*جالكسي* :

السلام عليكم..... صباح الخير والورد والياسمين............ اشلونكم يا بنات.............

السلام عليكم..... صباح الخير والورد والياسمين............ اشلونكم يا بنات.............

غرنجيه :

,,, الله يعين والله في وايد كثير يخافون من العمليات وانا الصراحـه ما أقول أني ما أخاف ,,, بـــس والله في سبيل صحتي ورشاقتي كل شيء يهوون لأني بنت والحياة قدامي ,,, أنا بحكي الحين قصـه حياتي هع أقصد العمليـه وشو صااار معايـه ,, ,,, أول شــيء بعد ما حطيت مرااايـه كبيـرة في غرفـه الملابس مالتي ,,, انصدمــت من شفت جسمي وهالحالـه والريجيمات اللي ما توقف في حياتي ,, ما أنكر كنت أتبع ريجيمات بس تعبت خلاص ,,, ما أقدر أتحمل هذا كلـه ,, لأنه صعب ,,, وبعدين شوي وتذكرت زوجــه أخويـه يوم قالت لي سوي تحزيمـ وفكي نفسج .. ومن الريجيمات ومشاوير دكاترة الريجيمـ ,,, :( والله احبااط وانا برووحي أخاف رعب من العمليات ,,, المهم صليت واستخرت وحسيت برااحـه ,, وبعدين تميت أفتح النت وأتصفح عن الربط وعرفت كل شيء عنها ,,, وعرفت أنها تناسبني ,,, وقررت خلاص أسويها ,, وبعدين ,, كان يوم الأحد أعتقد كان بتاريخ 29-3-2009 ,, رحت مستشفى النور - وخبروني عن الدكتور عبد السلام الطائي ورحت له وفتحت ملف يديد عندهم فالعيادة ,,, والله يا ناس لو تشوفون اللي شفته .. وايد نااس تعاني من السمنـه ,,, وشفت واحد مصري قسم بالله وزنه واااصل 224 كـج وعمرره بس 17 ,,, يعني أنا قلت الحمدلله على كل حال ,,, وبعدين دخلت على الدكتور وقالي الوزن 140 والطول 167 ... وقالي لازم عمليـه ,,, وخيرني بين العمليات واخترت الربط لأنها درستها كويس وزين ما زين ,,, المهم قالي خلاص حطيتج فالقائمـه التحزيمـ وقالي على تحاليل وفحوصات ,, وبعدهــآآ رحــت التحاليل وفحصت وعطوني موعد للأشعـه والسونار ,,, وكانت الأشعه والسونار بتاريخ 1-5-2009 الأربعاء .. وكان بعد مطلوب أسوي تقرير عن السمنـه ,, وبس ,,, وانا عاد قلت لين ما يطلع قرار العمليـه يمكن يبووون أسبوع ,,, بس ماشاء الله ,,, اتصلوا علي وقالولي العمليـه بتكون 5-4-2009 الاحد ,,, شوفو المده الزمنيـه كيف ,, والله حلوو الخدمة السريعه ,,, :22: وبعدها ارتعبت من قالوا العمليــه ,,, سويت هجوووم على كل اللي قدامي ,,, حتى أتذكر أنه كان صينيـه بايركس وفيها بسكووت بالجلاكسي والقشطــه ,,, ههههههه ,, والله وأمي سحبتها مني بالعافيـه وفمي ملياان من الحلا ,,, وأقووول خلوووني ’’’ عمليتي الأحد ,,, هههههههههههههههههههههههه :o والله كانت حالـــه ,, وبعدين رحت صليت وريحت نفسي ,,, وقاعدة أرتب شنطه ملابسي عشان العمليـه يعني حطيت فيها ملابسي والمشط وكل شيء ,,, حتى كنت حاسبة حساب العصاااير ,,, وقالولي تعالي صايمـــه ,,, وقاسولي الضغط والوزن ,, وكل شيء ,,, وقالولي روحي الطابق الــرابع (عنبر النساء) وبعدهآآآ في كل خطوة أدعي لربنا وما كنت خايفة بالعكس كنت أضحك وأكعكع والخوف ماليني ,, يعني أطمن أمي أني فرحانة وما فيني الا العافية ,,, وكانت هي ماسكه نفسسهااا ,,, ههههه ,,, الله يستر يا ربي ,, والله كان يوم حلووو للمعلوميـه : بيتنا يبعد عن مستشفى النور ساعتين ونص ,,, ,,, وبعدهـآآ قعدت أسألهم عن وقت العمليـه ,,, قالولي بس تفضى الغرفة بندخلج ,,, قلت لازم أهيء نفسي زين ما زين ,,, والله استحيييييييييييت يوم يابولي لبس العمليـه كللللللللللللش مفصخ ,,, ومن وراااا مفتووح ,,, حتى الحلقان قالولي عقيها لأن أنا عندي فتحتين في أذني ,, هههههه شلووهمـ ,,, :angry2: وحتى أمي قالت : هههه ,,, ما خلوا فيج شيء .. مثل ما ولدتج ,,, المهم قعدت وتجهزت وأتذكر أني كنت حاطـه مسكارا من نيفيا رويال المهم ,,, تفجأت الباااب يقول : طق طق طق ,,, وأشوف سرير العمليات داخل ,,, :eek: شـــو جابكمـ ,,,؟؟ قالوا : يــلا الغرفة فاااضيــه ,,, ودورج للعمليـه ,,, ما أخفي عليكمـ أركب السرير وانا أرتجف ,,, هههههههه ,,, وامي تقول بالتوفيق ,,, وانا فرحاااانة شااقه الحلق :42: بصييير رشيقة عقب سنين معاناة ,,,, ! والصراحـه والله رايحـه وشاليني على السرير ويسحبوني بــه ,,, وأحس أن الممرات طويلـه أقولهم يا ربي وين بياخذووني ,,, :( وبنفس الوقت أكلم السسترات وأنا أضحك ,,, :) أقولهم كم ساعة أكون فالعمليـه ,,, ومتى بيطلعوني ,,, أتذكــــر أني طلعت من الغرفة مالتي الساعه كانت 2:15 الظهر ,,, وبعدها دخلت على العمليات وشفت ممرضه أردنيـه قعدت تطمني وقالت ماشاء الله شكلج فرحانة ومب مثل باقي البنات والحرريمـ اللي يبكون ,,, هههههه قلت لها أريد أسوي العمليـه وأخلص ,,, قالت لي أنا بكون معااج ولا تخافين ,,, وحطولي الأوكسجين وأتذكرالدكتور أردني هو اللي عطاني المغذي والبنج والتخدير ,,, وأنا ع طول رحت في نومة طويلــه وما صحيت الا على الألم وشد بسيط فالمعده بس بكيييييت وبصوت وحتى كنت أكــح :11:ووراسي داااايخ طبعا هذا كله من البنج ,,, وبعدهااا جاني تقريبا ممرض فلبيني وقاعد يهديني ويقولي نو نو نو دونت كرااااي ,,, تيك ات ايزي ,,, يو آر سترونج جيرل ,,, هههههههههههه ... وبعدها لقيتهم شاليني على الغرفة .. ونقلوني على سريري ,,, وانا أبكي ,,, :redface: وفديت أمي الغاليـه سمعتها وهي تصلي وتدعي لي ,,, وبعدين راحت نومتني وحطتلي الفرش على جسمي لأني تعبانة ,,, ورقدت بس ما قدرت من الألم لأني التعب غالب النوم ,, والممرضات يقولون هدي هدي ونامي ,,, لأنج مسوية عملية ولقيت سوائل كثيرة فالغرفة ,,, وبعدها جاني الدكتور بالليل ,,, وطمني وقالي تحركي فالغرفة عشان ما يستوي تجلط دمـ ,,, واشربي 3 لتر مااااي عشان كليتج تقريبا وقال المغذي انزعوه ع الساعه 9 أنا طلعت من الغرفة العمليات ع الساعه 4:30 العصر وثاني يوم طلعت وخذت اجازة من الدراسة حوالي اسبوعين ,,, وبس ,, وما حسيت بآلام بعدها وشل الغرز بعد 10 أيام وكنت فرحانة لأني أنزل وبس ,,,

,,, الله يعين والله في وايد كثير يخافون من العمليات وانا الصراحـه ما أقول أني ما أخاف ,,, بـــس...

حبيبة*ابوها :

بناااااااااااااااااااات الحقوني احب الشكولاتات عذاب صح ماما مانعتها من البيت بس جونا ناس واكلت وزدت كيلو :( ويومين عشان انزله <<< مالي داعي بس في اراده اشجع نفسي لا تنقدون غرنجيه مشكوره على المعلومات المفيده والظاهر انك تحزيم مثلي ولا انا مثلك :laugh2: دلال والله انها اهون وانا اختك واحبكم وانتبهو على حالكم

بناااااااااااااااااااات الحقوني احب الشكولاتات عذاب صح ماما مانعتها من البيت بس جونا ناس واكلت...

monsaf :

السلام عليكم ورحمه الله وبركاته غرنجيه هبي اند دريم دلال تسال عنكم العافيه وجزاكم الله خير انكم فقدتوني ما قصرتوا والله الحمدلله بخير ونعمه بس قاعد اصبغ غرفه واغيرها والبيت كله مقلوب قلب والله من يوم الاربعاء لليوم اشتغل ليل نهار لان هي اصلا كانت مخزن والغراض مكومه بيها واصلا الشقه صغيره على هل اساس متوتره ومعصبه رحت يوم الاربعاء للاخصائي وطلع وزني مثل ما اهو هو عصب شوي واني هم تضايقت بس زوجي قاله قاعد تتعب وماكو فايده الاخصائي قال في ناس اجسامهم بهل حال بس بعدين يبين قلنا ما عليه نستمر والله كريم بنات تكفون اقصد بنات التحزيم عندي صديقه مصريه خوش بنت ما اخيرها عليكم انطيتها عنوان دكتور التحزيم الي بامستردام وسوت موعد من كم شهر وهسه قالو لها يمكن هل ايام عمليتها بس هي يوم قربت العمليه خافت وقامت تتردد وتعبتني معاها ياليت لو تكتبون لها شنو الي حسيتوا بيها لما طلعتوا من العمليه والالم ونوعيه مثل شنو وشصار اول يومين لان مهما اقولها تقولي انتي ما سويتها وتحجين بكيفج وانتي تسهلين الامور كلش يعني تعبتني حيل كل شوي تتصل وتقول بس يدقون عليه اقولهم ما اسويها مع العلم هي ماتت موت ياله سوو لها موعد مع هل دكتور لان كلش صعب هل شي هنا ياليت تنصحوها

السلام عليكم ورحمه الله وبركاته غرنجيه هبي اند دريم دلال تسال عنكم العافيه وجزاكم الله...

hope&dreams :

هلا بنات ابشركم اليوم كان موعدي مع الدكتور , وفك لي الغرز ,الحمد الله كانت بسيطة ماتوقعتها كذا ,طول الطريق للمستشفى وانا اهوجس :22: والحمد الله طلعت نازلة 5 كيلوووووووووو ماشاء الله :42: وقالي اول تضويق بعد اسبوعين ان شاء الله الله يسهل باقي الطرق توني في الأول , وعقبال الجميع

هلا بنات ابشركم اليوم كان موعدي مع الدكتور , وفك لي الغرز ,الحمد الله كانت بسيطة ماتوقعتها...