بجرب التوقيع

بقالي مده متابعه معاكم لكن على السريع فمش بلحق ارد .. معليش هكتب ردود عشوائيه كده وربنا يسهل لو لقيت وقت تاني ارجع اكتب بالتفصيل الممل ..

بصراحه استفدت جدا من اجاباتكم على الاسئلة سبحان الله في فروق غريبه بينا وبين بعض .. حمستوني اكتب تجربتي واجاوب انا كمان .. ان شاء الله اكتبها في رد تاني ..

=====

لولو ..

بالنسبة للارتداد علاجه انك تبطلي اكل تماما قبل النوم بثلاث ساعات على الاقل ويفضل اكتر .. يعني لما تاكلي وتنامي بعدها لازم هيحصل لك ارتداد او شرقة اثناء النوم خاصه لو الاكل دسم او صعب الهضم .. لكن لو منعتي الاكل قبل النوم بفتره كافيه مش هيحصل اي ارتدادات ..

وبالمناسبه مين قال الرابطه دي غير الاولانيه ؟ بالعكس جدا .. سبحان الله اول مره من فتره طويله كل مادخلت الرابطه لقيت كلام مفيد يشجع الواحد يرجع للرجيم والاهم فيه معلومات جديده .. من زمان الرابطه كانت شات قاتل الملل يادوب دلوقت بس بقت رابطه صح .. عيبها الوحيد اني مفتقده بنات كتير من القدامى وعلى رأسهم عسوله الي حاسه بجد عدم وجودها مفقد الرابطه قيمه كبيره جدا .. ربنا يرجعها لنا بالسلامه ..

====

جوديث ..

الحل الوحيد عشان تنزلي وزن كويس وعن تجربه .. اما انك تمشي كل يوم مالايقل عن ساعه او رياضه طبعا .. او انك تمنعي الاكل نهائيا بعد المغرب .. وفي كل الاحوال امنعي السكريات تماما الا ملعقه واحده صغيره يوميا .. ده الي كنت بعمله لما كنت بحب انزل وزني وده الشيء الوحيد الي كان بيجيب معايا نتيجه .. والافضل طبعا لو تعملي كل الحاجات دي مع بعضها .. يعني منع السكر , منع الاكل بعد المغرب , المشي او الرياضه وباذن الله هتنزلي على الاقل اربعه كيلو في الشهر والاهم مش هترجعيهم تاني باذن الله ..

=============

مش عارفه كان في اخت في الصفحات الي فاتت بتسأل على دكتور للعمليه في الاسكندريه بس معليش ناسيه المعرف بتاعها ..

بصي ياستي .. كان معانا في الرابطه اخت اسمها ( زعلانه.من.الدنيا) هي عملت العمليه عند دكتور في الاسكندريه بس للاسف بقالها فتره مبتدخلش الرابطه او تقريبا مبتدخلش النت نهائيا .. ربنا يرجعها بالسلامه برضه .. على كل حال اعملي سيرش لردودها في الرابطه اعتقد احتمال تكون قالت اسم الدكتور بتاعها مره لكن للاسف مش فاكره بالظبط ..

بالنسبة لي عملتها عند دكتور في طنطا وتكلفت نفس المبلغ الي قلتي عليه .. لو تقدري تدبري اقامه في طنطا لبعد العمليه باسبوع او عشر ايام على الاقل يبقى تعالي وانا اقولك اسمه لكن لو صعب تلاقي مكان للاقامه يبقى مفيش غير تدوري على اي حد في الاسكندريه ايا كان لان صعب عليكي تعملي العمليه وتطلعي تسافري الاسكندريه بعدها بثلاث اربع ايام بس وهي فتره الاقامه المسموحه في المستشفى .. ممكن تفضلي في المستشفى عشر ايام براحتك بس كله بحسابه فاذا الميزانيه محدوده يبقى دبري اقامه الاول او ابحثي في الاسكندريه ..

بصي بالنسبه لي الي دلني على الدكتور بتاعي الصدفه اولا ثم دكتور الرجيم ثانيا . . بالنسبه لزعلانه من الدنيا الي دلها على الدكتور واحد دكتور تجميل راحت له في عيادته وسألته .. فانتي اتبعي نفس الطريق .. اول ماتوصلي الاسكندريه شوفي اي عياده لدكتور تجميل او تخسيس او جراح مناظير واسألي عندهم هم بيعرفوا بعض واكيد هيدلوكي على حد كويس بس الاهم من كل شيء انك تصلي استخاره اولا كذا مره .. استخاره للعمليه واستخاره لدكتور بعينه .. وباذن الله هتتوفقي في جراح كويس .. ومتنسيش نصيحه تدبس المعده بالذات مخاطرها هي مخاطر الجراحه يعني طالما ضمنتي دكتور كويس ومستشفى نظيفه يبقى ضمنتي عمليه ناجحة اما لو جبتي اي حد فالنتائج مش هتكون مضمونه ..

===============

بمناسبة الحديث عن جراحة التدبيس ومخاطرها فين .. تفاحه .. كنتي اقتبستي لي جزء من مقاله بتحذر من خطر التدبيس .. معليش ارجعي للمقاله كويس هتلاقي ان التحذير من مخاطر العمليه كجراحه ومش على اي حد كمان على الناس الي وزنهم زائد بدرجه كبيره .. يعني العمليه دي لو اتعملت بالمنظار فمخاطرها بالظبط زي عملية التحوير بالمنظار لا هتزيد سانتي ولا تقل ملم ..

بعدين حكايه ان العالم كله توجه لألغائها غير صحيحه بالمره بالعكس .. العمليه فيها تطور يعني بدال ماكانت زمان بتتعمل بصف دبابيس واحد طوروا لها الدباسه الخاصه وبقت باربع صفوف يعني كل مدى بيزودوا كفاءة العمليه وبيتلافوا اخطائها السابقة .. وهي عمليه مضمونه لها اكتر من خمسين سنه بتتعمل يعني لو لها خطوره كانت اتلغت من زمان مش زي العمليات الجديده سواء التحوير او الربط او حتى السليف كل العمليات دي يمكن تكون ثوره في عالم الطب فعلا وتكون حل جذري للسمنه وممكن برضه تكون فخ قاتل وتتلغي في المستقبل القريب .. مش هنعرف ابدا غير لما يجربوا في كام مسكين ويشوفوا نجحت معاهم ولا لاه .. المشكله بقى ان كل الي هتعمل العمليه دي اليومين دول وفي العشر سنين الجايين هتبقى من ضمن الكام مسكين ..

===============
روبا..

استوقفني ردك جدا وبقالي يومين عاوزه ارد لك عليه ..

لفت نظري انك بتكتبي عن وزنك المفقود وزي ماتكوني زعلانه منه او مش كافي بالنسبه لك ..

مبدئيا انتي ماشاء الله تبارك الله نزلتي وزن ممتاز جدا وفي فتره معقوله .. يمكن كان متوقع تنزلي اكتر لكن خلينا نبص للجانب المشرق من الامور ..

اولا انتي عملتي خطوة جباره وهي اقدامك على العمليه .. يابنتي انتي كان عمرك 18 ووزنك داخل على 200 يعني مكانش متوقع لك تعيشي كام سنه كمان .. لكن دلوقت ماشاء الله تبارك الله كلها كام سنه وهتبقي ملكه .. هتعيشي حياه اي بنت في سنك وتتمتعي باللبس والخروج والحركه .. انتي شطبتي مستقبل مظلم واستقبلتي حياه جديده بالعمليه دي وده في حد ذاته انجاز ..

يعني لو انك معملتيش العمليه مش بس كان وزنك فضل زي ماهو لاه ده كان زمانه زايد كمان .. يعني انتي من جهه نزلتي 37 ومن جهه تانيه نزلتي الوزن الي كان المفروض تزيديه في السنه دي ومزدتيهوش ولله الحمد .. يعني انتي فعلا نازله فوق السبعه وثلاثين وبكتير كمان ..

الشيءا لتاني الي لازم تحطيه في بالك ان اكيد مع وزنك الحالي حركتك بطيئة جدا .. فكونك تنزلي سبعه وثلاثين ماشاء الله بانقاص الاكل بس بدون حركه او رياضه فده انجاز مابعده انجاز .. يعني انتي كل المطلوب منك دلوقت تصبري لما وزنك ينزل كمان خمسه سته كيلو يعني تنزلي تحت المية وثلاثين .. بعدها ابدئي في رياضه خفيفه جدا ولتكن المشي لان صعب تعملي رياضه قاسيه .. لما تنزلي في المية وعشره وماتحتها ابدئي في صف ايروبيكس .. باذن الله هيزيد معدل نزولك جدا وهتوصلي وزنك المطلوب في وقت قياسي ..

اما عن الترهل متخافيش .. انتي عامله عمليه كبيره مش هيضرك ابدا لو عملتي بعدها كام عمليه شد صدقيني مش خساره ابدا خاصه وانتي لسه متزوجتيش يعني هتفرق معاكي كتير .. انتي بس انزلي الوزن المطلوب بعدين بالعمليات ننزل عشره خمستاشر كيلو كمان وتبقي بعون الله مانيكان ..

==================

معليش كان بودي اكتب كلام اكتر بس خلاص بطارياتي فضيت .. اشوفكم في رد قادم ..

اهلين ام عتريسه
ننتضرك بعد ماتشحنين البطاريه عزيزتي

هلا ام عتريسه
و اخيرا حد عبرني و دخل وسال عني كماااااااااااااااااااااااااان:icon28::icon28::icon28::icon28:
يادي الهنا يادي السرور

ام الدانه

شلونك حبوبه و شو اخبار الرجيم معاك

مرحبا...انا دخلت على الموضوع وقريت مشاركاتكم وحبيت اقولكم الله يسر عليكم ويوصلكم لمرادكم بصحه وعافيه يارب