طالع البدر علينا :

مشكوره اختي بنت الكويت على هالموضوع الرائع انا مسوية ربط معدة من 3 شهور تقربيانزلت فيهم 16 ك رجعت منهم 5ك فى اخر 3 اسابيع ومقهورة:06: ليه كدة يعنى زى اى ديت نرجع تانى:06: لوحد عنده حل يساعدنى:06: ومو عارفة امسك رجيم محبطة والله :06:

مشكوره اختي بنت الكويت على هالموضوع الرائع انا مسوية ربط معدة من 3 شهور تقربيانزلت فيهم 16...

ضحى أحمد :

مندي دجاج .. بالنسبة للسوائل اسبوعين بعد العملية وبعدين اسبوعين مهروس .. طبعا من اول اسبوع بعد العملية تقدري تاكلي مهروس وممكن تاكلي اكل بسيط كمان لكن انتي الخسرانة .. يعني هيكون عندك القدرة على اكل الصلب عادي لكن الدكتور بيقولك كلي سوائل ومهروس عشان الحزام يثبت مكانه وده بيساعد جدا في رفع نسبة نجاح العملية .. يعني حاولي قدر الامكان الالتزام بالفترة دي وكل الي التزموا بيها خفضوا كمية كبيرة من الوزن في اول شهر ( في حدود العشرة كيلو تزيد شويه او تنقص شويه على حسب الوزن ) بينما الي اكلت بدري وزنها منزلش كتير في اول شهر ده غير ان عانت من مشاكل بعد كده مع الحزام .. سوائل طبعا هتكون زي حليب وعصائر بدون سكر ومشروبات دافية وشوربة وعدس .. والمهروس زي الزبادي والجبن القريش الخاص بالرجيم والفول المهروس كويس وكبدة الدجاج المهروسه او السيريلاك.. وعلى فكره الحاجات دي الدكتور سمح لي بيها من ثاني اسبوع بعد العملية تقريبا .. واخيرا ممكن تضربي في الخلاط اي شيء في الدنيا انتي عوزاه وتاخذيه مهروس عادي يعني انا كنت بحط دجاج وسمك وخضار ورز وكل شيء في الخلاط واخلطه واخليه في قوام السيريلاك واكله .. كانت ايام سوده بس الحمد لله مشيت على خير ..

مندي دجاج .. بالنسبة للسوائل اسبوعين بعد العملية وبعدين اسبوعين مهروس .. طبعا من اول اسبوع...

ALFLASIYEH :

ولكل البنات اللي انضمو للرابطه يا مرحبابكم وإن شاء الله نفيد ونستفيد من بعض ^_^ شاي كرك (مبروك تغيير الاسم) الله ايسرلج وتقومين بالسلامه.. واختنا روز ما قصرت بالأجوبه

ولكل البنات اللي انضمو للرابطه يا مرحبابكم وإن شاء الله نفيد ونستفيد من بعض ^_^ شاي كرك (مبروك...

lمتحمسة :

قلب المرمر مبروووووووك , إيش الحركات الحلوة هذي , شكلنا خلاص نبغى نغير الرابطة لإسم عيادة الحمل والولادة , وان شاء الله فال خير والعاقبة لبقية الأخوات الله يرزقهم الذرية الصالحة آمين يارب تصدقين أول ما قرأت عبارتك انا من اول بقول البنات مو مرحبين في هنا ولا احد بيدور علي قررت الانسحاب قلت وش جاها قلب المرمر , زعلت ؟؟؟ كنا متفقين نسوي دايت سوا وقالت قولوني تعبان , سألت عنها وعن تعبها وما ردت !!! وبعدين تزعل ؟؟؟ لكن أثاريها حركة خفة دم ومزح , صراحة ضحكت وخفت وكل المشاعر اختلطت وانا أقرا كلامك مناهل ما له الحلو ماله , مش زي عوايده ليه ؟؟؟ مشتاقين لأخبارك , ولا كبر راسك علينا بعد الكيلو فراشة دبدوبة حومت كبدك , سؤالي عن الهند برضه , أسمع ناس سووا عمليات زراعة أعضاء بالهند ,وكانوا يشتكون من قلة النظافة في المستشفيات ووحدة تقول إن الحرمة اللي تبرعت لأختها بعد العملية مسدوحة في ممر بالمستشفى ( قويه هذي ما تتصدق ) وولده الصغير جمبها قاعد يرضع منها , ما أدري ممكن تصير الاشياء هذي ؟؟؟ ياناس اللي قاعد يصير مو معقول أمشي يوميا نصف ساعة وأسوي تمارين بالاثقال للزنود والاكتاف , وأسوي تمارين للبطن بقدر بسيط يعني ستين مرة في اليوم قابله للزيادة بالايام القادمة باذن الله وبالنسبة للأكل والله مو مفجوعة وأكلي تحت نطاق السيطرة ,ومع هذا وزني متنح تتنيحة ما هيب صاحية على الواحد والثمانين من زماااااااااااااااااان قولوا لي اقتراحات تساعد على كسر هالثبات , لأني أحس لو أشوف السبعينات بآخذ طاقة اضافية أفيدوني أفادكم الله

قلب المرمر مبروووووووك , إيش الحركات الحلوة هذي , شكلنا خلاص نبغى نغير الرابطة لإسم عيادة الحمل...

ALFLASIYEH :

زبيريه يسلم قلبج يالغاليه.. وتحبج الجنه فديت روحج ^_^ عمليه الربط إذا كان الدكتور ممتاز فما عليج شر إن شا ءالله ومافي اوجاع الحمدلله بس بداية العمليه نفس اي عمليه تسوينها على خامس يوم تقومين تركضين >>> بالغتي :D انا انصح فيها كل وحده وزنها فوق ال 100 اما تحت ال 100 رجيم ورياضه ولا اتعبين نفسج ^_^ شماني الدماني مرحبا ختيه ما شاء الله عليج.. بس يا ختيه قالو اون يأثر على الركب وما فيه عالعلل يسدنيه اللي فيه >.< بتصدقين رحتله الشمري لكن معدتيه تعبت من الحبوب وياني التهاب ووقفته مع انيه كنت اتعناله من دبي يالين بوظبي اسبوعيا .. يقولج استويت ابن بطوطه بس تخصص مراكز رجيم ما خليت مركز في الدوله ما سرت عنده وردبنا الحال ترانا على العمليه وها آخر امل اليه :( عفت المعاير جان بالوزن ولا بالعرس ولا بالثياب والله يعطينه على قد نيتي الجهاز اللي عنديه ثابت ويطلعلج كل شي و 5 دقايق تهلكين فيهن لكن انا اسوي على دوبي عشان ما اضر عمريه وخلاف ببتدي اشد اكثر خلاص متى ما عزمتي تبتدين ببتدي فياج وبنسوي رباعه كل يوم برتبلنا جدول وبنلتزم به ان شا ء الله والبنات بعد كلهن يشاركن اقل وقت 5 دقايق ^_^ وتسلمين الغناه دسمه الدبه لا حبيتي كلنا في الهوا سوا :D المدام الكلبوظه عزيزتي اللي سمعته انه منقوع الحلبه هو المفيد أو شرب مياه جوز الهند الطازج (الأخضر) مفيييييييد جدا لحصى المراراه.. والله ينعم على الجميع بالصحه والعافيه ^_^ فراشه دبدوبه صدقيتي الصدوقه :D زين والله يوم انج معايه.. خلاص عيل نسمر مع بعض وننزل .. ولازم تسيرين تضوقين لاني سبقتج بهالشي ^_^ ولا تشربين المشروبات الغازيه عن نفسي الحمدلله من قبل العمليه باسبوع قطعت هالمشروبات وقمت اشرب عصاير بس.. ياختي على الأقل يوم تعبنا هالتعب خلنا نستمر صح ولا شو رايج :26: اخوي يعرف انجليزي مثل ما قالت اختي ام عتريسه يعتمد على الطول والكتل بس انتي جربتي تسوين رجيم من قبل يعني حاولتي تنزلين الوزن؟ قلب مرمر الله يسهلج عليج وتقومين بالسلامه يارب ^_^ متحمسه انا سمعت انه الاثقال تزيد العضلات ودايما العضلات تزيد الوزن بس طبعا تشكل الجسم حاولي تلعبين رياضه تحرقين فيها اكثر .. اذا تاكلين مأكولات فيها طاقه حاولي تقللين منها او تخلينها مره في الاسبوع وطبعا الحلا تبتعدين عنه ^_^ غيري نظام اكلج يعني اذا كنتي مخففه ردي على الاكل العادي ليومين بس وبعدين كملي على نظامج لانه الظاهر انه جسمج تعود ومش متقبل والله ايسر عليج يارب وتضعفين وتدخلين عالم السبعين ^_^

زبيريه يسلم قلبج يالغاليه.. وتحبج الجنه فديت روحج ^_^ عمليه الربط إذا كان الدكتور ممتاز...