اوعى خيالك المريض يهيالك انك ممكن تاخد منى فلوس تانى.
* انتا مالك من ساعت ما دخلت البيت و انتا فرحان
*ذاكر مش فالح غير فى الهيافه والكلام الفاضى.
* خلصي اكلك وناميلك شويه عشان تقومي تزكريلك شويه.
ذاكر سعتنين بتركيز كأنك ذكرت اليوم كلو (الغريب اما تقعد تذكر سعتين يقولو و هي دي مذكره.
يا ابني تعالي اقعد معانا ولا انت ماجر اوضه جوه البيت ......
ابقي نشف الحمام بعد ما تخرج منه.
يا خويا ياراتك حافظ الدروس اللى عندك زى ما انت حافظ الاغانى كده .
اعملى حسابك اول م الدراسه تيجى الرسيفر هيتشال هو
والتليفزيون.
*قبل الفجر: ارجع بات في المكان اللي انت جاي منه.
* ابقى قابلني بكرة تاكل كل حاجة غصب عنك.
يابنى حرام عليك هات قناة الناس الشياطين ماليه البيت.
* امشى جاتك مشش فى ركبك .
* متحطيش الموبيل جنبك و انت نايمه هيجبلك تخلف عقلي .
* متتأخرش وهات عيش وانت جاى .
* هو ده اللي انت فالح فيه طول اليل والنهار قاعد علي الكمبيوتر بتاعك لحد مهيجلك تخلف عقلي منه .
* كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.
* هتذااااااااكر هتاخد عنية
*أوعا حد يضحك عليك ويقولك جرب السيجارة دي.
*ابقى ورينى مين حينفعك فى الاخر من الى انت مشيلى وراهم .
* مش ملاحقه علي التليفون ولا الموبيل عملالي فيها الست المهمه.
* دا عيل بايظ وماتمشيش معاه تاني .
* مين منى دي انتى كل يوم تصاحبي واحدة جديدة ؟.
* هياا الوزيرة معندهاش وزاره النهارده قومى يا حبيبتى الساعه10 .
* قومي ساعدي امك ده اللي هيتجوزك أمه داعية عليه.
* انا سايبالكوا البيت وماشية ومش حتشوفوا وشي تاني .
* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.
* وانت فاكر احنا مستنيين منك حاجه .
* ابقي قبليني لو فلحتي ...بس ديما مش بيقلوا نقبلهم فينّ!!! غربيه .
* كفايه رغي في التليفونات .
* اطفي التلفزيون وقوم ذاكر ولا و خش اوضتك .
* بلاش تمشى حافى البس شبشب وانته داخل الحمام .
*مع ان الواحد كل سنة بينجح و رغم كدة يقولولك ابقى تف على وشى لو نجحت كل سنة الكلام دة :d:d .
* ماتتأخرش علشان عندك كلية بكرة بدرى.
* الى يطلع من الاوضه يطفى النور وراه .
*أبوك عندك أهو اتصرف معاه .
* لو مش فاهم حاجه ارفع ايدك و قول للأستاذ مش فاهم .. متتكسفش .
* اعمل حسابك مش حندخلك جامعه خاصه.
* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم بره البيت .
* مالكش دعوة بالسياسة .. وماتمشيش في مظاهرات .و امشي جوا الحيط :d:d .
* احمد ربنا الاكل الى مش عجبك ده فى ناس مش لقينه .
*والله لو منضفتيش الشقه ومسحتيها ما في نزول النهرده .
* قومي سخني الأكل لأخوكي.
* ابوكم كان دايم بيطلع الاول على الفصل... " لما كلهم كده امال مين الى بيطلع الاخير .
* ومن اشهر الجمل الى بتتقال كل يوم بعد الاكل :
اللي ياكل في طبق او يشرب في كباية يغسلها ما يركنهاش في الحوض.
* ( حضرتك راجع البيت متأخر و عاوز تتوه الموضوع وانت بتكلم مامتك )
انت : ماما عاملة ايه مش عارف ليه حاسس انك وحشتيني يا ست الحبايب
مامتك : كنت فين ياد انت ؟ ايه اللى رجعك متأخر امبارح ؟؟
ملحوظة هامة ومش لازم ننساها
طبعا كلنا قرينا الكلام دة وطبعا كل اللي يقراه بيقعد يضحك لما يفتكر مواقف الجمل دي
بس طبعا أهم حاجة مش لازم ننساها فضل الناس دي علينا ولولاهم ما كنا وصلنا للي احنا فيه
تحية خاصة لكل الأمهات والأباء تحية شكر وتقدي
يقين الحياه @ykyn_alhyah
عضوة جديدة
يلزم عليك تسجيل الدخول أولًا لكتابة تعليق.
ريلينا بيسكرافت
•
مشكووووووووووووورة على الموضوع الرائع ................... ولك مني أجمل تحية
so3
•
حلوة أوى... سبحان الله كلنا سمعنا الجمل دى من أهلينا واحنا صغيرين بس هنقولها برضه لأولادنا لما نكبر وهنفضل نكررها جيل بعد جيل
الصفحة الأخيرة