قريت وحدة هنا بالمنتدى استفادت من مغلي الحبة السوداء
والله يشافيك وتلقين ردها بموضوع الحبة السوداء بتوقيعي

انا بعد نفس المعاناه

مره صديقتي قالت انك فيكي غازات ؟؟؟؟

انحرجت يابنات

والله نفس حالتي بالضبط

عزيزتي مثل ما قاول لج البنات السبب الاساسي اهوا القولون العصبي...

و أنا كنت أعاني مثل ما عانيتي و حياتي الاجتماعية تأثرت بهالشي..و حتى المحاضرات ما صرت اركز فيها .

بس العلاج الاساسي يبدأ من الغذاء..مهما عطاج الطبيب أدوية للقولون ما بتستفيدين اذا ما نظمت أكلج و انتبهتي للمواد اللي تاكلينها ..
و من تجربتي بقول لج كيف تتصرفين خاصة اني بالجامعه مثلج..
أولا علاج القولون يبدأ فيج..تجنبي التوتر و القلق و التفكير ..و العصبية الزايدة ..
ثانيا الطعام أهم شي..لابد من التنظيم ..احنا غالبا بالجامعه ..نحب ناكل على كل وقت ..كلما كان عندنا بريك سرنا الكافيتريا ناكل ..و هذا غلط.. و الافطار لابد منه ..ضروري جدا.. و الاصوات تطلع اولا بسبب نوعية الاكل و ثانيا لان المعدة ما تاخذ كفايتها من الاكل..يعني انتي تفطرين قطعتين توست!!.. طبعا ما يكفون ابد.. عشان جي نشي من رقادج مبجر..و افطري بهدوء.. وجبة افطار كاملة عشان ما تجوعين..لانج اذا قللتي الكمية المعده بتظل محتاجة للاكل..و انتي بتجوعين و بتسيرين تاكلين شبس و حلويات..و عقب ساعه بتجوعين مرة ثانية و بتشربين عصير و بسكوته و عقب ساعه بتجوعين ووووو..عاد لين متى ..و هذا سبب اساسي لكل مشاكل المعدة و القولون و يسبب عسر هضم و يتعب المعده جدا..و عقب فترة بستوي عندج حرقة بالمعده نفس العجايز... عاد انتي بنت العشرين و لا السبعين؟؟ خخخخخخخخخخخخخخخخ
..باختصار مثل ما قلت لج.. تاكلين وجبة افطار كاملة ..و ما بتجوعين إلاّ بعد ساعتين و نص تقريبا ..خذي لج سندويشتين توست و عصير طازج ..و لا زم تكون الكمية كافية و اذا تميتي يوعاانة ما عليه اطلبي بعد.. و بعد بساعتين و نص بيكون الغدا تغدي عدل..و على فكرة لا تاكلين بين الوجبات ..خلي أكلج منظم...و العلكة انسيها لانها سبب ابتلاع كمية كبيرة من الهواء..تخلي هالاصوات تطلع من بطنج...امممممممم واشو بعد؟؟!!.. هيه لا تشربين أي شي على معده فاضية ..ترا تستوي تسونامي ببطنج..و عاد يالله سكتيها ..:hahaha: ههااااااااااااي

و بعد انسي المشروبات الغازية..ترا اولا مضرة بغشاء المعده و تسبب الحرقة ..و ثانيا ..فيها نسبة من المبيدات الحشرية و السموم مثل ما انتي قارية هالايام..بالاضافه الى ان مالها اي فائده صحية و انا تركت هالاشيا من 3 سنوات و الحمدلله صحتي ردت لي..
و كثري من السلطة..يعني مع كل وجبة كلي صحن السلطة كله..ترا و الله شي مفيد و ما تصدقين مفعولة خلال يومين على الامعاء و الهضم.. بالاضافه الى التقليل من البقوليات ..

امممم..و بعد نصيحة ثانية ,, دايما لا تقعدين وسط المجموعه خليج على الطرف.. عشان ما تستوي فضيحتج كبيره:hahaha:

و طبقي اللي البنات قالوه عن المشروبات هذه..انا ما جربتها ..لكن اسأل مجرب و لا تسأل خبير..
و الله يوفقج..و انا متأكده مليون بالمية بتقولين وداعا للحرب اللي ببطنج.. :22:

كانت تطلع مني وكنت افتشل حيل لين جاء اليوم اللي وقفت معلمه تصحح دفتري ايام الدراسه وكان لبطنها صوت ولا نحرجت ولا شي وتعلمت من الموقف اني ما اكون حساسه وسطحيه بل الدراسه هدف سامي مايعيقه امور تافهه

اتمنى لك التوفيق

هلا اختي ....انا مثلك تمام وكانك جالسه تتكلمي عن اللي يصير لي

اول كنت اتفشل منها وخصوصا بالاختبارات ...ومااكذب اثر على مستواي كثير

وكنت افكر اترك الدراسه...راجعت كذا مستشفى واعطوني من الادويه الكثير

لانه طلع عندي قولون عصبي مثل ماقالو البنات

ومافادني الا تنظيم اكلي وابتعادي عن المشروبات الغازيه _شرب الماءبكثره

عشان تسهل عملية الاخراج لاني اعاني من الامساك

شرب النعناع سرت مااستغني عنه..غيركذا استخدمي الادويه اللي صرفتها لك الدكتوره

واهتمي بدراستك لانها مستقبلك

واي سؤال انا موجوده:)