ببيت أهلها والأسبوعين الثانية أصرَّت أم عبدالرحمن على اسمهان تقضيها عندها عشان تتمتع بأحفادها الصغار..
وكانت أم عبدالرحمن لما يجيهم زوار من الجماعة أو الجيران يباركون لاسمهان..ترفض إنها تحط المولودين جنب بعض!!!!تطلع واحد وتخلي الثاني داخل!
عبدالرحمن:وشفيك يمه تخرجين العيال قِدام الناس بالتقسيط؟
وليش تنصحين اسمهان ماترضع عيالها قدام أحد؟؟
أم عبدالرحمن:الاحتياط واجب ياولدي..والعين حق!!شوف كم مولود قد صابته عيون الناس!وشوف كم وحدة صابتها عين لاشافوا الناس صدرها وهي ترضع!بعض الناس حتى رضاعة المولود يراقبونها كثيرة ولاقليلة!!!
عبدالرحمن:أعوذ بالله..
أم عبدالرحمن:ايه ماأكذب عليك..وإحنا ماندري وش بنفوس الناس..أحياناً أقرب الناس لك يطقك بعين وهو مو قاصد!بس إحنا نحصنهم لكن لابد من الأخذ بالأسباب ياولدي..
وجات أفنان تزور اسمهان وتبارك..وبشرت أفنان الجميع بخبر حملها...
مرت الأيام بسرعة وبدأوا التوأمين فِراس و إلياس يكبرون وصار عمرهم 6شهور وكانوا عبدالرحمن واسمهان مفرغين حياتهم لهم..يستمتعون بكل حركة يسوونها هالطفلين..ومالهم سالفة مع بعض إلا:إلياس سوى وفراس فَعَل!!
وبيوم جاء عبدالرحمن من العمل ولقي اسمهان فارشة لحاف بالصالة ومنسدحة وأولادها جنبها..
عبدالرحمن:اشفيكم؟ماشبعتوا نوم؟؟
اسمهان:لا أنا حاسة بإرهاق فظيع ودايخة..
عبدالرحمن:لاتنسين إن عندك فقر دم ولابد من الدوخة ثم إنك ترضعين الاثنين رضاعة طبيعية يعني يستهلكون طاقتك بالكامل..عطيهم رضاعات صناعية لاترضعينهم من صدرك طول الوقت..وبعدين أنا قايل لك خلي الشغالة تسوي كل شي..إنتي بس اهتمي فيهم..
لكن لاحظ الجميع إنه اسمهان بدأت تنحف زيادة وتعبانة أغلب الوقت..
وبيوم..
أم عبدالرحمن:ترى حال زوجتك موب عاجبني ياعبدالرحمن!أغلب وقتها خاملة وتعبانة..لازم توديها المستشفى..أو توديها لشيخ يقرأ عليها..
عبدالرحمن:يمه..لاتقلقيني..حتى أنا أحس وضعها متغير مدري ليش؟
واليوم الثاني أخذها عبدالرحمن للدكتورة اللي بشرتهم للمرة الثانية..
الدكتورة:مبروك ..المدام حامل!!!
عبدالرحمن واسمهان(بصوت واحد):ايــــــــــــــــــــش؟؟؟
الدكتورة:ايه؟مالكو؟مش عايزين الحمل؟؟
عبدالرحمن:الحمدلله..نعمة..بس يادكتورة أولادنا عمرهم 6 شهور بس!!
الدكتورة:وأنا حأعمل ليكو ايه؟مش كنتي تاخدي مانع يامدام..بدل ماتحبلي على طول؟؟
اسمهان:أنا خفت آخذ حبوب منع حمل وتأثر علي وعلى أولادي وقرأت انه الرضاعة مانع طبيعي..
الدكتورة:آه..بس النظام دا مابينفعش مع كل وحدة..عالعموم لما تبئي تولِدي بالسلامة تعاليلي وأنا أركب لك لولب!!
خرجوا الاثنين من عند الدكتورة والصمت يسود الأجواء..
وبالسيارة..
عبدالرحمن:مبروك مبروك..
اسمهان:إنت من صدقك فرحان؟؟
عبدالرحمن:وليش ماأفرح؟مو بأصير أب للمرة الثالثة؟؟عساهم بعد يطلعون توأم وعاد ساعتها بتضربين ضربة تاريخية..ويألفون عنك كتاب ويقولون:المرأة التي سبقت الزمن واختصرت 4 أطفال في خلال سنتين!!!
اسمهان:لا حرام عليك..الحمل والولادة تعبها بصوب...ورعاية الأطفال بصوب ثاني!ترى المسألة مو سهلة!
عبدالرحمن:ياشيخة قولي الحمدلله...قبل سنتين كنتي تقطرين عيونك ليل ونهار تبين تشمين ريحة أطفال بس!وهالحين شوفي شلون انفرجت علينا؟والله إننا بنعمة..
ووصلوا وبشروا أم عبدالرحمن..
أم عبدالرحمن:مبروك..هو الخير لما يجي يجي وافر والحمدلله..بس رجيتكم لاتقولون لأحد انتظروا شوي!
اسمهان:لاياخالتي..مافيني هالطبع!أكره الدس..وأحب الصراحة
أم عبدالرحمن:أدري يابنتي..بس لاتنسين أطفالك صغار..والناس كلامهم كثير وأسئلتهم أكثر..انتظري شوي لين تمر الشهور الأولى..بس طبعاً أهلك لازم تبشرينهم..
ولما بشرَّت أمها..
أم اسمهان:الله يسامحك يابنتي ليش استعجلتوا؟ عيالك بعدهم صغار!
اسمهان:يعني منتي فرحانة؟
أم اسمهان:لا ماقصدت..بس هالصغار أخاف الحمل يخليك تهملينهم وهم بحاجتك..وصحتك مامداك تستردينها بعد ولادتك الأولى..لكن مانقول إلا الحمدلله على كل نعمة رزقنا اياها..
وبالفعل مرت الأيام ولما صارت اسمهان بشهرها الثالث أعلنت خبر حملها بوسط اندهاش الجميع!
ومرت الأيام وولدت أفنان بنت سمتها سندس..على أختها المتوفاة...
وبعدها بشهور كانت ولادة اسمهان ببنوتة سموها(رِيماس)!
وامتلأ بيت أم عبدالرحمن بالأحفاد اللي صار عددهم 5...
وبيوم اجتمعوا الشلة ببيت رانية (مشاعل ومرام وأفنان واسمهان)
وبزرانهم اللي يصيح واللي يركض وسوالف النسوان ماتنسمع من صوت البزران..
ونجلاء قاعدة و سادَّة إذنها..
ورانية(تصرخ):الله يغثكم..إنتم وبزارينكم!!
مشاعل:الفال لكم!
رانية:اسكتي عني..يازين الحرية!
نجلاء:الحين عرفت قيمة العزوبية وبأتمسك فيها!!
الجميع:ههههههه
والآن أترككم مع بطلة القصة اسمهان تكمل لكم سطور القصة..
***
مرحبا..
أنا اسمهان..عشتوا معي ومع قصتي أمتع اللحظات وعجبني تفاعلكم وردودكم..قصتي كانت قصة عادية ممكن تصير بأي بيت..بس اللي مو عادي شلتي اللي تعلمت منهم معنى الصداقة
والإخلاص..ومهما صار بيننا وعاندتنا الظروف كنَّا نرجع لبعض..
علمتني الحياة أشياء كثيرة..بعد ماكنت البنت المدللة اللي لها اهتمامات سطحية حالها حال البنات ..صرت زوجة مسئولة مطلوب مني أسوي كونترول دائم على تصرفاتي عشان أرتقي بنفسي وأكون قدوة لكل اللي حولي..ماأنكر إن حياتي كانت مليئة بالأخطاء..بس تعلمت من هالحياة...
أشياء كثيرة..
الشر موجود والخير موجود وإحنا كمسلمين وظيفتنا تنمية الخير والصلاح بداخلنا ونبذ كل شر وسوء..
الحياة دروس وعِبر والفطين اللي يتعلم من أخطاء الناس بدل مايكون عِبرة لغيره..ومامن عُسر إلا ويعقِبه يسر..
وثقوا إنه الظلام مهما اشتد بيجي بينبثق بعده النور اللي يبدده..ويبث بأنفسنا الأمل..
حلو إننا نزرع ثقتنا بالناس بس الأهم يكون عندنا اختيار صحيح للشخص اللي يستاهل هذي الثقة!
الحياة بتفاصيلها فيها صراع قوي بين الحق والباطل..خلتني أدرك معنى التوازن العجيب اللي فيها..مثل مايكون بيننا ناس ميسورين ففي ناس مستورين الحال..
ومثل مافيه ناس يرفلون في النعمة ولايحسون بقيمتها ففيه ناس عايشين بابتلاءات وبالرغم من ذلك مستشعرين للسعادة في عِز الابتلاء..
والإنسان المفروض مايغْتَر بنفسه..لأنه ماحد يدري عن الغيب وش مخبي له..ممكن ينزل من أعلى مستوى..إلى الحضيض اللي يخليه يتذكر قدرة الله عليه!!
بالنسبة إلى مرام هالحين صار عندها بنتين مثل القمر(لانا ودانا)..
وصارت حالياً تعطي دورات تجميل في بيتها...بتسألون عن حال علاقتي معاها؟وبأجاوب تمام الحمدلله..وإن كان الحال لايخلو من حركات السلايف اللي إنتم أخبر بها!!!!ههه لكن تظل صديقة عمري اللي أحمل لها كل مَعزَّة!!
مشاعل صار عندها الآن ولد وبنت..عبدالرحمن وبيان..كلهم أطفال سليمين..تركت شغلها بالمعهد وتفرغت لتربيتهم..طيبين وحبوبين مثل أمهم..لكن حكت لي مشاعل إنهم سألوها مرة:ماما؟ليش بابا مايتكلم معانا مثل ماالأباء يتكلمون مع عيالهم؟هو زعلان علينا ولا مايحبنا؟؟
جاوبتهم مشاعل:ناظروا بعيونه وانتم تعرفون وش كثر حبه لكم!
أما أفنان عندها بنوتتها سندس..وحالياً حامل..تخرجت من الجامعة وتوظفت بمدرسة ابتدائية...ومبسوطة مع تركي
أما نجلاء..كل يوم يجيها عريس وترفضه!لين جاها عريس.. أخته كانت معلمة في المدرسة اللي كانت نجلاء تطبق فيها زمان...ووافقت عليه..
رانية:قعدت 3سنوات ونص من غير أطفال بس ماكانت مثلي أبد!!عايشة ومبسوطة ولاتوجع راسها بالموضوع وياويل أحد يسألها من الناس عن سبب تأخرها في الحمل!!!تغسل شراعه!!
بعدها حملت وجابت ولد اسمه خالد على أبوها خفيف ظل من صغره والبسمة ماتفارق وجهه!!يحق له!أمه رانية!سوت رانية مشروع مع بنات عاطلات عن العمل دربتهم على اعداد الحلويات والمعجنات للمناسبات وصارت تعطي دورات في تعليم الطبخ للمقبلات على الزواج..وبيوم سألتنا:اش رايكم يابنات؟أطور مشروعي وأصير أعطيهم دروس في التعامل مع الزوج؟
ردينا عليها:تبين تخربين بيوت بنات الناس وهم باقي ماابتدأوا حياتهم الزوجية؟؟ههههههه عاد إنتم أخبر بطريقتها!!الله يعين بس!
أخواتي كانوا أحب الناس لي بعد أمي الله يحفظها..فعلاً اللي قال المثل(الخال والد) ماكذب..أحسهم متعلقين في عيالي حيل..ومحمد بعد الله يسعده حاجز بنتي من الحين لواحد من أولاده!
أما سماح اشتغلت تاجرة على النت..
وعبير سمعت عنها أخبار حلوة..تزوجها واحد من أولاد عمها..وعاشت معاه بجدة صَدَف إني قابلتها بعرس واستغربت مرة إنها جات وسلمت علي! وتكلمت معاي بأريحية !يظل الانسان مهما إسوَّد قلبه من الداخل.... فيه نزعة خير.بس يمكن يرجع السبب في تحسن نفسيتها ونسيانها للأيام الماضية هو بعدها عن أمها عقب الزواج!!!
أما ناصر أو مثل ماتسميه رانية (ولد شمه) صار عنده احساس بالمسئولية بالذات لما جاله ولد..وبدأ يطور من نفسه ويفكر كثير بالمستقبل ومايتردد إنه يفكر بأي خطوة ممكن تساهم في تحسين مستواه..
أخوان زوجي عايشين حياة مستقرة مع زوجاتهم..
وأم عبدالرحمن هي نور البيت بصراحة..خلتني أغير فكرتي عن كل أمهات الأزواج اللي أسمع بهم في هالدنيا!طيبة وحبوبة وتتمنى الخير للكل وتحسسنا كأننا بناتها..
لو سألتوني عن أعظم هدية تقدمت لي بهالحياة راح أقول لكم(عبدالرحمن)!
ايه أعظم شي في الحياة إنك تعيشين في كنف زوج صالح يرعاك ويخاف عليك..ويحترم مشاعرك وكل همه إنه يطور فيك ويسمو بك للأفضل..
وأطفالي هم شمعة حياتي..أحبهم مثل عيوني...لما أجلس مع عبدالرحمن وندخل في نقاش يقول لي نضجتي كثير يااسمهان..بس لما يشوفني وأنا ألعب مع عيالي الثلاثة يقول:أنا أشهد إن عندي 4 أطفال!!!!
ماأخفي عليكم يؤلمني فراقكم..بس هذا حال الدنيا تجمع وتفرق..
أختكم:
اسمهان..
لكم حبي وتحياتي وكل تقديري على صبركم علي كل هالمدة..
حبيبتكم
*رماح ردينية*
يعطيك العافية رماح على القصة
الحقيقة ما قرأتها لكن أختي متابعة معك أول بأول ومعجبة جداً
والحين صارت الأجزاء متسلسلة واللي تحب ترد وتعقب حياها الله
مشكورة من جديد.
الحقيقة ما قرأتها لكن أختي متابعة معك أول بأول ومعجبة جداً
والحين صارت الأجزاء متسلسلة واللي تحب ترد وتعقب حياها الله
مشكورة من جديد.
الصفحة الأخيرة
نرجع لسالفة رانية واسمهان..
بعد ماطلعت اسمهان من عند رانية..راحت رانية تجري على جوالها وكتبت لناصر رسالة:
(عزيزي ناصر..بمناسبة انتهاء الامتحانات..تسرني دعوتك للغداء بكرة)
!!!!!!!!!!!!!!!!
قام ناصر يضحك وقال بنفسه:الله أكبر يارانية!الامتحانات منتهية من أيام!بس يظهر زيارة زوجة عبدالرحمن جابت نتيجة!!
واليوم الثاني قامت رانية تطبخ وتنفخ وأمها تقول:خير؟وش هالاجتهاد؟
رانية:نبي نحتفل بالنجاح!!
أم رانية:أي احتفال وحضرتك راسبة بالمادة اللي ماامتحنتيها..والنتايج ماطلعت!!
رانية:عاد..تخيلوا إني نجحت!
وبينها وبين نفسها تقول:عسى يفشلني ناصر ومايجي!!
لكن بعد الظهر تفاجأ الجميع بزيارة ناصر!إلا رانية!!هههه
ودخلت تسلم عليه وهي كاشخة...
الرجَّال شافها طار عقله وعقاله!!!قوية صح؟!!ههههههه
وصار يناظرها كأنه أول مرة يشوفها..وهي تناظره بخجل...
وجاي وبإيده هدية....وكانت سوالفه مع أبوها وأمها عادية لاتمت للموضوع بصلة..وبعد الغداء...
ناول ناصر كيس الهدية لرانية وقال:ان شاء الله تعجبك...
ورانية تقول بنفسها:ان شاء الله ماتكون مثل هدايا فترة الخطوبة!!!!!!!
فتحت الكيس لقيت بداخله صندوق كبير شوي ويوم فتحته لقيت بداخله 20 ألف ريال!!
ابتسمت رانية والفرحة بتشقها نصين وهي تقول بنفسها:مادام عطاني الدراهم أجل هَوَّن عن الزواج!!!!
وتم الصلح وقال ناصر لأهلها:نويت أرد زوجتي وهقوتي إنها مابتخذلني!
رانية: وأنا ماعندي مانع...
وقام ناصر وناول أمها وأبوها كيسين صغار واحد فيه(علبة مخلط+تولة عوده)
والثاني فيه(خاتم ذهب)..
أم رانية:الله يعطيك العافية..وش له هالتعب؟؟
أبورانية:وليش هالتكاليف؟؟
ناصر:هذي الهدايا لأنكم استحملتوا وجود رانية ببيتكم طول هالفترة!!
الجميع:ههههههههههههه
أما رانية لوَت بوزها وقالت:هذول هلي وتحملوني 18 سنة!مو مثل بعض ناس تحملوني كم شهر ورموني بساعة؟!!!
ناصر:الله أكبر ياعمي!بنتك هذي ردودها دايماً جاهزة!!
المهم أخذ رانية ورجعوا بيتهم وقال لها ناصر: عبي شنطتك يارانية بنروح الشرقية كم يوم نستانس مع أهلي هناك..
واستبشرت خير لأنها من يوم تزوجته ماسافرت غير عمرة لمكة فقط..
أما عبدالرحمن تفاجئ باتصال من ناصر
ناصر:والله يادحيم زوجتك هذي طلعت بنت رجال..وكلامها له مفعول السحر!ولك هدية إنت وياها تستاهلون!حجزت لكم شاليه بمسبح بنهاية الأسبوع!
عبدالرحمن:الله يجزاك خير..بس ترانا أصلحنا لوجه الله..ومابغينا من وراكم شي..
ناصر:لا يالحبيب تستاهلونها..يكفي إن زوجتي رجعت لي بعد ماتشتت وأنا عزوبي الأيام اللي فاتت!
--------
وثاني يوم كانت رحلة رانية وناصر الظهر وودعوا أهلها بس تفاجئت وهي بالمطار إنهم متجهين لصالة الرحلات الدولية!!
سافروا الاثنين ماليزيا!!!
وهم بالطيارة انجنت رانية من الفرحة مو مصدقة عيونها..وقالت:الله يهديك ليتك قايل لي من أول كان دقيت على كل الناس أبشرهم...
ناصر:هههههه
رانية:أنا عارفة إنك بعت ذهب أمك عشان تسويها صح؟؟
ناصر:لا..خرجتها من ظهر فصول الحمار!!
رانية:ههههههههه.قَليعته!!
------------------
أما مرام فكان عملها متواصل بالمشغل ونجلاء تفرغت في اجازة مابين الترمين لتلبية طلبات الزبائن من اعداد توزيعات وخلافه...
ومشاعل استغلت الاجازة في إعداد دورة مبسطة عن تعليم لغة الاشارة لأهالي الصم والبكم بمبلغ رمزي..وكانت تسويها في ملحق الضيافة بالحوش..
وأم عبدالرحمن كانت مشغولة بواجباتها الاجتماعية مع الأصدقاء والأقارب..
أما عبير قضت اجازتها بالكامل في جدة مع أهل أبوها اللي تعلقت فيهم مرة وكانت باستمرار تراجع أطباء الجلدية والتجميل..وتحسنت الحروق فيها بشكل ملحوظ جداً عن السابق وإن كانت مااختفت تماماً لكن التشويه بدأ يخف كثير..
أما أفنان كانوا أهل تركي مبسوطين منها جداً وبالذات أم تركي اللي حست إنها الزوجة المثالية لولدها...وسافرت بالاجازة للمدينة تزور الحرم وتحس بروحانية مدينة الرسول عليه أفضل الصلاة وأزكى التسليم..
أما اسمهان فعاشت يومين من الوناسة في الشاليه اللي كان عبارة عن فيلا ملحقة بمسبح داخلي خاص...وهم قاعدين بالمسبح يسولفون..
عبدالرحمن:الله يسعد ناصر اللي فاجئنا بهالهدية الحلوة..
اسمهان:صراحة..جت بوقتها..
عبدالرحمن:ماتتخيلين يااسمهان قدر إيش ينكتب أجر للي يسعى في الإصلاح بين الناس..وبالذات لما يكونون زوجين..هذي فيها دحر وقهر للشيطان اللي يجتهد في الوسوسة والتفريق بين الأزواج..فاحتسبي الأجر...
اسمهان:تصدق؟لساعتك هذي..ماتخيلت إن رانية بتصدق كلامي؟مشى عليها كأنه جد!بس الله يعين لارجعت من ماليزيا شكلها بتمسح فيني البلاط لاعرفت من ناصر إني كذبت عليها!!!
==========
ومرت الأيام والأمور مستتبة بكل بيت وانتهت الاجازة ...ورجعت رانية بأجمل الذكريات والهدايا من هالسَفرة..وعاد الانتعاش لحياتها الزوجية...
وبدأت الدراسة في الترم الثاني من جديد..ومامن جديد يُذكر..
وبعد حوالي الشهرين...حاصر طلْق حاد مرام ونقلوها للمستشفى وماهي إلا سويعات حتى انتشر الخبر السعيد:
ولادة مرام ببنت قمورة سموها..؟
اش سموها؟؟.......أكيد مو ندى!
سموها:لانا...
=============
إعلان خاص لمرضى القلب والسكري:
تفادياً لحدوث جلطات عند من يأمل بتطويل القصة أكثر..وخاصة الحوامل..
الجزء الأخير:خلال ساعات مقبلة..لاأعلم عددها بالضبط!!!!