نظرا لاني بنت ماعندي وقت الحمدلله فاضي فتوصلت لطبخة سهلة وحلوة وتفي بالغرض :) عقبال ما توصل الى اختراع قولو امييين و اغلب من ذاقها يبي الوصفة وهي اصلن خربوطية
بسم الله نبدا
المقادير
كاس رز
ملح
صلصلة
عصير ليمون
حبة ماجي
ثوم
فلفل حار
بطاطس مكعبات
بهارات الي تبين انا مرات استخدم كاري
كزبرة
فيلية سمك انا استخدمت ثنين
زيت انا استخدمت زيت زيتون ماكان عندي الا زين خضروات وريحته خايسة تجيب المرض شريته احسبه زيت ذرة
وش بعد ياررربي
المهم نجي للطريقة
- قبل ماتبدين حطي كاس الرز وكاسين موية وهيل وملح وشوي زيت في صينية بايركس
بعدها حطيه في المكرويف لحد 15 دقيقة او اقل
لو بعده فيه مويه ارجعي حطي زيادة دقايق عاادي مايضر واذا حسيته لسا ماستوى على انه شارب مويته حطي موية شوي زيادة برضو عااادي يبي لك وقت لحد ماتعرفين المقياس الصح لنوعية رزك بطريقة طبخة بالمكرويف
- حطي البصل والثوم والبطاطس المقطع مكعبات( تقدرين تحطين الخضار الي تبين) واقليهم لحد مايتغير لون البطاطس والبصل شوي بعدين حطي حبة ماجي وملعقة صلصلة طماطم
الماجي والصلصة
هنا بعد ما اضفت الصلصلة والماجي وخلطتهم شوي اضفت البهارات
احط عصير ليمون تقريبا مقدار بيالة بعدين حطيت شوي مووية تقريبا ربع كاس عاد على حسب كمية الخضار والسمك الي تبين
مثل ما انتو شايفين احاول اخلي الخضار على جنب والسمك على الجنب الثاني
والسر في طعم طبخي انو انا اعصر حبة ثوم اثناء طبخ المرق غير المقلي مع البصل
واخليه يطبخ كم دقيقة على نار عالية عشان يتسبك ويطلع الصوص ثقيل مو موية
هذا هو بعد ما صار ثقيل واضفت كزبرة خضرا
هذا الرز بعد ماستوى بالمكرويف
هذا الاكل جاهز ولا ربع ساعة
اذا اعجبكم والا ما اعجبكم لا تنسوني من دعواتك ان ربي يسهل امري ويسخر لي خلقه ويرزقني الي اتمناه ولايفرح علي عدوا وكل الي في باااااااااالكم دعوة زينة ادعوها لي
وبالعاااااااافية
