hope&dreams :

ايه الحمد الله على كل حال , وان شاء الله يستمر النزوول ,انتي عارفة عاد الجسم ولما يتنح ويثبت الله يستر :( الله يسلمك يارب ويسخر لك زوجك ,زين ماشاء الله مرتاحة على النظام الغذائي اللي انتي ماشية عليه ,استمري وان شاء الله بتشوفي نتيجة وياك حبيبتي مونساف ,آمين:)

ايه الحمد الله على كل حال , وان شاء الله يستمر النزوول ,انتي عارفة عاد الجسم ولما يتنح ويثبت الله...

hope&dreams :

لا حبيبتي اول اسبوع بعد العملية كنت ماشية على السوائل الشفافة (ماء,عصيرات,مرقة دجاج او مرقة لحم) الاسبوع الثاني بديت بالسوائل الكثيفة مثل الحليب واللبن والزبادي (روب خالي الدسم) والجلي خالي السكر والمهلبية والشوربات (الكويكر ممتاز عشان الالياف اللي فيه و شوربة العدس وشوربة الشعيرية ) الاسبوع الثالث بديت بالمهروس مثل السليق (معمول بالحليب الخالي الدسم ) والجريش والهريس والبطاطس المهروسة و بابا غنوج وكل ذي الاكلات اعملها من غير دهن وبكميات قليلة جدا وطبعا مع السوائل (في هالاسبوع بديت اعاني من الجفاف ,كمية السوائل اللي كنت اخذها ماكانت كافية:( والحين خف بس ماراح ) من الاسبوع الرابع بديت اكل خضار مقطعة صغيرة على البخار , لحم مفروم, دجاج مفروم ورز مطبوخ زين وباقي الاكلات الخفيفة كورن فليكس مع حليب او شابورة مع حليب,بيض مسلوق او بالقلاية محروك مع رشة زيت,جبنة قليلة الدسم ,لبنة قليلة الدسم مع توست اسمر ,بس اهم شي في الموضوع مضغ الاكل زين زين لحد ماينزل الاكل شبه سائل للمعدة ومن الاسبوع الخامس وبعد اول تضويق بديت اكل الاكل العادي بكميات قليلة ويكون مطبوخ زين والمضغ يكون زين الى الآن مايضايقني الاكل لأني مااكثر احط لي في صحن صغيييير واجلس اكل فيه من نص ساعة الى ساعة الا ربع ,بس يقولي الدكتور بعد ثاني تضويق بيبدأ الأكل يضايقني ومو كل شي اقدر اكله مبتعدة تماما عن الكافيين (تركت القهوة العربية اللي كنت مدمنة عليها مع الحلى :( ) والدهون و السكريات والمقليات والمعجنات والشوكولاته والشيبس (عشقي وسبب سمنتي :p ) طبعا هذا كله متبعة تعليمات دكتوري العزيز :) السر عندي مثل غرنجية احب اكل الرز مع الزبادي يم يمي :p او المكرونة مع الزبادي او حتى الخضار المطبوخة على البخار ,طعمها لذيذ و خفيفة والزبادي يلين الأكل غير انه مفيد طبعا طبعا الى الآن الخيارات كثيرة بس اكيد مع الوقت والتضييق بتقل ,بس مو مشكلة في سبيل الوصول الى الهدف :7_5_131: وطبعا من بداية الشهر الثاني بديت المشي الرياضي في النادي عشان نمنع الترهل مع نزول الوزن ان شاء الله اكون وفيت ,واي سؤال انا حاضرة :27:

لا حبيبتي اول اسبوع بعد العملية كنت ماشية على السوائل الشفافة (ماء,عصيرات,مرقة دجاج او مرقة...

miss viva :

السلام عليكم... اختكم مس فيفا من الرابطة السابقة بياناتي كالتالي: آلآسم : مس فيفا الامورة نۈع آلعمليْة : ربط معدة تآريْخ آلعمليْة : 30/7/2008>>>بعد اسبوعين من الان يصير لي سنة كاملة على العملية :icon28: آلحـَـَآله آلآجتمآعيْـ?َ: متزوجة من 3 سنوات لا اطفال لدي (رب لا تذرني فردا و انت خير الوارثين) احد اسباب اجراءي للعملية هو الحمل باذن الله آلطۈل : 165 العمـر :29 آلۈزن: تابعوا شريط الوزن خاصتي في توقيعي... حاليا اتوقع 89 مبروك البيت الجديد... اقصد الرابطة الجديدة... متابعة و لكن بصمت

السلام عليكم... اختكم مس فيفا من الرابطة السابقة بياناتي كالتالي: آلآسم : مس فيفا...

غرنجيه :

,, بــوضح كل شيء هني ان شاء الله ,, بس الله يسلمكمـ كل اللي يقرااا كلامي وكل سطر بكتبـه الحين لا ينسى كلمــه ماشاء الله تبارك الرحمن ,,, ,, أعتقد لما تكوني أجنبيـه وتسوين العمليـه بيتحتمـ عليج تدفعين بعض الرسووم أو النصف تقريباااا بس لأني مواطـنـه وعندي البطاقة الذهبيـه هذا بيكون على الضمان الثقة 100% ,,, بس بالنسبــه لــج بيكوون شيء بسيط تدفعينـه أو النصف والله ما أعرف لأني شفت بعض الوافدين يستعملون بطاقه الضمان البيضااء لما كنت أرااجـــع ,,, المستشفيات الخاصـــه نحن بعد فيها ضمان صحي ومستشفى النور مستشفى خـاص لكنـه متمـــرس والدكتور عبد السلام تقدرين تسألين عنه وماشاء الله حتى يسافر كل أسبوع لندن لأن في عمليات يجريها هناك ولو بتقرين قصتي يا أختي في يوم العمليـه أو أول ما فكرت فيهـــآآآ بتعرفين أن الدور بسرعه يجي ,, لأن كان متوقع عمليتي بعد شهر أو أكثر لكن تفاجأت أنه بعد التحاليل والفحوصات بــ4 أيام قالوالي بكرة العملية ,,, :) يعني ماشاء الله ما يراكمون المرضى فوق بعض ومستشفى النور في العاصمة أبوظبي ,,, وتبعد عن العين - 45 دقيقة تقريبا - بالسيااارة ودوامهم يكون من السبت حتى الخميس من الساعه 9 الصبح الى 5 العصر يعني في اجازتك من العمل تقدرن تروحين وتراجعين وفي نفس الوقت تتعرفين على العاصمــه أنا يا حبيبتي أروح كل أسبوعين يوم السبت أضوق وأوزن للعلم بيتنا عن المستشفى يبعد ساعه ونص تقريبا لأن منطقتنا ما فيهــآآآ فرع للتضويق والعمليات بس حلو لأني أروح أشتري أغراضي من العاصمة اذا على الحساب الخاص ممكن تكلف 19 ألف هذا اللي أتذكره لكن حاليا ما عندي فكرة عن سعرها اذا تبدل ولا لا ,,, وحتى لو على حسابج خبرتج شغلهم سريع ومتقن بس أعتقد الضمان له دور ,, أعتقد ممكن تجيبي خادمــه من الامارات أحســـن وبتكون تأشيرتها أسهل وأسررع من لو خذتيها معاااج ,,, وأكثر الخادمات الفليبينيات والأندونيسيات والبنغال والأثيوبيات والأرتيريات ,, بالنسبــه للســـؤال الأخيـــــر ,, الله يسلمج أنا من مواليد فبراير سنة 89 يعني أعتبر من مواليد 88 وتخرجت من الثانوية وانا عمري 17 بمعدل 97% ودخلت الكليــه دبلوم عالي وكنت 18 في السمستـــر الأول لاحظوا ان درجاتي مرتفعه واني أفتهم كل اللي حولي قرروا يسوولي امتحاان اختبار قدرة ومعلومات وجبت فيه 94.7 فقالوا ان نحنا نحط الطالب في المكان اللي يستحقه يعني درست سمستـر دبلوم عالي والسمستر الثاني كان بكالوريوس ,, (للسنة الأولي) والسنة الثانيــه اللي درست فيها جبت درجات والنسبـه وصلت 96 وقرروا يحطوني ماجستير مده 3 سمسترااات أو أكثــــر (وأنا أعتبر حالـه نادرة فالكليـه) وتلخبطوااا لأن كان صعب طالب مثلي يجيب هالدرجات وحولوني للماجستير والحين ألحمدلله قدرات عقلي متناسبة مع الماجستير والبكالوريوس بس بعد سوولي ترقية :) وما أريد أآآخذ آكثر من الماجستير ’’ وانا أستهوى الدراســه من صغري ,,, وخاصـه الانجليزي ,, أحبه واااايـــد ,, ! وان شاء الله أكون كفيت ووفيت ,,, ولو عندج أي آسئلــه خبرينــآ ونحن تحت أمرررج ,,,, !

,, بــوضح كل شيء هني ان شاء الله ,, بس الله يسلمكمـ كل اللي يقرااا كلامي وكل سطر بكتبـه الحين لا...

hope&dreams :

هلا خواتي النبرة الحزينة , منبع الهموم ,جمانه ,غلا الدوحة ان شاء الله انكم بخير وعافية اعذروني لأني ماعرفكم زين ,مدري مين اللي سوت عملية واللي ما سوت :27: بس ان شاء الله تكون اموركم تمام

هلا خواتي النبرة الحزينة , منبع الهموم ,جمانه ,غلا الدوحة ان شاء الله انكم بخير وعافية...